[لندني]

السلام عليكم ورحمه الله وبركاته

تم نقل الحرس الوطني بكامل قوته من عرعر ورفحاء الى منطقه القصيم

وباشروا اليوم

[مهزله]

لا عزالله جابو العيد ..

[هيبة وطن]

بالله عليكم
يعني ناقصين زحمه حنا
على العموم ااهلا وسهلا فيهم

[هنودة بريده]

الله يسمع منك اغدي بريده تطور شوي

[ليش لا]

اقتباس المشاركة الأساسية كتبها مهزله لا عزالله جابو العيد ..

اهلاً وسهلاً
كثير من ابناء القصيم حصلت لهم فرصة من ذهب عند تشكيل الكتيبة

[حنان بريدة]

حتى الحرس بالرياض جاوا هنا اهنى اخوي بمناسبة نقلة من حرس الرياض الي القصيم جابو من الرياض لواء

[MEA]

اهلا وسهلا فيهم

[MESO]

الله يحييهم

[حبيبتهم]

حياهم الله ..

[باربي بريده]

طيب وين مقرهم با الظبط

[جمراوي]

الله يكون بالعون بشّر بندة والعثيم فيهم اما حنا لنا الزحمة لكن ربك كريم والضيق بالقبر,, الله محييهم ..

[حربي القصيم]

آلله يحيهـم
وبعدين فيه نآس موب معجبهـم جيتهم..!!
ترى نصهم بالاسآس من آهل القصـيم
وغير كذآ رآح يكون فـيه مستشفى جديد للـحرس ويكـون فيه آطبآء على مستوى عالي

[كراث بخبز همبرقر]

هلا وسهلا بهم .... مدري ليه مبسوطه بجيتهم مع اني ما اعرف منهم احد

لكن عندي احساس بريدة بتطور ويارب وفق الجميع

[فارس القوافي]

الخيرة في ما ختارة الله .

الغريب أن أهل القصيم لا زال تتوارث عندهم رفض المدنية أب عن جد .

في السابق هم من حارب تعليم البنات واليوم الاتعليق.
في السابق هم من حارب توزيع الجرائد واليوم لاتعليق ..
في السابق هم من حارب أنشاء الطرق المعبدة في جوار المزارع والبيوت واليوم لاتعليق "خوف من الغريب يكشف العورة ويشاهد النساء داخل المزرعة أوعند ماتقضي الحاجة "قديماً" واليوم لاتعليق
في السابق هم من حارب التسجيلات والاستديوات وغيرة واليوم لاتعليق .

نعم المدنية والتحظر وغيرة كـ التطور والمنافسة للمناطق الاخرى لايمكن دون أن يكبر معها الاقتصاد وتواكب التطوير .
هل تعلم كم من الشباب سوف ينتفع من هذا "الكتيبة" وكم شخص سوف يتوظف ويختار المجال المناسب لهذا
الصرح حتى يتسنى لة التوضيف في بريدة وغيرة كثيرررررر.
نعم لها سلبيات ولكن العصر الحالي هو من يختار لا الناس تختار كـ السابق .

الكل الان مثقف ومتفهم المصلح من المفسد والمقصود والقصد .
عليكم في أهليكم وقوهم النار في النصح والارشاد وهذا واجبكم .
أما الخيرة فهي للة وحدة اليوم .
عسى أن يكون فيها الخير الكثير .
ولو كانت في عنيزة لكان الصرخ هنا وهناك ولكن هي حكمة وطبيعة البشر والجسم البشري
في البداية الرفض ونهاية طلب التطوير بل المزيد .

كل ماذكر أعلاة مجرة راي يخص كاتب فقط ولايعني أنة موثق وغيرة بل يتخللة الخطاء في التأكيد .