[الـدعساوي]

بسم الله الرحمن الرحيم ~
السلآم عليكم ورحمة الله وبركآته <== به احد يسلم ويقول هآآي
يآخي مشكلة بعض الأيام تحمس تكتب موضوع وتصير عندك فكرة , بس لاتجيت تكتب ماتلقى هرج , مآدري وين يروح له , ولاسقت الموتر ولاصليت قصدي تسننت جآآك الهرج , مشكلة التحمس الغير وآقعي
وبعض الموآضيع والاشغال ماتطلع الا بالاختبآرات وهذه احدى النتآئج , يآخي يصير مخك نظيف مب زبآدي مثل مخ بعض ناس ( فيس يناظر شلقة )

ندخل بالموضوع

طبعا كل مجتمع له ثقافة معينة بالالعاب , وخاصة العاب زمان , العاب له نكهة خاصة , بعض الناس يلعب لعبه مآدري وش تبي بالظبط , شكل اللي مولفه شآيفه بالحلم , من قوة انه هآجتن به , وبعض الالعاب تفتح النفس مثل العابنا زمآآن <-- ايه وش وصلنا له حنا
طبعا الالعاب تختلف من وقت الى آخر , مثلا به ألعاب ماتطلع الا بالاختبآرات , وبه العاب ماتلعبه الا بالليل ( أحسنوا الظن بآرك الله فيكم ) , والعاب الى هالحين مآدري وشوله نلعبه , قسم اني لاتذكرته قعدت اضحك على روحي , معقولة يوم أنا صغير غبي , أذكر أهلي يقولون انك نآبغة وانك افضل اخوآنك <== ان تسآنه مب العكس هو الصح

طبعا بمآ أننا بالخبوب , ومآوصلت التقنية لنا الا تآالي يعني منول حنى من الأخوآن مانعرف لا كمبيوتر العآئلة ولاغيره , خبركم مطآوعة من يوم مآتفطمنى أمهآتنا

الله على زمآن أول قبل 20 سنة يوم النآس نآس , يوم حنا نطلع ونحش وحنا البنآت عمرهن 20 واللي عمره خمس طعش ولانلتفت عليه ولانآظره ولاشكلت شيء عندنا , القلوب بيض
الله المستعآن
<== هرج شيبآننا ومآندري وش الصدز منول

ألا ليت الشباب يعود يوما *** فأخيره بما فعل المشيب

نبذة تعريفة عن ثقآفة العآبنا قديما يوم انا كبر ولدحمد بالظبط أو دونه شوي <== مآدري هالجملة ركبت صح ولا

1- ~ لعبة سلمى يآسلمى طآحت بالمآء قآلت رجله <-- وافهم يآفهيم وش وش
والعقآرب تخترش رش رش رش ~
قسم بالله يآعيال ان هذي اغبى لعبة مرت علي , تجيب اصبعين من الابهام والوسطى , وتقتحهن , ويقوم اللاعب المقآبل بنفس الطريقة , وبعده تحط رآس اصآبعك برآس اصآبعه , ويجي وآحد ويقول هالجملة ( سلمى يآسلمى طآحت بالمآء قآلت رجله وش وش والعقآرب تخترش رش رش رش ) واللي تآقف عليه رش الاخيرة يآمر من الثآني اللي هو يبي , والله يآهي تحوم التسبد بس بعد , المشكلة قبل مآنلعبه ندري من هو اللي يبي يفوز , بس البرآءة , وبعض الأيام تجي غصب عليك تلعبه خآصة لاصرت ضعيَف , مثلي الله يرحم حآلي

2- ~ سبع الحجر ~
هذي أحسن لعبة نلعبه , ولا تجي هاللعبة الا بالاختبآرات النهآئية , وطريقته معروفة , اذكر نلعب هاللعبة السآعة 9 الصبح ولا نقضي منه الا بعد صلاة الظهر , والسبب وآحد من العيآالين متغبي ولاطآع يطلع , ولابعضهم يلعب معنا , ولاضيعنآوه نلقآوه رآيحين ينآآم وسحي على أم اللعبة , هاللعبة مانطلع منه الا لابد مأسأة , يعني رجل اصبع منقطع , وآحد مفلوق بالنبقة , بعضهم والله يآهو نغل لابغى يحلت تقل حآلتن على يهودي , من قوة الضربة , بعضهم يآخذ حصآة علشآن يموه تسن معه البنقة , عآد من زود الحمآس لامر وآحد يبي يصلح القوآطي , جآس وحلته بوجهه , وآخرته تنهي مآدريت

3 ~ حدآرجى بدآرجى يآحبيبت اللولو كم بقى على عيد رمضآن بقى سبعة أيام من تمآم حآديها وبآديها وظرب القوس يعديها , تبي قنية ولا مخيريز <== يعني قبصة
هذي معروفة تفرش اصآبعك بالارض ويبدأ وآحد يمشي عليهم كلهم بهالهرج , واللي يآقف عنده يقوله تبي قعة ولا قبصة , عآد انت تحدد , ثمن عآد يصكتك يقولك حبة وغبة لايجيه البلدي يشيله , وحنا على الشيلة طول اللعبة نحطه ورى الظهر خآيفين يآخذه البلدي
هاللعبة به نغآلة شوي , عآدي تطلع بك صعرور , ولا يديك كل اليوم تحكه من قوة القبصة , والله يآبعضهم مآيرحم , طبعا هاللعبة غير محببة لي من كثر مآقنعت

4- وآحد طش
هاللعبة مانلعبة الابالليل قبل النوم , وخآصة لاصآرت عندكم عزيمة , والبنآت وآجد , تلعب انت ويآهن , ولا أحد يقولك شيء , لااختلاط ولاغيره , بس هذاك منول يوم القلوب بيض <== والله من الخبث بعد , بس قسم اننا صغيرين منول يعني برآآءة ولاتعرف شيء , بس نلعب ولا قضينا تعشينا ورحنا ننآم <== والله يآبعضهم بدى يفكر تفكير عميق ( فيس ينآظر وميض ) , إلا هالحين ورآه مآيدمجون الصغيرين مع بعض بالمدآرس , همآهم لاطلعوا ولا لاصآرت عزيمة بدو يلعبون جميع , وبالعكس تطلع اللعبة احسن شيء , وش المشكلة يعني
<== (هالحين يجيك أبوريآن يمشي ألف يبي يرد )
المهم هاللعبة هذي تبطي مآتنتهي , والسبب , وآحد متغي ونشب , ولا وآحد سآحبن على اللعبة يوم جو أهله مشى وسحب عليه , ولا تسن به مخلوق يدروهم .

طبعا الالعاب وآجد لايسع المقآم لذكرهن <== توي مآرن على الساحة وجبت هالتسلمة معي , وكل مجتمع له ثقآفته , يعني مثل مآقلت أولا حنا يالأخوآن مآنعرف شيء اسمه كمبيوتر ولا حآجة , حتى الشآشة منول لاسمعنى به أحد حآط شآشة كمبيوتر , قآطعنآوه لين يهديه الله و هالحين البيت اللي مابه تلفزيون , صآروا متخلفين , الله المستعآن بس

برآيفت لابوسآقي ( الله المستعآن بس , منول نسمع بشيء اسمه توقيف , وهالحين الصآلح والطآلح بدى يوقف , صآرت الأمور قوترة والوضع دردبيس , يوقفك ويقول حق الضحتس , وآخرته نصير مضحآكة لخلق الله , إيه يالدنيا , أثرنا بنعمة منول )

معليش يآعيآال قسم ان الموضوع جآي على وجه , يعني مآنويت اكتب شيء بس قلت خلن افضفض عقب هالاختبآر الزين , لا احد يشره علينا

لكم يالكشآبير

[عبدالرحمن الشايع]

,


مآ آظن فيه غير سبع الحجر .. والله يآآآآهي لعبه !

ليتك دآيم تهلوس يآبعدي ..

تميز ..

[GIVENCHY]

سلمى طاحت بالماء <--- أسم أبوشباصة يالوشسمه هههههههههههههههههههههههههههههههههههههههههههههههههه هههههههههههههههههههههههههههههه

انا برجوك لاترجع تجدد ماضي احزاني ذذ

[CREATIVE]

وه بس ، يابو دعس
اوما حدارجا بدارجا { ياهي عالجرح ..
تصـدق عاد منول ودي اشوف خشيشة وميـض ، هالحين هونت ودي اشوف خشيشك انت
عقب هالهمق ذا كله ، حسيت ان خشــك مغمورة بـ/ برائة الطفوله ،
بس انتبه لا تتحمس واجد بالقرق / ترا منتشر هالايام ( a1 m1 ) << المصدر وميض
الله يكافينا وياك ،
منطلــدز يابعدي

يقولون انك مالك خلق باللي يهرج بالوسواس

[أبو رزان]

هلا ببو دَعَسَآن
ألحين هذا وشسمه لامنك هذريت تقول تسذا
الله لنا أنتم تذكرون يالشيبان وحنا مازلنا بين جنبات الطفول ولعبة سبع الحجر وحرامي السيارات

خذ للمنتهين

[wméédh]

هههههههههههههههههههههه وراه ماتعقل يالشكش .. < على طاري الشكش ابسألك انت راعي نخامـ ..؟
جرّيت المراسيل لورا < مهب اسم لورا .. لورا يعني للخلف / وحنّينا للبنيات اللي لعبنا معهن ومنب قايل نمنا اخاف ماتصدقون بس انه من قوّة اننا خويا ! وصار بيننا عيش وملح .. زاد حنا المقاريد وشوله نصير كبارين ..

بس تعال في شي خطير هنا ويمكن تطير به ارقاب

اقتباس المشاركة الأساسية كتبها الـدعساوي 3- ~ حدآرجى بدآرجى يآحبيبت اللولو كم بقى على عيد رمضآن بقى سبعة أيام من تمآم حآديها وبآديها وظرب القوس يعديها , تبي قنية ولا مخيريز <== يعني قبصة

انت احلف لي بس انه قبصة ... اخس ياولد اللذينا يقول لنا انه صفقة .. يجيك ويلعبّنا همّن يبدا تحمير الخدود ياما طخّك يمين ياما يطخّك يسار .. حتّى مايرحم هالحيوآآن / هالأيام بعد ماكبرنا نسولف بالصغارين قال ياخي استانس على تصطير الصغارين !! ايييه اثره هذي لعبتووهـ وش ااسوي به ودي آخذ حقّي ان تسان معناه مهب صفقة او سطرة .. هذا تعدّى على حقوق الأطفال .. اغتصب براءتنا .. قتل عاطفتنا < مشكلة العاطفيين تهج بهم

اقتباس المشاركة الأساسية كتبها الـدعساوي لكم يالكشآبير

الكشبارة جابته امّك !

[~ [ جناح ] ~]

اللي عيّا يدخل ببالي ./: أن قلبك منّول أبيض ..!


و الله يالتوقيف فخم لصار يبي يجيب لك التثبيت ..

[الــمــفــتــرس]

Buraydah City
ܓܢܚܛܓܢܚܛܓܢܚܛܓܢܚܛܓܢܚܛ
ܓܢܚܛܓܢܚܛܓܢܚܛܓܢܚܛܓܢܚܛܓܢܚܛܓܢܚܛܓܢܚܛܓܢܚܛܓܢܚܛ



اااية يابو دعس رجعتنا لزمان أوول << ابو سبعين مشاء الله

الله يدوم عليك بالهوااجيس





ܓܢܚܛܓܢܚܛܓܢܚܛܓܢܚܛܓܢܚܛܓܢܚܛܓܢܚܛܓܢܚܛܓܢܚܛܓܢܚܛ
ܓܢܚܛܓܢܚܛܓܢܚܛܓܢܚܛܓܢܚܛ
Al moftares

[كآيدهمـ]

ابو دعس ارحمنا
دعست على قلوبنا وعقولنا
بذكرى ماضي الطفوله

وخاصه من كنت تلعب معهم

ليسو موجودون الان بالحياة

الك من كل تحية وحمراء

[الــمِــقــدآم]

مآآأعرف إلا حدآرجى بدآرجى و واحد طش

ولا تنس لعبة الدوور

إذا جن بنات عمي نلعبه

أنا الأبو وأزين بنت هي الأم والكشبآآرآآت وفي رواية كشآآبير نخليهن بنآآت الجيرآآن

والهرجة باللعبة قووهـ خل ننام <<< 24 سآآعة نووم



متشكر حبيب ألبي أبو دعسهـ

[أبو شهـــــد]

والله ياهي كسل اقراء


كخ كخ كخ كخ
<--- صوووت تلفيع ..

لي عودة أبو فيصل .. (l)

[خوي السرور]

يوم أنا صغير كنت أحب لعبتين .. لعبة الدكتور ولعبة الكنبة

[wméédh]

^

انا منوّل أحب لعبة الغنم

[[ لــمّــآح ]]

طيب والمليحق مع البنآآت وينه ..
وإلآ الذيب وما أدري وشي ..