[حبتور]

السلام عليكم ورحمة الله وبركاتة

يا اخوان ابي ادخل بالقطاع العسكري
فا ايش افضل شيء بالقطاع من ناحية الراتب والخدمة الخ
وايش افضل اكمل بالجامعة وادخل القطاع او دخل بشهادة ثانوية
وياليت يتم وضع رابط تسجيل بالقطاع العسكري

ومتشكر لكم

[ام الوريدات]

عليكم السلام

ماخاب من استشار
ولا ندم من استخار
صَل ركعتين وستخر رب العلمين

[حبتور]

اقتباس المشاركة الأساسية كتبها ام الوريدات عليكم السلام ماخاب من استشار ولا ندم من استخار صَل ركعتين وستخر رب العلمين

صدقت والله

[ألق الفجر]

أفضل قطاع الأمن العام، وتحديدا قطاعين المتفجرات والأدلة الجنائية رواتبهم عالية.
والأدلة الجنائية أفضل بكل الأحوال، نظام دوامهم جميل جدا ورواتبهم عالية.


وأنصحك تدرس الجامعة بالأول، وخلني أوضح لك ليش:
- تدخل بشهادة الثانوية يعطونك جندي.
- تدخل بشهادة الكلية التقنية وكيل رقيب.
- تدخل بشهادة الجامعة رقيب.

يعني خلال اربع سنوات فقط بدراسة الجامعة تنقز اربع رتب اللي هن:
جندي، جندي اول، عريف، وكيل رقيب، وتاخذ رقيب : )

بينما لو دخلتها بشهادة الثانوية، تبي تتعب وأنت ما ترقيت، تبي تتعب بقوّة،
نظام الترقيات عند الأفراد غير جيّد.
الأمر الثاني: يمكن تحصل لك الكلية الأمنية وتتخرج ضابط برتبة ملازم.


فكر فيها بعقلك تبي تلقى الجامعة أفضل لك وتحديدا تخصص شريعة اشوفهم
يطلبونه والله يوفقك بكل الأحوال

[حبتور]

اقتباس المشاركة الأساسية كتبها ألق الفجر أفضل قطاع الأمن العام، وتحديدا قطاعين المتفجرات والأدلة الجنائية رواتبهم عالية. والأدلة الجنائية أفضل بكل الأحوال، نظام دوامهم جميل جدا ورواتبهم عالية. وأنصحك تدرس الجامعة بالأول، وخلني أوضح لك ليش: - تدخل بشهادة الثانوية يعطونك جندي. - تدخل بشهادة الكلية التقنية وكيل رقيب. - تدخل بشهادة الجامعة رقيب. يعني خلال اربع سنوات فقط بدراسة الجامعة تنقز اربع رتب اللي هن: جندي، جندي اول، عريف، وكيل رقيب، وتاخذ رقيب : ) بينما لو دخلتها بشهادة الثانوية، تبي تتعب وأنت ما ترقيت، تبي تتعب بقوّة، نظام الترقيات عند الأفراد غير جيّد. الأمر الثاني: يمكن تحصل لك الكلية الأمنية وتتخرج ضابط برتبة ملازم. فكر فيها بعقلك تبي تلقى الجامعة أفضل لك وتحديدا تخصص شريعة اشوفهم يطلبونه والله يوفقك بكل الأحوال

جزاك الله خير وماقصرت
وان شاء الله اكمل جامعة

[Aloosh]

الجوازات ممتازة

[بريداوي2000]

من وجهة نظري حاليا هو الجيش في قطاع اسمة طيران القوات البرية ولهم معهد بالقصيم بريدة اسمة معهد طيران القوات البرية طبيعه العمل هو فني طائرات عمودية وعندهم دورات خارجية لامريكاء ودراسة لمدة 18 شهر ورواتبهم حلوه وتخصص ممتاز وخصوصا انه في مجال الطيران ولك مستقبل بعد التقاعد بانك تتوظف بشركات الطيران اول شي لان معك لغة انجليزيه ثاني شي معك تخصص هندسة طيران

اما الامن العام خذ شوري احش صح رواتبهم زينه بس تراء شغلهم كرف ومقابلة جمهور يعني دايم نفسيات

الامن العام عندك قطاعين ان حصلن ولا هج الدفاع المدني او الجوازات

ولاكن الفرق بين طيران الجيش والامن العام ان طيران الجيش له مستقبل بعد التقاعد او انهاء الخدمه المبكر

اما الامن العام بعد التقاعد او انهاء الخدمه افضل وظيفة راح تحصلة هو حارس او مشرف علي حارس امن