 |
|
|
|
|
05-06-2011, 01:11 PM
|
#1 |
|
عـضـو
تاريخ التسجيل: Jun 2011
البلد: بريده
المشاركات: 13
|
استفسر عن " المجموعه الثالثه " بمستشفى الولاده والاطفال ببريده
السلام عليكم ورحمة الله وبركاته ..
جيت وكلي امل بفزعتكم معي الله يجزاكم الجنه .. ابي استفسر عن " المجموعه الثالثه " بمستشفى الولاده والاطفال ببريده لان أختي تراجع عندهم ومقررين لها ولاده قيصريه  ولا يخفى عليكم مخاطر القيصريات وآثاره بعد الولاده ,, والاخطاء الطبيه اللي تصير من وراه .. فالله يحرم وجيهكم عن النار اللي عنده/ها : ** معلومات عن طبيب او طبيبه زينه  بهالمستشفىيسوي قيصريات .. لاتبخلون علينا ترا والله مالنا الا الله ثم انتم .. ماعندنا أحد يستفسر لنا عن شيء , حريم مكسرات جنحان ونستحي نهبع بالمستشفى نطيح وجيهنا للرجاجيل نسأل  ** او معلومات عن المجموعه الثالثه ,, وشي؟؟!! ** اوأحد يعرف موضف غيور بالمستشفى يدلنا عليه نسأله .. تكفوووووون إختكم محتاجتكم لا تردونن ,, قال صلى الله عليه وسلم " من فرج عن مؤمن كربة من كرب الدنيا فرج الله عنه كربة من كرب يوم القيامه .. ياحبيلكم يالاداره  لا تحذفون موضوعي والله اننا بهم مايعلمه الا الله ,, لان وحده من قراباتنا صار لها خطأ طبي بهالمستشفى وخايفين تصير اختي عند نفس الدكتور الله لا يقدر شر ..وإذا مالقيت هنا المساعده وين أروح بعد الله سبحانه وتعالى ؟؟ |
|
|
|
05-06-2011, 01:26 PM
|
#2 |
|
عـضـو
تاريخ التسجيل: Jan 2011
البلد: بذا فيذا هنا
المشاركات: 4,919
|
لا اعلم
لاكن الله ييسر امره وماتشوف شر |
|
|
|
|
05-06-2011, 01:47 PM
|
#3 |
|
عـضـو
تاريخ التسجيل: Sep 2008
البلد: في عآآآآلمي
المشاركات: 1,974
|
الله يسهل عليه
بس أذكر وحده تقربلي والده قيصريه بالولادة والأطفال وتمدحه
__________________
. الله يعين على الدنيآآآآآ . |
|
|
|
|
05-06-2011, 02:02 PM
|
#4 |
|
عـضـو
تاريخ التسجيل: Jan 2009
البلد: بريدة
المشاركات: 8,223
|
المجموعة الثالثة بالنسبة للعمليات والله مادري عنهم أما بالنسبة للمواعيد أثناء الحمل حسبي الله عليهم كلهم سباكين ولمعلوميتك المجموعة الثالثة كلهم باكستانيين والمشكلة أغلبهم إستشاري ولا واحد يفهم عربي
بس يمدحون رئيستهم اللي هي رئيسة المجموعة الثالثة الإستشارية كوكب ترى مو قصدي أخوفك والله ماأظلهم بس مثل ماذكرت لك من ناحية المراجعات والتعامل الجاف وبعدين بقولك مو شرط أنه المجموعة الثالثة اللي راح تجري العملية القيصرية اللي راح يسويها أكيد نفس الأطباء المناوبين بيوم العملية والله أعلم أتمنى لأختك التوفيق والله يسهل عليه ولادته
__________________
  |
|
|
|
|
05-06-2011, 02:46 PM
|
#5 |
|
عـضـو
تاريخ التسجيل: Sep 2010
البلد: fvd]m
المشاركات: 1,701
|
المجموعات بالمستشفى تمثل مستوى ورتبة الدكتور مثلا الاخصائيين مجموعة والاستشاريين مجموعة
والاقل مجموعة فأنتي اسئلي اولا عن المجموعة الثالثة هم اي شيء الاخصائيين او الاستشاريين وإذا كانوا الاستشاريين فهذولاء اعلى رتبة في مستشفى الولادة .
__________________
 السعادة التي تضعها في جيوب الآخرين ‘‘ ستعود يوما لتختبىء في جيوبك عندما تحزن . |
|
|
|
|
05-06-2011, 05:23 PM
|
#6 |
|
عـضـو
تاريخ التسجيل: Jun 2011
البلد: بريده
المشاركات: 13
|
حربي عابر دربي ..
آآآمين .. شاكره مرورك الله يجزاك الجنه .. الحلوه .. والله ان الواحد يحتار .. أحد يمدح واحد يسب .. مشكوووره يالغلا على المرور .. الله يوفقك بالدنيا والاخره .. أبو رامي .. صدقت .. تعاملهم جاف مررره .. بس سمعت إن "كوكب " ضمن المجموعه الثانيه .. والمجموعات أكيد لهم أيام معينه يعني مثلا ** المجموعه الاولى " السبت " الثانيه " الاحد " ... وهكذا فحنا نطلب الموعد عند المجموعه الزينه والباقي بيد الكريم سبحانه .. رغم انهم قايلين لها .. متى ماجاك الطلق طيري للطوارئ يعني يمكن يروح المدابتس على الفاضي .. بس الواحد يسأل يدور الخيره جزاك الله خير على الدعوه .. وكثر الله خيرك على المعلومه الله يصلح لك النيه والذريه يااااااارب .. بنت كفو .. سألتهم أختي وقالوا إن كل مجموعه عباره عن أخصائيين ورئيسهم إستشاري بس ما عطوها إسم مجموعه معينه ,, انهم زينين ,, أو اسم طبيب/ه إنه زينه .. مشكوووره غناتي على المداخله الله يسعدقلبك وويسر امورك .. |
|
|
|
|
05-06-2011, 05:36 PM
|
#7 | |||||||||||||||||||||||
|
عـضـو
تاريخ التسجيل: Sep 2010
البلد: fvd]m
المشاركات: 1,701
|
ماهو كذا الي قالت لك تبي تصرفك مثل ماقلت لك وممكن تطلبين مدير العيادات وتسألينه .
__________________
السعادة التي تضعها في جيوب الآخرين ‘‘ ستعود يوما لتختبىء في جيوبك عندما تحزن . |
|||||||||||||||||||||||
|
|
|
|
05-06-2011, 06:13 PM
|
#8 |
|
عـضـو
تاريخ التسجيل: Jun 2011
البلد: بريده
المشاركات: 13
|
,, يعني قصدك أدق عليهم ,, وأطلب تحويلة مدير العيادات ثم أسأله ؟!
والله ما أضنه يبي يرد علينا ولا أضنه يبي يمسكنا جاده وهو مايعرفنا  وبصراحه أنا أستحي ادق لاني أتلعثم لاجيت أحتسي رجل ؟؟؟ وشلون عاد ابستفسر وأباخذ وأعطي ..  وإختي أردى من ماتعرف تصرف روحه >>> يقالي انا السنعه  عاد تصدقين إني متعقده أنا من وراها ..  يعني الحين الوحده تخيس ببيت أهله مالقت رجل كفو .. والى أعرست خذ يا مشاكل ووجع راس .. والى حملت ضاقت به الارض ماتدرين وين تضني به ؟؟!! هالمستشفيات من جرف لدحديره والى جابت بزر بحلت بنوع الحليب .. هذا ملوث بالميلانين .. وهذاك مضاف له هرمونات وهذاك يجيب الماغص وووو... الخ .. وإن صخن بحلو به أهله كل دكتور يتطبب به شوي !!! يالله ان الشكوى لك  وغن بدا يدرس تعقد من هالمناهج  أكمل والا عقدتكم معي ياااارب يجي أحد يعطين علم يبرد التسبد ولا يهونون اللي ردوا .. بيض الله وجيهم ورزقكم من حيث لاتحتسبون |
|
|
|
|
06-06-2011, 03:58 AM
|
#9 |
|
عـضـو
تاريخ التسجيل: Mar 2010
البلد: ارض الله الواسعه
المشاركات: 301
|
حبيبتي توكلوا على هالكريم وماتشوووووفون شر ان شاء الله
انا ولدت قيصري بالولاده عند د/يوسف وجنسيته من الشام بس بالضبط مادري تعرفين هاك الحزززززززززززززه ماتدرين عن الدنيا بس نبي الخلاص ياحياتي رحمت روحي بالعكس الاجهزه وكل شي متوفر احسن من غيرهم والمفروض لو كنتي بمستشفى اهلي وقرروا عمليه مباشره تذهبين للولاده والله يكون بعونكم ويفرج لاختك امين ياربي
__________________
لاتقول الحظ عمره ماكمل قل انا حاولت والله ماقسم |
|
|
|
|
06-06-2011, 05:14 AM
|
#10 | |||||||||||||||||||||||
|
عـضـو
تاريخ التسجيل: Dec 2007
المشاركات: 207
|
د/يوسف موموجود
__________________
 |
|||||||||||||||||||||||
|
|
|
|
06-06-2011, 01:17 PM
|
#11 |
|
عـضـو
تاريخ التسجيل: Jun 2011
البلد: بريده
المشاركات: 13
|
يارب أرزقني ما أتمنى ..
صدقتِ المستشفى الحكومي ما مثله شيء بالاستعدادات والاجهزه مهما بلغ شينه .. الله يرزقك ما تتمنين ويفتح لك ابواب الرزق والتيسير .. انفاسي .. شكره مرورك .. |
|
|
|
|
06-06-2011, 03:16 PM
|
#12 |
|
عـضـو
تاريخ التسجيل: Jan 2009
البلد: بريدة
المشاركات: 8,223
|
كوكب هي بالمجموعة الثالثة متأكد إلا إذا غيروها اليومين والمجموعة هذي يوم الأحد فقط
وغالباً تحصلينه بالطواريء إذا أنتي ماتبين المجموعة هذي بإمكانك أنتي ولا أحد محارمك يدخل على العليقي ويقوله نبي المجموعة الفلانية العليقي يعلم الله أني ماعرفه ولكنه قام بمساعدتي بكثير من ناحية المواعيد وغيره وهو إنسان محبوب للجميع ولا يرد أحد وأخيراً توكلي على الله أنا زوجتي ولدت قبل عشرين يوم وكانت متابعة مع المجموعة الثالثة لأنه دخلت عن طريق الطورايء لمشاكل صحية في بداية الحمل ومنذو تلك الفترة وهي تراجع مع تلك المجموعة ولكن عند الولادة دخلته للطورايء وولدت مع غير المجموعة هذي ( نفس كلامك يروح مدابسك بالفاضي - لأنه يمكن يصادف الطلق بيوم لاتكون مجموعتك متواجدة ) وعموماً جميع الإطباء والطبيبات بمستشفى الولادة ممتازين ولا تخافي من الكلام اللي تسمعينه وأنا الصراحة أفضله مليار على ميه بالمستشفيات الأهلية أسأل الله العظيم أن يوفقكم ويسهل عليكم ويرزقكم طفل سليم معافي يقر عيني والديه
__________________
|
|
|
|
|
06-06-2011, 05:22 PM
|
#13 |
|
عـضـو
تاريخ التسجيل: Jun 2011
البلد: في قلب زووووجي
المشاركات: 2
|
والله يااختي انا مااعرف المجموعه الثالثه ولا الرابعه لكن حبيت اقولك عن تجاربي مع مستشفى الولاده انا ولاداتي كله قيصري ومااخفي عليك الرعب اللي انا اعيشه مع كل ولاده لكن الحمد لله وقت ويعدي وكله باجره ان شاء الله ار وح للطواري وهم يرقدوني ومن بكره يحطون العمليه اتوكل على الكريم واللي كاتبه الله بيصير وعلى مااعتقد كل اللي مسويين لي العمليات دكاتره مصريين لكن مااعرف اسمائهم خلي اخيتك تتوكل على الله واللي الله كاتبه بيصير سواء مع المجموعه الثالثه او غيره الله يتمم لها على خير وييسر امره ويرفع عنها عسره ويفرج كربته امييييييييين اعتذر على الاطاله
|
|
|
|
|
06-06-2011, 07:47 PM
|
#14 |
|
عـضـو
تاريخ التسجيل: Jun 2011
البلد: بريده
المشاركات: 13
|
أبو رامي
جزاك الله خير وبيض الله وجهك ماقصرت ..وفعلا كوكب بالمجموعه الثالثه "يوم الاحد" سألت اختي موضفة الاستقبال وقالت له انها بالمجموعه 3 ,, ومن باب نفع الاخرين إذا أحد يبي يستفيد غيرنا .. قريبتي مسويه قيصريه عند كوكب " سودانيه" ,, تقول ان مكان العمليه جلس فتره طوييييييله" يطلع منه ماء"رغم إني اشوف الجلد عااادي مره مافيه شيء غريب ,, من وين يجي الماء او الرطوبه ؟؟ الله وأعلم .. رغم انهم يمدحون هالدكتوره داخل المستشفى .. مره ثانيه جزاك الله خير على إهتمامك والله لايحرمك دعوات امي وهي صايمه اليوم بعد ,, فقدتك يا اخوي .. صدقتي من توكل على الله كفاه ,, وهي اصلا يمكن تولد قبل موعدهم يعني يمكن تدخل طوارئ ,, بس حنا نسأل عن قولة ليتنا سائلين ,, وندور احد زين من باب الجهده ,, والا ماهنا الا المكتوب وجزاك الله خير على الدعوه ,, الله يسعد قلبك ويجعل لك من كل هم فرج ومن كل ضيق مخرج ومن كل بلاء عافيه ويحفظك من شياطين الجن والانس وذريتك وكل من تحبين .. |
|
|
|
 |
| الإشارات المرجعية |
| أدوات الموضوع | |
| طريقة العرض | |
|
|
النمط المتتابع
