[24uc]

السلام عليكم ورحمة الله وبركاته

البارح كنت جالس مع اخواني بالملحق وفجأه واحد من البزران فتح الباب بقوه وصفق بالجدار من جوا

ومن قوة الصفقة طاح برواز لصورة كان محطوط على الجدار

الى هنا الوضع طبيعي

مادرينا الا واحد من اخواني يقول يالله والله العظيم اني شايف هالموقف من قبل نفس التفاصيل

نفس اللي صار كانه صار معي قبل كذا


عاد كل واحد قام يتفلسف عليه


اللي يقوله يمكن انه حلم انت حلمت فيه من قبل وناسيه وتحقق عشان كذا تحس انك شايفه من قبل

واللي يقوله هذي الحاسه السادسه اشتغلت عندك

واللي يقوله خل المفاطيح تنفعك

واللي قوله الله من الصدز انت لاقينا يوم تبي تارنب علينا

المهم انا حسيت وهم يتكلمون بقشعريره لاني مريت بمثل هالموقف مرتين او ثلاثه بحياتي

وبما اني كنت توني منهزم بالبلوت ولقيت اللاب توب شغال وطبيت ببطن حمار المكده قوقل

وقمت ابحث عن هالشي الغريب اللي يسمى



Déjà vu دي جافو

ولقيت عدة تفسيرات وحفظتهن بملف واليوم قلت خلني اطرح هالموضوع عليكم اشوف وجهة نظركم

طبعا التفسيرات اللي لقيتها ياطويلين الاعمار تقول

ان الانسان قبل يعيش بهالحياة الدنيا كان في عالم الذر وبعد مايموت بيعيش في حياة البرزخ

الموهيم انه عندما مسح الله على ظهر ادم واخذ من ذريته العهد رآى كل الناس اعمالهم ويتذكرونها

أحيانا .. قال تعالى {وإذ أخذ ربك من بني آدم من ظهورهم ذريتهم وأشهدهم على أنفسهم

ألست بربكم قالوا بلى شهدنا أن تقولوا يوم القيامة إنا كنا عن هذا غافلين}.


ويقال ايضا ان هذا الموقف قد حدث بالفعل في عالم الارواح ! نعم عالم الارواح اقرا التالي وسوف تفهم

ماذا اعني ؟


ذكر ابن حجر في فتح الباري والسيوطي في شرح الصدور أنه قيل: المراد الإخبار عن بدء الخلق على ما ورد أن الأرواح خلقت قبل الأجساد بألفي عام فكانت تلتقي فتتشامّ، فلما حلت الأجساد تعارفت بالمعنى الأول فصار تعارفها وتناكرها على ما سبق من العهد المتقدم.

وايضا اقرأ
ذكر أبو القاسم الأصفهاني في محاضرات الأدباء عن الحسين بن علي رضي الله عنهما أن عمر بن الخطاب قال: ثلاث لم أسأل عنهن رسول الله فقال علي: وما هن ؟ قال عمر: حب الرجل الرجل لم يجر بينهما خلطة ولا معرفة، فأنى ذلك ؟ .... فقال علي: أما ما ذكرت من حب الرجل الرجل لم تجر بينهما خلطة ولا معرفة فإن الله خلق الأرواح قبل الأجساد فتلتقي الأرواح على سبب بين السماء والأرض، فتتشام كما تتشام الخيل فما تعارف ثمَّ ائتلف هنا ....

ومن التفسيرات العلمية

هو تأخر وصول الدم من الفص الصدغي الايمن إلى الأيسر بالمخ بعد أن يكون المشهد أصبح ذكرى بالنسبة للفص الأيسر


صراحة الموضوع تشعب براسي وقررت ان اكتفي انا بهذا القدر وارتك لكم المجال تقولون وش

يجول بخواطركم





والسلام عليكم ورحمة الله وبركاته

[رانســــي]

سبحاان الله
(وما اوتيتم من العلم إلا قليلا)
دايم تصير معي وتوجع راسي ماادري حلم او كد صارت لكن الحين عرفت
ودايم اشوف بنات احس اني عارفتهن من زماااان اثرنا متلاقين بعالم الذر!
الله يعطيك العافيه جزاك الله خير على هالمعلومات اللي نستشعر بها عظمه الله سبحانه


لا اله الا الله

[ام عزيز]

مشكووووووووووور وماتقصر


شكراااأأأأأااأأأأأأأأأأأ

[سوآلف حرف]

نااس يقولون
انه الواحد اول مايولد يمر عليه شريط حياته فمشان هييك يصير بعض المواقف كانه ماره عليه من قبل

ونااس يقولون انه
>>شيين ما ادري وش اسمهن واحد يتقدم على الثاني فتصير كانك مار بنفس الموقف

هذا والله اعلم

[24uc]

اقتباس المشاركة الأساسية كتبها رانســــي سبحاان الله (وما اوتيتم من العلم إلا قليلا) دايم تصير معي وتوجع راسي ماادري حلم او كد صارت لكن الحين عرفت ودايم اشوف بنات احس اني عارفتهن من زماااان اثرنا متلاقين بعالم الذر! الله يعطيك العافيه جزاك الله خير على هالمعلومات اللي نستشعر بها عظمه الله سبحانه لا اله الا الله

عالم الذر

سبحان الله

قريت عنه كثير بعد ماكتبت الموضوع وصراحة شي عجيب جربي بالقوقل واكتبي عالم الذر

وشوفي وش مكتوب عنه طبعا خليك من خرابيط الشيعه اللي بتطلع لك

[24uc]

اقتباس المشاركة الأساسية كتبها الفنتكه مشكووووووووووور وماتقصر شكراااأأأأأااأأأأأأأأأأأ

عفوااااااااااااااااااااااااا ماسويت الا الواجب

العفوووووووووووووووووووو

[24uc]

اقتباس المشاركة الأساسية كتبها ح ـــلوهـــ بطلتي نااس يقولون انه الواحد اول مايولد يمر عليه شريط حياته فمشان هييك يصير بعض المواقف كانه ماره عليه من قبل ونااس يقولون انه >>شيين ما ادري وش اسمهن واحد يتقدم على الثاني فتصير كانك مار بنفس الموقف هذا والله اعلم

بجسم الا نسان مابه الا بطينين وعينين واذنين وفصين وايدين ورجلين وكليتين ورئتين

اما سالفة ان شريط حياتك يمر عليك اول مايولد صراحة انا سمعت ان شريط الحياة يمر على الواحد

قبل يموت حتى دايم بالافلام تشوفينهم يسوون هالحركه اذا بغا يموت الواحد

على كل حال هما هالشي يصير مع الناس كله معناته انا طبيعي وموب بس انا اللي جتن هالحاله

[CREATIVE]

ههههههههههههههههههه
ايوالله دايم تصير معي هالحركة همن امسك راسي واقعد افكر متى شايفه ابحاول
استجمع وش السالفة .. لكن ما أطلع بشي .. يامال الثانكس ~

[ماعبركـ لاتعبرهـ..,]

قسم انه دااااااايم تجي معي هالحركــــه,,’

سبحان الله ,

وشكرآ................طرح جميل

[نضرتي هيبه]

دايم يصير لي سبحان الله

[بحر الهناء]

دايم تصير
بس كنت اتوقع انه حلم

[اوركيد]

داااااااااايم يصير لي

واذا سألت أهلي يقولون تحسين انك شفتيه قبل !!

كلامك مقنع
شكرا لكـ

[Chocalain]

سبحان الله انا دايم يمر علي
بس احس نفسي اني اتووووووهم

[فتى الغربة]

حسب ماسمعت عن هالوضع من أحد علماء النفس
إنه زود ذكاء ، وقوة ذاكرة بالشخص اللي كثير تتكرر له هالحالة