[الهلي دوا خلي]

السلام عليكم ورحمه الله وبركاته~

اخواني خواتي اعضاء مشرفين اداره (موقع بريدهـ ستي )

هل هذا العمل صح او لا ؟ ، كل يوم موضوع في المنتدى.

اليوم في الشارع ،الفلااني ، تفحيط ، نصب ، مواكب ،

آلأعمآل هذي صحيح تصير

وكل يوم اربعاء وخميس ،

تكون في شارع القناه وتقاطع حويلان واللسيب والدوران بالفاخريه وبالنهضه

فالكن مو هذا الموضوع

موضوعي


اللي سبق وكتب موضوع
ياللي تقول ان شباب بريده لسا ماربيو

والدوران في كل شارع

طيب لماذا اهل عنيزه لم يشتكون؟ لماذا اهل البكيريه لم يشتكون ؟

اول شي اهل البكيريه النصب كل يوم اربعاء وخميس وعنيزة كذالك

لماذا بريده مايكون فيه نصب ، ومسابقات

نصف شباب بريدهـ ، هواياتهم النصب ، والتجمعات ، ،

انا اقتراحي ، ليه الجاليات ماتسوي كل اسبوع ملتقى دعوهـ لشباب ، ومسابقات نصب

وبعض الاعضاء يكتب موضوع اليوم فيه نصب وتجمع ومدري ايش وحالته صعبه

شاب عاطل ، مافيه وظيفه وين يروح؟

وبعض الناس يسب النصب :@ ليه؟

هل فيه خطر؟ هل هو حرام ؟


والان تحياتي لكم واسف على الاطاله واعذروني

[خادم بريده]

الله يوفق ادارة المرور وشرطة على هالنوعيه راعية المشاكل ببريده

[اجمل احساس**]

من راييي مب زينه التجمعات تجمع من هب ودب الخربانين مع صغار السن ....الحل كل واحد يقضب ارضه ابرك له

[:المسار:]

انا اقتراحي ، ليه الجاليات ماتسوي كل اسبوع ملتقى دعوهـ لشباب ، ومسابقات نصب.

ياأخي الجاليات ومكتب الدعوة ماقصروا كل ثلاثاء و جمعة مسابقات وجوائز وتلميع وحركات ونصب بس بعض الشباب مادري..الله يوفق..

[أبو بسام 99]

لو يصير النصب منظم وعليه مراقبين لهم صلاحيات عادية جدا مايصير فيها تسلط افضل من نصب يصير فيه حبوب

وبزران الى الدفنه ورح شف الفاخرية ايام الاجازة وكل ثلاثاء واربعاء وخميس من الأيام العادية بزرنجية ودشير ولعنه

[السماوي]

أوووووفق كلامك ياااااخوي وش فيه النصب 100% عااد كلن وهوااايته

[فارس بن احمد الخويلدي]

تعودنا اخوي الصغير كل ما شا ف ربع يقول: ربع ربع

[أعتز بعقيدتي]

والله ماوراء

التفحيط والدوران
والنصب
إلا بزران
ودشير وألعن خلق الله يكونون في هذه الأماكن غالبا

ويجيك هالحبيب ويروح ينصب
أول مرة سلام عليكم السلام
ثاني مرة أوصلك
ثالث مرة نتعشاء سواء
رابع مرة .................
وإذا ووقع الفاس بالراس ماينفع شيئ

الله يصلحكم اقعدوا واركدوا أبرك لكم

[عنود البراري]

ماوراه الخرابيط الا الخراب
اهجدو بس ضيقتو على الخليقه

[قاآآآآسم]

با بعد قلبي

إذآ منعوك من النصب رح إجدع بوجـه المرور جدعـه وهــج ولا توقف إبدآ

أهم شي اللوحات لا تصير مركبات

والله ما منه فآيده ننصب يجيك بمخالفه
وانا إذآ حمقت أجدع بوجه وأزبن
مع إني منب أنصب بس عشآن اللي بالنهضه
والله يا هم يرحمون

[إليـن اليـوم..!]

انت قوي بس لا تهايط


ترى فيه اشياء اكبر من هذي


لا شغل ولا مشغله وبس دورآن صجيتونا


وبعدين وش دخلك بحقين البكيرية وعنيزة,,,, خلك بحالك,,, وتكلم عن نفسك,,,

لا تحسسسب كلن زي هالتفكير الي ما ادري وين يودي ووين يجيب....


وقضن الهوايات وما لقيت الا نصب


لا حول ولا قوة الا بالله

[إليـن اليـوم..!]

اقتباس المشاركة الأساسية كتبها أعتز بعقيدتي والله ماوراء التفحيط والدوران والنصب إلا بزران ودشير وألعن خلق الله يكونون في هذه الأماكن غالبا ويجيك هالحبيب ويروح ينصب أول مرة سلام عليكم السلام ثاني مرة أوصلك ثالث مرة نتعشاء سواء رابع مرة ................. وإذا ووقع الفاس بالراس ماينفع شيئ الله يصلحكم اقعدوا واركدوا أبرك لكم

وانت الصادق


بزرنجية ازعجونا

[اتحادي بريده]

مرور بريده ضد الواناسه والنصب بس الله يعين ملينا من القسايم السالفه مريا انت اللي التسوق مثلا

[الــخــود]

امنيتي ان يمنع ذلك في المملكه كلها

هذا ليس اسلوب حضاري وافكار بصراحه مادري وش ارشحها>> بس سؤالي ليش هم يسوون كذا

الله يهدي شبابنا ويفتح على بصيراتهم ويسمي ثقفاتهم ويزيدهم بسطة في العلم