[احبه؟]

بسم الله الرحمن الرحيم


نصيحه من القلب لاحبابي واصحابي شباب هذا البلد لغالي ...من الموسف ان تكون اخبارنا ومافعلنا وستر الله علينا يتناقله الحلاقين ....اين الرجوله اين المروه ...الخ
من المخجل ان يقول لك الحلاق التركي تشوف هذا عنده مقااااابله الليله ....
هذا يحب فلانه
هذا يحب فلان ؟؟!!
هذا يفعل كذا وكذا ..............يشبااااب انا اناشد الرجوله عيب عليكم والله مخجل .
وانا اعتقد ان اكثر الشباااب يقول هالحركات ...هيااط فقط,,
والا الي عنده هالمور خاصه البنااات مايخبر احد ....وهذا مااقنعت بعض الحلاقين فيه ممن يتطفلون ويسالون ...اقول شف حبيبي صاحب العلاقات اخوه مايعرف شيء عنه .


ونصيحه للاسر التي تسال عن المتقدم لهم يريد الزواج .....اقول اسالوا حلاق هذا الشخص المتقدم ولاتسالون امام المسجد.....لان شبابنا للاسف مستودع اسرارهم هالحلاقين ؟؟؟؟

[قائد المجد]

بورك فيك اخي
الله يصلح الحال

[إليـن اليـوم..!]

انا بقدم نصيحة ثانية ,, بعد اذنـك لو سمـحت ,,


كثير من الحلاقين يحب يسولف واغلبهم المقصـد " يبي هالكلام ".

أذكـر مرة خويي يقول كنت جالس عند الحلاق ليلة العيـد , وكان الحلاق زحمة مرة , وجاء دوري , يقول يوم بدأ يشتغـل صار يسحب بالكلام وانا ما اعطيه وجه , وصارت يتكلم كلام غريبة " مدري كيف جاي وبصوت منخفض جدا "ويغمز ومدري ايش....... !!!!! < هذي نوع من المشاكل ,,

عاد يقول قلت له بمر السيارة دقيقة , وآهج منـه .

ففعلا الحلآقين وخصوصآ الأترآك , وقنوآتهم الفضائية , والطـق والأغاني الي طآفين بهن , أشيـآء تضيق الصدر للأسـف .

فأنتبهواء يا شباب من هالأشكـال ..

ولا تحاولوا تقولون كل اخباركم عندهم زي ما قال اخوي طارح الموضوع ..

[رولكس]

خذ هاذي أجل :

جالس أحلق على كرسي ، والحلاقين تعرفونهم يموت بس يشغل موسيقاهم اللي تقل بنقاليه ، عاد أنت وحظك إذا كان طربان الله يعين وجهك وراسك ، وإذا كان قاصر عليه ، تراه مشغله عاده ..

المهم الحلاق كان قاصره ودخل واحد عليه سيما أهل الخير وجاء يجلس على كرسي يوم حط القماش عليه علشان يحلقه قاله الرجال اقصر على المسجل لين أطلع ، يوم بدا الحلاق يتراجد وتاخذه النفاضه من الحمق ، قال : الناس طلعت للقمر ، وأنت جاي تقول اقصر على موسيقى ، قام الرجال بيطلع وقاله عساك طالعن معهم للقمر ..

وقليل بل نادر منهم اللي يروح للمسجد أبي واحد الحين يقول لي من اللي ببريدة آخر ستة أشهر صلى بجنبه أو وراه تركي ..

[ونـاسه]

نصيحتي ياشباب لكم ..


انا كنت اروح دائماً احلق عند اتراك .. واتضبط عندهم واتكشخ واحط كل شيء ..!!

بس حامة تسبدي .. يسرقون فلوسك عينك عينك .. ويزودون بالاسعار .. يعني انغبنت

وغير كذا سواليفهم الماصخه .. ياشينهم وياشين لهجتهم ..!!

اما هالحين اخذت على نفسي عهد والله مااحلق عند تركي ..

ولي سنتين الآن احلق عند هندي او باكستاني افضل ..!!

[فــ ـهـ ــد]

الهنود احسن منهم واكثر اخلاص وذمه

الاتراك غلا وحركات فاضيه وشين حلاقه

شكرا

[إليـن اليـوم..!]

اقتباس المشاركة الأساسية كتبها ونـاسه نصيحتي ياشباب لكم .. انا كنت اروح دائماً احلق عند اتراك .. واتضبط عندهم واتكشخ واحط كل شيء ..!! بس حامة تسبدي .. يسرقون فلوسك عينك عينك .. ويزودون بالاسعار .. يعني انغبنت وغير كذا سواليفهم الماصخه .. ياشينهم وياشين لهجتهم ..!! اما هالحين اخذت على نفسي عهد والله مااحلق عند تركي .. ولي سنتين الآن احلق عند هندي او باكستاني افضل ..!!

تبي الصدق افضل الهنود ,, بس صدقني اسعارهم نفـس الاترآك ,

[خلفان]

اقتباس المهم الحلاق كان قاصره ودخل واحد عليه سيما أهل الخير وجاء يجلس على كرسي يوم حط القماش عليه علشان يحلقه قاله الرجال اقصر على المسجل لين أطلع ، يوم بدا الحلاق يتراجد وتاخذه النفاضه من الحمق ، قال : الناس طلعت للقمر ، وأنت جاي تقول اقصر على موسيقى ، قام الرجال بيطلع وقاله عساك طالعن معهم للقمر ..

فعلا شي غريب كل ما نصحت حلاق وقلت له اقصر الموسيقى لين اطلع يتراجد من الحمق وشوله كل ذا عصبية عشان موسيقى

عآد تبي الصراحة انا اذا شفت هالاشكال اقول لهم قصر الموسيقى على صيغة آمر لان هالاشكال هذه ما ينفع مع اللين

والبنقالية والاتراك كلهم سواء يشغلون لك هالدش وسبحان الله قنواتهم كله موسيقى احس انه ما حطوه إلا عشان الموسيقى على ما قالوا شوية صور والباقي آغاني

[فــتــى بــريــدة]

الله يجزاك خير اخوي وفعلا كلامك عين العقل.

[MEHWAR]

الشرهه مهب عليهم الشرهه على هالشباب اللي يعطونهم كل اسرارهم ويدعدعون عندهم

وحقيقة لم اجد منهم شيء الا الموسيقى طبعا الحلاق اللي اروح لمه اما غيره ما ادري عنهم

[>البردقوشي]

اقتباس المشاركة الأساسية كتبها رولكس المهم الحلاق كان قاصره ودخل واحد عليه سيما أهل الخير وجاء يجلس على كرسي يوم حط القماش عليه علشان يحلقه قاله الرجال اقصر على المسجل لين أطلع ، يوم بدا الحلاق يتراجد وتاخذه النفاضه من الحمق ، قال : الناس طلعت للقمر ، وأنت جاي تقول اقصر على موسيقى ، قام الرجال بيطلع وقاله عساك طالعن معهم للقمر ..[/color]

ياحبيبي لو انا مكانك كان طلعت من الحلاق ولا طبيت عليه
اقل شي يحسن اسلوبه ويعرف يحترم



يالبى ابو هنووود اقوله قصر الموسيقى
يقول ابشر هبيبي
يافديتكم خخخخخخخ

[الـعـابـر]

مابدي احكي شي
خايف اني ادخل نطاق الشماته

[احبه؟]

اقتباس المشاركة الأساسية كتبها قائد المجد بورك فيك اخي الله يصلح الحال

امين....جزاك الله خير

[احبه؟]

اقتباس المشاركة الأساسية كتبها إليـن اليـوم..! انا بقدم نصيحة ثانية ,, بعد اذنـك لو سمـحت ,, كثير من الحلاقين يحب يسولف واغلبهم المقصـد " يبي هالكلام ". أذكـر مرة خويي يقول كنت جالس عند الحلاق ليلة العيـد , وكان الحلاق زحمة مرة , وجاء دوري , يقول يوم بدأ يشتغـل صار يسحب بالكلام وانا ما اعطيه وجه , وصارت يتكلم كلام غريبة " مدري كيف جاي وبصوت منخفض جدا "ويغمز ومدري ايش....... !!!!! < هذي نوع من المشاكل ,, عاد يقول قلت له بمر السيارة دقيقة , وآهج منـه . ففعلا الحلآقين وخصوصآ الأترآك , وقنوآتهم الفضائية , والطـق والأغاني الي طآفين بهن , أشيـآء تضيق الصدر للأسـف . فأنتبهواء يا شباب من هالأشكـال .. ولا تحاولوا تقولون كل اخباركم عندهم زي ما قال اخوي طارح الموضوع ..

مشكور ....وفعلا بيصير كذا .