[ابـوعبدالرحمن]

وش صار على مشروع طريق القصيم الجبيل وهل فعلا تم نقله او الغاؤه كما يقول البعض هنا
مع انه كما قرأ الجميع انه من ضمن ميزانية وزارة النقل السنه هذه
وسبق اني قرات انه بيطرح بشهر خمسة للمناقصه
اللي عنده خبراكيد يفيدنا
تحياتي

[ابـوعبدالرحمن]

؟؟؟؟؟؟؟؟؟؟؟؟؟؟؟؟؟؟؟؟

[افهم اكثر]

اقتباس المشاركة الأساسية كتبها ابـوعبدالرحمن وش صار على مشروع طريق القصيم الجبيل وهل فعلا تم نقله او الغاؤه كما يقول البعض هنا مع انه كما قرأ الجميع انه من ضمن ميزانية وزارة النقل السنه هذه وسبق اني قرات انه بيطرح بشهر خمسة للمناقصه اللي عنده خبراكيد يفيدنا تحياتي

عنصرية( الحارة الجنوبية) خربة اي مشروع جديد الى بريدة

[ابوضاري]

طريق لربط الجبيل الصناعية بينبع الصناعية

القصيم جاية بالمنتصف , هذا السبب الرئيسي للمشروع .

[وداي الثلج]

الله يعين بس

[متى يابريدة ؟]

الأخ الغالي أبا عبد الرحمن

حسب معلوماتي ومتابعتي لتوتر ( إبن بريدة البار : الأخ عبدالرحمن الفراج ) :

قصة طريق القصيم ـ الجبيل قديمة حيث كان مقرراً له أن يمر شمال بريدة

لكن بعض المسؤولين في وزارة النقل من ( أبناء العمومة ) من محافظة عنيزة أرادوا أن يمر الطريق مع كبري أم سدرة

فكانت هنا نقطة الخلاف و أستمرت لمدة طويلة حتى جاء مسؤول كبير من المجمعة

وأستطاع أن يحول الطريق للمجمعة وضل على أسمه ( طريق القصيم ـ الجبيل ) حتى تكون علامة على السرقة .

آه آه آه على هذا البلد الذي أصبحت المشاريع فيه مثل قطعة الكيك كل شخص يسحبها مع جهه

يعني طريق يحمل أسم القصيم ولا يمر بالقصيم هل أضحك أم أبكي على وطني !!!

هناك بشاره حملها توتر الأخ عبد الرحمن الفراج وقرأتها قبل ساعات

أنه تم رصد ميزانية لكبري تقاطع شارع الأربعين مع طريق الملك فهد بدلاً عن طريق الجبيل المسروق

[انسان منكم]

قلعتنا حنا نبى كل شى شمال بريده وجميع
محافظات القصيم تقع جنوب وجنوب غرب بريده وش وداه الشمال
فلا نضرب مصالح المحافظات عرض الحائط
نحن نخطط للقصيم عامه وليس لبريده و شمال بريده
واذا استمر ينا على ذل الحال سوف تنزع المسؤليه منا وتروح لغيرنا
الآن ليس كسابق فيه زخم إعلام والكل يتكلم عن حقوقه ولا نستطيع اخفاء
ذلك فلنكن عادلين

[متى يابريدة ؟]

اقتباس قلعتنا حنا نبى كل شى شمال بريده وجميع محافظات القصيم تقع جنوب وجنوب غرب بريده وش وداه الشمال فلا نضرب مصالح المحافظات عرض الحائط نحن نخطط للقصيم عامه وليس لبريده و شمال بريده واذا استمر ينا على ذل الحال سوف تنزع المسؤليه منا وتروح لغيرنا الآن ليس كسابق فيه زخم إعلام والكل يتكلم عن حقوقه ولا نستطيع اخفاء ذلك فلنكن عادلين

صدقت المفروض أبناء القصيم يكونون يداً واحده يعملون من أجل منطقتهم

للأسف أهل بريدة بوادي وأهل عنيزة بوادي آخر وأهل المذنب بوادي ثالث وهلم جراء

[عبد العزيز2007]

متى نشوف الاخلاص في العمل على ارض الواقع