[L&M]

كشف مقطع فيديو نشر على اليوتيوب مواطناً سعودياً يفضح أحد الأسواق التجارية الكُبرى بمدينة الرياض, حين أخذ كرتون "خيار" فاسد يظهر فيه بقع بيضاء أثناء تسوقه مع أسرته, وهدد بالانتحار ما لم يسمح له بأخذ الكرتون معه لإبلاغ الشرطة.

وأظهر المقطع في بدايته المواطن وهو يتسوق قائلاً : "سوبر ماركت بهالكبر والله فيها مرض, والناس تأكلها, للأسف, أنا لقيت قبل شهر كذا وساكت, كل خضاركم معفنة, انتبهوا لا أحد يشتري, معفن, مو عيب إني أصارحكم أنا بني آدم زيكم, انا ما فيني شيء, انا جاي اتقضى لعيالي, شوفوا وش تبيعنا".

وبعد أن عرض الكرتون على المتواجدين, أثناء تصوير البعض لهذه اللحظات, قام أحد الموظفين بسحب الكرتون من يده, ليدخل في دوامة من المشاكل مع الموظفين وحراس الأمن المتواجدين هُناك, وسط مطالبة البعض منهم بارجاع الكرتون له, في حين يطالب الموظف بحل المشكلة بهدوء. وهدد المواطن بالانتحار إن لم يأخذ الكرتون معه ليبلغ الشرطة.




المقطع هنا :







والله بطل ..

[شوق ~]

تخيل أبطالب بالكرتون مجرّد أفتح راسة وآخذ الكرتون وأمشي
أما إني أتطلبه علشان يرجع لي الكرتون
قههههههر

[عشقي المطاء]

الرجال كفوو
بس على شنو يقتل نفسه
<<<اشك انه مريض

[قلـــ تعب ـــبي]

ودي اشوفة علشان احب راسسة

يكفي سكوت يكفي جشع تـجـار

[برفسور ملتمس]

اقول يازين من صفقه [ جالس ينافخ وأذبح نفسي ومدري ايش ، اذبح نفسك برى المحل ] ..!

ياعزيزي أنت في دولة [ نظام أمن وأمان ] تجلس تلج على العالم وتشهر بخلق الله ..

والله كفوو الي قال [ ماراح اعطيه اياه ولو اني منه كان فكيت الخيار واخذت المعفنة وحطيتها بفمه هالي مايستحي ] ..!

وش قلة هالحياء هذي ، مابقى غيرها لادخلنا الأسواق روعوا عيالنا واحد ماسك خيار والثاني مدري ايش وقاعد يستعرض ..!

الحمدلله أننا في دولة [ أمن وأمان ونظام ودولة أسلامية شعارها : الإصلاح بالأدب وليس بالتخريب واللجه ] ..!

ملاحظة : والله لو هو بمحل خضار لواحد تعرفونه أن ترفعون الدنيا وتخلونها ..

عشانه بكارفور ولا سوق كبير خادم مواطنين بل خادم دولة كاملة وجاي يلجج عشان خيار يالله لك الحمد ..

طيب كان بالإمكان تتكلم بادب وتاخذ كرتون خيار [ غير فاسد ] ..! وتنتهي المشكلة ..!

يعني معقولة التشهير بالسوبر ماركت كله عشان [ كرتون خيار ] .. !؟؟!

+
تم التبليغ عن الموضوع كونه يخالف عاداتنا الإسلامية ويحث على العنف ..

[L&M]

اقتباس المشاركة الأساسية كتبها برفسور ملتمس اقول يازين من صفقه [ جالس ينافخ وأذبح نفسي ومدري ايش ، اذبح نفسك برى المحل ] ..! ياعزيزي أنت في دولة [ نظام أمن وأمان ] تجلس تلج على العالم وتشهر بخلق الله .. والله كفوو الي قال [ ماراح اعطيه اياه ولو اني منه كان فكيت الخيار واخذت المعفنة وحطيتها بفمه هالي مايستحي ] ..! وش قلة هالحياء هذي ، مابقى غيرها لادخلنا الأسواق روعوا عيالنا واحد ماسك خيار والثاني مدري ايش وقاعد يستعرض ..! الحمدلله أننا في دولة [ أمن وأمان ونظام ودولة أسلامية شعارها : الإصلاح بالأدب وليس بالتخريب واللجه ] ..! ملاحظة : والله لو هو بمحل خضار لواحد تعرفونه أن ترفعون الدنيا وتخلونها .. عشانه بكارفور ولا سوق كبير خادم مواطنين بل خادم دولة كاملة وجاي يلجج عشان خيار يالله لك الحمد .. طيب كان بالإمكان تتكلم بادب وتاخذ كرتون خيار [ غير فاسد ] ..! وتنتهي المشكلة ..! يعني معقولة التشهير بالسوبر ماركت كله عشان [ كرتون خيار ] .. !؟؟! + تم التبليغ عن الموضوع كونه يخالف عاداتنا الإسلامية ويحث على العنف ..

امن و امان .. وكرتون خيار فاسد .. ؟


وش وجه الترابط بين الموضوع والرد .؟

[برفسور ملتمس]

والله ياعزيزي اذا كل ماشفنا من أخطأ [ جلسنا نصايح ونصارخ ونلجج ونقول ترى نبي نذبح أنفسنا اذا ماصلحتو الخطأ ] .. عز الله ماصار عندنا دين ولا صارت عندنا أخلاق ..!

واذا تقول لاوالله بنسوي نفس فعله أجل يالله شد الهمة :

1) لاصليت الجمعة دقق بالخطبة يمكن يقول شي ماجازلك وغير مقتنع فيه ، وقم قدام الي يصلون وقل [ سأذبح نفسي إن لم تتراجع عن كلامك ] ..!

2) أي بقالة تدخل بتلقى تاريخ منتهي ولا المحاسب مكسل ولا المربى مغبر < وخذ أقرب حبل وأخنق نفسك > وردد : سأنتهي هذه اللحظة إذ لم تطور بقالتك ..

3) ، 4) ، 5) ..إلخ .


وشفايدة الأحاديث ووشفايدتنا كمسلمين إذا ماصار بيننا التعاطف والمحبة والود والإنسانية ومعالجة الخطأ ليس بالخطأ بل بالكلام الحسن والأخلاق الكريمة ..!

أي والله ، مابقى الا نجلس نلجج بالشوارع ..!

يعني بالله عليك [ كل هالي شافو الخيار مجانين ومايفهمون وهو الصح فقط من بينهم ]..!

الصلاة وهي الصلاة [ الواحد يقدم النصيحة بأدب وبذوق ] وهذا خيار وفضح العالم وسوا لجه وصجه ..!

ملاحظة : لازلت مصراً على التبليغ بأنه مخالف لعاداتنا الإسلامية ويحث على العنف ..!

[L&M]

اقتباس والله ياعزيزي اذا كل ماشفنا من أخطأ [ جلسنا نصايح ونصارخ ونلجج ونقول ترى نبي نذبح أنفسنا اذا ماصلحتو الخطأ ] .. عز الله ماصار عندنا دين ولا صارت عندنا أخلاق ..!

والله ياعزيزي اذا كل ما شفنا اخطاء ولا جلسنا ننبه الاخرين .. اعتقد هذا خطأ ..

كما قال الرسول صلى الله عليه وسلم .. عن أبي بكر الصديق رضي الله عنه قال: يأيها الناس إنكم تقرءون هذه الآية: {يا أيها الذين آمنوا عليكم أنفسكم لا يضركم من ضل إذا اهتديتم} (المائدة: 105) وإني سمعت رسول الله صلى الله عليه وسلم يقول: "إن الناس إذا رأوا الظالم فلم يأخذوا على يديه أوشك أن يعمهم الله بعقاب من عنده" (رواه أبو داود، والترمذي وقال: حديث حسن صحيح، وابن ماجه والنسائي وابن حبان في صحيحه)

اقتباس ) لاصليت الجمعة دقق بالخطبة يمكن يقول شي ماجازلك وغير مقتنع فيه ، وقم قدام الي يصلون وقل [ سأذبح نفسي إن لم تتراجع عن كلامك ] ..!

انار الله عقلك بالتقى والهدى .!ً

اقتباس 2) أي بقالة تدخل بتلقى تاريخ منتهي ولا المحاسب مكسل ولا المربى مغبر < وخذ أقرب حبل وأخنق نفسك > وردد : سأنتهي هذه اللحظة إذ لم تطور بقالتك ..

اذا .. لـ نسكت عن الظلم ..

وعن عبد الله بن مسعود قال: قال رسول الله صلى الله عليه وسلم: "إن أول ما دخل النقص على بني إسرائيل كان الرجل يلقى الرجل فيقول يا هذا اتق الله ودع ما تصنع فإنه لا يحل لك، ثم يلقاه من الغد فلا يمنعه ذلك أن يكون أكيله وشريبه وقعيده، فلما فعلوا ذلك ضرب الله قلوب بعضهم ببعض"، ثم قرأ: "لُعِنَ الَّذِينَ كَفَرُوا مِنْ بَنِي إِسْرائيلَ عَلَى لِسَانِ دَاوُدَ وَعِيسَى ابْنِ مَرْيَمَ" إلى قوله: "فَاسِقُونَ" [المائدة: 78-81]، ثم قال: "كلا والله لتأمرن بالمعروف، ولتنهون عن المنكر، ولتأخذن على يدي الظالم، ولتأطرنه على الحق أطراً، ولتقصرنه على الحق قصرا"(3).

اقتباس 3) ، 4) ، 5) ..إلخ .

تراي احتري 3 و 4 و 5 ..

اقتباس

اقتباس وشفايدة الأحاديث ووشفايدتنا كمسلمين إذا ماصار بيننا التعاطف والمحبة والود والإنسانية ومعالجة الخطأ ليس بالخطأ بل بالكلام الحسن والأخلاق الكريمة ..! أي والله ، مابقى الا نجلس نلجج بالشوارع ..!

اي والله صح عليك .. وبعد وش فاايدتنا كـ مسلمين لا ننبه الناس عن الخطا ..


يعني 100 موظف بداخل المحل .. و مو معقوله احد ما شاف العلبه ولا سوا شئ .!

اقتباس يعني بالله عليك [ كل هالي شافو الخيار مجانين ومايفهمون وهو الصح فقط من بينهم ]..! الصلاة وهي الصلاة [ الواحد يقدم النصيحة بأدب وبذوق ] وهذا خيار وفضح العالم وسوا لجه وصجه ..!

http://www.buraydahcity.net/vb/showthread.php?t=278852

http://www.buraydahcity.net/vb/showthread.php?t=275222

http://www.buraydahcity.net/vb/showthread.php?t=270337

http://www.buraydahcity.net/vb/showthread.php?t=255546

اقراء وجهة النظر حقت تحت .~


3) و 4) و 5) الخ الخ الخ


يعني مادري وش تبي .. تقول مايجوز التشهير وانت بمواضيعك اللي قبل تقول ياليت فيه تشهير ..

وانت مشهر بنص شركات السعودية .!

وانت تقول :

اقتباس يعني معقولة التشهير بالسوبر ماركت كله عشان [ كرتون خيار ] .. !؟؟!

وانت فاتح موضوع عن موبايلي انه فاتحه فرع ومادري وشو بعنيزه .!


يعني هذا شخص يحب الخير للناس .!

اقتباس ملاحظة :

اقتباس لازلت مصراً على التبليغ بأنه مخالف لعاداتنا الإسلامية ويحث على العنف ..!

اهم شئ اننا نمشي على رايك ياطويل العمر .. خذ راحك

اقتباس ياعزيزي أنت في دولة [ نظام أمن وأمان ] تجلس تلج على العالم وتشهر بخلق الله ..

بس اشرح لي ذي .. لاني قلبته يمين ويسار وفوق وتحت وسهم يمين .. وعجز افهم وش تبي ...!َ

[برفسور ملتمس]

اقتباس وانت مشهر بنص شركات السعودية .!

طبعا للأمانة انا ماقريت الرد كامل لأني واثق من ردي ولكن هالجملة [ شطفتها وأحب اعلق عليها وبإختصار..]

اولاً :

هذا ما اطالب فيه أنك تجي تكتب موضوع تطرح وجهة نظرك [ للجميع ] وتوصل نصيحتك بكل أدب وذوق .. ولو اني شفت الخيار [ قمت وكتبت موضوع وطرحة وجهة نظري بهدوء ، هههه أما اجلس اتهجم معليش هذا أسمه [ هياط ] ومو عشانك أخطيت لازم نصير معك مخطين

أ) المراعي .

ب) موبايلي .

ج) الصحة .

د) شاشة .

جميعها طرحت في منتدى محافظ ليس بالتهجم بل بكل ذوق وعقلانية ، بل ربما لو تتصفح جرائد لوجدتها ..!

وتلقى مواضيعك صحيح بجرايد بس بصفحة [ الجرائم ] والنهاية قتل .. نسأل الله السلامة هههه ..!

ثانياً : لا أرى لداعي لثانياً طالما أن أولاً كفت ووفت :s

[L&M]

اقتباس طبعا للأمانة انا ماقريت الرد كامل لأني واثق من ردي ولكن هالجملة [ شطفتها وأحب اعلق عليها وبإختصار..]

اسلم ..

اقتباس اولاً : هذا ما اطالب فيه أنك تجي تكتب موضوع تطرح وجهة نظرك [ للجميع ] وتوصل نصيحتك بكل أدب وذوق .. ولو اني شفت الخيار [ قمت وكتبت موضوع وطرحة وجهة نظري بهدوء ، هههه أما اجلس اتهجم معليش هذا أسمه [ هياط ] ومو عشانك أخطيت لازم نصير معك مخطين

اخوي .. انت تعرف تفرق بين الخبر و وجهة نظر .!


الموضوع نازل كـ خبر .. ولا وجهة نظري ماقلته .. ومخليها للي عنده ضمير .. فقط ..


وبعدين مادري تقول وصل نصيحتك بكل ادب وذوق .! .. هل اخطيت عليك ؟ او على غيرك .!


علمن عشان اتسمح منك

اقتباس أ) المراعي . ب) موبايلي .

اقتباس ج) الصحة . د) شاشة . جميعها طرحت في منتدى محافظ ليس بالتهجم بل بكل ذوق وعقلانية ، بل ربما لو تتصفح جرائد لوجدتها ..! وتلقى مواضيعك صحيح بجرايد بس بصفحة [ الجرائم ] والنهاية قتل .. نسأل الله السلامة هههه ..!

لـ تظيف معهن


هـ ) كارفور ..


و تراه مطروحه بالصحف ..


دوك الرابط هههههه


http://sabq.org/sabq/user/news.do?section=5&id=29547



الله يهديك بس .. هههههههه قسمن بالله مادري وش تبي توصل له انت ..


اقرا ردودك .. واقول الرجال على علم .. وبعدين اقرا مواضعيك .. اشوفك ترهش ..


.~ ( اذا استفدت من مقاطعتك المراعي لـ جشعهم على الريال الوحد وحبك للريال .. فـ غيرك يهتمون بصحتهم قبل الدنانير )



الف تحيه لك يا يا .. يا برفسور

[L&M]

اقتباس ايه صح .. قبل أنسى ، وعشان الذمة بس ..! :s

اقتباس l&m < ماركة دخان معروفة ومكتوب بأسفل البكت [ تحذير ]..! ملاحظة : هل ترضى أن يجي ويقولك مشرف [ إذا ماغيرته سنذبحك ونطردك و و و] بل الدولة وضعت التحذير على البكت نفسه وهنالك من يدمنه ، ومن للاسف يستعرض بأسمه ..!

وهل تبجحت لـ تدخل بنيتي وتقول انني وضعتها لانها ماركت دخان على قولك .؟


ظلمتني .. ولن اسامحك في يوم لا ينفع فيه مالٌ ولا بنون ..


انصحني بهدوء وبادب وليس تشهر بي امام الملاء .! ( طبعا اذا كنت مخطي )


غريب ~( ينهون عن خلق ويأتون بمثلهِ ..~

[برفسور ملتمس]

عزيزي / بعد سبق [ جايبين موضوع عن حليمة ] رح نزله هنا وقل أن سبق جابته ..!


لو تجيب سبق وعاجل والوئام والصحف الالكترونية لأضربها بعرض الحائط طالما يقول الله تعالى :

{ادع إلى سبيل ربك بالحكمة والموعظة الحسنة وجادلهم بالّتي هي أحسن}


ماقال روحو ضاربوا ههه وادخلوا بمحلاتهم وقولوا بنذبح أنفسنا ههه .!

وياليت تفرق بين [ انتقاد الأسلوب ] وبين انتقاد [ الخطأ ] ..!

[L&M]

اقتباس عزيزي / بعد سبق [ جايبين موضوع عن حليمة ] رح نزله هنا وقل أن سبق جابته ..!

ههههههههههههههههههههههههههه .. وش دخل حليمه بالموضوع .. ههههه وانت ماغير تتطاير وراء اخبار حليمه الله يستر عليك ..!ً

ويوم جت طاري كارفوور قومت الدنيا ..!

اقتباس لو تجيب سبق وعاجل والوئام والصحف الالكترونية لأضربها بعرض الحائط طالما يقول الله تعالى : {

اقتباس ادع إلى سبيل ربك بالحكمة والموعظة الحسنة وجادلهم بالّتي هي أحسن}

يا ساتر .. بعرض الحائط .! لا ياشيخ على هونك ..


مادري .. دامك تضربهن بعرض الحائط .. ولا يهمنك .. اجل وش ادريك عن اخبار حليمه بسبق .


ولا هذا قبل ما تضربهن بعرض الحائط ..!َ

اقتباس وياليت تفرق بين [ انتقاد الأسلوب ] وبين انتقاد [ الخطأ ] ..!

سم ان شاء الله

وياليت تفرق بين صحه الناس .. وجشع الشركات ..

[يوسف 2000]

هذا هو المواطن الصالح واالرجل الحقيقي وهذا من انكار المنكر ,, فقد تعودوا على سكوتنا وتجرؤ واستهتروا بنا الي هذه الدرجة قلة الحياء والاستهتار بالسعوديين ؟؟ خيار معفن ورازينه قدام الناس عيني عينك وبكل بجاحة ؟؟
حسبنا الله ونعم الوكيل على هذه الشركات التي لاتخاف الله ,, ومن يقول لماذا يصارخ وعلى أيش أقول له علشانك يالدجاجه وعلى شان أبنائنا واطفالنا ؟؟ ولكن بعض الناس تعود على انه يأكل وهوساكت ويحط له وياكل زي البهائم ومن الخوف والجبن لايستطيع ان يطالب ولا يتكلم بحقوقه .