[@بريداوي اصلي@]

في أجواء شبابية ممتعة ... نظم المكتب التعاوني للدعوة والإرشاد وتوعية الجاليات بشمال بريده في "ملتقى النهضة الشبابي" نصب سيارات ربع وشاص لهذا اليوم ضمن فعاليات مهرجان بريدة أصالة 32 , حيث تنوعت الفعاليات التي امتزجت بين الدعوية والثقافية والترفيهية , وقد شهد حضوراً كثيفاً من الشباب بقيادة المبدع الداعية أبو حنان الذي أسهم بأسلوبه في جذب الشباب والأطفال والآباء.

يذكر أن إدارة مرور بريدة تحارب " نصب السيارات " ولكن كان لهاً دور في تنظيم الملتقى الشبابي.


الصور

V



























@بريداوي اصلي@

[SORRY]

وش الفائده عاد ..؟!

..

[المسلهم]

يازين نصب القميري الصوره الاخيره
وتركوا عنكم بس

[عبدالرحمن راعي الابل]

مشكور

[ضي آلقمر]

والله من الفضااوه انا لو عندي سياره كان خربت من كثر ماافرفر فيها مو اخليهااا تحفه العبداللطيف

[فارس القوافي]

سبحآن الله .

جهات تعارض وتعاقب من يقومون في النصب "العرض" وأخرى تكافئ السيارة التي "متعوب عليها"المنصوبة .

الآ يدل هذا على أننا شعب أخرررررررص . وعايش في البركة .

أذا كان ممنوع أو مخالف لنظام . حسب القانون وليس نص فردي فلعقوبة على الجهة المنضمة.

لاعقاب أوغرامة بدون نص قانون من الدولة .

[ابو منزوع]

الله يشفيهم جيب ربع ومسوين زحمه

[كتكوتة]

بعذره لو تعدى سعره مائه وزياده وش عليه..عشان عليه طلب من اهل بريدة

[MEA]

ودي ادري وشي الفايده من النصب

[manedl]

كل هوايه لها لذه الا النصب مالها أي لذه بالعكس تدل على قصور الفكر

[قائد المجد]

لايوجد فائدة

[دموع ناسك]

تشششش
وبعدين لبقوا السيارات
همن وش يصير؟

ودي ادري وش يحسون بوه

[كلي حنان]

حأإأإأإأإأإله من جد

من جد الدوريات تطاردهم بالشوارع على شان النصب واللحين توقف وترتبهم

ياسلام أول مرررره أشوف نظام هيك يعني على المزاج

يعني نفهم أنه تشجيع للشباب /// وفوق هذا تحفيز لهم

بكرا كل هالشباب تبي تقلد ........... مالقيتوا تشغلون الشباب الا بهالنصب والعرض

بالاخير ,,,, أقول لاتفتحون باب على أنفسكم بتشجيعكم للعرض والنصب ولهسترت الشباب

[عرفوج]

يا عيالي من يجر مويتري أبي أروح مع هالشباب استانس مبطي ما طلعت البيت ، ترو موتري ما بوه شيء ألا تسان القير قليل الفود خربان مبطي والسبة دقشت لي ماصورة ما ادري وش جابه بوسط السفلت بسبب إن الكفر متلوي الولد الله يصلحه أول يقحص عليه بس جويب حليل ما عليه والله وأنا ابي وناسات هالشباب بس عاد إني حبيب وما ازعج احد ابدن ، وليا قضيتوا لاتنسونن ابي معكم تودنن عجوزي الولد طاسن يم هالكورة .