[A-S-89]

السلام عليكم ورحمة الله وبركاته

حبايبي أهل بريده.. اول شي ابارك لكم الشهر الفضيل والله يتقبل مننا ومنكم الصيام والقيام

ندخل في زبدة الموضوع
انا معلم جديد بمنطقة القصيم وعندي يوم الاحد مقابله شخصيه في ادارة التعليم وبعدها كشف طبي.. يعني تقريبا شغلي كله في شارع الاماره

اتمنى تفزعون برقم او وصف ل شقق عزاب ف نفس الشارع او قريب منه .. لاني جاي طيران وشغلي كله تكاسي


هذا وصلى الله وسلم على نبينا محمد

[A-S-89]

وينكم يالربع؟
معقوله محد يعرف شقق عزاب!

[معاند الروح]

اولا الله يبارك لنا ولك بالاعمال الصالحة وجعلنالله من صوامه وقوامه,,,,,
ومبروك عليك الوظيفة وجعلهاالله عونالك على الطاعة’’’الشقق المفروشة واجد لكن فيه تنبيه أنت تحتاج شقة مؤقتة بالأول بحكم المقابلة الشخصية لكن ماتدري أنت تكون ببريدة أوبأحدقراها وإذاكنت ببريدة فربماتكون في شمالها أوفي أي جهة أخرى فتكون بعيدة عنك!!!
فيه شارع المعهدالعلمي (شارع الملك فيصل) مليء بالشقق للعزاب! أيضا فيه شارع الوحدة فيه شقق مفروشة للعزاب أيضا فيه جنوب ادارة التربية والتعليم ببريدة حي يسمى حي السادة يمكن تحصل فيه ويمكن يكون أرخص لانها قديمة شوي بس الميزة فيه إن كل شي متوفرفيه وممكن تأتي مشي للإدارة,,,والله يوفقك وكل مسلم ويسهل علينا وعليك وعلى كل مسلم والله يحييك في عاصمة القصيم بريدة.

[ام فصولي الشيطاني]

فيه فندق بالخبيب اسمه فندق السلام يمكن يسكنونك وموب بعيد عن شارع الامارة وبالتوفيق

[A-S-89]

مشكوريييين يالربع وما قصرتوا والله يجعل كل حرف كتبتوه في موازين حسناتكم

[سومي 90]

فيه بالصفرا حولك

[A-S-89]

اقتباس المشاركة الأساسية كتبها سومي 90 فيه بالصفرا حولك

مشكور اخوي ولا يهونون باقي الشباب
ان شاء تساعدني المعلومات اللي طرحتوها

[A-S-89]

حبيت اقولكم اني ولله الحمد سكنت بالخبيب وانتهيت من المقابله بسلام

جزاكم الله خير وبيض الله وجيهكم ما قصرتوا

[أبورامي]

ألف مبروك
بالتوفيق أخي الكريم