[تميمي عنقري]

السلام عليكم ورحمة الله وبركاته

اخباركم مع البرد ؟

اخواني اخواتي صراحه حبيت اكتب هذا وندردش فيه انا وياكم

الجنادريه وما ادراك ما الجنادريه !!

الصراحه انا مع اكبر المعجبين بالجنادريه يعني تشوف اطباع كل منطقه وش يسون وشي اول عيشتهم ومن القبيل .

بس الي يضيق الصدر الصراحه لما يجي دور العوائل قسم بالله يعني تقول مو بالسعوديه حنا .
والهيئه الله يعطيهم العافيه ماقصرو بس من كثر الناس مايلحقون .
والي شد انتباهي وممكن اني معلومتي خاطئه والي عنده المعلومه الصحيحه يعرضها ان السنه الي طافة ماشوف داخل الجنادريه بالاسواق مطواعه ليييه قالو لانه فيه طرب وسامري ولا يبون يدخلون بس عند الباب .
وهذا اعتقد انه خطا بكيف الطرب والسامري انت جاي لغرض معي وليس جاي لطرب يامسؤول الهيئه وانا اعرف والله مجهوداتكم والله يزيدكم ويخليكم لنا .

تنبيه

والحين مير الكل معه جوال والكل يصور وانتبهو انتبهو انتبهو من البسه يابناااااااااااااااااااتنا !!
قسم بالله الحين فيه ناس ماتخاف الله .

النقاش الي ابيه منكم

هل تأيدون العوائل او مثل السنوات الماضيه بس نساء ؟

انا اولكم بجاوب كلهم لهم سلبيات
العوائل مشكلتها كلها رجل والي العن من كذا يجيك فان ومعه سبع حريم وتناظر الي يسوق واثره فلبيني .
اما بس حريم مثل ماسوو السنوات الماضيه انا بالنسبه لي ما ارضي اخلي امي او اختي عند رجل واروح والنعم بالكل بس تبقى المراء بانوثتها وتبقى المراه رقيقه بكل شي احساس شعور .

انا اويد العوائل مع اني اشوف اكثر فساد فيها بس على الاقل يكون كل رجل محافظ مع اهله وزوجته

[لاالي]

لا والله يا اخي انا ودي ألغي الجنااااااااااااااااادريه كلها ماجانا منها الا الفساد وخاصة لاصار دور عوائل قمة الوقاحه في بعض البنات الا ودها تخلي كل الشباب يشوفونها
طبعا انا ولله الحمد ما كد رحت لها ولا شفتها بس اللي اسمعه من بعض اللي راحولها
والله المستعان
المرأه مهما كان مصدر فتنه لرجال وخاصة اذا كانت متلبسه بلباس غير شرعي
شكرا لك على الموضوع
وجهة نظر

[مايا@]

لوييخلون الدخول نفس المطاعم قديماً
ماتدخل المره الا معه محرم كان ييصير اطلق مهرجان
وييبعدون حقين السامري يخلى قسم للرجال مايدخله غيرهم

وفقك الله

شكراًعلى الموضوع الأكثر من رائع

[عادل الحمياني]

اقول مابوه الا ان العوائل يقعدون بالبيت والي وده تشوف الجنادريه تفتح التلفزيون لانه من يوم فتحو للعوائل المجال في حظرو الجنادريه ما شفنا خير من دون في دون رقص وقلت حياااء بالعربي فضحووووووووووووون بالعالم == لاتنسون بلاد الحررمييين

[مسكين قلبي كم يعاني]

الله يصلح الحال

[شخت البؤس]

أصلا غبرة ودجة وشلون الناس يحبون يطلعون بهالغبار

[trke]

بلا جنادريه بلا خربطه فاضين لا رقص و اغاني و دزلة ربح هـ~ـ~ـ~ـع

[فيتـامين]

يا حبيبي الجنادريه هذي لا تعكس ماضي اجدادنا النزيه،بل تعكس صورة (الصياعة) في بلادي.

وانا عن نفسي لن أذهب ولم اذهب من قبل ولا أؤيدها جملةً وتفصيلا.
والأفضل ان يلغى القائمين عليها ويعاد ترتيبها مرةً أخرى، فالموجود الآن (مهرجان فاشل).


بإختصار: تسويق (للصياعة) بإسم الجنادرية.

[جــوانا (1)]

أنا ماأدري كيف الناس

تحب تروح للجنادريه

أشياء مكرره مافيه تغيير ..

[لكبريائي روايه]

بصراااحه الجنادريه زمان كانت روووعه ...

نتعرف على عادات واكلات المناطق الاخرى ..

فيها فايده ,.. بس الحين عافانا الله كلها رقص وهبال ..

كننا بمراقص برا ..

لو يلغونها افضل ..

[صمتُ الـإبدآع]

وشَي الجنـآدريةة ذِي

يلبى بيتنـآ

موضوع جميل سِلمتّ

لــآكِن آنـآ آقول آزينّ عوآئِلّ

[بنت العرب]

اهلاً اخي
ان اقول ان العوائل افضل واحسن
وجهة نظر ...
تحياتي

[عاشق وليتها تعرف]

معليش يا اخوان متى تبدأ هي خلنا نمره ماكد طبيته بحياتي

[تميمي عنقري]

اقتباس المشاركة الأساسية كتبها عاشق وليتها تعرف معليش يا اخوان متى تبدأ هي خلنا نمره ماكد طبيته بحياتي

الابعاء بكرا
بس الي سمعته ان الاربعاء الحفل والخميس والجمعه والسبت والاحد والاثنين شباب
ومن الثلاثاء لين تخلص عوائل> يعني لنا لين الاثنين وبس