 |
|
|
|
|
18-01-2011, 05:23 PM
|
#1 |
|
عـضـو
تاريخ التسجيل: Nov 2010
البلد: بجنب جارنا ابو علي
المشاركات: 7
|
جدتي .. رجلة أعمال .. التخطيط للمستقبل ..وحسابات الماضي ..
السلام عليكم ورحمة الله
وش رايكم بالعنوان .. توي لاقيه بتشليح العجلان ..طازج  جدتي .. رجلة أعمال .. التخطيط للمستقبل وحسابات الماضي .. ==>> استر عليه ياسيبويه تصدقون أول ماطلعت من من كرشة امي .. بعد مامصعت السر.. ورجعته ورجعت كل شي لمكانه .. دريت أن عندي .. جده وش حليله  أنا اسمع اسمها وانا ببطن امي ..امي هيله وأمي هيله.. لكن ماحد قالي منهي .. والله يهديها امي ماحطت عين سحريه بالسر عشان اشوف  حتى ظهري ملتوي على الكرشه .. والله اوجعني بقووه .. ولا فيه شنطة اسعافات اوليه ولا حاجة ..لكن الشكوى لله نتحمل .. نصبر وش نسوي عشان نطلع ونفتك من هالدمامين والغثا .. تصدقون .. قاعدن أفكر .. وشلون يبي يصير شكل امي وابوي ؟  طبعاً أنا اشكلي حلو .. شفت شكلي بالكبده .. الكبده تبلص ويعكس صورتي لكن هل أبوي مزيون مثلي ؟ شكله حلو ؟ امي باين عليها جسمها حلو ومخصر لأن طلعت روحي من هالربطات على البطن وشلون تبي تصير بيتنا ؟ غرفتي .. سريري.. العابي ؟ أنا اللي عرفته أن لي أخوان.. والدليل من كرشة أمي .. ماش مارجعوا (السر لمكانه) تاركينه يتدودل .. خاصه اخوي الكبير الله يهديه .. عافطن السر وبدا مايصب حليب بغيت اموت عاد كاتبن على المعده (أحبك ياعموري) و راسم قلب فيه سهم  طبعاً مافيه قلم .. يسوي بخار بفمه ثم يرسم طبعاً أسمع صوت شي ينقطع (وفيه صدى) زي حق الكهوف لكن ماني عارف وين مصدرهـ اتوقع انه يصب من الديود على البطن ويطيح بالاثني عشريه مباشرة .. لأن فيها ماء من الكلى وحاطن على أخر المعده لوحة مكتوب فيها (exit) </B> غبي يحسبني ما أدل .. عاد شفت انه مسوي على جدران البطن .. (4 خطوط ) والخط الخامس جاي بالعرض عشان يحسب وقت الانتظار من هناك عرفت ان اخوي جلس 9 شهور .. ولا ترا مادريت قبل حتى مفروض امي تجيب تؤوم على الأقل يوسع صدري يعني مو معقوله 9 شهور راص لحالي ... أنا مؤدب .. قبل ما أطلع .. كنست المعده .. ومديت الأمعاء لمكانهن..ولمعت المراره هي منفقعه لكن صلحتها .. مرارت أمي حاااارهـ مادري ليش .. حتى إني نضفت مجرى الدم .. كان منسد .. إذا غسلت مايمشي الدم لين بدا يطلع علي وجبت (أسيد) وكبيته لين سلك ولله الحمد وأزيدكم من الشعر بيت .. جالس أسوي رجيم وانا بالبطن .. عشان ما أثقل على أمي .. يعني أي أكل يطيح علي اغبي شوي واكل شوي بس امي ماتحب إلا (حلب ورشاد) نبي حلاو مصمصات .. شي يعني يحرك الضرس على الأقل .. فصفص .. يعني شي يوسع الصدر ويقضي الوقت .. مالكم بالطويله مو هذا موضوعنا .. صار موضوع علوم مو لجدتي ابكلمكم عن رجلة الأعمال جدتي .. بس الله يهديها .. ماراد الله إني أمتسنه واطلع بدري شوي .. الله يخلف طلعت وهي كبيرة .. حسافة ماتهنينابه كانت تاخذني دايم وتهزني تحسبني بزر هي وخدوده المتعرفطه .. كل مابي أكفخهم .. جو وربطوني بالمهاد .. يعرفون اني قوي .. عشان كذا مايقدرون يخلوني مفكوك يخافون أنحاش من عندهم المهم مالكم بالطويلة.. جدتي هذي عجيبه .. أول ماطلعت على الدنيا .. أحسبها الوليد .. على طول شنباتها ماشاءا لله لأني أول يوم لي .. شبهتها على الوليد .. مباشره وعرفت ان لها بالبزنس .. قلت ايه هذا أول الخير .. بعد ماكبرت وترعرعت وكبرت أنعام ظفوري .. وبعد مامسكت أملاك جديدتي .. (جدتي) عطتني وكالة وكل شي صار تحت اسمي .. يوم من الأيام .. جيت أبي أدخل عندها لقيت مولعه لمبة الحمراء حقت الاجتماعات المهمه والسكرتيرهـ الشغاله زليخه مو موجوده .. وزليخه هذي لها حكايات .. لكن لعلها في موضوع مستقل دخلت إلى مكتب جدتي للأعمال الخاصة.. ورجلة أعمال جدي .. التضامنية ذ.ذ.م.ش ==>> استرو مايحتاج نفسرها دخلت عليه بالمكتب وأثر عنده كوفيرة الحنا تبي تمشط راسها .. طقيت الباب وقالت لي : تفضل ياوليدي ماعندنا أحد .. والاجتماع مثل ما انت شايف ماودي احد يدخل علي إلا أنا شكلي حلوو وش عندك جاي بوقت العمل .. قلت : والله ياجديدتي .. قلت أبسلم عليتس .. وتراي مابي سلف قالت : جابك الله .. تعال أقر لي هالأوراق .. أنا اعرف أقرا بس بي (حنا) والاوراق هذي .. مكتوبه بالكمبيوتر وانا ما أعرف إلا خط جدك الله يرحمه.. او .. يبدو أن الخط حق (المهند) وانا ما اعرف إلا (الرقعه) هذي فاتورة جابه لي حق عمارتي الواقعة بكوالا كارفور ... الشرقية .. قلت أبشري .. وختمت له كل اوراقه .. ويوم جيت أطلع قالت عندي لك أجتماع مغلق بعد العصر .. قلت سمي وابشري ... وفي تمام الوقت المحدد إذا بجدتي تدخل مع الباب ===>>> لا ياشيخ مادخلت من عند الكيلون -------- شغلت اللمبه السهاريه الحمراء كالعاده ولو تشوفون مكتبها .. حلو كله تحف قديمين .. مادري ذا مكتب أو متحف حتى الصور اللي فوق المكتب .. حاطه ثلاث صور جدي و طائرة قديمه من السبعينيات .. و الصورة الثالثه (هذا من فضل ربي) المهم .. قالت للشغاله .. لا أحد يدخل علينا .. ولا تحولين لي أي مكالمة .. وقبل تروحين .. عطين خبر .. بس هاه إذا جاء ولدي او مرته او السواق فرانك.. او مرت ولدي او بنتي .. خليه يدخل ==>> من بقى ؟ والله مصدقه جدتي أنها رجلة أعمال بدأ الاجتماع من صلاة العصر وحتى الساعه 12 بالليل .. يالله يالله .. رجعت بهذه النتيجه .. وهي ماسوف أطرحه عليكم .. تقول غفر الله لها وحفظها لنا.. ان لها فندق بكوالا كارفور ... الشرقية آجارها 100.000 ريال في السنه .. يوم جاء وقت الدفع بعد ست شهور.. تأخر المستأجر عن الدفع 20 يوم تقريباً .. والآن جدتي تقول خله يعطيك قروش ال 20 يوم اللي فاتن .. بالله مهب شديده جدتي بهالأمور ماتلعب ماشاءا لله حازمه في هالأمور أجل تقول خله يعطيك حق ال20 يوم قلت ياهيله المحمد .. يابعد بنكرياسي .. ياكلوتي الاثني عشرية .. الرجال .. يطعينا كل سنه 100.000 ريال إذا تأخر محسوبه عليه السنه الجاية .. مادري .. تهز برأسه مادري هي فهمت ولا لا .. وتقول .. بس ولو .. إذا تأخر لازم يدفع حق التأخير هذا . بس ولو .. المهم يوم راحة السنه واجيب له 50000 ريال .. الباقية حق 6 شهور قالت وين باقي القروش حقات 20 يوم  ماشاءا لله .. ماتنسى .. عنده هالشغاله أقصد هالسكرتيرهـ مواعيد صح حتى يوم تدخل مع باب البيت .. وتشوف السكرتيرهـ تمشي معاها وتفتش لها الأوراق وهي متسعجله من غرفه لغرفه .. والسكرتيره مدهره توريها آخر المستجدات والله يا انا بلشت .. وشلون افهمها الحين ..  .. جبت لها 20 سبوره مدرسين خصوصيين .. ومحامي ومحاسب قانوني .. وطائر مظلي ولكن لافائدة ..تقول مادامه تأخر 20 يوم لازم يدفع حقهن .. يعني لازم يدفع حقهن المشكلة امي ما اقدر أضربه لو تجاوب غلط ياميمتي ياحبيبه .. ياعدل يابدل .. مره (بس ولو) مقفله على الموضوع  لو يتأخر يوم واحد يدفع حقه .. أجل حنا نسكنه ببلاش عندكم مترجم الوافي ولا قوقل ولا اي مترجم المشكلة ماتعرف تكتب عشان اخطط له ولا شي .. والله البلشه .. المشكلة المستأجر مايقصر .. يعطينا كل شهر بشهره .. لكن الله يخلف على رجلة الأعمال بس من يوم أنا ببطن أمي وانا غاسلني يدي منها.. .. .... ... .. . .. ... .... ---------- معاني الكلمات .. الكلمة معناها كرشة امي = بطن أمي مصعت السر = فكيت السر ملتوي = منعفط يعني منحني تبلص = تلمع يتدودل = يتدلى عافط = اممم يعني (مغلق ) الديود = النهود راص = اي انتظار طويل منسد = مغلق وكبيته = سكبته أمتسنه = امكنها (أجي مبكر) ماتهنينابه = ما انبسطنا معها ماتهنينابه = المتصفطه ............. عذرن على الاطاله واالمصاله  دمتــم.. |
|
|
|
18-01-2011, 06:07 PM
|
#2 |
|
عـضـو
تاريخ التسجيل: Jan 2011
البلد: كوريـا الشقـيـقـة ^_-
المشاركات: 23
|
ههههههـ
تــمــت المهمة بنجاآح كتآب نصوص هذأ موقصة حيآة << معآني الكلمآت
__________________
اللهم يــآمثبــت القــلـــوب ثــبــت قلـــوبنـــآ علـــى دينــك ..~
|
|
|
|
|
18-01-2011, 09:42 PM
|
#3 |
|
مشرف أخبار بريدة
تاريخ التسجيل: Feb 2010
البلد: بريــدة || ~
المشاركات: 3,242
|
 عليك مفردات  شِكرا لك
__________________
قال أحدُ الصالحين : .. { نسْالُ الله تعالى أنْ يعطينآ .. فإنْ أعطانا فَرحنَآ مرّةً .. وإن منعَنا .. فَرحنآ . عشرُ مرّآت ..! لإن العطآء إختيآرُنا .. والمنعُ إختيارُ اللّه .. ~ وإختيار اللهِ . خيرٌ من إختيآرنا .. ! } .. |
|
|
|
|
19-01-2011, 12:24 AM
|
#4 |
|
عـضـو
تاريخ التسجيل: Feb 2010
البلد: buraydah city
المشاركات: 1,327
|
ههههههه
موضوعك حلو وفخم ماشاء الله عليه جدك .. ليته جدتي
__________________
.  |
|
|
|
|
19-01-2011, 03:30 AM
|
#5 |
|
عـضـو
تاريخ التسجيل: Jul 2010
البلد: بريده
المشاركات: 55
|
هههههههههههههههههههههههه
اجل كاتبن احبك ياعموري |
|
|
|
|
19-01-2011, 05:29 AM
|
#6 |
|
عـضـو
تاريخ التسجيل: Dec 2010
البلد: سوري , ببريدة
المشاركات: 292
|
ازين ما بالقصة
معنى الكلمة الثامنة ، ارقوا شوفوه ، هههههههههههههه >> ذذ |
|
|
|
 |
| الإشارات المرجعية |
| أدوات الموضوع | |
| طريقة العرض | |
|
|
النمط المتتابع
