بريدة






عـودة للخلف بريدة ستي » بريدة ستي » أخـــبـــار بــريــــدة » موسم عيد = موسم نهب وسلب ( سوق الحريم )

أخـــبـــار بــريــــدة كل ما يهم مدينة بريدة

موضوع مغلق
 
أدوات الموضوع طريقة العرض
قديم(ـة) 10-09-2011, 01:38 PM   #1
أسير
عـضـو
 
تاريخ التسجيل: Mar 2002
البلد: بريدة
المشاركات: 533
موسم عيد = موسم نهب وسلب ( سوق الحريم )

السلام عليكم ورحمة الله وبركاته

يامساء الخيرات عليكم جميعاً .. كل عام وأنتم بخير ..

موسم عيد = موسم نهب وسلب ( سوق الحريم )

أولاً تحية للشرفاء أصحاب المحلات في سوق الحريم اللي ماهو أكبر همهم النهب والسلب على الحريم
ومضاعفة الأسعار أضعاف مضاعفه .. تحية إجلال لهم واقول لهم بارك الله لكم فيما رزقكم الله وزادكم الله من فضله ..

الموضوع يا أخوان كبير وكبير جداً .. غلاء أسعار في مواسم غير طبيعي لدرجة الخيال ..
ليست زيادة ( ريال ) او ريالين مثل ماصار مع شركة المراعي والتي ألقمتها المقاطعه درساً لن ينسوه

زيادة الأسعار في موسم العيد مثلا الى أضعاف مضاعفه .. أقسم بالله يا أخوان شي فضيع ووقفت عليه بنفسي ما اقول يقال لي .. السعر يتضاعف ضعف وضعفين .. بسبب انه موسم .. أي موسم ياناس يامسلمين اللي تضاعف السعر على أخوانك وتستحل الفلوس تحت سقف انه موسم ..
أي موسم يا تجار سوق الحريم يا أهلنا بالأصح وبني جلدتنا ترفعون الأسعار إلى أضعاف مضاعفه بحجة أنه موسم .. وخله يشتريه غيرك .. حرام وقهر وغبينه اللي قاعد يصير أقسم بالله ..

يا ناس الموت مع الجماعه رحمه .. وانا مثلكم متوسط الدخل وعندي عيال وبموسم العيد أصرف مثل مايصرفون العالم .. باللتْي واللُتي ..لكن هل أنتم راضين بالأستغلال اللي قاعد يصير بسوق الحريم ؟؟
عشان أقنع نفسي .. مثلي مثل الناس ..

من مضاعفة الأسعار إلى أضعاف ..
يا أخوان ويا أخوات .. على سبيل المثال الواقعي واللي عشته ..
شنطة أشتريتها انا لزوجتي قبل رمضان بيومين .. ماركه من محل من المحلات ..بـ، 150 ريال ..
الشنطه هذي شافتها بنت أختها المهم بـ بتاريخ 15 رمضان راحت زوجتي وبنت أختها لنفس المحل .. عشان يشترون نفس الشنطه .. حصلوها نفسهاااا بالضبط .. بكم ..بـ 340 ريال . والسبب قرب الموسم حتى يقولها لك هو .. موسم .. الله لا يوفقكم كان هذا الموسم يبيح لكم النهب والسلب .

غير وغير وغير ويمكن عندكم مثل هذي القصص أكثر وخصوصا أخواتنا ..

طيب هذي مشكله وقديمه جداً وبعض الناس الله يهديه يستغل الحريم أستغلال فضيع وخصوصا اذا قرب العيد .. لأنه يدري انها ماراح تلقى والوقت ضدها .. وهي لا حيل له ولا قوة .. ماهي مثلنا تركب السيارة وتروح تشري من اي مركز ثاني او ثالث .. مالها الا السوق .. .. تلقاه يضاعف السعر ونفسه براس خشمه ..

والشي الجديد .. الحين الهنود الخياطين .. مايستقبلون الا باسعار نار .. لأنه يدري ان اصحاب المحلات رافعه السعر ... ويقدر يصيد بالماء العكر .. حتى ولو كلفه هذا اي شي ..

عايشت الواقع كثير وجلست مع ناس يعانون من هذي المشكله .. وبكل صراحه بكل صراحه ولا يزعلون علي أخواتنا .. الحريم ماتفرق معهن .. وبالعكس الشي الغالي تحس انه هو الأجود والماركه ..
الغالب بحريمنا الله يحفظهن .. وما تراعي ان هذا السعر مبالغ فيه ..

هل فيه حلول يا أخوان .. ممكن بعضكم يقول الناس اذا صار على العيد يومين يروح يشري
طيب واللي ماينزل راتبه الا هالوقت يتسلف !!؟؟

بعض الاخوان يقول اني اشتري من السوق الصيني عن طريق الانترنت رخيص برخص التراب واغلى مافيه الشحن لكن اذا كان اللي بيشترون مجموعه يكون الشحن مقسم بينهم وتكون البضاعه رخيصه جداً ونفس البضاعه اللي نازله بالسوق وقبلهم كمان .. .. هذي من ضمن الحلول ..ونسمع وجهة نظركم ..

عطونا حلول الله يرضى عليكم .. وهل ارتفاع الاسعار بالموسم طبيعي عندكم او مشكله عجزنا نحلها !!

والله يرعاكم ؟
__________________
أسير غير متصل  


قديم(ـة) 10-09-2011, 02:12 PM   #2
هبوب النسيم
عـضـو
 
تاريخ التسجيل: Sep 2011
البلد: في عالم النسيان
المشاركات: 133
والله انك صااادق كل شي غااالي في الموااسم وخاصة موسم العيد انا اشتري عطر ومتعوده اشتريه 150 ريال وفي اخر رمضان اشتريته 210 ريال نهب عيني عينك ولا رقيب عليهم والي يغث حنا نشري وندربي روسنا
هبوب النسيم غير متصل  
قديم(ـة) 10-09-2011, 02:21 PM   #3
(فزة خفوق)
عـضـو
 
صورة (فزة خفوق) الرمزية
 
تاريخ التسجيل: Jul 2010
البلد: بــذا ^ـ^
المشاركات: 394
وعليكم السلام والرحمه..
بصراحه انك جبتها على الجرح !
وياما وياما عانينا منهم ,,
لكن (اتكلم عن نفسي وعايلتي)
لقيناها لك ..
بشهر 8 .. نشتري كل شي نبيه .. للعيد
سواء لبس او مكياج . شنط .. عطور .. حتى توزيعات العيد ...> بسعرها العادي
لان اذا دخل رمضان اندبلت ..
ومريحين روسنا من الغلا ..
وكذا ناس قامت تسوي مثلنا ..
لدرجه صاروا يتنافسون من اللي يخلص اول ..
والله ثم والله اعرف ناس بنياتهم كثار (الله يصلحهن) بيدون براتب 7 والباقيات ب 8
ولا كلافه ولا شي ,,

واللي بالسوق (بعضهم)لو يحصل له اخذ اللقمه من فمك اعوذبالله ..
(فزة خفوق) غير متصل  
قديم(ـة) 10-09-2011, 02:25 PM   #4
اخو دريحم
مشرف أخبار بريدة
 
صورة اخو دريحم الرمزية
 
تاريخ التسجيل: Jan 2007
البلد: القصـ بريدة ـيم
المشاركات: 11,055
نزل صورة للشنطة حتى الاعضاء يشاهدون اسعارها في المحلات الاخرى

ويقارنونها لفضح المحلات التي ترفع الاسعار
__________________
اخو دريحم غير متصل  
قديم(ـة) 10-09-2011, 02:38 PM   #5
أسير
عـضـو
 
تاريخ التسجيل: Mar 2002
البلد: بريدة
المشاركات: 533
اقتباس
المشاركة الأساسية كتبها هبوب النسيم
والله انك صااادق كل شي غااالي في الموااسم وخاصة موسم العيد انا اشتري عطر ومتعوده اشتريه 150 ريال وفي اخر رمضان اشتريته 210 ريال نهب عيني عينك ولا رقيب عليهم والي يغث حنا نشري وندربي روسنا

الشكوى لله .. والله مافيه رقيب ..

اقتباس
المشاركة الأساسية كتبها (فزة خفوق)
وعليكم السلام والرحمه..
بصراحه انك جبتها على الجرح !
وياما وياما عانينا منهم ,,
لكن (اتكلم عن نفسي وعايلتي)
لقيناها لك ..
بشهر 8 .. نشتري كل شي نبيه .. للعيد
سواء لبس او مكياج . شنط .. عطور .. حتى توزيعات العيد ...> بسعرها العادي
لان اذا دخل رمضان اندبلت ..
ومريحين روسنا من الغلا ..
وكذا ناس قامت تسوي مثلنا ..
لدرجه صاروا يتنافسون من اللي يخلص اول ..
والله ثم والله اعرف ناس بنياتهم كثار (الله يصلحهن) بيدون براتب 7 والباقيات ب 8
ولا كلافه ولا شي ,,

واللي بالسوق (بعضهم)لو يحصل له اخذ اللقمه من فمك اعوذبالله ..

طيب يختي وش تقولين للي يقول ان الموضه ماتنزل الا بآخر رمضان ..
واللي يقول لا نصبر لين نشوف الناس وش تطيح به ..
والمحلات اول الموسم يمشون البضاعه القديمه وتصفيات وكذا .. واذا جاء آخر رمضان نزل الجديد
ملعوب ملعوب ..


اقتباس
المشاركة الأساسية كتبها اخو دريحم
نزل صورة للشنطة حتى الاعضاء يشاهدون اسعارها في المحلات الاخرى

ويقارنونها لفضح المحلات التي ترفع الاسعار

والله يا استاذنا ليش ماتقول انشر اسم المحل بحيث ان الاعضاء يكتشفون الغلا بأنفسهم ..
بعدين والله ماوقفت على الشنطه ..اشياء كثيره .. ماتنذكر ..
انت اجلس مع اهلك واسالهم وراح تشوف المواجع
__________________

آخر من قام بالتعديل أسير; بتاريخ 10-09-2011 الساعة 02:43 PM.
أسير غير متصل  
قديم(ـة) 10-09-2011, 03:43 PM   #6
صوت الصاعقه
عـضـو
 
تاريخ التسجيل: Jun 2011
البلد: الـــــــــــنصــ 10ــر العالــــــ 10ـــمي
المشاركات: 123
عاااااااااااادي طبيعي تشوف النصب والاحتيال بعيونك لان ما يشوفون من يردعهم

بس مانقوووووووول الله يكثر الفلووووووس الاجانب بس ينهبون من السعوديين

واذا قلت غالي قال سعودي فلوس كثيير الشكو لله

الى عمتي تقول بحديقة شرييت من مرة شكولاته قيمته بريال تبيعه برياليين يوم قلتله انه بريال قالت كلشن غالي

تسمع بكل شي غالي وتغلي

يمكن يشرون الشنطه بعشرة ويبعونه 200 او اكثر



والله يعيينك
__________________
اللهم لك الحمد كما ينبغي لجلال وجهك وعظيم سلطانك
صوت الصاعقه غير متصل  
قديم(ـة) 10-09-2011, 04:11 PM   #7
أسير
عـضـو
 
تاريخ التسجيل: Mar 2002
البلد: بريدة
المشاركات: 533
اقتباس
المشاركة الأساسية كتبها صوت الصاعقه
عاااااااااااادي طبيعي تشوف النصب والاحتيال بعيونك لان ما يشوفون من يردعهم

بس مانقوووووووول الله يكثر الفلووووووس الاجانب بس ينهبون من السعوديين

واذا قلت غالي قال سعودي فلوس كثيير الشكو لله

الى عمتي تقول بحديقة شرييت من مرة شكولاته قيمته بريال تبيعه برياليين يوم قلتله انه بريال قالت كلشن غالي

تسمع بكل شي غالي وتغلي

يمكن يشرون الشنطه بعشرة ويبعونه 200 او اكثر



والله يعيينك

مرحبا أخوي منور ياهلا بك ..

اقتباس
واذا قلت غالي قال سعودي فلوس كثيير الشكو لله

آه يالقهر بس مايدري والله وش السالفه وبس
لكن نقول اننا بنعمة وكثير يحسدنا عليها ..
رغم اننا نتسلف للعيد ونتسلف لرمضان ونتسلف للسفريات .. لكن بنعمه وربي ..

والمشكله موجوده .. وتحتاج الى حل واقعي .

ودمتم بخير
__________________
أسير غير متصل  
قديم(ـة) 10-09-2011, 04:22 PM   #8
أمامة
عـضـو
 
صورة أمامة الرمزية
 
تاريخ التسجيل: Mar 2011
البلد: بريدة
المشاركات: 624

بالنسبه لكلامك موضه ومادري إش بضاعه شهر 7654هي نفس بضاعة 9وإذا صار نص 8 دخلوها مايطلعونها إلا نص 9
ويقولون موضه عشان يشغلون الناس بشهر العباده وخاصه بالعشر
أن كوني أنثى لم ألاحظ هذه الموضه بس كلام هنود والناس تصدق
والله لقيناها لك على ماقلت أختي"فزة خفوق"من شهر 8 ونجهز كل شيء
الخايط فاضي لاتضطر ترجع كل مرة عكس رمضان مرتين أوثلاث وياليته يجي على اللي تبي والأسواق خفيفه تشتري اللي أنت تبي ويهتم فيك
عكس رمضان زحمة ولا يناظرك تقل يوزع مجاني

وبعد هذا كله رمضان شهر عبادة وصلاة ماودوه الواحد يصير شغله الشاغل السوق
__________________

إذا كان مصعد النجاح معطلا استخدم السلم
درجة درجة


آخر من قام بالتعديل أمامة; بتاريخ 10-09-2011 الساعة 04:34 PM.
أمامة غير متصل  
قديم(ـة) 10-09-2011, 08:23 PM   #9
أبورامي
عـضـو
 
صورة أبورامي الرمزية
 
تاريخ التسجيل: Jan 2009
البلد: بريدة
المشاركات: 8,223
ماعندك أحد ومن يوم السعودية واقفه عظم وحنا على الحال مع أصحاب المحلات
ولكن الحل مثل ماذكرن الأخوات خلص مقاضيك قبل رمضان بشهر أو شهرين تفتك من النصب ومن الزحمة وتتفرغ للشهر الكريم
أبورامي غير متصل  
قديم(ـة) 10-09-2011, 10:22 PM   #10
بدربريدة
عـضـو
 
تاريخ التسجيل: Jul 2010
البلد: سواح
المشاركات: 156
أناعاجبتني قاعدة الي مامعهوش مايلزمهوش
خاصة بالكماليات؟أماالضروريات فلا
وبعدين سالفة الموضة والله إن ربعناإنهم أغبيا من رجل يطيع المرأة ومرأة تصدق ابويمن؟
تقولون وش لون اقولكم؟
أغلب حريمناتدخل المحل ماتدري وين الله حاطةولاشافة ابويمن تلفت وتدربي الدميجة؟ومن أسئلتها يدري إنة تبي تشتري بس ماتدري وش تاخذ من بهرةمن كثر المعروض وبنفس الوقت متخوفةوش يبي يعجب الناس والموضة الدارجة؟
نجي لدور المنقذابويمن؟وتأثيرةبانتشارالموضةوتسويقة
تبي تشاورةالذهينةوهومحل ثقة طبعالأنة كماتدعي إنة زبونةوضحكت علية بهالكلمةوتعتقدإنة ضحكت عليةوصدقة المغفل؟!
وش رايك وين البضاعةالجديدة والماشية وهوبسرعة فرح؟وعطاة السلعةالي ناشبة بحلقةوزودبسعرة ورجع وعطاة فوق اسعرالصحيح؟لأنة زبونة ولازم يكسبة(كلن يضحك على الثاني)
وتشتري المطفوقة دون ترددوتعلم خوياتةإنةإكتشفت موظةالسنةحسبماخبرةسراالبائع بأن البنات متوجهات هالسنةلهل البضاعةلأن الفنانةالفلانيةلبست مثلة بفلمةالاخيرأوالكلب الجديدويصدقن؟وراعي المحل فرح لأن البضاعة مشت وهوكان بلش بة؟
ولاتقدرتسذبة لأنةتبي تلاقي خوياتة كلهن مثلة صدقنةوطلعت موظة غصب
المصيبة لجتمعن بطقم واحدتقل فرقةلبس واحددون تميزواحدة عن الثانيةإلابالون
بدربريدة غير متصل  
قديم(ـة) 10-09-2011, 11:10 PM   #11
أم الوليد
عـضـو
 
صورة أم الوليد الرمزية
 
تاريخ التسجيل: Mar 2010
البلد: بريدة
المشاركات: 546
الله المستعان وحسبي الله ونعم الوكيل
بعد ما قدرنا نشتري ملابس العيد للأطفال خاصة وجينا لحلاو العيد انصدمنا بالأسعار نار نار
أم الوليد غير متصل  
قديم(ـة) 11-09-2011, 02:22 AM   #12
أمة الرحمن
عـضـو
 
تاريخ التسجيل: Aug 2011
البلد: السعودية
المشاركات: 89
قال رسول الله صلى الله عليه وسلم :
"فَوَاللهِ مَا الفَقْرَ أَخْشَى عليكُمْ ولكنِّي أَخْشَى أَنْ تُبْسَطَ الدّنْيا عليكُمْ كما بُسِطَتْ على مَنْ كانَ قبلَكُم فَتَنافَسُوها كَما تَنافَسُوها فتُهْلِكَكُمْ كما أهلَكَتْهُم".

فل تقرأ خواتي المسلمات هذ الحديث وتتامله جيداً ...
فالمشكله الاساسية هي التنافس على الدنيا

المرأة تريد ان تكون بالقمة ولا احد احسن منها , وياليت هذا من ناحية دينها واخلاقها , بل المؤسف ان التنافس على الدنيا الدنيئة ,
واذا كان هذا فكر المرأه فلآ غرابه ان تستغل من اناس لا خلاق لهم ...
فياليتنا بدل ان نلوم التجار واصحاب المحلات حبذا ان نهتم بتربية المرأه سواءً كانت زوجةً او ابنه او اخت ...
تربى على الفكر السليم المعتدل , وليس ترك الحبل على الغارب وتلبية مطالبها سواء كانت معقوله و مقدور عليها او لا بحجة ان كل الحريم كذا او كل الناس كذا

ونذكرها بقول الله تعالى ( وَإِنْ تُطِعْ أَكْثَرَ مَنْ فِي الأرْضِ يُضِلُّوكَ عَنْ سَبِيلِ اللَّهِ )

وبحديث النبي صلى الله عليه وسلم ( لا تزول قدما ابن آدم يوم القيامة من عند ربه حتى يسأل عن خمس عن عمره فيما أفناه وعن شبابه فيما أبلاه وعـن ماله من أين أكتسبه وفيـم أنفقه وما عمـل فيما علم )

وأن هذا المال لله -سبحانه-لاتتصرف به على هواك ومزاجك بل على مايرضي الله , ولنسال انفسنا هل مانفقنا من امول في اشياء ليست ضرورية فقط مجارات الناس هل هذا يرضي الله عنا ؟

اخواتي يامن ينفقن الامول على الملابس ومايتبعها من احذية وشنط إلخ ...
تذكري ان هناك من لايجد مايستر عورته ومن لايجد لقمة يسد بها رمقه , فنصف ماتنفقيه قدميه لهؤلاء , واعلمي انك انما تقدمي لنفسك فما عند الله باق وماعندنا يفنى ويبلى ,

احبتي عذراً على الاطالة فالموضوع مهم وذو شجون .
وفقني الله واياكم لما يحبه ويرضاه وجعل همنا رضاه .
أمة الرحمن غير متصل  
قديم(ـة) 11-09-2011, 08:35 AM   #13
مهزله
Registered User
 
تاريخ التسجيل: Jun 2010
البلد: Sky
المشاركات: 861
صــراحه شي مو معقوول من 150 الى 340 حررررررررررام والله حررررررررررررام

وفعلا ا ي كلمة تقوله سبقوك وقالو موسم المفروووض يتقضون قبل لايجي الموسم على قولتهم قبل بشهر اولا

يفتكون من الزحمه وثانياااا مادبلو الاسعااار ..
مهزله غير متصل  
قديم(ـة) 11-09-2011, 09:04 AM   #14
حلمـ سيكــونــ
عـضـو
 
صورة حلمـ سيكــونــ الرمزية
 
تاريخ التسجيل: Dec 2010
البلد: k s a
المشاركات: 71
حسسسسبي الله عليهم..
__________________
يَ سممممآ " ﭑلـِـقصيمـ " ؛ تڪفييين
أمممطرريُ ! وآغسسليْ [ قلبَ ] ، ڪـلل / ض آ يِ قَ ...
حلمـ سيكــونــ غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 09:37 PM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)