[ابو سك]

السلام عليكم ورحمة الله وبركاته
حيا الله الجميع
انا عندي مبلغ كويس
وابي افكار لمحلات تريد ان تفتح ببريدة
المحلات عندنا تقليد مثلا شارع واحد فيه اكثر من اربع محلات زي بعض
لكن هذي نقطة ايجابية بالنسبة لي لانها ستشكل اقبال على محلي
الموقع راح يكون بالفايزية ممكن شارع الثلاثين
المساحة صغيرة الى متوسطة
ليس شرطا ان يكون هو الوحيد ببريدة اهم شيء عليه سوق
الموظفين سعوديين 100%
وانا اولهم

[حنو القصيميه]

اذا فعلا عندك مبلغ انصحك بمحل تغليف هدايا بالعثيم او النخيل الدخل عالي جدا تخيل شئ مايسوى 20 ريال يباع ويغلف ب150
صحيح فيه موسم ذلروه وكود بس بوقت الذروه بتغطي مصاريفك كله
البالونات كلفته ب2 ريال او اقل وتباع بعد مليه ب 8-10ريال

[ابو سك]

شكرا لكي
مشكلة الهدايا ان الزبون المهم هو المراة وهي لا تتواجد الا بالنخيل او العثيم
والسوقين ايجارهم مبالغ-- وانا اصلا افضل العمل خارجهما لاحظى براحتي
لكن ربما قد ينفع هذا المحل في السوق الداخلي
الله يوفقك

[عبدالله98]

شف و انا اخوك

اللي يقولك بقالة تراها ما تنفع
الا اذا كان المحل كبيييير

يعني اذا كان المحل كبير توكل على الله و افتح بقالة
و تكون مكملة كل شى

الخيار الثاني
محل كمبيوترات

الخيار الثالث
محل خضار
تبيع خضار و فواكه

ملاحظة هامة جداً جدا جداً جدا >>> انبح حلقي من قولة جدا هههههه
اول سنتين راح تخسر
يعني اول 6 شهور يمكن تجيب راس المال و هاا مكسب بسييط

بعدين بعد الـ 6 شهور راح تلاحظ ان الزباين بدوا يزيدون
و كذا
طبعا بارادة الله
لا تعتمد على الكلام هذا لانه الاغلب انه كذا
يعني لا تياس وااصل ان شاء الله لو تخسر مليون
ترا الخسارة تجيب المكسب صدقني
مو اذا خسرت مره قلت خلاص و قفلت المحل

لا وااصل ترا اغلب التجار الكبارين
ترا بداياتهم خساير في خساير

و اهم شى المعاملة
لانه اذا تعاملت مع احد معاملة حسنة
راح يذكرك عند فلان و فلان بيجي عندك و لين يبون الناس يتذاكرونك لانك حسن المعاملة
و الاسعار اهم شى لا تطمع
لا تطمع لا تطمع لا تطمع
ترا الزبون اذا شافك غالي ولله ما يطب عندك و يبداء يذكر عند الناس انك غالي و عاد يله ولله ما يطب عندك احد

اسال مجرب ولا تسال دكتور

ولا تنس انه الرزق بيد الله و الشى توفيق
يعني اللي فوق هذا كله اسباب
و الرزق على الله


هاا وش رايك بالكورس المختصر ههههههه

لاتنسانا من دعواتك

[متأملة......]

الله يرزقك....يعجبني الشاب الطموح تبارك الله.............

[هذا]

الله يوفقك ويرزقك
والاستاذ عبدالله كفاء وفاء

وش رايك بالادوات الكهرباء والسباكه
او مكتبه

[جوولي]

الله يرزقك من واسع فضله

[درر سنية]

رايي انك تنقل معلمات للقرى وتخلي معك محرم لخساير ولا تعب راس

[منآير]

آلله يرزققك من وإسسٌع فضَـله ,
وبآلتؤفيق لكِ يَآرب ]ٍ
يعجبؤنيُ آلطمؤحين ^_^

[ام الشيخ]

انا دايم افكر وارغب ان يصير محل لبيع الكماليات الصينية اللي تكثر الطلبات عليها ومانلقاها الا بالنت مانلقاها بالسوق والنت مهب كل يحب شتري منه او يكون السعر مبالغ فيه او تاخر الطلبيه يذبح احيانا.

[عبدالله98]

اقتباس المشاركة الأساسية كتبها درر سنية رايي انك تنقل معلمات للقرى وتخلي معك محرم لخساير ولا تعب راس

اقتباس المشاركة الأساسية كتبها ام الشيخ انا دايم افكر وارغب ان يصير محل لبيع الكماليات الصينية اللي تكثر الطلبات عليها ومانلقاها الا بالنت مانلقاها بالسوق والنت مهب كل يحب شتري منه او يكون السعر مبالغ فيه او تاخر الطلبيه يذبح احيانا.

كلن يشد السفرة لمه
هههههههههههههههههههههههاي

[شاهي منعنع]

محل جوالات
المبزره الحين معهم جوالين وش عاد الكبار

[حربي عابر دربي]

اقتباس =ابو سك;لسلام عليكم ورحمة الله وبركاته

وعليكم السلام ورحمة الله وبركاته

اقتباس حيا الله الجميع

الله يحييك

اقتباس انا عندي مبلغ كويس

كم يعني مبلغ كويس من المليون وطالع ولا نزلت لك مكافأة الجامعه حق شهرين وفرحت بهن وحسيت انك الراجحي

اقتباس الموقع راح يكون بالفايزية ممكن شارع الثلاثين

ياخي هـ الشارع ذا وشارع كيرلا ماشفت بالقصيم زيهن كل شي بهن

اقتباس المساحة صغيرة الى متوسطة

كم المساحة يااخ العرب

اقتباس ليس شرطا ان يكون هو الوحيد ببريدة اهم شيء عليه سوق

كلوواشربوا وتداوو

اقتباس الموظفين سعوديين 100%

بداية الخساير

اقتباس وانا اولهم

آكملت الرصه

اتمنى لك الرزق الحلال

[طيف آلمزن]

اقتباس المشاركة الأساسية كتبها حنو القصيميه اذا فعلا عندك مبلغ انصحك بمحل تغليف هدايا بالعثيم او النخيل الدخل عالي جدا تخيل شئ مايسوى 20 ريال يباع ويغلف ب150 صحيح فيه موسم ذلروه وكود بس بوقت الذروه بتغطي مصاريفك كله البالونات كلفته ب2 ريال او اقل وتباع بعد مليه ب 8-10ريال

حنووو صدقتي وانا اضم صوتي لك بجد ربح ماشاء الله عندهم



اخووووووي الله يوفقك ولاتنس تسوي اعلانات له