[الصباخ]

وطني الحبيب وهل أحب سواه ..


بسم الله، يا فتاح يا كريم يالله إنك ترزق المنخرش عشرين مليون علشان يسلفن ثلاثه مليون .
اليوم بتكلم مكس، يعني خليط بين الفصحى والعامية لأن الموضوع حيوي وحساس وحار بحرارة الأجواء الخريفية.
على طاري الخريف كنا بالمدرسه يقولون لنا إن الخريف تتساقط فيه أوراق الشجر وفي فصل الخريف يعود الطلاب للمدارس، أنا لي أسبوع وأنا أدوّر على أشجار أوراقها متساقطه ومالقيت، مدري ليش ما يعطوننا معلومة من بيئتنا .

سؤال على السريع/ من منكم يحب وطنه؟
أنا أجزم بدون ما تعطوني إجابات إن جميعكم يحب وطنه، واللي ما يحب وطنه هذا إنسان ماله خاتمه والمفروض ما يرحب فيه ولا يسلم عليه.
لكن السؤال الأكثر أهمية/ ما هو الوطن بنظرك؟
الإجابة أتركها لكم خصوصاً في هذا السؤال لأنني أعلم بأن الإجابات راح تتفاوت حسب الفهم، والله سبحانه وتعالى خلق الناس بعقول وأفهام متفاوته، يعني فيه الغبي وفيه الذكي، وفيه الذهين وفيه الدرج، وعلى هذه الحال يكون الناس.

عن نفسي لاأحب النفاق الاجتماعي الذي يعيش فيه بعض الناس وسأعبر عن فرحتي بوطني بما أراه مناسباً وصالحاً للوطن.
بعض الناس أصبحت المسألة لديه تطبيل × تطبيل في تعبيره عن حبه لوطنه وكأننا نعيش في فترة من النماء والرخاء المعيشي الذي لم يسبق له مثيل.

إن كنا سنفرح للوطن فإننا سنفرح حين غياب الفقر والفساد وحين غياب الظلم والقهر بين الناس، وحين رجوع الحقوق لأصحابها.
سأفرح بوطني حينما يكون بإمكان كل مواطن أن يملك منزلاً يأويه هو وأبناءه، سأفرح بوطني حينما نصنع السيارات والطائرات إلى أقلام الرصاص والبرايات.
سأفرح بوطني حينما يكون للمواطن كلمته المسموعة وحينما لا يكون هناك أي تلاعب في الأسعار، سأفرح بوطني حينما يكون بإمكان كل شاب وشابه أن يتزوج بكل يسر وسهوله.
سأفرح بوطني حينما يتخرج الشاب من الجامعة ويتوظف، سأفرح بوطني حينما يكون جميع أبناءه من حملة البكالوريوس فما أعلى، سأفرح بوطني حينما تغيب الأمية بين الناس.
سأفرح بوطني حينما أتملكه أنا ويتملكه كل مواطن حر ونبنيه بسواعدنا ولا يتملكه الأجنبي من الجنسيات الأخرى التي لا تريد الخير للبلد أبداً.

دائماً أقارن وطني بالأوطان الأخرى وأرى أنهم نهضوا بعدنا وأصبحوا أفضل منا مع أنهم لم يملكوا المقومات التي ملكنها.
برميل البترول يباع بـ 100 دولار وينتج يومياً ما معدله 10.000.000 برميل، وعليكم الحساب والرزق على الله.
اليابان وماليزيا مثالان واضحان للتنمية والنهضة، فإن كنا سنفرح فإننا سنفرح حينما نصبح مثلهما أو أحسن منهما، وإن كنا سنبكي فإننا سنبكي لحالنا المؤسف، والله وبالله لو ينتهي البترول فإننا سنرجع لما كان عليه أجدادنا في السابق أو أسواً بكثير، وسينتهي حالنا وسنغيب عن الخريطة.

كثير من المراهقين والمطبلين والمنافقين يدّعون حب الوطن وهم أول من يسرقه وينهب ثرواته لمصالحهم الشخصية، وهم أول من ينخر في جسد هذا الوطن، وهم أول من يدعم أعداء هذا الوطن، وهم الذين يريدون سقوط هذا الوطن على من فيه.

أنا أحب وطني، وأحب الخير له، فهل تحبونه مثلي؟

[وزير دفاع]

انا أتفق معك فقط بشيئ واحد هو أنني لم ارى تساقط اوراق الشجر اللي ازعجونه بالعلوم

اما الباقي

أنت نظرتك للوطن نظره ماديه بحته يعني تهتم بالفلوووووووس
انت أعطى الوطن حقه ثم يعطيك
وعلى فكره الشعوب اللتي ذكرتها
هي من رفعت الدوله وليست الحكومه

مثلاً سؤال هل تعمل انت مثل مايعمل الياباني ؟؟

[عطشان والكأس مكسور !!]

أنـــا أحـــــب وطني أكثر من حبك له >> وش دراك عاد أنت
أيه وش بعد أيه أقول أنه كلامك سليم وبنده وهايبر>>>برا
بس عندي ملاحظة على كلامك الطيب والبخور والعطر >>> كرت أحمر
أنت قارنت بين السعودية وبين ماليزيا واليابان وطبعاً طلعت بلادنا هي الخاسرة !!
ورااااااااااااه ؟؟؟؟
لأنهم ما يصنعون طيارات وسيارات !!!
طيب يالطيب نسيت أنه مملكتنا الغالية هي الوحيدة في العـــــــــــــــالم لاحظ أقول في العالم كله اللي تستمد أحكامها من الشريعة !!
في الإمارات يا أخوي القاتل يسجن أما عندنا فالقاتل يقتل
والظاهر أنه كلامي وااضح وما فيه دااعي أطول
بايو

[الصباخ]

يالحبيب أنت وإياه، أنا أتكلم من ناحية التنمية والبناء .
ما قلت لكم الأفهام تتفاوت بين الناس .

[الخفاش]

على الجرح يآبو ريم ..

[عطشان والكأس مكسور !!]

اقتباس المشاركة الأساسية كتبها الصباخ يالحبيب أنت وإياه، أنا أتكلم من ناحية التنمية والبناء . ما قلت لكم الأفهام تتفاوت بين الناس .

خلاص أجل وأنا أخوك لا تزعل:
بالتفاهم
أنا أتحداك تروح أنت يالسعودي وتبني بيت تحط بلك واسمنت وتلييص ؟؟؟
أو تمشي بالشارع وتلقط الوسخ ؟؟؟
أكيد بتقول أموت ولا أسوي هالشغلات !!
وراه ؟؟؟
عشان ولد عمك ما يضحك عليك .. وعشان صديقك ما يشهر بك
أو بالأصح عشان أنت كرامتك ما تسمح لك ؟؟؟
لكن رح لليابان شفهم هم اللي يشتغلون ما يقولون عيب
وماشيه أمورهم صووووح : هيلا هبا هيلا هبا

ولا تجي الحين تقول لي جامعي ومدري أيش
أغلب اللي جالسين على مناصب عالية ورواتبهم فوق ما معهم لا شهادة متوسط أو ابتدائي
وما شغلتهم إلا الواسطة
فيه إضافة الحين ؟؟؟؟

[الصباخ]

اقتباس المشاركة الأساسية كتبها عطشان والكأس مكسور !! خلاص أجل وأنا أخوك لا تزعل: بالتفاهم أنا أتحداك تروح أنت يالسعودي وتبني بيت تحط بلك واسمنت وتلييص ؟؟؟ أو تمشي بالشارع وتلقط الوسخ ؟؟؟ أكيد بتقول أموت ولا أسوي هالشغلات !! وراه ؟؟؟ عشان ولد عمك ما يضحك عليك .. وعشان صديقك ما يشهر بك أو بالأصح عشان أنت كرامتك ما تسمح لك ؟؟؟ لكن رح لليابان شفهم هم اللي يشتغلون ما يقولون عيب وماشيه أمورهم صووووح : هيلا هبا هيلا هبا ولا تجي الحين تقول لي جامعي ومدري أيش أغلب اللي جالسين على مناصب عالية ورواتبهم فوق ما معهم لا شهادة متوسط أو ابتدائي وما شغلتهم إلا الواسطة فيه إضافة الحين ؟؟؟؟

ماعندي مشكلة أليص وأبني وأصلح، بس وشوله أدرس وأتعب الجامعة؟
وليش أدرس أربع سنوات أو خمس سنوات وآخرتها أشتغل عامل ومليص؟
وماعندي مشكلة أطلع وأكنس وأزين بس عطني بيت وراتب فوق الستة آلاف ريال وبالعكس الشغل مهب عيب.
مشكلتك يابن الحلال إنك تتكلم عن شيء وأنا أقصد شيء ثاني.

ومادامك إنك ضربت مثال على أصحاب المناصب العليا وبأنه معهم متوسط أو ابتدائي وما توظفوا إلا بالواسطات أليس هذا ظلم للوطن والمواطن؟ وأليس من هناك من يستحق هذا المنصب أكثر ممن هم فيه؟
إذاً سأفرح بوطني حينما يعطى كل إنسان حقه.

[وزير دفاع]

اقتباس المشاركة الأساسية كتبها الصباخ ماعندي مشكلة أليص وأبني وأصلح، بس وشوله أدرس وأتعب الجامعة؟ وليش أدرس أربع سنوات أو خمس سنوات وآخرتها أشتغل عامل ومليص؟ وماعندي مشكلة أطلع وأكنس وأزين بس عطني بيت وراتب فوق الستة آلاف ريال وبالعكس الشغل مهب عيب. تسذوب ورب البيت انك تسذوب ..ولا تسألني ليش ؟؟؟ مشكلتك يابن الحلال إنك تتكلم عن شيء وأنا أقصد شيء ثاني. ومادامك إنك ضربت مثال على أصحاب المناصب العليا وبأنه معهم متوسط أو ابتدائي وما توظفوا إلا بالواسطات أليس هذا ظلم للوطن والمواطن؟ وأليس من هناك من يستحق هذا المنصب أكثر ممن هم فيه؟ هل اذا صار هناك أخطاء في وطنك هل تكرهه أم تحاول اصلاح الأخطاء ؟؟؟!! إذاً سأفرح بوطني حينما يعطى كل إنسان حقه.

وشكرألك ....

[مهندس دايخ]

كلام بالصميم

على فكره كنت واقف عند الاشاره باليوم الوطني المهم قلت بنفسي خل ابحث بلوتوث واشوف الناس وش كاتبه باليوم الوطني لعل اول بحث طلع هذه العباره ( لن ولم احتفل باليوم الوطني ما دام الشعب مقهور ومظلوم )

[الصباخ]

اقتباس المشاركة الأساسية كتبها وزير دفاع وشكرألك ....

عيب تقول للرجال تسذوب، كذا أنت متعوّد؟




لا صرت أنت ما تبي تشتغل وتفسّر عن ذرعانك.
فيه غيرك يبي يشتغل.
اترك عنك التطبيل ياخيي، وعش الواقع على أصوله.
وشف الناس وين عايشه وكيف عايشه وبأي طريقه تعيش.

مشكلتنا إننا نعاني من أمثالك.
وذكرت هالكلام ببداية الموضوع.


وبالمناسبه أنا دعوت إلى إصلاح الوطن وتبيين الأخطاء، ما جلست أطبّل مثلك ومثل غيرك.

[الصباخ]

اقتباس المشاركة الأساسية كتبها مهندس دايخ كلام بالصميم على فكره كنت واقف عند الاشاره باليوم الوطني المهم قلت بنفسي خل ابحث بلوتوث واشوف الناس وش كاتبه باليوم الوطني لعل اول بحث طلع هذه العباره ( لن ولم احتفل باليوم الوطني ما دام الشعب مقهور ومظلوم )

ياسلام عليك يا مهندس، مشكلة بعض المطبلين لا تكلمنا عن الواقع وطالبنا بالحقوق قالوا أنتم تسذوبين وأنتم ما تحبون الوطن، وكأن الوطن حكراً على المطبلين فقط.
والله ماراح نتقدم مادام هالأشكال موجودة، كيف راح نعرف أخطائنا وبعض المبزره والمطبلين يقولون الدنيا بخير ومافيها شيء!
ياعمي الأجانب والحرامية يسرقون البلد ليل نهار، ولا ضيّعنا إلا قولة البلد بخير.

[عطشان والكأس مكسور !!]

ترااااي حســاااس
شوي شوي علي
أويلــــاااااه به سعودي يشتغل عامل نظافة خخخخخ
لا ويبي بيت وراتب فوق الـ 6000
اقول ما تبي سيارة بعد نعطيك اياه أقساط ما عندنا مشكلة ؟؟؟ !!!
لا بعد قال أيش قال الشغل مهب عيب أشتغل طباخ أحسن هع
أقول .. الله يرزقنا وإيااك وأنا أخوك !!

[وزير دفاع]

اذا كان كلامك يخالف الواقع فأنا أقول تسذوب ونص

حسستن اني بالسنغااال أو زيمبابوي

سؤاال
طيب ليش الفقراء اللي عندنا مايشتغلون عمااال ؟؟؟ اذا كان هناك فقراء بالمعنى الحقيقي

[الصباخ]

اقتباس المشاركة الأساسية كتبها عطشان والكأس مكسور !! ترااااي حســاااس شوي شوي علي أويلــــاااااه به سعودي يشتغل عامل نظافة خخخخخ لا ويبي بيت وراتب فوق الـ 6000 اقول ما تبي سيارة بعد نعطيك اياه أقساط ما عندنا مشكلة ؟؟؟ !!! لا بعد قال أيش قال الشغل مهب عيب أشتغل طباخ أحسن هع أقول .. الله يرزقنا وإيااك وأنا أخوك !!

حلو، تدري ليش السعودي ما يبي يشتغل عامل؟
لأن العامل يستلم أربع ميه ريال، بالله عليك أربع ميه ريال وش تيب تسوي لسعودي؟

اقتباس أقول .. الله يرزقنا وإيااك وأنا أخوك !!

آمين يارب ويرزق الجميع.