[-| بَشِرُوُهّ إِنُيّ اَبـٌرَحّلْ |-]

اسعدالله اوقاتكم بكل خير
امممم بصراحه ما احب التقديم بقوه خاصه بالمواضيع اللي مثل هيك
بيوت مطمئنه وما ادراك من بيوت
ايييييه وشسمه ذا الثلاثاء اللي فات كان موضوعه عن(الميزانيه)
ايييه عاد خوذوا وخلوا من المشآكل والإتصالات والرسائل
ومن ضمن الإتصالات التي اُجريت اتصال احد المتزوجين

ايه عاد من مضمون اتصاله يقول انا اذا طلع راتبي اعطيه زوجتي كله ما اخلي معاي ولا ريال واحد
يقول حتى فلوس البانزين آخذهم منه ومصروف البيت وكل شي معه
طبعاً هو جايزله الوضع يقول من شآن ما اضيعهم

انتم وش رايكم
هل تصرف الرجل سليم
يعني انت يابني آدم ممكن تسوي الحركه هذي بحياتك الزوجيه
يعني بامكانك تخلي زوجتك تتحكم براتبك اللي تعبت فيه وكافحت من شآنه
وبتحس بالإهانه اذا صار راتبك مع زوجتك وهي اللي تتحكم فيه

وانتِ يابنت حواء
اذا اعطاك زوجك الحريه في المآل هل بتتصرفين فيه بعقلانيه<--والله ما الظاهر
وهل تحسين انه فيه انتقاص من قدر الزوج عندما يكون زوجها خاتم بأحد أناملها

طيب كلكم تخيلوا
انت يا الزوج تخيل جآي عاني للبيت تآخذ فلوس من زوجتك
من شآن بتطلع انت واخوياك<--ياحياة الشقى

وانتِ يالزوجه تخيلي زوجك داخل عليك يقول
عطيني فلوس بطلع انا واخوياي<--وقسم انه اهانه

انا وانا بنت ما ارضاها ابداً مهما كانت عقلانيتي بتصرف الراتب
صدق انه يمكن يكون احترام لزوجته بس مهما كان يحترمني بأشياء ثانيه

عاد يالله قولولي رايكم بس رجائي
بدون هواش وشد شعور

[خمائل مختاله]

احيانا الزوجه..تكون افضل من زوجها..


في التحكم وادارة ميزانية الزوج والمنزل والاولاد..


اعرف اشخاص يكونوا مبذرين...

فتكون الزوجه..هي المتحكم في المال..

لا من اجل السيطره..وفرض الذات..

وانما من اجل حفظ المال وتنظيمه..

بحيث يحفظه من الضياع..

والصرف الغير مسئول..

[سيرينا]

شوفي يأختي الرجل عارف نفسه وهذا ليس عيبا
أجل يأخذ كل شي ويلعب فية ويخلي الثلاجة فاضية البيت تنقصه أشياء كثيرة نتيجه عدم مقدرتة على صرف الراتب بشكل صحيح
أو أنه تأخذه الزوجه وتصرفه بشكل جيد ومعقول وتغطي جميع مصاريف البيت
أختي زمان لما كانوا الرجال كثار ويقدرون يتصرفون بعقل الأن لا تغيرت أشياء كثيرة
تريدين أن تعرفي عقول الرجال فقط أنظري الى موضيع الرجال هنا فقط سوف تعرفين حجم المشكلة الكبيرة
ليسوا جميعا طبعا لكن

[joOojoOo بريده]

طيب يمكن الرجل مايعرف يدبر نفسه!!!
يمكن هي بتجمعهن له!!!>>ماتدرين
انا بالنسبه لي شخصيآ>>بعدين الله يحيينا اذا اعرست قولوا انشاء الله خخخخ مستحيل اخذ فلوسه ع شان مايلي:
1- انا على قولة امي (خرببببببببطه) يعني ما امسك شي بيدي سبحااان الله ما اتحمل اشوف ببوكي ريال يضيق صددددددددددري
2-ااااااا اتوقع هو ماراح يعطيني اصلا والسبب سبق ذكره^^^
3-مالي خلق كل شوووي يجي ياخذ من فلوس خييييير اكد عليه انا!!! هع هع هع
ااااااا وبسسسس

[احساس خواطر]

اقتباس المشاركة الأساسية كتبها خمائل مختاله احيانا الزوجه..تكون افضل من زوجها.. في التحكم وادارة ميزانية الزوج والمنزل والاولاد.. اعرف اشخاص يكونوا مبذرين... فتكون الزوجه..هي المتحكم في المال.. لا من اجل السيطره..وفرض الذات.. وانما من اجل حفظ المال وتنظيمه.. بحيث يحفظه من الضياع.. والصرف الغير مسئول..

ممكن ع حسب

[احساس خواطر]

يعطيتس آلعآفيه عآلموووووووضوووووع

[-| بَشِرُوُهّ إِنُيّ اَبـٌرَحّلْ |-]

اقتباس المشاركة الأساسية كتبها خمائل مختاله احيانا الزوجه..تكون افضل من زوجها.. في التحكم وادارة ميزانية الزوج والمنزل والاولاد.. اعرف اشخاص يكونوا مبذرين... فتكون الزوجه..هي المتحكم في المال.. لا من اجل السيطره..وفرض الذات.. وانما من اجل حفظ المال وتنظيمه.. بحيث يحفظه من الضياع.. والصرف الغير مسئول..

ياقليبي انتِ ما الظاهر المره بتصير احكم من الرجل
بصرف الأموال
ياعمري ياهو يكد كل هالشهور ويتعب وكل شي
همينن وشسمه يعطيهن زوجته

شوفي عاد بيني وبينك وقسم ترا المرآه السعوديه
فيها شوية(نذاله)<--تراني صادقه الا من رحم ربي
تلقينه اذا استلمت راتب هالمسكين مره عند باب الحسون سنتر ومره عند بوابة النخيل ومره عند بوابة العثيم
ومره تدحرج بسوق الصناعه
واذا قلتي خافي ربك بزوجك قالت سآده اجل اغبيهن همينن يتزوج علي<--شوفي التفكير الغبي
ولا الحمدلله وشوله يشتغل الا لنا<--ما اقول الا الله يصبره عليك

متشكره اوي الك حبيبتي

[نالا]

حبيبتي
بعض الرجال مايعرف يتصرف بالفلوس
مايجي وسط الشهر الا وهو داااج
من شان كذا بعضهم يعطيها زوجته خصوصا اذا كانت حكيمة بصرف المال
ولها معرفه بهذا الشأن بتكون احسن من الرجال

واذا هو راضي عادي مو حاس بالنقص ليه يحس بالنقص
لأنها فلوسه مو فلوس زوجته

لو انه ياخذ فلوس من زوجته يعني هو ماعنده ابد
يمكن كذا يشعر بالنقص

[-| بَشِرُوُهّ إِنُيّ اَبـٌرَحّلْ |-]

اقتباس المشاركة الأساسية كتبها سيرينا شوفي يأختي الرجل عارف نفسه وهذا ليس عيبا أجل يأخذ كل شي ويلعب فية ويخلي الثلاجة فاضية البيت تنقصه أشياء كثيرة نتيجه عدم مقدرتة على صرف الراتب بشكل صحيح أو أنه تأخذه الزوجه وتصرفه بشكل جيد ومعقول وتغطي جميع مصاريف البيت أختي زمان لما كانوا الرجال كثار ويقدرون يتصرفون بعقل الأن لا تغيرت أشياء كثيرة تريدين أن تعرفي عقول الرجال فقط أنظري الى موضيع الرجال هنا فقط سوف تعرفين حجم المشكلة الكبيرة ليسوا جميعا طبعا لكن

ياعمري انتِ اجل بعد شوفي مواضيع البنات عاد اللي ماشاء الله عليهن
على العموم انا ما اقارن بالمواضيع
واذا الرجل تغير تفكيره اجل المره تغير تفكيره اكثر من الف مره
برايك الحين الحريم يتصرفن زين<--والله ما الظاهر

يبقى لو لعب بفلوسه انه تعب يدينه وقومته كل صبح

شُكريات حُبي على مرورك مثل هيك نورتي

[صاحبة الامتياز]

موضوعك رائع حبيبتي بشروهــــــ

اعتقد ان من يعمل ذالك يكون عندهــ قل تصرف بماله

ويرزق باامرأه تكون افضل منه بتصرف مع اني مااعتقد ان فيه مره صامله

[شــادن]

بيووووووووووووووت مطمئنة برنامج فااااااااشل بس يجمعون مشاكل ولا يحلونها

ووتقضي الحلقة بلا نتيجة ؟؟؟؟؟؟؟؟؟؟؟

برنامج بااااااااااااااااايخ

[-| بَشِرُوُهّ إِنُيّ اَبـٌرَحّلْ |-]

اقتباس المشاركة الأساسية كتبها joOojoOo بريده طيب يمكن الرجل مايعرف يدبر نفسه!!! يمكن هي بتجمعهن له!!!>>ماتدرين انا بالنسبه لي شخصيآ>>بعدين الله يحيينا اذا اعرست قولوا انشاء الله خخخخ مستحيل اخذ فلوسه ع شان مايلي: 1- انا على قولة امي (خرببببببببطه) يعني ما امسك شي بيدي سبحااان الله ما اتحمل اشوف ببوكي ريال يضيق صددددددددددري 2-ااااااا اتوقع هو ماراح يعطيني اصلا والسبب سبق ذكره^^^ 3-مالي خلق كل شوووي يجي ياخذ من فلوس خييييير اكد عليه انا!!! هع هع هع ااااااا وبسسسس

ياآإآإآإآإناآإآإآإس يبقى انه رجل ومافي رجل مايعرف مصلحة نفسه
مافي مشكله نقول فيه رجال تعرف مصلحة نفسه بس هو يتجاهل الشي هذا

ومهما كنتِ خربطه ولا مو خربطه
انه هو اللي تعب وكافح وعانا وكل شي

تخيلي انتِ نفسك تكرفين لليل نهار
بالأخير ينزل الراتب للطرف الثاني

الله لايقهرنا يبقى انه تعبك انتِ خلاص اجل حتى هو تعبه

شُكريات ياعُمري على هيك اطراء

[-| بَشِرُوُهّ إِنُيّ اَبـٌرَحّلْ |-]

احساس خواطر

يعافيك يا البي مشكوره على هيك بصمه

لاعدمتك غناتي

[loquacious]

ياحبيبتي وشو إهانه !
يعني لما اطلب من ابوي أو امي يحولون لي فلوس تعتبر إهانه !
لما ارسل لأخواني رقم حسابي بمناسبة الراتبين .. هذي اهانة !
تدخلون الإهانه بكل شيء !

قلتي تخيلوا وتخيلت اني بمكانها , الوضع فرري ييزي . .
بدال مايروح للصرافه يجيني يبغى فلوس , تخيلت نفسي صرافه متنقله , لكنها وسيمه وتجيد الكلام والتحرك !
يقول ابي 1000 .. اروح اعطيه اياه , ماادري وين الإهانة بالموضوع !
وعن طريقة التصرف ماسواها الرجل الا وهو له مغزى , وماراح تخيّب زوجته تصرفه ..

أمور الأزواج ياليت نخليهم بحالهم والله بينبسطون وماراح تتعكر أجوائهم ..
كل بيت لها خصوصيتها وماراح يكونوا اللي خارج البيت أدرى فيهم ..

مثلاً .. اخوي يحّول لزوجته كل شهر مصروف البيت من الأكل والفواتير ..
وهي اللي تتحكم بالمصروف وتشتري وتسدد !
طبعا ً الفكرة هذي قامت بعدة مسببات .. وتجارب ..
ولما جرب ان يكون المصروف معاها صارت تصرف أقل منه وتدّخر حتى أكثر
وغير كذا .. المرأة هي ملكة البيت ..

خلوا الناس بحالها ..

+ كل ما أقرأ مواضيع هنا ببريده ستي .. يقّل شحني على تصرفات ابن عمي لأهله ..
لأن قناعته داخل بريده افعلوا ما اريد .. وخارجها افعل ماتريدون ..
ايقنت ان هناك صفعات تحكمه هنا وهناااك .. لذلك لن الومه مرة ً أخرى