[ملف علاقي]

يااخوان البارح كنا معزومين علي زواج ابن احد الأقارب في قصر الأفراح المهم يوم قلطنا علي العشا قلط علي الطاوله الي جنبنا واحد ولد شباب بين من شكله انه مو من المعازيم وشكل مظهره من احد القري القريبه المهم الرجال بدا ياكل تحس من اكله انه له يومين ماذاق شي ويجي واحد معنا علي الطاوله ويمتحنه بتجديع الكلام مثل ( هذا ماشاف العيشه ’ هذا شكله من الي يدورون علي العروس ) والمشكله انه رجال كبير وعليه الشرهه وعند نفسه انه قاعد ينكت وانا اطالع الولد يوم انه استحا ونزل راسه ونزل شماغه وطلع وشكله ماغسل الصراحه كسر خاطري !! بعدين وش استفاد هاالشخص من هاالكلام وكذلك الخير واجد والله بعض المفاطيح ماعليها احد مردها للزباله . يااخوان الواحد يدور المحتاج يتصدق عليه مويمنعه عن شي مو من حلاله حسبناالله ونعم الوكيل ..

[غريب امره]

سد الله نفسه وكسر خاطره كما كسر خاطر هذا المسكين

اقسم انني تألمت واحسست بضيق شديد

حسب الله على كل من يحاول الاساءه للاخرين دون ذنب منهم

[{*القنـ ميموــاصه*}]

يحووول والله حرام عليه..

طيب وش يبي بالرجل ....خله بكيفه ياكل ومتى ماشبع يروح وليه هو على راسه ...((أستغفر الله))

صراحه بعض الناس فعايلهم مثل وجيههم<<تجيب الهم

[المدلهم]

اللحين هاللي مايستحي ليش يحرج هالمسكين

مايخاف من الله يبلاه بالفقر والحاجة .

[ملف علاقي]

اقتباس المشاركة الأساسية كتبها غريب امره سد الله نفسه وكسر خاطره كما كسر خاطر هذا المسكين اقسم انني تألمت واحسست بضيق شديد حسب الله على كل من يحاول الاساءه للاخرين دون ذنب منهم

والله انك صادق والله اني طلعت ورحت السياره وجلست شوي افكر بتصرف هاألأنسان قليل ألأدب ولم اجد سبب مقنع لتصرفه شوف العما ل يدخلون المناسبات ياكلون ويمشون ماحد يتكلم عليهم إلا هذا علشانه اسعودي والله اني بغيت ارجع واهزئه عند الحاضرين بس الي معي قال اتركه لا تبتلش به

[راقيه باخلاقي]

ماوضع العشاء الا ليؤكل
تصرف قليل أدب كان خلى هالمسيكين يتهنأ بعيشته وينبسط
بعض الناس يبلش بغيره وينسى نفسه الله لايبلانا

[مهندس دايخ]

اخوي ملف اسمحلي اقولك انك انت مشارك في هذا الذنب لأنك تشوف اللي ما يخاف الله يتكلم على الضعيف ومسكت اقل شي انصحه الله يهديك بس

[ملف علاقي]

اقتباس المشاركة الأساسية كتبها مهندس دايخ اخوي ملف اسمحلي اقولك انك انت مشارك في هذا الذنب لأنك تشوف اللي ما يخاف الله يتكلم على الضعيف ومسكت اقل شي انصحه الله يهديك بس

والله يااخ مهنس اولا الولد علي طول قام وطلع ثانيا ماتعودت اشوف ناس بهاالشكل ومن القهر قمت وانا اطالعه بإحتقار وكل الي معنا علي الطاوله بما فيهم اخوياه تكلمو عليه وهو حس باالخطا بس بدا يكابر ويقول وشوله الواحد يجي لناس مايعرفهم

[على طريق الأمل]

حرآم عليه
لكن الدنيا دواره
يوم من الأيام راح يصير بمكانه

[نـــــــــــــــواف]

انا بسأل الأعضاء
من تخاطبون ! تخاطبون انسان مادرى عنكم !
وبعض الأعضاء يبحث على شي علشان ينزل موضوع فية ! وبعدين ماتجي بالعقل انسان يأكل ويجي احد يهزئة !

[فجــــر]

ترى فيه ناس كبارين بااعمارهم وعقولهم لك عليه شوي والعكس،،،
كان مسكته على جنب وفهمته!!! الاشكال هذي يبيله دروس خصوصيه بالاخلاق
حرام يترك كذا على عماه ..

ــــــــــــــــــــــــــــــــــــــ

[ملف علاقي]

اقتباس المشاركة الأساسية كتبها نـــــــــــــــواف انا بسأل الأعضاء من تخاطبون ! تخاطبون انسان مادرى عنكم ! وبعض الأعضاء يبحث على شي علشان ينزل موضوع فية ! وبعدين ماتجي بالعقل انسان يأكل ويجي احد يهزئة !

اسمع يااخ نواف ممكن كلامك صح جميع الأطراف مايسمعون كلا منا لا كن حنا نناقش بعض العادات القبيحه حتي لا يقع فيها بعض الغافلين وبعدين ممكن تتعرض لموقف محرج مشابه من شخص غير مهذب وتحسن التصرف شاكر مرورك

[ياحبيلتس يانا]

نفسوه رديه هالرجل ولابوه خير لاهوب مالك ولاحلالك وش عليه منوه وشكله مثل ماقلت انت اياقلوه فاكهة المجلس ومالقى الا هالضعيف بس ليتك جادعن عليه كلمتين قبل تقوم عالشان يعرف يضحك بالخلق نوبتن ثانيه يااااربي ان كانوه محتاج هالشاب وحادتوه الدنيا انك ياربي تفتح لوه ابواب رزقك وتغنيه وتعفوه

[اوركيد]

لاحول ولاقوه الا بالله

الى متى؟؟؟!!