[manedl]

بسم الله الرحمن الرحيم , ياأخوان وياخوات , اسمعوا هالسالفه وابي رايكم فيها, اليوم الصباح قابلت رجل خمسيني يعمل حارس بأحد مدارس البنات الإبتدائيه ومعه زوجته ,جلست عنده وأخذت فنجال , المهم لاحظت عليه الحزن !!!! سألته وشفيك ياعم عسى ماشر ؟ اخذ تنهيده قويه وقال تعينت بهالمدرسه من شهر شوال عام 1430هـ أنا وزوجتي على بند الأجر اليومي وحتى هذا اليوم لم أستلم ريالا واحدا!!!! سبعة أشهر لم يستلم رواتبه !!!! كيف يعيش هذا المسكين وأمثاله بهذا الوقت وحمى ارتفاع الأسعار؟!!! ومازاد الطين بله انه قبل الوظيفه كان يمشي له راتب من الضمان الإجتماعي وقطعوه بحجة أنه توظف !! أسألكم بالله ماهو حرام اللي قاعد يصير ومن المسئول عن هذه المهزله ؟ أين مدير الشئون الإداريه والماليه بتعليم البنات عن هذا الرجل ؟ اين موظفي الرواتب بتعليم البنات ؟ حسبنا الله ونعم الوكيل على من كان السبب , طرحت هالموضوع لعل وعسى ان أجد بينكم من يستطيع حل هذه المشكله وله الأجر العظيم من الله , وانا متأكد انه ماهو وحده بل كثير ممن يعمل بهذا النظاميمر بنفس المشكله ودمتم بخير

[California]

لاحول ولاقوة الا بالله


حسبي الله على من سبب في قطع وتأخر رواتب المسلمينٌ
وأللهمٌ أقطع رقبتهُ عأجل غير أجل

[البرنس455]

والله حـــرام ياناس مــن يـنــصــف هــؤلاء !!

[أبو غــلا]

ديوان المظالم مفتوح !!

[سو سو A-S]

قسم بالله انه حرام
وش ذنب هالمسيكين
الله يقطع رقبت الي يقطعون هالرواتب
حسبي الله ونعم الوكيل

[فتى المدينه]

يارجل بالمدينه كانو هالحراس يستلمون راتب معين ماادري كم بالضبط وبعد فتره تكونت لجنه وجو للمدينه واكتشفو ان رواتبهم ناقصه وقالو كيف ناقصه وحنا نصرف هالمبلغ؟؟اضن كان 2500 ؟؟

فبحثو وحصلو المسوولين ياكلون اكثر من نص راتبهم واخذوها منهم بالقوه وامرو بارجاعها لهم والحين مبسوطين ماعندهم مشاكل ...

[في داخلي قلب طفلة]

لاحول ولاقوة الا بالله


حسبي الله على من سبب في قطع وتأخر رواتب المسلمينٌ

[ابوولعf]

ليش ميطالب عن حقوقه

[%بدريه والذئب%]

لاحول ولا قوه الابالله
مب لحاله على هاسالفه يا كثرهم بس ما نقول الا حسبي الله ونعم الوكيل على من كان السبب

[manedl]

اقتباس المشاركة الأساسية كتبها ابوولعf ليش ميطالب عن حقوقه

يابعد راسي بذمتك رجال بهالعمر وحارس مدرسه على قد حاله وين يشتكي ومين يشتكي والله ان يروح بخبر كان , ومن يضمن انه بعد ماياخذ رواتبه مايقولون له اقضب الباب !!! خلها ع ربك

[manedl]

اقتباس المشاركة الأساسية كتبها فتى المدينه يارجل بالمدينه كانو هالحراس يستلمون راتب معين ماادري كم بالضبط وبعد فتره تكونت لجنه وجو للمدينه واكتشفو ان رواتبهم ناقصه وقالو كيف ناقصه وحنا نصرف هالمبلغ؟؟اضن كان 2500 ؟؟ فبحثو وحصلو المسوولين ياكلون اكثر من نص راتبهم واخذوها منهم بالقوه وامرو بارجاعها لهم والحين مبسوطين ماعندهم مشاكل ...

قاتل الله الطمع !!! ول عليهم مايشبعون يردون انفسهم لرواتب هالمساكين

[manedl]

اقتباس المشاركة الأساسية كتبها سو سو a-s قسم بالله انه حرام وش ذنب هالمسيكين الله يقطع رقبت الي يقطعون هالرواتب حسبي الله ونعم الوكيل

اقسم برب البيت لو تشوف حالته ان تبكي لها , الله لايوفقهم

[manedl]

اقتباس المشاركة الأساسية كتبها أبو غــلا ديوان المظالم مفتوح !!

احترم رايك لكن ديوان المظالم يبي حلوق ولسان يفت الحصاء فديت عمرك يابو غلا

[ابوولعf]

الله ينصره ان شاء الله ميضيع شي عند الله