[دعواتكم لي]

السلام عليكم ورحمة الله وبركاتهـ

أنا شخص أفكر بشغل لـي تقريباً اكثر من سنهـ ولا حصلت شغل زيين ,,
يعني قصدي من ناحية الرواتب و أجواء العمل ,, انا دفعن إني أدور شغل بـ العثيم مول والنخيل ,,

شيء واحد : هو الرواتب كويسهـ^_^ , وأجواء العمل ,,
لذلكـ حاب استفسر من اهل الخبرهـ كيف أتوظف بأحد الأسواق اللي داخل العثيم او النخيل .؟؟

وهل فيهـ أحد منكم يعرف اسماء اسواق لهم مواقع بالنت عشان بدخلهن ممكن ألقى توظيف عندهم ,,


وعلى فكرهـ انا طالب رآيح لـ ثالث ثانوي ^_^ ,,

وشكراً لكم ,, ودعواتكم لي ^_^ ,,.

[بنت الشرقيه بدم بريده]

وعليكم السلام ورحمه الله وبركاته


اخوي دعواتكم لي

انت اكتب بقوقل وظائف بـ العثيم او وظائف بـ بنده وتطلع لك واذا مالقيت انا مستعده اجيبها لك
وترى على الكاشيرات والمحاسبين دائما يدورون ويبغون وفيه اظن تدريب ثلاث اشهر على ما اعتقد وله راتب"يصرفون لك راتب تدريب" واذا خلصت فترت التدريب"المده الي محددينها" واختاروك و وظفوك عندهم يعطونك راتب مثلك مثل اي محاسب وكاشير

وانا دائما ولي سنتين تقريبا كل ما دورت لي وظيفه بقوقل الاقي بنده والعثيم يبغون وموظفين وفيه وظائف عندهم متوفره تقريبا كل فتره وفتره او كل كم شهر

واعتبرك مثل اخوي الصغير واعتبرني اختك الكبيره

واذا تبغا اسامي المواقع بـ دورها واجيبها لك وان شاء الله تتوظف عندهم
اظن مو مهم الشهاده لان عندنا بالرياض محل كوفي مشهور والكل يعرفه وله اكثر من فرع وفاتح كذا محل ويوظف شباب مو متخرجين من الجامعه وفيه عنده يشتغلون طلبه"طلاب" جامعه ويمكن العثيم مثله


العفووووو يا اخوي الصغير
ولو ومثل ما قلت اعتبرني اختك الكبيره

الله يوفقك ويسهل عليك
والله يعطيك على قد نيتك

واذا كان فيه خير وصالح لك ان يجعله من نصيبك واذا كان فيه شر ومو خير وصالح لك ان الله يبعده عنك ولا يجعله من نصيبك

بس
انت خل نيتك كويسه وهدفك من الوظيفه زين مو شين

وانا من النوع الي اشجع انه الواحد يدور عمل حر واكثر من عمل ويشغل نفسه لـ شي ينفعه ويستفيد منه ويفيده بعدين ويغير الروتين والملل والطفش والزهق الي يحس فيه
وروح قدم او اسال المحاسبين بس اول كون معاه صداقه وخلك خويه وزميله"صادقه وتكلم معاه واشتر من عنده كذا مره واتكون تعرف انه بيساعدك مو مايكلمك ولا يرد عليك اذا سالته او حتى تشك لا روح لـ واحد تثق وتتوقع انه بيكلمك ويرد ويجاوبك ويعلمك وان شاء الله تلاقي احد يعلمك على اساس تعرف ويكون اظمن لك
وبعدين اذا دربوك بتلاقي شي يشغل وقتك ويغير الروتين والملل الي تحس فيه واذا اختاروك و وظفوك حاول قد ماتقدر وان شاء الله انك ماتسوي ولا غلط او شي يطرونك وتندم عليه وانك سويته واطردوك على شانه

ويكون عنده خبره ومو لازم يكون فيه شهاده او شي او اهو نفسه الواحد يكون عنده خبره لـ اي وظيفه

ونصيحه خل عندك حساب"افتح حسابين" بالبنك حساب عادي واحسب توفير
احساب العادي اهم الي تسحب منه واحساب التوفير خله ولا تسحب وتاخذ منه ولا هلله لو تقعد ببتكم وماتطلع وتاكل خبز وتشرب مويه بس ماتخذ منه ولا شي
لانك بعدين راح تحتاج ولا تقول بعدين يحلها الف حلال ايش يضمنك اذا احتجت بكره راح يكون عندك او بتلقى

لو تحط كل شهر 500 او الف او حتى 100 ريال



واسفه على الاطاله

[عطشــانة دم !]

الله يوفقك
يفيدونك الاعضاء ان شاء الله

[دعواتكم لي]

بنت الشرقيه بدم بريده

اقتباس اخوي دعواتكم لي

يـآهلآ واللهـ بأختي الكبيرهـ^_^ ,

اقتباس انت اكتب بقوقل وظائف بـ العثيم او وظائف بـ بنده وتطلع لك واذا مالقيت انا مستعده اجيبها لك وترى على الكاشيرات والمحاسبين دائما يدورون ويبغون وفيه اظن تدريب ثلاث اشهر على ما اعتقد وله راتب"يصرفون لك راتب تدريب" واذا خلصت فترت التدريب"المده الي محددينها" واختاروك و وظفوك عندهم يعطونك راتب مثلك مثل اي محاسب وكاشير

أنا والله بحثت مالقيت إلا التوظيف بالرياض مشكلهـ, مافيه ببريدهـ , وقالي واحد مالك إلا بالأسواق اللي بالعثيم مول والنخيل , ويآليت ترسليها على الخاص أوهنآ ^^ ,

اقتباس واعتبرك مثل اخوي الصغير واعتبرني اختك الكبيره

^______^

اقتباس واذا تبغا اسامي المواقع بـ دورها واجيبها لك وان شاء الله تتوظف عندهم اظن مو مهم الشهاده لان عندنا بالرياض محل كوفي مشهور والكل يعرفه وله اكثر من فرع وفاتح كذا محل ويوظف شباب مو متخرجين من الجامعه وفيه عنده يشتغلون طلبه"طلاب" جامعه ويمكن العثيم مثله

اي والله اتمنى تجيبي أسمائهن ^^ ,

اقتباس العفووووو يا اخوي الصغير ولو ومثل ما قلت اعتبرني اختك الكبيره

^^

اقتباس الله يوفقك ويسهل عليك والله يعطيك على قد نيتك

آمين يارب وياك

اقتباس واذا كان فيه خير وصالح لك ان يجعله من نصيبك واذا كان فيه شر ومو خير وصالح لك ان الله يبعده عنك ولا يجعله من نصيبك

اللهم آمين يارب ,, الله يجزآك خيير يارب ,

اقتباس بس انت خل نيتك كويسه وهدفك من الوظيفه زين مو شين

الحمدللهـ النيه صافيهـ^^ ,,

اقتباس وانا من النوع الي اشجع انه الواحد يدور عمل حر واكثر من عمل ويشغل نفسه لـ شي ينفعه ويستفيد منه ويفيده بعدين ويغير الروتين والملل والطفش والزهق الي يحس فيه وروح قدم او اسال المحاسبين بس اول كون معاه صداقه وخلك خويه وزميله"صادقه وتكلم معاه واشتر من عنده كذا مره واتكون تعرف انه بيساعدك مو مايكلمك ولا يرد عليك اذا سالته او حتى تشك لا روح لـ واحد تثق وتتوقع انه بيكلمك ويرد ويجاوبك ويعلمك وان شاء الله تلاقي احد يعلمك على اساس تعرف ويكون اظمن لك وبعدين اذا دربوك بتلاقي شي يشغل وقتك ويغير الروتين والملل الي تحس فيه واذا اختاروك و وظفوك حاول قد ماتقدر وان شاء الله انك ماتسوي ولا غلط او شي يطرونك وتندم عليه وانك سويته واطردوك على شانه ويكون عنده خبره ومو لازم يكون فيه شهاده او شي او اهو نفسه الواحد يكون عنده خبره لـ اي وظيفه

واللهـ كلآمك رآئع جداً جداً جداً , لاكن .!
على فكرهـ بقولكـ على حاجهـ انا ماجازلي فكرة محاسب زيي بـ بنده , لأنها متعبه ,

اقتباس ونصيحه خل عندك حساب"افتح حسابين" بالبنك حساب عادي واحسب توفير احساب العادي اهم الي تسحب منه واحساب التوفير خله ولا تسحب وتاخذ منه ولا هلله لو تقعد ببتكم وماتطلع وتاكل خبز وتشرب مويه بس ماتخذ منه ولا شي لانك بعدين راح تحتاج ولا تقول بعدين يحلها الف حلال ايش يضمنك اذا احتجت بكره راح يكون عندك او بتلقى لو تحط كل شهر 500 او الف او حتى 100 ريال

والله نصيحهـ رآئعهـ ولم أفكر فيهآ أبداً ,,
واللهـ يجزآك خيير يارب ويووفقك وييسر لكـ أمووركـ^_^ ,

اقتباس واسفه على الاطاله

لا شدعوى , بالعكس إستمتعت بقرأت كل كلمهـ قلتيهآ ^_^ ,,.

[دعواتكم لي]

اقتباس المشاركة الأساسية كتبها عطشــانة دم ! الله يوفقك يفيدونك الاعضاء ان شاء الله

وياك يارب

[أبورامي]

لهم مكاتب تحصلها داخل الأسواق هم يفيدونك أكثر مثل العثيم خابر إدارته بنفس المبني مقابل المواقف قرب بوابة 2

[رحيق الوردة]

الله يرزقك وضيفه بغير العثيم والنخيل وش تبي باماكن تجمع الشياطين واختلاط وبلاوي وانت توك شباب رح لسوق الخضرة نعم المكسب والمرجله

[حساني الروماني1]

شوووف روح دور
هناك و راح تشوف اعلان على باب المحل
و من الشروط فوق 20 العمر و المحاسب فوق 24

[إليـن اليـوم..!]

آلله يــوفقـكـ ~ ~ ~

[دعواتكم لي]

اقتباس المشاركة الأساسية كتبها أبورامي لهم مكاتب تحصلها داخل الأسواق هم يفيدونك أكثر مثل العثيم خابر إدارته بنفس المبني مقابل المواقف قرب بوابة 2

لو أروح لم مكاتبهم يمكن يقولون ماندري

[دعواتكم لي]

اقتباس المشاركة الأساسية كتبها رحيق الوردة الله يرزقك وضيفه بغير العثيم والنخيل وش تبي باماكن تجمع الشياطين واختلاط وبلاوي وانت توك شباب رح لسوق الخضرة نعم المكسب والمرجله

سوق الخضره بعيد عنا مشكلهـ وما ارتحت له

[دعواتكم لي]

اقتباس المشاركة الأساسية كتبها حساني الروماني1 شوووف روح دور هناك و راح تشوف اعلان على باب المحل و من الشروط فوق 20 العمر و المحاسب فوق 24

مشكلهـ , انا عمري 19

[دعواتكم لي]

اقتباس المشاركة الأساسية كتبها إليـن اليـوم..! آلله يــوفقـكـ ~ ~ ~

آمين وياك

[ShooShoo]

اقتباس المشاركة الأساسية كتبها رحيق الوردة الله يرزقك وضيفه بغير العثيم والنخيل وش تبي باماكن تجمع الشياطين واختلاط وبلاوي وانت توك شباب رح لسوق الخضرة نعم المكسب والمرجله

كلام الاخت سسليم

هناك اختلآط وغثاء وسوق الحمام والخضرة وغيرهآ احسن ولا يكون فيه اختلآط

والله يوفقكم