 |
|
|
|
|
25-05-2004, 06:24 PM
|
#1 |
|
عـضـو
تاريخ التسجيل: Aug 2002
البلد: The Deaf is hearing
المشاركات: 2,129
|
-:: نظرة الاخرين للقصمان ... لاتفشلوننا ::-
وانا قاعد افتش بهالنت ......
قريت صفحة مسنترة عن القصمان .... اقرووووها معي أبو صالح وبو راشد أبوصالح جالس مع بو راشد بعد صلاة العصر.. يسولفون ويقطعون الوقت.. تنهد بو صالح وقال: افكر في هالدين العظيم اللي طلع من مكة المكرمه وصل الى آخر الدنيا!!! قال بو راشد: إيه والله انك صادق يا بو صالح. قال بو صالح: بس لا يهمونك دين اهل آسيا الوسطى وأوربا.. والله ما لهم من الإسلام الا اسمه!! رد بو راشد: والله انك صادق (بالعاميه) يا بو صالح! واضاف بو صالح: ولا دين هالاشوام.. والله دينهم ماهوب اللي انت تبي يا بو راشد!!! فرد بو راشد: والله انك صادق يا بو صالح!! قال بو صالح: والا هالافارقه والمصاريه والسودانيين.. متصوفه مبتدعه.. ماهوب والله هم والاسلام ولايف!!! قال بو راشد: إيه والله يا بو صالح انك صادق!! قال بو صالح: إن بغيت الاسلام في هالديره (السعوديه) قال بو راشد: إيه والله انك صادق يا بو صالح!! فرد بو صالح بتنهد: والله ماهوب دين كل اهل هالديره على اللي تبي يا بو راشد!! أهل الجنوب اهل بدع وزيدية واسماعلييه مالهم من الدين إلا اسمه!! قال بو راشد: إيه والله انك صادق يا بو صالح!! واضاف بوصالح: والا اهل الشرقية.. رفضة وشيعة والله.. ما خذوا من الإسلام إلا اسمه!! واهل الحجاز مبتدعة صوفية.. ماهوب والله اللي انت تبي يا بو راشد!! واضاف بو راشد: إن بغيت الدين والله في نجد.. والباقين خلهم على يسراك (شمالك)!! والله انك صادق يا بو صالح!! أضاف بو صالح: والله بعد ماهوب كل اهل نجد دينهم على اللي تبي!! أهل الرياض واللي حولها شرابين للتتن ويشوفون الدش.. والله مادري عن دينهم يا بو راشد!!! لكن لا بغيت الاسلام تراه عندك بذيا.. بالقصيم!!! رد بو راشد وقال: والله انك صادق يا بو صالح!! فأضاف بو صالح: والله ماهوب كل اهل القصيم دينهم على اللي انت تبي.. أهل عنيزة واللي حولها يبيعون التتن ويلبسون كبك والدشوش مليانه بالسطوح!!! إن بغيت الدين والله تراه بذيا عندك.. ببريده!! رد بو راشد: والله انك صادق يا بو صالح!!! واضاف بو صالح: والله ماهوب دين كل اهل بريده على اللي انت تبي!! طلعت هالاستراحات وما يندرى من اللي يشوف الدش ومن اللي ما يشوفه.. إن بغيت الدين كما أنزل ترى في حارتنا.. بذي!! قال بو راشد: والله انك صادق يا بو صالح!!! قال بو صالح: والله بعد ماهوب كل اهل الحارة على اللي انت تبي.. أشوفهم يسحبون رجليهم للمسجد تقل انهم مغصوبين على الصلاة!! والله مابوه في الحارة الا انا وانت يا بو راشد!! رد بو راشد: والله انك صادق يا بو صالح!! أضاف بو صالح: والله اني اشوفك مانتب تخشع في الصلاة يا بو راشد!!!!! -------------------------------------------------------------------------------- تحياتي لكم :i128
__________________
 والله لن أنساك ياغندر ...:oo |
|
|
|
25-05-2004, 06:38 PM
|
#2 |
|
عـضـو
تاريخ التسجيل: Mar 2004
البلد: الرياض
المشاركات: 1,644
|
ههه
ابو راشد ذا صاير صدا والله انك صاتز
__________________
رحم الله والدكـ ياابا عبدالعزيز ..
اللهم أسكنه فسيح جناتكـ .. وأجعل قبرهـ روضه من رياض الجنة |
|
|
|
|
25-05-2004, 07:49 PM
|
#3 |
|
عـضـو
تاريخ التسجيل: May 2003
البلد: .buraydahcity.
المشاركات: 3,435
|
ولنك صادق يا الحنون
صارت ولن صادق هي السيرة
__________________
. . لا إله إلا أنت سبحانك إنا كنا من الظالمين..
اللهم أعنا على ذكرك وشكرك وحسن عبادتك .. استغفر الله وأتوب إليه.. |
|
|
|
|
26-05-2004, 12:02 AM
|
#4 |
|
عـضـو
تاريخ التسجيل: Mar 2003
البلد: بريده (رضي الله عنه)
المشاركات: 13,063
|
والله انك صادق يالحنون
ههههههههههههههههه مابه إلا هو مسلم كفر العالم هههههههههه
__________________
|
|
|
|
|
26-05-2004, 12:08 AM
|
#5 |
|
عـضـو
تاريخ التسجيل: Jan 2002
المشاركات: 1,752
|
والله انك صادق يالحنون...
هههههه
__________________
[c]  [/c]
|
|
|
|
|
26-05-2004, 10:22 AM
|
#6 |
|
عـضـو
تاريخ التسجيل: Jan 2004
البلد: بريدة
المشاركات: 220
|
من جرفة لدحديرا
__________________
يمنع وضع الإيميل . |
|
|
|
|
26-05-2004, 03:18 PM
|
#7 |
|
عـضـو
تاريخ التسجيل: Sep 2001
البلد: &^ ضراس المحتلة ^&
المشاركات: 3,476
|
================================================== =============================
قسم بالله انه عـنـبـه
ولا وشوله يقوله والله انك صادز أولاه لو انا بجنبهم والله لا أدفنهم بالشحنة ما احد تكفون يسلم لي على هالشايب ويقوله ترا سعفة يسلم عليك ويقول منتب عاقل لا أحزم كشرك وخذ يا كفوف فوق الشحنة أنت ووجهك الي تسنه فرشة مسجد العيد __ كله غبار ومتعرفطه والله العظيم ما يتسوي وجهك ولا مغاسل الريان <<<=== يحسبه مغسلة ملابس ،، هههههههههههههـ الله يخلف :D:D:D:D:D /ـ/ـ/ـ/ـــــــــــــــــلام يا خلفهم يا أبوحن حنين حنان حنحنه كربون H2O = خارصين zn على وزن فاعلين ok هلا والله بالفيزياء <<<== لا عبتن بوه الدراسة يكافي :D:D:D
__________________
 |
|
|
|
|
27-05-2004, 12:21 PM
|
#8 |
|
عـضـو
تاريخ التسجيل: Aug 2002
البلد: The Deaf is hearing
المشاركات: 2,129
|
هههههههههههههههه
الله يقلعك ياسعفهم .. مابقيت به شي .....ههههههه مشكوووورين يالاخوان على تفاعلكم,,,,,,,, هههههههههههه مافيه الا مسلم ههههههههه 
__________________
والله لن أنساك ياغندر ...:oo |
|
|
|
|
04-06-2004, 08:01 PM
|
#9 |
|
عـضـو
تاريخ التسجيل: Mar 2004
البلد: قلوب المحبين
المشاركات: 575
|
ابو راشد
يدربي الراس ماعندة الا والله انك صاتس(صاتس=صادق) واخرتة علية ..,،’ تشكرات ’،,.,،’ افندم ’،,.. |
|
|
|
|
10-06-2004, 09:15 PM
|
#10 |
|
عـضـو
تاريخ التسجيل: Aug 2002
البلد: buraydah city
المشاركات: 6,344
|
هههه ..
قصة جميلة .. و تحكي (شيئاً) من الواقع .. جدمتم أحبتي ،، بريماكس
__________________
 |
|
|
|
|
10-06-2004, 11:56 PM
|
#11 |
|
عـضـو
تاريخ التسجيل: Mar 2004
البلد: لـــهـــبُ الــشــوق ..
المشاركات: 5,458
|
[move=left]دحدر[/move]
عاد مهب كلهم تسذا .. على العموم .. تراه موووووووووووت .. [move=left]:D :D :D :D [/move] [move=right]  [/move]
__________________
.. أعبدَ الله يا نجمًا تهاوى ** ويا قمرًا تبدّى ثم غــابْ
أيا خلاً طواه الموتُ عنّا ** لكم فرحت بلقياك الصحابْ .. لا تنسوا الدعاء لأخيكم العضو أفكار بالرحمة والمغفرة . |
|
|
|
|
11-06-2004, 09:49 PM
|
#12 |
|
عـضـو
تاريخ التسجيل: Aug 2002
البلد: The Deaf is hearing
المشاركات: 2,129
|
مشكوووور ........
اقووول انت اللي دحدر ...... هذا نموووذج من شااايب
__________________
والله لن أنساك ياغندر ...:oo |
|
|
|
|
15-06-2004, 01:44 AM
|
#13 |
|
عـضـو
تاريخ التسجيل: Dec 2003
المشاركات: 301
|
أهل عنيزة واللي حولها يبيعون التتن ويلبسون كبك والدشوش مليانه بالسطوح!!! إن بغيت الدين والله تراه بذيا عندك.. ببريده!!
يا حوول حتى الكبب ماسلم من هالشايب |
|
|
|
 |
| الإشارات المرجعية |
| أدوات الموضوع | |
| طريقة العرض | |
|
|
النمط المتتابع
