[الصريح الفصيح]

تكلمنا بمافيه الكثير وطرحنا ولكن لاحياة لمن تنادي ( آنتخابات بلدية ) على قدم وساق من آجل مناصب شرفية لاتفيد الوطن والمواطن ماذا؟ عملت هذه المجالس البلدية في السابق يحتسون آكواب من القهوة والشاي ويرمون نواة تمر السكري مع فتحة صغيرة ويقول أحدهم ربما تسقط هذه النواة في حفرة وتخرج لنا نخلة تمر سكري تسمى ( نخلة أنتخابات مجلس بلدي ) يضحكون ويقضون وقتهم بين أوراق هي شكلية العمل للأسف الشديد منطقة القصيم تعاني من سوء الخدمات وقلة الآهتمام
هي دقائق بسيارتك لترى العجب العجاب عندما تشاهد أحياء شرق بريدة البائسة المنسية والمهملة
أنارة مفقودة وعشوائية وتقف وفق مصالح ومحسوبيات تنشر هذه المصابيح على أستراحات لكبار القوم بينما تترك المنازل بلا آنارة ولاصيانة لمصابيح قد انهكها الزمن ! هل أصبح المواطن هو الحلقة الأضعف يعيش في ظلام بينما أستراحات كبار القوم في بلدية بريدة قد أضاءات وتجلت بشكل رائع وترى العمالة البنغالية تحمل صنايا المندى في أنارة رائعة بينما سكن أحياء شرق بريدة يعيشون وسط الظلام !
أين المتابعة والأخلاص أين دور المجالس البلدية لقد ضاع الضمير وأصبحنا لانفرق بين مصطفى وسمير !
عطش وأنقطاع متكرر في المياة لا آلية عمل واضحة ( انقطاعات بالأسبوعين وقطرات ماء تعمل لمدة ساعتين غير كافية لتعبئة خزان ماء صغير المبرارت جاهزة والصيف حار والمصلحة نائمة في سبات عميق !)
طرق متعرجة وصحراوية طينية مغبرة تحلم برصيف أسود أنها أفريقيا ( بريدة ) تعاني أحياء شرق بريدة أهمال منقطع النظير مشاريع الصرف الصحي والمخلفات وراوائح مدينه الآنعام وباعوض كبير ويتمتع بصحة جيدة يشرب من دم مواطن مسكين لا خدمات ولا اهتمام ( وجعان ووطي بطنه )
لوحات أرشادية مفقودة لوحات أستراحات تبرز بشكل كبير وعشوائي أساءت المنظر القادم من الدائري الشرقي يسجل منظر مخجلا لعاصمة القصيم
لبريدة رجال ذهبوا وحضر من يجامل وينافق ليعيش على كرسي وثير يراقب مشلحه الذهبي وشرق بريدة يبكي ويصرخ هل من منقذ
مجالس بلدية شكلية طابعها آعلامي بحت وضعت بين المواطن والمسئول

[فتى اللواء]

ماعليش عزيزي ... انت تتكلم عن شرق بريده يعني الضاحي وخب القبر والوسيطى .. لي سؤال كيف تبي الامانه تهتم في احياء قديمه ونتهى عمرها الافتراضي واي مبالغ فيها خساره ميزانيات وفيه مناطق احسن منها احق بالخدمات منها ... لا والمشكله ان اهل الشرق اول ماسمعو بان العقار مرتفع طيرو سعره ووصل اربعمائه وخمسنائه للمتر ... لي سؤال ويش فيه خب القبر يوصل سعره 400 و 500 ... لامدارس ولا مستشفيات ولاحتى مسطحات خضراء ولاحتى طرق زي العالم ... لاتزعلو هذي حقيقه احياء نسيها الزمن وتعدتها التطوير ... يكفيكم انه تم انارة بعض احياء الشرق ... ويكفيكم اسعار اراضي الشرق يمكن تعوضكم عن اهمال الامانه فيكم ... انا شخصيا اعمل بالامانه وجهات الشرق مهمله بسبب اشياء كثيره اقلها انها احياء مستهلكه ومنتهية الصلاحيه واي مبالغ تحط فيها خساره .... ومعلوم ان احياء الشرق والجنوب بكل مكان احياء قديمه تقبل مروري ولا تزعل مني هذي الصراحه

[كوكتيل عسل]

شي طبيعي أخوي بما إن المسؤولين الحرامية لهم شراكة بالأمانه و كلهم بالشمال ويسعون لرفع أسعار أراضيهم وعقاراتهم فيحاولون يحسنون ويجملون أراضيهم وعقارهم حتى يرتفع السعر وتكون الفائدة له ويتركون الشرق والجنوب حتى يبتعدون الناس عن الشرق والغرب ويجون للشمال , وأميرنا نايم بالهنا

[أبورامي]

اقتباس المشاركة الأساسية كتبها كوكتيل عسل شي طبيعي أخوي بما إن المسؤولين الحرامية لهم شراكة بالأمانه و كلهم بالشمال ويسعون لرفع أسعار أراضيهم وعقاراتهم فيحاولون يحسنون ويجملون أراضيهم وعقارهم حتى يرتفع السعر وتكون الفائدة له ويتركون الشرق والجنوب حتى يبتعدون الناس عن الشرق والغرب ويجون للشمال , وأميرنا نايم بالهنا

كلام سليم ياكوكتيل
أما اللي علق الثاني المبالغ خسارة فيها !!!!! ليش ماهب تبع بريدة ولا ودك نعطي كل الجهة الشرقية عنيزة مثلاً
تراي من سكان الغرب تبي تقول بعد الغرب أكل عليه الزمن وشرب وخسارة عليه الفلوس ومادري إيش
لا ياأخي المفروض كل شيء يوزع بالعدل ومثل ماذكر أخونا الخيانة تدهر بالمسؤولين وكل شي رايح شمال شكلهم يبي يوصلون حائل بخيرات الغير

[الصريح الفصيح]

اقتباس المشاركة الأساسية كتبها فتى اللواء ماعليش عزيزي ... انت تتكلم عن شرق بريده يعني الضاحي وخب القبر والوسيطى .. لي سؤال كيف تبي الامانه تهتم في احياء قديمه ونتهى عمرها الافتراضي واي مبالغ فيها خساره ميزانيات وفيه مناطق احسن منها احق بالخدمات منها ... لا والمشكله ان اهل الشرق اول ماسمعو بان العقار مرتفع طيرو سعره ووصل اربعمائه وخمسنائه للمتر ... لي سؤال ويش فيه خب القبر يوصل سعره 400 و 500 ... لامدارس ولا مستشفيات ولاحتى مسطحات خضراء ولاحتى طرق زي العالم ... لاتزعلو هذي حقيقه احياء نسيها الزمن وتعدتها التطوير ... يكفيكم انه تم انارة بعض احياء الشرق ... ويكفيكم اسعار اراضي الشرق يمكن تعوضكم عن اهمال الامانه فيكم ... انا شخصيا اعمل بالامانه وجهات الشرق مهمله بسبب اشياء كثيره اقلها انها احياء مستهلكه ومنتهية الصلاحيه واي مبالغ تحط فيها خساره .... ومعلوم ان احياء الشرق والجنوب بكل مكان احياء قديمه تقبل مروري ولا تزعل مني هذي الصراحه

هلا أخي الغالي هذا وتر يضرب علبه منذ زمن هو شعار ومشجب تضعه عليه قصور أدارتك وضعف الأمانه
هل تركيب أنارة يحتاج لبنية ؟ هل رصف شارع يحتاج مخطط جديد
أعذار واهية أنه التعصب لشمال بريدة لأرضاء المسئولين هناك أنه الفساد بعينه
الضاحي والوسيطى وخب القبر والقاع البارد آحياء تقع في بريدة وهي من أنجبت المزارع والتاجر وتنكر لها المسئول للأسف
والخسارة تواجد موظف بتفكيرك !!!

[{ صوت بريدة }]

مثل ماقالك يالصريح ، فتى اللواء

يعني غير أنها صارت قديمة هاك الأحياء ، الا انها صارت مسدح ومردح للي يدخلون الديرة الغرباء

عندك شرق بريدة على جنوب على السالمية والضاحي والقبر وهالاحياء هذي المفروض تترك كما هي

ومافيه أي مدينة بالعالم متساوية شمالها وجنوبها لازم الشمال هو المتطور ، الا عنيزة

والسبب معروف الوادي والبيارات ــ الله يكرمكم ــ


اجل يالحبيب بالعقل ، منهو الي يبي يبني فيلا قيمتها مليون جنوب ولا شرق بريدة

غير أن الجنوب والشرق صار أكثر المشاكل

انا عن نفسي أحس أن شمال وغرب بريدة هم الارقى والأفضل والأمان والأريح

أما الي يجيك معقد نفسياً

ويجلس يقرق عليك بالكلمات هذي ويتفلسف

ويقولك مثلاً

والله أنا ابي جنوب مابي الازعاج والزحمة والقرف < الي يشوفه يقول بمدريد

بالعكس أنا اشوف أن زحمة الجنوب أكثر من الشمال ، وأشوف أن الجنوب ازعاج أكثر من الشمال

ولاواحد ثاني يخطم عليك ويقول ، أنا مابي الشمال ابي اقرب لي للسوق

الله واكبر هالحين ، وشي الاسواق الي جنوب بريدة ، والي احرم نفسي من خدمات كثيرة عشانها

[المري]

للاسف لن يصلح الحال الا اذا سمعنا عزل ومحاكمه كل مسئول انظر الى قضية جده ويوجد قضايا كثير بجميع مناطق المملكه نرجو من الله ثم من ولي الامر ان يكون فيه محاسبه فوريه وعلنيه للمقصرين وعلى وأولهم امراء المناطق حتى يعم الخير وتصفى النفوس