[عصير مشوي]

السلام عليكم ورحمة الله وبركاته اليوم عندي موضوع يمكن كثير من الناس غافلين عنه موهب يمكن الا اكيد يعني اشوي حاسم"""""رخصة القيادة"""""" فاتمنا تشاركونن طبعا عندنا رخصة القياده ياخذه اي واحد يعني بس تعال لمهم وتدرب خمسة ايام ويعطونك الرخصة لا ووشو تدريباتهم تاخذ لفتين على المضمار وتلبق السيارة ويعطونك الرخصه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!! بس ايه بس طيب المرور اماهم يقولون كثرت الحوادث ومدري وشلون ونريد السلامة لكم طيب تريدون السلامة لنا وتدريباتكم زي تسذا يعني موهب معقول ابد انك بس تاخذ لفتين بالمضمار وتلبق ويعطونك رخصه يعني ضرب مثال اليوم خالتي تدعي على المرور قلت " ياخاله وراك تدعين عليهم قالت " الله لايوفقهم " قلت وراه قالت " معطين ولدي رخصه وهو مايعرف يسوق قلت " اصلن هم بس يخلونه ياخذ دورتين بالسياره ويلبق تلبيقه عاديه ويعطونه الرخصه قالت" بس قلت " بس " قالت" انا احسبهن يعلمونه كل شي ولا يعطونه رخصه الا هو عارفن كل شي قلت" لا ياخاله بس لفتين ويلبق السياره ويعطونه قالت" طيب وشوله يعطونه رخصه وهو بغا يهلكنا امس حتى السايره تناتع به مايعرف له قلت" اندري عنهم" قالت" الله لايوفقهم احسبه يعلمونه كل شي ........... الصراحه موهب معقول عندنا الرخصه ياخذه اي واحد وتدريباتهم فاشله ميهب تدريبات بعد حسب ماسمعت من اكثر من شخص انه فيه سوريا متاخذ الرخصه لين تفك المكينه وتوظبه وبالمانيا متاخذ الرخصه لين تدخل بين سيارتين وانت مسرع حسب ماقريت باحدى الدول الاوربيه انه ماتاخذ الرخصه لين تعرف القوانين كله مثل مايعرف رجل المرور ,,,,,,,,, لا وحطين لي نظام ساهر ويقولون نبي السلامه اصلن لو تبون السلامه صادقين تسان ماعطيتو الواحد رخصه الا هو يستحقه’’’’’’’ تقبلو موضوعي وتراي ماكتبت الموضوع ذا الا شي بالخاطر وكله خوف على ابناء هذا الوطن الغالي ادري اني تجاوزت حدي بس اعذرون واتمنى تشاركوننا بردودكم الاكثر من رائعه اخووووكم """عـــصــــيــــر مـــشـــوي

[عبد العزيز الرجيعي]

طيب شكرا بس انا مافهمت يعني كانه فيه خربطه امممممم الظاهر كذا

[عصير مشوي]

اقتباس المشاركة الأساسية كتبها عبد العزيز الرجيعي طيب شكرا بس انا مافهمت يعني كانه فيه خربطه امممممم الظاهر كذا

اللي ابي اصله ياخ عبد العزيز انه عندنا الواحد ياخذ رخصه وهو مايعرف شي بالسواقه ولا يعرف القوانين يعني فرق عن الدول الثانيه وها تراه سبب رئيسي بالحوداث

[إن الله يراك]

شكرا لك

[>منـ كوكبـ التحطيمـ<]

والله توقعت ان الرخصه مو سهله تحصل عليه

بس بسراحه معذوره خالتك....
المشكله الاكبر اللي مامعه رخصه ويسوق

الله يحفظنا

تقبل مروري

[عصير مشوي]

اقتباس المشاركة الأساسية كتبها "رايـــقـــه" والله توقعت ان الرخصه مو سهله تحصل عليه بس بسراحه معذوره خالتك.... المشكله الاكبر اللي مامعه رخصه ويسوق الله يحفظنا تقبل مروري

مشكوره ياختي على مشاركتك بس ماعتقد انه مشكله دام تدريباتهم تسذا يعني اللي معه رخصه واللي مامعه نفس الشي بعد يمكن اللي مامعه احسن

[طموح مشرق]

اقتباس المشاركة الأساسية كتبها "رايـــقـــه" والله توقعت ان الرخصه مو سهله تحصل عليه بس بسراحه معذوره خالتك.... المشكله الاكبر اللي مامعه رخصه ويسوق الله يحفظنا تقبل مروري

ياكثرهم..الله يحفظهم

[أبو برق]

خالتك صادقه
حتى أنا يوم أطلع الرخصة سوبي كذا
وين المفروض به تعليم وكل شئ

[مجهول2009]

وشوله يسوق وهو مايعرف من المفترض عدم قيادة السياره وعدم عطاءه سياره

[جيل العشرينات]

لو يعلمون الناس القيادة السليمة ، كان تضايق الناس وقالوا حسرو بنا حنا نعرف نسوق اختبرونا شوي وعطونا رخصتنا خلونا نمشي . ............................ والله ناس عجيبة

أن طالت مدة التدريب والاختبار .................... قالوا طالت علينا المدة الله لا يوفقهم

وإن قصرو المدة علشان يمشون الناس ............... قالو الله لا يوفقهم عطونا الرخصة وحنا ما نعرف نسوق

رضى الناس غاية لا تدرك

[هاوي الربع]

انا رسبت بالرخصه مره بس والثانيه نجحت

الي خلان ارسب السوزو الي عندهم كود اجيب افغانيين يلفون الطاره معي

تحياتي لكـ كا تب الموضوع ..

[{(بريداوي)}]

لا ماياخذ الرخصه لا السواق تراي تعقدت يوم اخذت الرخصه
اشارات ولله ماحد يعرفها اقسم بالله يجيلها 100 اشاره ولله ماتجاوب
خل عنك التعقيد انت تبي تعقد الناس انت وخالتك

[ياقلبـي يارويــده]

الله يهديهم بس

[هفوة حلم (:]

,,




حرنا بكم

واللحين يقال الي يعرفون السواقه يطبق اصوله زين بالشارع

اسئل كل الشباب حتى لو كان يعرف السواقه امانه اذا كان متاخر

ماتسرع ماتقطع الاشاره


ونظام ساهر مره ممتاز يكفي ان دكتور بالطورى يقول ان نسبه الحوادث قلت بالنسبه 50%

وهذا كثير من الخبوب ماعندهم رخص انا لااعم بس الا اسمعه من اخواني انه في شباب ماعندهم رخص

وبعدين المرور مو مسؤلين انههم يعلمونكم السواقه كل ابو يعلم عياله الا اذا الابوه مايعرفون هذا شي راجع

وبعدين مو فيه كتاب تحفظه وتختبر للقياده

لو اسئلكم مااحد جاوب

يعني نغمض عن عيوبنا ونشوف عيوب غيرنا

الله المستعان



هذه وجه نظري لاغير لم اقصد التجريح للغير

اعتذر ان اسئت للاحد منكم




...