[تأبط خيراً]

محكمة بريدة بدون موظفين

كاتب العدل يخرج قبل الصلاة بساعة الا ربع ويعود بعد الصلاة بنص ساعة بحجة انه امام مسجد هذي ساعتين من دوام الكاتب راحت والدوام في رمضان خمس ساعات ونحن إذا اتينا من مسافات بعيده مع حراراة الشمس الحارقة و الصيام اسهل ما عليهم انهم يقولون الشيخ مهب موجود ( قل قسم ) هذا اكثر ما اقدر اقوله لمن سئلته

اما كتاب الضبط قبل الصلاة غير موجود دوااااامه من بعد الظهر فقط

يعني ابو متعب ما قصر قبل رمضان كان الدوام من 8 الى 2 يعني 6 ساعات
و الأن من 10 الى 3 ولا ويغيبو ساعتين وش بقى من الدوام

لكن ما اقول الا حسبي الله ونعم الوكيل

ارجو من المسئول عن إدارة المحكمة ان يضرب بيد من حديد بكل من تساهل بالدوام وش ذنبي انا كمواطن ملتزم مع بائع او مشتري نأتي ونجد الموظفين غير موجودين على مكاتبهم

قد يقول وليه ما تتكلم الا عن المحكمة اقول لأنها فيها مشائخ و المفروض يكونو هم القدوة

اعلم ان كل الدوائر الحكومية مثل كذا لكن المحكمة بزيادة ولكن هناك موظفين مواظبين و عشرة على عشرة و الله يديمهم على انظباطهم ويرزقهم المراتب العليا ويزيدهم من رزقه


اخوكم و محبكم : تأبط خيراً 7-9-1432 الأحد

[رشــــا]

دام الموظفين يداومون بعد الظهر رح لهم بذا الوقت وانتهت المشكلة..

[أبو رُبـــــى]

^^

اللي ما يدري ما يدري ..


والله يا أخي المحكمة يجب أن تضاف إلى قائمة
الدوائر الحكومية المتلاعبة .. !

حسبنا الله ونعم الوكيل .

[mohd8879]

أنت تلقاك موظف بأحد الدوائر الحكومية بعد ... وطالع تبيع وتشري بالمحاكم !!!

يا أخي قد يكون الموظف بمستشفى لاقدرالله أو ذهب لعمل (مثلك أنت وغيرك) اللي يبيعون ويشرون ويتركون العالم تنلطع !!

ويمكن خيرة لك يوم أن الموظف ما لقيته علشان تهون ويرزق الله بأحسن من العمل هذا ؟؟

[mohd8879]

اقتباس المشاركة الأساسية كتبها رشــــا دام الموظفين يداومون بعد الظهر رح لهم بذا الوقت وانتهت المشكلة..

[رشــــا]

وانتم خلو الناس اترزق الله واصلحوا عيوبكم واتقنوا شغلكم قبل تلتفتون لغيركم

[عربي أصيل]

صدقت يا أخي ..
أنت تقول خمس ساعات الدوام في رمضان .. ألحين ليتهم يداومون اربع أو ثلاث من هذه الساعات يكون عمل فعلي ..
أنا كد جيت مكتب أحد القضاة الساعة 10.45 وما حصلت أحد بالمكتب ولا موظف ..
شف الله يسلمك طبعاً الدوام يبدأ نظاماً من 10 إلى 3 ظهراً ..
هم يجونك الساعة 11 ويطلعون الساعة 2.30 وإخصم منها قبل الأذان يطالع للمسجد ( وأنا أقول قبل ) .. ثم أخصم منها عودته وسعة الصدر حدث ولا حرج ..
الحقيقة أنا اقول الصدق وهو أكثر دائرة حكومية متلاعبة بالدوام هم المحاكم بجميعهم للأسف ..
والي يعرف أي موظف في هيئة الرقابة والتحقيق سوف يؤكد كلامي .!!!!!!!!!
ومستعد أحاج أي شخص .. أي أن كُشفات هيئة الرقابة والتحقيق تثبت ذلك ..

شكراً أخي الكريم ..

[عربي أصيل]

اقتباس المشاركة الأساسية كتبها رشــــا وانتم خلو الناس اترزق الله واصلحوا عيوبكم واتقنوا شغلكم قبل تلتفتون لغيركم

وأنتي وش دراك بالي يحصل في هذه الدوائر لو عندك معاملة في أحد المحاكم وحسروبك بالمواعيد كان ما قلتي الكلام هذا ..
ويا أختي وشو عيوب وما عيوب الأخ يسولف سواليف داخل بيوت وأسرار بيوت أخونا يتكلم عن عمل حكومي يا بنت ..

[عربي أصيل]

اقتباس المشاركة الأساسية كتبها mohd8879 أنت تلقاك موظف بأحد الدوائر الحكومية بعد ... وطالع تبيع وتشري بالمحاكم !!! يا أخي قد يكون الموظف بمستشفى لاقدرالله أو ذهب لعمل (مثلك أنت وغيرك) اللي يبيعون ويشرون ويتركون العالم تنلطع !! ويمكن خيرة لك يوم أن الموظف ما لقيته علشان تهون ويرزق الله بأحسن من العمل هذا ؟؟

طيب وش دراك أنه مثله ومثل غيره ..
وبعدين هذولا الي تقول عنهم يمكن عندهم مواعيد بالمستشفيات وغيره ..
المستشفيات على طول العام مستشفيات يعني نقول من عام 1431هـ إلى نهاية عام 1432هـ كل هذولي مستشفيات ..
أوقل تراك توك وما تدري عن شي .. أمورك يدبرها ابوك أنت ما عليك إلا مصروفك بجيبك وتهتم بتغبيرة السيارة .. الله يهديك بس

[رشــــا]

اقتباس المشاركة الأساسية كتبها عربي أصيل وأنتي وش دراك بالي يحصل في هذه الدوائر لو عندك معاملة في أحد المحاكم وحسروبك بالمواعيد كان ما قلتي الكلام هذا .. ويا أختي وشو عيوب وما عيوب الأخ يسولف سواليف داخل بيوت وأسرار بيوت أخونا يتكلم عن عمل حكومي يا بنت ..

ليش وش دراني على بالك اني لاصرت بنت ما ادري بالي يصير حولي
خلاص ياخي الموظفين مايجون الا الظهر ليش تجي الصبح الصبح كل الناس نايمين صيام وحر وجوع ومعروف انو مافيه مراجعين الا بعد الظهر
وانا قلت اتقن عملك قبل فقط لاغير

[بارفم]

حسبنا الله ونعم الوكيل التسيب في كل مكان الا من رحم الله لاطرت عليهم قالو الراتب مافيه بركه الا من سواتكم وين الخوف من الله

[fhed]

الوقت هذا أغلب الموظفين والقضاة إجازات وكل موظف ما راح يشتغل شغلة مهي شغلته فعلى كذا راجعهم بعد العيد احسن لك ولا تضيع وقتك بالفاضي

[تيجان]

والله شي يقهر يعني أوراقي وشغلي واقف على هذا الشخص ولاهو مقدر خلق الله صارة لخوي كثير ولكن كان صابر صدق قل الخوف من الله
الواحد يدور راحته على حساب الناس
يالله يوم القيامة كلن بياخذ حقة

[▪ بــيــتــــر ▪▫]

معروفة نصف ساعة قبل الصلاة ونصف ساعة بعدها مافيه موظفين بكل القطاعات ..~