 |
|
|
|
|
06-10-2001, 02:37 AM
|
#1 |
|
عـضـو
تاريخ التسجيل: Oct 2001
المشاركات: 12
|
مذكرات البدوي ولد خالته مغيزل \ السالفت الثانية
السالفت الثانيه من
مذكرات البدوي ولد خالته مغيزل بيت ابو البدوي ------------------------- امغيزل امغيزل ترانا نبي نروح لبيت ابوي قوه معنا اولاه هاه وشتقول نبي نروح لبيت ابوي امش معنا يله قوه نلعب بالغنم والدجاج يله بس طع شويري. والله انك سادز بسخل اقول لمي امغيزل يقول للبدوي امك ماتخالف امي تقوله قاله البدوي يله بس نعجل. راحو يمشون وتراوه ماهوب هتسالبعيد بيت ابو البدوي وهوم يمشون قال امغيزل معين تبي نروح ترا ماودي نروح مع هتسالشارع تعرف انبوه عيال سرابيت يتتنون ويشجعون التعاون . مير قلى وشنقولهم لوقالولنا وش تشجعون نقول الرايد ولا التعاون هاه بس اخاف نقول الرايد يصيرون يشجعون التعاون . قاله البدوي ماعليك منهم ذولا عيال سوقنا ويعرفون مننا ولده...... وبعدين خلك دايمن ذهين قبل ما توصل أي ايعيال شف انتسان عندهم سياتسل تلقاه مزبرقتن بلون النادي اليشجعونوه. عاد لاتحسبن خايف تراي اعرفك تحسبن ذروق مغيزل يقول للبدوي. ابوبدوا ابو بدوا شف هكا العيال شابين ضو انت تعرفهم يقول مغيزل . ايه معليك منهم الحين اوريك. ايا .. ايا ..اي اوه ابو بدوا منهاالى معك العيال يقولون للبدوي ولدخالتي قالهم البدوي . تعالوا تدفوا بالنار لالا حنا عجلين بس ماعندكم مروة حارة ماتبونه الا خذ هذي بس تراه حارتن بلحيل لاتحردز ايدك طنبس البدوي وخذه بسرعة وبدا ينقزه بين ايدينه لين دفت يدينه شوي امير يعطيه لمغيزل بردت المروه وش رايك مغيزل يقول . قال البدوي ايه اليوم قفصة والشمس مااحترت اليلحين الحين تحتر وندفى . ياسلام يا مغيزل شف ابوي جايبن قطور علف تبي نودي الحمير للجرده اويلاه يا الله نركض. السلام عليكم يبه هذا ولد خالتي هلا ... يالله خوذو الحمير ودوهن مع باب الحوش وخل امك تنزل العلف وطلعوا الحمير مع الباب وهن يروحن لهلهن. لا يبه نبي حنا نوديهن. اخاف يطيحنكم ولا يهجنبكم. ميخالف بس يابيي خلنا نوديهن هلمره ماعمرك خليتن اودي حمار للجردة هاه ما عمرك وديت حمار لجرده اجل من الى يوديهن كل مره. لا بس اعاني انا ولد خالتي. اشوا. حر حر البدوي يسوق الحمير . طق الباب يالبدوي لا ما يحتاج نقز البدوي ولاه فوق خرزة الباب ودخل ايده مع المجرا وفتح الباب ودخلو الحمير. يمه يمه يقول ابوي نزلوا العلف. قل لختك ما تشوفن قاعدتن الزق الجله بالجدار. وين اختيبوه. تلقاه تحلب الغنم . يالدانه ويننتيبه تعالي نزلي العلف معنا. اصبر خل بس ارضع العنيدز منمه. قال البدوي لمغيزل وشاريك نخلي الحمير بس يروحن لحالهن بعدين قلي وشلون نرجع من الجرده تعرف انه بعيدتن بلحيل عن بيتنا. ميخالف الي تبي اجل تعال نقعد بهكالمتسان اليبوه شميسة . الدانه طلعي الدجاج للحوشالله يخليتس . طيب وراك عجل. لا بس ابي قبل تحتر الشمس . انشالله ياخيي. مغيزل ماودك ندور قمل . الا والله ترا ضهري دايمن يحكن . اجل يالله نفصخ ثيابنا ونقعد بسراويلنا بس . البدوي امغيزل امغيزل شف وشلقيت قمله تسبيره ياربيه خل اقصعة اولاه تصدزني مبطين ما قصعت قمله . خذ بس ترا اذا لقيت انت قملتن تسبيره تراي ابقصعة انا زين.. زين قاله مغيزل . البدوي شف هالقملت الصغنونه يحليله هذي همات ياكمخه بس مابيب اقصع هذي ابي قملتن مثل قملتي. هه طلعن الدجاج تبي نحرث بالدماله ونطلعلهن سراوه . يالله قوه دي دي دي دي البدوي ينادي للدجاج . مغيزل ناضر وشتسثر السراوة كل الدجاج تجمعن عندي. وشلون تسوي اويلاه علمن . ياسلام ياخي ياسعدكم ليت عندنا دماله ودجاجن مثلكم. مغيزل تشوف هالديتس ابو عرف حمر هذا ما ياكل شي بس يحرث ولا لدزا شي قطقط للدجاج علشان ياكلنوه. البدوي البدوي ياربي شف الداب عند الدجاج. هياالكمخة هذي سعوده ماتسوي شي. تبون تقولون مانمتو عاد يالله هها بس نامو لايجيكم شباط مدزردزع البيبان
__________________
كل الي يعارضن بالهاوي وكل الي ما اعجبة بقليط آخر من قام بالتعديل الخبوبي; بتاريخ 24-10-2001 الساعة 09:42 AM. |
|
|
|
06-10-2001, 04:19 PM
|
#2 |
|
عـضـو
تاريخ التسجيل: Sep 2001
البلد: المملكة العامية القصمنجية
المشاركات: 1,240
|
هلالالالالالا وغلالالالالالالالا بأخوي الخبوبي
الله يرجك ياخلفهم والله انه سالفتن زييييييييييييينة بالحييييييييييييييل.........لكن تحريه به سالفتن ثالثه ====> يحسبه بتله
 تسسسسسسسسسلم يابعدي على هالسالفه....... وننتظر المزييييد.... يالله سلالالالالالالالالالالالالالالام
__________________
<< إثارة بريدة ستي تغمرني >> |
|
|
|
|
06-10-2001, 10:49 PM
|
#3 |
|
عـضـو
تاريخ التسجيل: Sep 2001
البلد: ((( مدينه المحبين = بريدة = الخضراء )))
المشاركات: 2,428
|
رائع
السلام عليكم
هلاوالله باخوى الخبوبى الله يقطع ابليسك على النكته تصدق قطعت تسبدى من الضحك هههههههههههههه والسلام عليكم |
|
|
|
|
08-10-2001, 03:38 PM
|
#4 |
|
عـضـو
تاريخ التسجيل: Oct 2001
البلد: k s a
المشاركات: 90
|
انت يالخبوبي
وش هالنكته البايخه الي مثل وجهك عطنا نكت رجال
__________________
:cool: عندما نتكلم بصدق ونستمع بهدوء وننقد بإخلاص نحصل على حوار هادف :cool:
|
|
|
|
|
08-10-2001, 11:44 PM
|
#5 |
|
عـضـو
تاريخ التسجيل: Sep 2001
البلد: الجزيرة العربية
المشاركات: 773
|
هلا الخبوبي
أجل لقو بضهور بعض قمل :D :D :D :D :D :D :D :D :D  حلوا هذي :D :o  فقعتن من الضحك الله يغربلك 
|
|
|
|
|
24-10-2004, 11:04 PM
|
#6 |
|
عـضـو
تاريخ التسجيل: Sep 2004
المشاركات: 28
|
حلووووووووووووووة
المسلول وشبة كنة ماأعجبك النكتة والله انة مصرقعة حلوة منك يا الخبـــــوبي
عاد واقفة إذا ماجازتلك هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههه |
|
|
|
|
25-10-2004, 06:32 AM
|
#7 |
|
عـضـو
تاريخ التسجيل: May 2004
البلد: بريدة
المشاركات: 276
|
يالخبوبي اضحتنا بس لعاد اتعودله مره ثانيه الا بعد رمضان
__________________
المري |
|
|
|
 |
| الإشارات المرجعية |
| أدوات الموضوع | |
| طريقة العرض | |
|
|
النمط المتتابع
