[ميمون]

السلام عليكم ورحمة الله وبركاته..
أسعد الله مساءكم بكل خير .. هذا ميمو يحييكم ويتمنى لكم أسعد الأوقات وأهنأها .. معكم من الإخراج ميمو ومن التصوير ميمو ومن وراء المايكروفون محدثكم ميمو--->>> خلاص عاد تراه مهب حلا..

سيداتي سادتي.. فيه مشكلة أرقتني--->> حلوة أرقتني هذي.. كل ما أمشي بالسيارة تجي على بالي .. اكيد عرفتوها!! هي مشكلة شوارع بريدة الحبيبة وتصرفات الناس اللي بهالشوارع.. ولعلي أركز في الحلقة القادمة على مشكلة الشوارع الشينة بصورة اكبر من هذه الحلقة .. لعلي أنبه من يهمه الأمر .. وللجميع مني خالص الود والتحايا..

أعزائي.. قررت آخذ الكاميرا لمدة ثلاثة أيام متفرقة بأوقات مختلفة وأحاول أصور بعض الأشياء اللي ماكان يفترض وجودها من شوارعٍ شينة .. وتصرفات من الناس مالها داعي وغير هذا وراح تكون هذي الحلقة الأولى من التحقيق وفي الحلقة الثانية راح نكمل معكم ما بدأناه في هذه الحلقة (ونستقبل منكم اقتراحات أماكن التصوير)..

انتظروا التحميل .. عدد الصور 27 صورة تتخللها بعض الفواصل اللتي لا علاقة لها بالموضوع :
( ملحوظة : أغلب الصور مأخوذة قبل شهر تقريبا )
( ملحوظة أخرى : لا تدققون بالتصوير لأني آخذ بعض الصور وأنا أمشي بالسيارة وأكثرهن بدون تركيز.. مشوها )
( ملحوظة ثالثة : فكرت وين أحط الموضوع بالمنتدى العام والا بمنتى التصوير؟؟ آخر شي قررت إني أحطه بالعام لأني اعتقد أن هذا الموضوع ليس المقصود منه الصور وإنما علاج بعض المشاكل .. فلا يناسبه منتدى التصوير )
( ملحوظة --->>> أقول ضف قبل يجيك كف ما تلا حظون غني زودتها؟؟)

نرجع حق محور حديثنا..

قبل ماتسرعون بالقراءة لازم نخليكم تهدون شوي وما راح يهديكم إلا هذا :

أعوذ بالله يوم مريت من عنده والله العظيم بغت تعلق به سيارتي !!!!!

نروح للمشكلة الجديدة القديمة اللي ما ادري وش ينتظرون مايحلونها!!!! :


الله يستر والله إني لا مريت من عنده إني أرص ضلوعي..

نجي لشارع القناة.. نبد بالدوار الأول مشكلة المشكلات:

معقولة مايدرون عنه.. أبدا ..

أما دوار الغد أو بالأصح قبل الدوار بقليل للقادم من قصر بريدة فهو طامة.. لا تكاد تعلم بوجود الملف :

كان الطريق فيما سبق سالكا (مع الرصيف) ولكنهم رمموه ومع هذا بقيت بعض الآثار الحديثة :


فاصل مدود ( الشكل يهبل والصدق الله أعلم بالروايح ) :


******************************

مرة وأنا جاي للإشارة شفت واحد بالمسار الثالث أو الرابع يدق اشاره يسار قلت هذ خطمة جااااايدة تبين التصرفات الغلط لبعض الناس .. جهزت الكاميرا ولقطت له صورة بآخر لحظة :


بعدها مريت على هالمشافيح ( لاتلوموني لأني ما أطيق اللبن ) :


ثم شفت بوجهي أشين شي يمكن تصادفه وهو
حفريااااااااااااااااااااااات :


مهب المشكلة بالحفريات بحد ذاتها.. المشكلة إنهم يبطووووون بطا مالأمه داعي.. يعني الشهرين ما بها طقة عصا .. وتعرفون قصة شارع المدينة يوم يجي سلطان .. حفروا الشارع ودفنوه وقشعوا الاسفلت الأول وسفلتوه مرة ثانية بيوم واحد.. ولعل السر في تأخر الحفريات يعبر عنها صورة رائعة وضعها مشرف منتدى بريدة الخاص : السكب روح الشفق في منتدى بريدة الآخر قبل فترة :


***

مريت من عند حديقة المنتزه .. بصراحة ضيقت صدري .. ليه ما يعتنون فيها والا يقشعونه ويستفيدون من مكانها :


وأنا ماشي من عندها صدت واحد راعي عربجية معاكس :


بعدها وصلت للملف الخطير .. اللي عليمي يبي يروح فيها.. والطريف أني شفت مرة سيارة مرور ناشبة بالحفرة والناس متجمعين عنه يالله سحبوها بالونش :


****
فاصل:


اتصل علي واحد مرة وقال لي وين أنت قلت أصور الشوارع.. قال تكفى رح صور الحفرة اللي طبيت فيها قلت سلامات؟؟ قال مريت من عند الشارع الفلاني ووطيت خفس بالشارع ومن قوة الضربة نسم الكفر .. قلت ابشر عطنا مكانها بالضبط .. وفعلا رحت ووقفت بالشارع وشفت حال السيارات اللي يمرن تحس انهن تفككن .. عاد بعد فترة شفتهم يصلحونها.. ثم خربت وعادوا يصلحونها ثانية.. واظنها الآن مصلحة :


بعدها رحت للإسكان وأول ما شفت هذولا المساكين :

رحمتهم.. وقلت يارجال وش تبي بالفلوس غثا وانتظار خل رصيدك صفر وترتاح--->>> إيه هين ،، واللي ما يطول العنب...

ثم مريت مع الدوار اللي عند مخطط النهضة اللي ما فيه أمل-->> ولا هدى.. تشوفه بالليل.. المشكلة غير انه ما فيه شي يوضحه انه غاااايص :


بعد ما مشيت على طول شفت شي خلاني أفطس من الضحك.. قلت والله ما تفوت هذي :


فاصل :


*************************

مرة وأنا جاي من الجامعة مريت مع الماصورة اللي ما لأمها داعي .. المفروض تكون داخلة شوي :


مريت بعدها على البصيرية وما أدراك ماالبصيرية.. كل شي أثري .. فاجأتني البحيرة الرائعة:


واما الشيء الذي لا يختلف فيه اثنان ولا تنتطح فيه عنزان فهو:


حسبي الله عليكم هذا جبل ..

*******

مرة من ( المراير ) أخذت أخواتي للسوق يوم جينا نمشي ومار يجي حمار يسوق دايو ويسد علي ويحجرني حجرة بس قلت لو سمحت اطلع ابمشي الحين قال : معليش دقيقة هذاي أجي .. تعرفون الحمير ماتقدر .. ويروح للمحل اللي يبي وهو مسرع أنا نزلت قلت فرصة أصوره باعتباره انتهاكا للذوق وحقوق الآخرين .. وفعلا نزلت وصورته قبل يجي .. وعلى فكرة طلعت يوم طلع اللي قدامي والا الحمار تأخر شوي.. وما اكثر الحمير من أمثاله.. أهم شي نفسه والناس طزززز :


*********

إلى هنا نصل إلى نهاية حلقتنا وأتمنى أن يكون فيها بعض النفع .. ونستقبل منكم مثل ماقلت قبل : اقتراح أماكن التصوير.. دامت أيامكم أفراح وسعادة تقبلوا تحياتي : ميمو:

( برجنا المملوح فجر ثالث أيام العيد )

والسلام عليكم ورحمة الله وبركاته........

[أبوالمهند]

رائع رائع....................




لاحول ولاقوة إلا بالله.........................


أنواع الاإيه.......


مشكوووووووووووووور


أخي ميمو على هذه الجولة والتي أكثر من رائعةةة



شكرننننننننننن

[أبوعمر السحيم]

جولة رائعة ...

تصلح تصير مراسل المنتدى:
لشؤون فضح البلدية ووزارة المواصلات

ولك مني التقدير ..

[ميمون]

ابو المهند..
أبو عمر السحيم..
أما مراسل كثر لي منها..

ألف شكر على مروركم.. تحياتي وتقديري

[المنخرش]

جزاك الله خير
والله موضوع جداً جميل
وننتظر الحلقة الثانية بأحر من الجمر

شكراً

[ابن حزم]

تصلح تكون مندوب مراقبه للمنتدى ...

المره الماضيه كانت القنبله والفضيحه داخل جمعتنا الغاليييه ,في آخر يوم من الدراسه واليوم حول الشوارع ...

الله يستر وش اللي يبي يسير ...

جزاك الله خير

[آسر]

جولة أقل ما يقال عنها رائعة .. ميمو أنت متميز

[المستشار]

خيال ..
و هذا الموضوع هنا في المنتدى العام مناااااااسب جدا ..
أكثر من كونه في قسم أخر ..
جزاك الله خير ..


ولو تبي تصور مثل هالصور هذي عن بريدة ..
ما يكفيك موقع خااااااص ..

[ميمون]

حبيبي المنخرش:
مشكور على المرور وعسى الحلقة الثانية تطلع قريبا

حبيب قلبي : الظاهر بيبرس:
شكرا على شحطك.. وإن شاء الله ما يصير إلا خير

حبيب الكل آسر:
شكرا لك.. وعسى أن أكون عند حسن ظنك ..

لكم تحياتي وتقديري

[وسام-]

حبيبي >>> ميمو <<<
شققت القلب على هالصور
صحيح الصور تغث لكن اللي يغث أكثر
أني خارج بريدة يعني من زمان ما جيت ويوم شفت الصور
حن قلب (( لبريدة)) ومطباتها وحفرياتها
الله يغربل شيطانك يا تسبدي.
وننتظر الجديد منك.

[ميمون]

السلام عليكم...

تسلم يالمستشار.. ألف شكر لك

وسام..

أجل حنيت ههههههه والله يا انت حنووون الله لا يحرمك من بريدة
شكرا لك

[نبع الحنان]

ياحبيلك والله يا ميمو...
تسلم على هالصور الجميلة...

في أشد الشوق لحلقاتك القادمة...
تحياتي للمبدعين أمثالك...

[المهموم]

شكراً من كل قلبي لك أخي العزيز ميمو
لقد امتعتنابهذه الصور الكثر من رائعه ولكن نسيت شارع مهم وهو شارع القناة الذي منذو مايقارب السنتين وهذا حاله بسب الحفربات الله لايعيدهامن شركه000
وكذلك اشكرك على صورة دوار القناة الذي حصل لي معه حادث وراحت سيارتي تشليح مع العلم أني بري من الحادث وكانت نسبة الخطاء على المتسبب 100%
وبارك الله فيك مره ثانيه

[الإعصار]

صور رائعة كروعتك أخي ا لغالي
وكلام منطقي

نحن ننتظر الأعداد القادمة

وتحياتي لك