شاب يروي قصة سرقة سيارته الهوندا ؟ صور

متابع بريدة · 06-08-2010, 02:44 AM

مشت سيارتي 25000 كلم دخلت سيارتي هوندا أكورد اللؤلؤية موديل 2009 للوكالة لصيانة الدورية زي العادة كل 5000 كلم لغيار الزيت وطلبت منهم زيادة تشييك على المكيف لأن تبريدة ضعيف ويوم دخلها للوكالة كان يوم السبت 12/6/2010
وقال لي مهندس الصيانة بكرة الساعة 4:30 العصر استلمها

وهذي صورها قبل السرقة بـ 3 شهور تقريبا :G]

ودق على من بكرة يوم الاحد الساعة 11:45 الظهر مهندس من الإستقبال في الصيانه قال: سيارتك سرقت من الوكالة ؟!
وما صدقت ولا همني كلامه وقفلت لاني توقعتة يمزح
وعاود الاتصال علي بي مرتين ولا صدقته واقفل
ودق علي الساعة 2:00 الظهر مدير من الادارة وأكد لي سرقة السيارة
وأنا في الطريق لهم ماني مستوعب إلي صار !!
معقوله تسرق سيارة من الوكالة ؟؟
ووصلت ولقيتهم محتاسين وشفت الخطاب الصادر من الوكالة لشرطة وعليه شرح عليه الضابط
لابد من حضور صاحب السيارة
وقال مدير الصيانة: إن الشرطة تبغاك إنت إلي تبلغ لأن السيارة بإسمك ..
وقال: ما تهتم ولا تشغل بالك ومارح تطلع من عندنا الا وانت مبسوط
واحنى بنستاجر لك سيارة لين ماتستلم سيارتك واحنى واحنى ومن هالكلام
بس ما همني كلامه .. لاني عارف إنه كذب
وكنت مستعجب كيف سرقت من بين كل هالموظفين !!
وسألته: كيف سرقت السيارة ؟؟
قال: إن السيارة كانت جاهزة لتسليم بس باقي التشييك النهائي
وأخذها المهندس بيطلع فيها يشيك عليها وكان فيه شخص سكران عند بوابة الخروج واقف
ويوم جات بتطلع السيارة جاء بيركب مع المهندس وحاول يركب
ويقول للمهنس إن هاذي سيارة ولد خالي وبركب معك عشان نشيك عليها سوى وأبعدة حارس الأمن إلي عند بوابة الخروج عن بالسيارة وطلع المهندس بالسيارة
وإهو راجع حاول يركب السيارة مرة ثانية مع المهندس عند بوابة الدخول ورفض المهندس
وأبعدة حارس الأمن مرة ثانية عند بوابة الدخول وخلوة ما طردوة خارج الوكالة !!
ودخل المهندس السيارة للورشة إلي ممنوع أحد يدخلها إلا الموظفين
مع إن بوابتها خربانة ومفتوحه على مصارعيها !!
ووقف المهندس السيارة ودخل للإستقبال يسلم أوراق السيارة
وخلى المفتاح على السيارة ودخل هالسكران في الورشة وأخذ السيارة وإنحاش فيها

وهذي صور بوابات الورشة :

شوفو كيف مشرعة وأي واحد يقدر يدخل مع العلم أن كل السيارة موجود داخل عليها مفاتيحها
وبعدها رحت لشرطة مع مندوب لهم
وقالي الضابط في التحقيق: من تتهم في سرقة السيارة ؟؟
قلت: أتهم الوكالة
وقال الضابط: وش مطالبك من الوكالة ؟؟
قلت: أبغى تعويض عن سيارتي المسروقة
وأبغى يستاجرون لي الوكالة سيارة لين ما تنتهي القضية
وبعدها جيت للوكالة وجات معي الشرطة لتصوير وسألو مدير الصيانة: وين الكميرات ؟؟
قال مدير الصيانة: مافية ...!!
قال الضابط: وليه البوابات ما تتقفل ؟؟
قال مدير الصيانة: خربانة ...!!
وسأل الضابط حارس الامن: ليه ما قاومت الي سرق السيارة ؟؟
قال حارس الأمن: البوابة لها شهرين خربانه ولحيت عليهم وماردو علي ...!!
وقالي مدير الصيانة: رح الأن إستاجر سيارة في حدود 150 ريال في اليوم بإسمك
وكل إسبوع أو عشرة أيام تجي وتجيب فاتورة ونعطيك حقها ..
قلت له: لا إستجروها بإسمكم
ورفض وقال: لازم تكون بيننا ثقة !!!!!!!!!!!!!!!!!
وإستأجرت سيارة بإسمي
ومن بكرة الأثنين الظهر الساعة وحدة الظهر دقو شرطة الملز
قالوا: لقينا السيارة وتعال إستلمها
رفضت أستلمها لأن السيارة ما سرقت مني سرقت من الوكالة
والوكالة إهي إلي تستلمها لأني أنتظرالتعويض ما أنتظر السيارة المسروقة
لأنها ما تلزمني بأي شي ورحت لشرطة الملز عشان أصورها

وهذي صور السيارة عند شرطة الملز

وبعدها قال لي مدير الصيانة بالوكالة:
إحنا نصلحها ونرجعها كما كانت
وقلت له: أنا ما عندي مشكله وبريحكم أكثر أعطوني السيارة زي ماهي وشوفو كم تكلف وأعطوني تكلفة إصلاحها وإتصل على مدير المنطقة الوسطى وقاله ووافق ...

وبعدها رحت الشرطه عشان آخذ أوراق إستلام السيارة
وأعطوني أوراق لتقديرات الحوادث مع أن السيارة مسروقة !!
ولاني مالك السيارة ما يستلمها الا مالك السيارة فقط
وما قصرو الوكالة أرسلو سطحتهم معي لحجزالسيارات بوادي لبن
ودخلت السيارة عند الوكالة ..

وقال مدير الصيانة: إحنى بنشوف كم تكلف ونرد عليك ..
ووعدوني بالرد علي بعد 3 أيام ولا ردو علي إلا بعد إسبوع مع اني يومياً عندهم ورحت لمدير الصيانة .. وقال : ان تكلفة اصلاح السيارة 65 ألف ريال وأنا بنصحك نصيحه أخوية ألان بنروح لمدير المنطقة الوسطى وإطلب سيارة جديدة (مع إني عارف إن هاذا إتفاق بينهم) ورحنا لمدير المنطقة الوسطى وقال: إن السيارة تكلفه إصلاحها 65000 ريال !!

وإهي الأن تعتبر تالفة وفي هذا الوضع بنعطيك سيارة جديدة موديل 2010 بنفس المواصفات ..

بس بشرط إنك تدفع الفرق 25000 ريال ورفضت عرضهم بسبب الفرق
وجلست معاه إسبوع وأنا أدوم عندهم يومياً أحاول فيه إنهم ينزلون من 25000 ريال
وبطلعة الروح نزلو الى 20000 ريال وحاولت تنزل اكثر بس رفض

وبعدها إستشرت قاضي قالي: وضعهم قانوني
ولو حولتها لشرع مارح تستفيد إلا إنك تضيع وقتك وبس
بعدها رضيت بالأمر الواقع ومثل ما تشوفون بالصور سيارتي لونها لؤلؤي !! حاول فيني مدير المنطقة الوسطى ومدير المبيعات إني ما أخذ اللؤلؤي ورفضت وأصريت على اللؤلؤي
لأن هذا اللون إهو الدارج والمرغوب في البيع لأن النفس طابت من هذه الماركة بسبب معاملته وكالتها السيئة لي والألوان الي عرضوها كلها قبيحة..

وبعدها قال لي مدير المنطقة الوسطى: إن هاذا اللون بيجي في يوم 25/7/2010 يعني بعد شهر ...
قلت: عادي أنتظر
وبعدها بيومين إتصل علي سكرتير مدير المنطقة الوسطى
وقال: ترى فلوس إيجار السيارة إلي معاك كله من يوم صارت السرقة الين تجي السيارة ترى عليك وقفلت منه ورحت لمديرالمنطقة الوسطى وحاولت أعرف منه السالفة
قال: خذ أي لون وإلا ترى السيارة إلي بتجي بعد شهر اللؤلؤية
بتزيد عليها 24000 ريال مو 20000 ريال + فلوس سيارة الإيجار إلي أخذتها مننا
وحاولت فيه ورفض وأخر شي رضخت للأمر الواقع
تنازلت عن سيارتي المسروقة للوكالة ودفعت لهم 20000 ريال
وأعطوني سيارة جديدة وحاولت أطلعها بالبطاقة الجمركية رفض مدير المبيعات

وقالو: لازم تطلع السيارة بالوحات
وأنا بأخذها بالبطاقه الجمركية عشان يزيد سعرها بالمعارض
ورحت للمرور وطلعت لها لوحات ورفضو إلا تركب اللوحات وأنا بأخذها بسطحة
والمرور يسمح إنها تطلع من دون لوحات إذا كانت السيارة بتطلع على سطحة
وطلعت السيارة بالسطحة و على معارض السيارت بعتها بخسارة 6000 ريال والحمد لله
ورحت بأخذ صورة من مبايعة السيارة المسروقة من المعرض
إلي صارت عندة نقل الملكية السيارة المسروقة
وقالي المعرض: إن السيارة ما جبتها الوكالة لهم وإن الوكالة متراخية في الموضوع ولا شالت له أهمية
مع إن هاذا يضر المعرض لأن ما تنقل ملكية أي سيارة إلا لازم توقف في المعرض
وإذا ما وقفت يغرم المرور المعرض 40000 ريال
وهددت المعرض إني بشتكي المعرض المرور
وقلت له: بجي بكرة ما ألقى المبايعة جاهزة بشتكي للمرور
وجيت من بكرة وشفت المبايعة وكاتبو السيارة بإسم سكرتير مدير عام المنطقة الوسطى بالوكالة .

s l o o o m · 06-08-2010, 05:14 AM

كفو والله خلك شديد عليهم تعجبني

النهضه · 06-08-2010, 08:27 AM

شف تبي نصيحه لعمرك تودي سيارتك للوكااله قسم بالله انهم حراااميه

صفقة هواء · 06-08-2010, 10:17 AM

اقتباس

المشاركة الأساسية كتبها متابع بريدة


	لصيانة الدورية زي العادة كل 5000 كلم لغيار الزيت .

غلطان تودي سيارتك للوكالة .. وكالات السيارات نهب × نهب

يستغلون السمعة يعني وكالة خلاص وهم اكبر حرامية

الزيت بإمكانك تشتري كرتون زيت من محلات الجملة

للتوفير على نفسك .. شكرا لك واعانك الله

عبدالله الصالح · 06-08-2010, 03:21 PM

تدري وش باقي من المسلسل القبيح في هذه القصه!!!

السياره سوف يؤمن عليها من السكرتير تأمين شامل ثم يقدم بها أوراق حادث من جديد ويقدم التقييم حقك وتعتبر تالفه وتعوضه شركة التأمين بكامل مبلغ السياره؟؟؟؟

صدقني هذا الي راح يصير ...

والله قهر ..

لندني · 12-08-2010, 08:15 PM

وكاله خسيسه بمعنى الكلمه
اشوى انك شهرت فيهم والله اني كنت افكر اشتري لي وحده
لكن غير الفورد لاتدور ولا الجيب بس

عطر بريده · 14-08-2010, 01:01 PM

كان ناديتن افزعلك واوريهم شغلهم زين الحراميه
اللي مايستحون يلعبون على عيال خلق الله تراااااي معصبه

قهر ليتك معلمن كره عليهم

لا اله الا الله0 · 15-08-2010, 10:56 PM

وع من وكاااله ع العموم مشكوور
لا اله الا الله محمد رسول الله

صوت البحر · 16-08-2010, 02:45 AM

الوكلات سراقين وكذابين والله لو اني في مكانك كان اقلب عليهم الوكالة

06-08-2010, 02:44 AM	#1
متابع بريدة عـضـو تاريخ التسجيل: Jul 2008 المشاركات: 116	شاب يروي قصة سرقة سيارته الهوندا ؟ صور مشت سيارتي 25000 كلم دخلت سيارتي هوندا أكورد اللؤلؤية موديل 2009 للوكالة لصيانة الدورية زي العادة كل 5000 كلم لغيار الزيت وطلبت منهم زيادة تشييك على المكيف لأن تبريدة ضعيف ويوم دخلها للوكالة كان يوم السبت 12/6/2010 وقال لي مهندس الصيانة بكرة الساعة 4:30 العصر استلمها وهذي صورها قبل السرقة بـ 3 شهور تقريبا :G] ودق على من بكرة يوم الاحد الساعة 11:45 الظهر مهندس من الإستقبال في الصيانه قال: سيارتك سرقت من الوكالة ؟! وما صدقت ولا همني كلامه وقفلت لاني توقعتة يمزح وعاود الاتصال علي بي مرتين ولا صدقته واقفل ودق علي الساعة 2:00 الظهر مدير من الادارة وأكد لي سرقة السيارة وأنا في الطريق لهم ماني مستوعب إلي صار !! معقوله تسرق سيارة من الوكالة ؟؟ ووصلت ولقيتهم محتاسين وشفت الخطاب الصادر من الوكالة لشرطة وعليه شرح عليه الضابط لابد من حضور صاحب السيارة وقال مدير الصيانة: إن الشرطة تبغاك إنت إلي تبلغ لأن السيارة بإسمك .. وقال: ما تهتم ولا تشغل بالك ومارح تطلع من عندنا الا وانت مبسوط واحنى بنستاجر لك سيارة لين ماتستلم سيارتك واحنى واحنى ومن هالكلام بس ما همني كلامه .. لاني عارف إنه كذب وكنت مستعجب كيف سرقت من بين كل هالموظفين !! وسألته: كيف سرقت السيارة ؟؟ قال: إن السيارة كانت جاهزة لتسليم بس باقي التشييك النهائي وأخذها المهندس بيطلع فيها يشيك عليها وكان فيه شخص سكران عند بوابة الخروج واقف ويوم جات بتطلع السيارة جاء بيركب مع المهندس وحاول يركب ويقول للمهنس إن هاذي سيارة ولد خالي وبركب معك عشان نشيك عليها سوى وأبعدة حارس الأمن إلي عند بوابة الخروج عن بالسيارة وطلع المهندس بالسيارة وإهو راجع حاول يركب السيارة مرة ثانية مع المهندس عند بوابة الدخول ورفض المهندس وأبعدة حارس الأمن مرة ثانية عند بوابة الدخول وخلوة ما طردوة خارج الوكالة !! ودخل المهندس السيارة للورشة إلي ممنوع أحد يدخلها إلا الموظفين مع إن بوابتها خربانة ومفتوحه على مصارعيها !! ووقف المهندس السيارة ودخل للإستقبال يسلم أوراق السيارة وخلى المفتاح على السيارة ودخل هالسكران في الورشة وأخذ السيارة وإنحاش فيها وهذي صور بوابات الورشة : شوفو كيف مشرعة وأي واحد يقدر يدخل مع العلم أن كل السيارة موجود داخل عليها مفاتيحها وبعدها رحت لشرطة مع مندوب لهم وقالي الضابط في التحقيق: من تتهم في سرقة السيارة ؟؟ قلت: أتهم الوكالة وقال الضابط: وش مطالبك من الوكالة ؟؟ قلت: أبغى تعويض عن سيارتي المسروقة وأبغى يستاجرون لي الوكالة سيارة لين ما تنتهي القضية وبعدها جيت للوكالة وجات معي الشرطة لتصوير وسألو مدير الصيانة: وين الكميرات ؟؟ قال مدير الصيانة: مافية ...!! قال الضابط: وليه البوابات ما تتقفل ؟؟ قال مدير الصيانة: خربانة ...!! وسأل الضابط حارس الامن: ليه ما قاومت الي سرق السيارة ؟؟ قال حارس الأمن: البوابة لها شهرين خربانه ولحيت عليهم وماردو علي ...!! وقالي مدير الصيانة: رح الأن إستاجر سيارة في حدود 150 ريال في اليوم بإسمك وكل إسبوع أو عشرة أيام تجي وتجيب فاتورة ونعطيك حقها .. قلت له: لا إستجروها بإسمكم ورفض وقال: لازم تكون بيننا ثقة !!!!!!!!!!!!!!!!! وإستأجرت سيارة بإسمي ومن بكرة الأثنين الظهر الساعة وحدة الظهر دقو شرطة الملز قالوا: لقينا السيارة وتعال إستلمها رفضت أستلمها لأن السيارة ما سرقت مني سرقت من الوكالة والوكالة إهي إلي تستلمها لأني أنتظرالتعويض ما أنتظر السيارة المسروقة لأنها ما تلزمني بأي شي ورحت لشرطة الملز عشان أصورها وهذي صور السيارة عند شرطة الملز وبعدها قال لي مدير الصيانة بالوكالة: إحنا نصلحها ونرجعها كما كانت وقلت له: أنا ما عندي مشكله وبريحكم أكثر أعطوني السيارة زي ماهي وشوفو كم تكلف وأعطوني تكلفة إصلاحها وإتصل على مدير المنطقة الوسطى وقاله ووافق ... وبعدها رحت الشرطه عشان آخذ أوراق إستلام السيارة وأعطوني أوراق لتقديرات الحوادث مع أن السيارة مسروقة !! ولاني مالك السيارة ما يستلمها الا مالك السيارة فقط وما قصرو الوكالة أرسلو سطحتهم معي لحجزالسيارات بوادي لبن ودخلت السيارة عند الوكالة .. وقال مدير الصيانة: إحنى بنشوف كم تكلف ونرد عليك .. ووعدوني بالرد علي بعد 3 أيام ولا ردو علي إلا بعد إسبوع مع اني يومياً عندهم ورحت لمدير الصيانة .. وقال : ان تكلفة اصلاح السيارة 65 ألف ريال وأنا بنصحك نصيحه أخوية ألان بنروح لمدير المنطقة الوسطى وإطلب سيارة جديدة (مع إني عارف إن هاذا إتفاق بينهم) ورحنا لمدير المنطقة الوسطى وقال: إن السيارة تكلفه إصلاحها 65000 ريال !! وإهي الأن تعتبر تالفة وفي هذا الوضع بنعطيك سيارة جديدة موديل 2010 بنفس المواصفات .. بس بشرط إنك تدفع الفرق 25000 ريال ورفضت عرضهم بسبب الفرق وجلست معاه إسبوع وأنا أدوم عندهم يومياً أحاول فيه إنهم ينزلون من 25000 ريال وبطلعة الروح نزلو الى 20000 ريال وحاولت تنزل اكثر بس رفض وبعدها إستشرت قاضي قالي: وضعهم قانوني ولو حولتها لشرع مارح تستفيد إلا إنك تضيع وقتك وبس بعدها رضيت بالأمر الواقع ومثل ما تشوفون بالصور سيارتي لونها لؤلؤي !! حاول فيني مدير المنطقة الوسطى ومدير المبيعات إني ما أخذ اللؤلؤي ورفضت وأصريت على اللؤلؤي لأن هذا اللون إهو الدارج والمرغوب في البيع لأن النفس طابت من هذه الماركة بسبب معاملته وكالتها السيئة لي والألوان الي عرضوها كلها قبيحة.. وبعدها قال لي مدير المنطقة الوسطى: إن هاذا اللون بيجي في يوم 25/7/2010 يعني بعد شهر ... قلت: عادي أنتظر وبعدها بيومين إتصل علي سكرتير مدير المنطقة الوسطى وقال: ترى فلوس إيجار السيارة إلي معاك كله من يوم صارت السرقة الين تجي السيارة ترى عليك وقفلت منه ورحت لمديرالمنطقة الوسطى وحاولت أعرف منه السالفة قال: خذ أي لون وإلا ترى السيارة إلي بتجي بعد شهر اللؤلؤية بتزيد عليها 24000 ريال مو 20000 ريال + فلوس سيارة الإيجار إلي أخذتها مننا وحاولت فيه ورفض وأخر شي رضخت للأمر الواقع تنازلت عن سيارتي المسروقة للوكالة ودفعت لهم 20000 ريال وأعطوني سيارة جديدة وحاولت أطلعها بالبطاقة الجمركية رفض مدير المبيعات وقالو: لازم تطلع السيارة بالوحات وأنا بأخذها بالبطاقه الجمركية عشان يزيد سعرها بالمعارض ورحت للمرور وطلعت لها لوحات ورفضو إلا تركب اللوحات وأنا بأخذها بسطحة والمرور يسمح إنها تطلع من دون لوحات إذا كانت السيارة بتطلع على سطحة وطلعت السيارة بالسطحة و على معارض السيارت بعتها بخسارة 6000 ريال والحمد لله ورحت بأخذ صورة من مبايعة السيارة المسروقة من المعرض إلي صارت عندة نقل الملكية السيارة المسروقة وقالي المعرض: إن السيارة ما جبتها الوكالة لهم وإن الوكالة متراخية في الموضوع ولا شالت له أهمية مع إن هاذا يضر المعرض لأن ما تنقل ملكية أي سيارة إلا لازم توقف في المعرض وإذا ما وقفت يغرم المرور المعرض 40000 ريال وهددت المعرض إني بشتكي المعرض المرور وقلت له: بجي بكرة ما ألقى المبايعة جاهزة بشتكي للمرور وجيت من بكرة وشفت المبايعة وكاتبو السيارة بإسم سكرتير مدير عام المنطقة الوسطى بالوكالة .

06-08-2010, 03:21 PM	#5
عبدالله الصالح عضو متميّز تاريخ التسجيل: Sep 2006 البلد: بريده .... المشاركات: 4,201	تدري وش باقي من المسلسل القبيح في هذه القصه!!! السياره سوف يؤمن عليها من السكرتير تأمين شامل ثم يقدم بها أوراق حادث من جديد ويقدم التقييم حقك وتعتبر تالفه وتعوضه شركة التأمين بكامل مبلغ السياره؟؟؟؟ صدقني هذا الي راح يصير ... والله قهر .. __________________ عندما يكون العلم والدعوة وسيلة للتكسب، فسيخضع صاحبه لقانون العرض والطلب. الشيخ د/ ناصر بن سليمان العمر

12-08-2010, 08:15 PM	#6
لندني عـضـو تاريخ التسجيل: May 2007 المشاركات: 588	وكاله خسيسه بمعنى الكلمه اشوى انك شهرت فيهم والله اني كنت افكر اشتري لي وحده لكن غير الفورد لاتدور ولا الجيب بس __________________ قالت بصيف بين لندن ومدريد..... انتة حبيبي وين ناوي تصيف قلت اسمحي لي بالعذر والتناهيد .... الله يخلي غرفتي والمكيف

14-08-2010, 01:01 PM	#7
عطر بريده عـضـو تاريخ التسجيل: Aug 2010 البلد: القصيم بريده المشاركات: 1	كان ناديتن افزعلك واوريهم شغلهم زين الحراميه اللي مايستحون يلعبون على عيال خلق الله تراااااي معصبه قهر ليتك معلمن كره عليهم __________________ لماذا؟ سأظل آآآردد لماذا غدرت بي ولافايده من هذا الترديد فسأبقى أأآآأأنا بدونك وبدوني لن تبقى من جديد

أدوات الموضوع
عرض نسخة قابلة للطّباعة ارسال هذه الصفحة لصديق
طريقة العرض
النمط المتتابع التحول إلى النمط المتشعب التحول إلى النمط الأحادي

06-08-2010, 05:14 AM	#2
s l o o o m عـضـو تاريخ التسجيل: Aug 2010 البلد: بريدة المشاركات: 7	كفو والله خلك شديد عليهم تعجبني

06-08-2010, 08:27 AM	#3
النهضه عـضـو تاريخ التسجيل: Jul 2010 البلد: بريده المشاركات: 55	شف تبي نصيحه لعمرك تودي سيارتك للوكااله قسم بالله انهم حراااميه

15-08-2010, 10:56 PM	#8
لا اله الا الله0 عـضـو تاريخ التسجيل: Aug 2010 البلد: بريده المشاركات: 60	وع من وكاااله ع العموم مشكوور لا اله الا الله محمد رسول الله

16-08-2010, 02:45 AM	#9
صوت البحر عـضـو تاريخ التسجيل: Mar 2010 البلد: بريدة المشاركات: 1,705	الوكلات سراقين وكذابين والله لو اني في مكانك كان اقلب عليهم الوكالة