[ساري القوايل]

لااجيد المقدمات ولاالفلسفه والضغط عندي 2000 السالفه ومافيها ان ادارة الاسثمارات مافيها لامدير ولانائب مدير اللي يديرها وافد سوداني الجنسية ولاعب بالمواطنين بالمخالفات يوقف معاملاتهم بالجهاز ويخليهم يسددون بالغصب من تاريخ 1433/8/11هـ الى اليوم 1433/8/25هـ وانا ابحث عن المدير ولا مره لقيته مداوم ومكتب السكرتاريه فاضي وان لقيت السكرتير القاه منكب على جواله وبس نغمات واتس اب ويتكلم من طرف خشمه يايقول ماجاء او طلع واخر شي يقول يوم مل من كثر مراجعاتي يقول اذا تبيه رح لمه بمدينة التمور تلقاه موجود هناك ؟؟؟!!! واليوم يقول لي الاسبوع هذا ماراح يجي مسافر (لتمور الأحساء) وسأله عن النائب يقول بإجازه .
ماهذا الاستهتار ياامانة منطقة القصيم بالمواطنين وبمعاملاتهم مدير يخلي العمل ويشتغل بالتمور .


من ينصفني كمواطن يظلمني سوداني بوطني بمخالفه ظالمه ومالقى مدير اشرح الوضع ؟؟

من ينصفني كمواطن من مدير مستهتر وضارب بعمله عرض الحائط .

من ينصفني ويعالج الحرقه والغبن اللي بقلبي وكثرة المراجعات وصعود الدرج ونزوله مع في هذه الاجوااء الحاره والشمس الحارقه .

اقسم بالله اني على وشك البكاء تعرضت للذل والاهانه من قبل وافد والقهر انه ظلم وفي وطني ايضاً


واناشد المسؤلين في هذه المدينه الطيبه الذين تهمهم راحة المواطن وخدمته النظر ومعالجة هذه المهزله .

[يوسف 2000]

نصاب لوكنت صادق كان ذهبت الي المتابعة أو الشؤون القانونية بالأمانة واعترضت على المخالفة وبلغت بكل مالديك ... أما الشكوى هنا فهي كيديه ولا فائدة منها ولا احد يقدر يسوي لك شيء ... وسالفة أجنبي اوغيره عادية موظف حكومي مثلة مثل غيره الحكومة موظفته .

[ليش لا]

والله مصيبه اذا ادارة الاستثمار فيها اجانب اين ابناء البلد
اتمنى ابلاغ مكافحة الفساد عن ذلك

[الفجــــــــر]

اقتباس المشاركة الأساسية كتبها يوسف 2000 نصاب لوكنت صادق كان ذهبت الي المتابعة أو الشؤون القانونية بالأمانة واعترضت على المخالفة وبلغت بكل مالديك ... أما الشكوى هنا فهي كيديه ولا فائدة منها ولا احد يقدر يسوي لك شيء ... وسالفة أجنبي اوغيره عادية موظف حكومي مثلة مثل غيره الحكومة موظفته .

ابو يمن لامكان له بمنتدى بريدة

[أبورامي]

للحين الدوائر الحكومية به أجانب !!

[ساري القوايل]

يوسف 2000

اللي يده بالماء مو مثل اللي يده بالنار وش علاقة القانونيه والمتابعه بمخالفه راصدها وافد هي ادارات مثل الاستثمارات ولا لها سلطه ع الاستثمارات .

وتعال للاستثمارات وشف الوضع وبعدين قل نصاب وبعدين وشلون تقول ان الشكوى كيديه؟؟ ووش دراك انهم مايقدرون يسووون شي ؟؟؟؟؟ !!!!ومن قالك ان هذي شكوى هذي عرض مشكله فقط ااكيد انت من اتباع هذه الاداره ولابغينا نشكي نعرف وين نروح وفيه صور وفديوهات لكل اللي حصل مو انت واشكالك اللي تعلمنا وين نروح ونشكي

لكن مااقول الله يبلاك بالمعاناه اللي عانيتها عشانك تقول نصاب وان شاء الله مو بدائره حكوميه ان شاء الله بمستشفى وبموضوع خطير لايحتمل التأخير وتعاني من مثل اللي عانيته بالبحث عن مسؤل تعرض عليه مشكلتك وتعامل موظفيه اللهم امين يارب

[ساري القوايل]

الفجر شاكر لك مرورك العطر

ولايهمك يوسف 2000 واضح انه من اتباع هذه الاداره والدليل مدافعته عن الاجنبي

[ساري القوايل]

اخوي ابو رامي

هذا اللي يسلمك اجنبي موظفينه يدخل لهم دراهم وله نسبه


وهو شغال بالخلق

[ساري القوايل]

ليش لا

شكراً لمرورك

اقسم بالله العظيم لو تجي هيئة الفساد لامانة القصيم ان يتقاعد موظفيها ماخلصوا من البلاوي اللي فيها

[adelgof]

سبحان الله وبحمده سبحان الله العظيم

[م ع م]

انا مصدقك ولا تنظر لكل الردود ((كلن يشوف الناس بعين طبعة))

[رجل من هذا الزمان]

نعم نحن لايوجد عندنا كوادر لهذا المنصب ولالغيرة من المناصب التي تصب في صالح الشباب ودعمهم

لكن لاتتركهم ازعجهم لين يجونك ويعطونك الي تبيه انت صاحب حق

[ساري القوايل]

اخوي م ع م

شاكر لك مرورك

وبالنسبه للردود مااحد يرد يدافع وهو مايعرف عن الموضوع شي الا ان الموضوع ماسه ومضايقه بشي

لكن ربك يمهل ولايهمل

[ساري القوايل]

اخوي رجل من هذا الزمان

شاكر لك مرورك

وابشرك انا موثق كل شي وان ماعطوني حقي بالرضا باخذه بالغصب