حـــمـــد وكـبـيـنـة الـتـلــفــون

برجس · 15-03-2002, 06:16 PM

مدخل / سعودة الوظايف شيء كويس لكن مو بالشكل هذا ( حكمه برجسيه :D )

عقب ماخلص حمد من الثانويه وجلس ثلاث سنين عاطل وبدون شغل، دور وظيفه بكل مكان ماحصّل، ما ترك دائره حكوميه ما مر عليهم .. مافيه شركه أو مؤسسة الا سألهم لكن مالقى أحد يوظفه .

مره من المرات كان هو وابوه معزومين في احد المناسبات العائليه، وكان من ظمن الحضور واحد مطخطخ وراعي تجاره .
دار الحديث حول السعودة وقلة الوظائف، وان الاجنبي مسيطر على الوظائف والاعمال اللي تدر ذهب .
كان هالمطخطخ واللي اسمه ابوثامر يذم الأجانب ويدعو للسعودة وتوظيف الشباب وفتح المجال لهم .
وتكلم عن تجربته في توظيف الشباب عنده في مؤسسته وفي بعض محلاته التجاريه، استغل ابوحمد هالفرصه ونط بحلقه تقل مقروص وقال : طريقتك هذي منتازه بالحيل وياليت كل التجار يسوون مثلك [ يبي يدخل عرض ويحتك

]
المطخطخ / المفروض كل التجار يسوون مثلي ويوظفون أبناء البلد .
أبوحمد / الله يجزاك خير ، مالك الا الأجر والدعاء بالتوفيق وفتح ابواب الرزق .
المطخطخ / وهذا اللي نبيه ، الله يوفق هالشباب ويلقون وظايف يساهمون من خلالها في بناء البلد ونماءه .
أبوحمد / ولدي حمد عاطل عن العمل وبدون وظيفه .. ياليتك توظفه عندك [ بدأ شغل الشحاذه :D ]
المطخطخ / ماعندي مانع . وين حمد ولدك ؟

آشر عليه وقال : شفه هذا .. قم سلم على عمك وأنا أبوك [ أبوووووك يالمصلحه :D ]

المطخطخ / وش عندك من شهادة ؟ ( يوجه كلامه لحمد )
حمد / الثانويه .
المطخطخ / جيد .. عطني أرقام تلفوناتكم وأنا ابتصل عليكم إن شاء الله .
أبوحمد / الله يجزاك خير وماتقصر .

اخذ ابوثامر رقم تلفون حمد على اساس انه يتصل عليه ويوظفه عنده .

مر شهر ، شهرين ، ثلاثه والرجال مطنشهم
شك حمد بان الرجال صرفهم ومحطهم بركبه كبر قريح .

في أحد الأيام وبينما كان حمد هو وابوه على سفرة الطعام يتغدون، سأل ابوحمد ولده : ما أتصل ابوثامر ياوليدي؟
رد حمد من غير نفس وهو يبلع اللقمه : لا ما اتصل ، الظاهر انه نصاب وماعنده سالفه

.
طيّر عيونه ابوه وقال : لا تقول هالكلام .. الرجال سنافي وراعي فزعه ولا قصر .. هذا بدل ما تشكره وتثني عليه علشانه يبي يوظفك !!

رد حمد وهي قافله معه : الحين لنا ثلاثة اشهر ولا جانا منه اتصال ولا سمعنا أي خبر عنه !!
لو كان صادق بكلامه كان على طول وظفن في مؤسسته .. شكله بياع كلام .
ابوحمد / إن شاء الله يبي يتصل بس انت لاتستعجل .
قال حمد / هو وين مؤسسته فيه يايبه؟
اركد وأنا ابوك ولا تصير عجل .. أصبر لين هو يتصل علينا .. ماودنا نثقل على الرجال .
حمد بينه وبين نفسه [ شكله نصاب وخراط مشمش وراعي هرج واجد .. لكن أنا اللي أبدور مؤسسته وأروح له ]

سأل حمد بطريقته الخاصه عن المؤسسه لين عرفها ، ثم زرق لابوثامر علشان يذكره بموضوعه .
دخل عليه في مكتبه ودار بينهم الحوار التالي :

السلام عليكم .
وعليكم السلام .. ( رد ابوثامر السلام بدون مايرفع راسه )
طال عمرك .. أنا حمد ولد أبوحمد .
أبوثامر / الله يحييك .. أي خدمه؟
حمد / [ أفاااا .. نسينا ماكلينا ]
طال عمرك أنا اللي وعدتني خير وأنك توظفني عندك بالمؤسسه .
رد ابوثامر ببرود : ايييييه .. الله يحييك .. وشلون أبوك؟
حمد بينه وبين نفسه كالعاده / [ توك تذكرن ؟!! ..يجيب الله مطر ]
الوالد بخير الله يسلمك .
وش صار على موضوعنا الله يجزاك خير؟
ابوثامر / أنت وش معك شهاده؟
حمد / [ والله اللي ماجاب خبري !! ]
الثانويه طال عمرك .
ابوثامر / جيد .. موافق تشتغل في كبينة تلفون ؟
حمد بعد ان انصدم بالرد ونوعية العمل / [ هذي أخرتها يابن اللذينا؟!! .. تماطل بي كم شهر وفي النهايه كبينة تلفون؟؟!!!

]
ماعندي مانع ، المهم اني اشتغل واستفيد من وقت فراغي ولا اجلس عاطل .

قال ابوثامر : أجل رح للأخ بدر في المكتب الثاني وهو بيوضح لك كل شيء، وأنا أبكلمه .
حمد / ماقصرت < = = = قالها من غير نفس وهو مولع

طلع حمد وراح لبدر في المكتب الثاني واللي بدوره أخذ صوره من بطاقة احواله وعطاه نموذج التعيين علشان يعبيه ، ثم وصف له المحل اللي يدوام فيه .
وقاله تداوم من بكرا ، لان الكبينه اللي تبي تدوام فيها مافيها الا واحد ولا يغطي العمل .

ماصبر حمد لبكرا ، وأنطلق للمحل يشوفه على الطبيعه ( والله لو هو مساح بلديه يبي يشوف قطعة ارض

)
وصل للمحل وشافه من برا ، ولان حمد راعي شرافه وينضغط بسرعه قرر انه يدخله علشان يشوف ابوزمل اللي بيتناوب هو وياه بالدوام .

دخل للمحل بكل ثقه وغرور واللي يشوفه يقول هذا راعي الكبينه ( تعرفون يبي يداوم بكرا ولازم يزعط

)
راح لوحده من الكباين واتصل على البيت وقفل الخط وطلع .
جاء للموظف وقاله : كم حسابك ( وين ياعمي .. داخل مطعم بخاري؟!! :D )
قال الموظف : أنت ماكلمت والجهاز عندي ماحسب أي مبلغ .
رد حمد وهو منبهر : صحييييح .. تصدق كنت متوقع ان رفعة السماعه ودق الرقم تحسب بفلوس [ أمحق ... لا ويبي يمسك المحل من بكرا .. عز الله اللي خسر راعي الكبينه ]
قال الموظف : لا ماتحسب .

[ طبعا كل هالحوار السابق كان مقصد حمد أنه يحتك بالموظف ويشوف وشو من لحيه ]

قال حمد بكل ثقه وغرور وعقب ماعفط خشته كم عفطه : عموما يالغالي .. أنا زميلك اللي ابتناوب معك في المحل من بكرا ، توي جاي من ابوثامر .

رد الموظف : الله يحييك اهلا وسهلا .
حمد : متى تفتح بكرا ؟
الموظف : الساعه ثمان .
زين مع السلامه <= = = هذي اخر عباره قاله حمد قبل يطلع .

من بكرا جاء حمد وجلس مع الموظف واتفقوا على أن زميله يداوم من ثمان صباحاً الى 6 مساءً ، وحمد يدوام من 6 مساءً الى 3 صباحاً .

أستمر حمد بالكبينه كم شهر براتب وقدره 1000ريال !!!

أغلب راتبه كان يروح بتغطية النقص في الايراد ومطابقته مع الكمبيوتر ، هذا غير الهواش مع الزباين ومشاكل العماله اللي تفرك بدون ماتحاسب .

حمد الان يفكر بتحسين وضعه والبحث عن :

-
-
-
-
-
-
-
-
-
-
-
-
-
-
-
-
-
-
-

مـحــل خــضــار

:D :D :D
:D :D
:D

أبو مسحة · 15-03-2002, 07:12 PM

..................
ههههههههههههههههههههه

قصة خلوووووووووووووووة ثكير لا كن متى باقي القصة أو ما له باقي

أما حمد تنسيم وبوه الشايب البارد ههههههههههههه

لاكن القصة له باقي ولا لا

وكان له باقي كمله بقرب وقت تراه موووووووووووووووت

هههههههههههههه

أما حكمة ((برجسية ))هذي بالحاله ههههههههههه

تسسسسسسسسلم أخوي برجس على القصة
:D
:D
:D
:D
:D :D :D :D :D :D :D :D :D :D :D
:D
:D
:D
:D :D :D :D :D :D :D :D :D :D :D
:D
:D
:D
:D

الروشن · 15-03-2002, 08:27 PM

الصراحة /
قصة ممتعه .
وأسلوبك جذاب .
وعباراتك حلوه .
وكلامك أحلى .
وكتاباتك جميله .

تم شحطه .

الصراحه بجد :
نبغى باقي للقصة . ولاتتركنا .

أخوك/
الروشن .

بدر الشايع · 16-03-2002, 03:07 AM

الحمد لله على السلامه يا برجس
وينك من زمان ماضحكنا , مواضيعك من حق روووعه
وأعذرن تراي أرسلت نسخه للمواضيع المتميزة.

جدس البأس · 16-03-2002, 04:20 AM

الغالي / برجس كم انت رائع
تصوير واقعي واجتماعي ممتاز.
ولكن لأسف....

تم قتل الموضوع بنقله للمنتدى المتميز

والسلام عليكم ورحمة الله وبركاته

جدس البأس · 16-03-2002, 04:28 AM

الغالي / برجس حقيقةً ولاأروع

ولكن للأسف الفاضل ذيبان قتل الروعة بدون قصد لأنه...

نقل المشاركه لمنتدى المشاركات المتميزة

وللجميع تحياتي
والسلام عليكم ورحمة الله وبركاته

جدس البأس · 16-03-2002, 04:37 AM

الغالي / برجس حقيقةً ولاأروع

ولكن للأسف الفاضل ذيبان قتل الروعة بدون قصد لأنه...

نقل المشاركه لمنتدى المشاركات المتميزة

وللجميع تحياتي
والسلام عليكم ورحمة الله وبركاته

الرهيب 2002 · 16-03-2002, 08:40 PM

هلا البرجس الموضوع جيد وهذا حال الشباب الي ينخدعون بابو ثامرههههههه

والسلام

يعتمد
الرهيب 2002

برجس · 17-03-2002, 07:37 PM

أبومسحه /

ترى القصه ماله باقي ولا تكمله

اجل جازت لك حكمه برجسيه؟

ههههههههه

هذا وانا ماتحمست :D

يعطيك العافيه

الروشن /

القصه ماله باقي الله يحفظك

يعنى قضت على ان حمد وده يحسن وضعه ويدور محل خضار من اجل تأمين مستقبله لكي يتزوج ويفتح بيت

ويجيب عييل ويربيهم علشان يساعدونه بمحل الخضار :D <=== قصة حياة حمد

يعطيك العافيه ، ومشكور على رفع المعنويات

ذيبان /

الله مير يسلمك

واشكرك على التشجيع واعتبر الموضوع وراعيه لك ياخلفهم <=== مهوب ينافق ابد :D

شـــــــــقاوي · 18-03-2002, 06:13 AM

الاخ / برجس
القصه ممتعه حيث انها تعبر عن معانات الشباب الحاليه00
الاوهي العطاله 00
( ولاكن خويك دور شغل ولقى المشكله الي مادور ولا وده \يعني عاله على الاهل/ وش رايك به)
وصديقك ممكن نلقى له شغل بدل الكبينه فيه مطعم طالب سواق توصيل
للطلبات 00
على فكره يعرف يسوق00 ههههههههههههههههههههه00 :D :D :D

المستشار · 22-03-2002, 03:28 PM

رااائع جدا رااااائع

بس مثل ما قلت لك لازم( .... )

وشكراًً

قرية التوت · 22-03-2002, 05:56 PM

تسلم والله وماقصرت الصرحه تنسيم القصه
ومثل ماقالو الشباب
نبي تكميل للقصه

:D :D :D :D :D :D :D :D :D
:D :D
:D
:D :D :D :D :D :D :D :D :D

المعجب · 23-03-2002, 04:01 PM

الصراحه
حلوة
وممتعه
شكراً
على
هذا
المجهود

للتواصل عبر الماسنجر

zxcv559@hotmail.com

المتبعة · 03-04-2002, 11:25 PM

عفواً .عفوأ على نفسها جنت براقش .
كلنا يحفظ :
إذا كانت النفوس كباراً .............................
ايها الاخوة لعلكم توافقونني الرأي ،انّ من طلب العلا سهر الليالي، اقولها بكل صراحة ،وقناعة : انه لا مكان للبطالين في هذا الوجود خاصة ممن يحسبون
على الإسلام، والصيفَ اضاع الكثيرون منّا اللبن.
نام الكثير منّا نومةً اطالها ،فلمّااصبح نادى اين الوظيفة ؟؟ ايّ وقاحة تلك التي جرأته على ان يقول ما قال.
امم الكفر والطغيان يجلد كبارها وصغارها في طلب علوم الدنيا والتي يحتاجها المسلمون في هذا الوقت اكثر مما مضى(حاسب،طب،...)، ونحن اكبر مشاكلنا حمد و... .
حمد جنى على نفسه كبراقش.

15-03-2002, 06:16 PM	#1
برجس عـضـو تاريخ التسجيل: Oct 2001 المشاركات: 1,061	حـــمـــد وكـبـيـنـة الـتـلــفــون مدخل / سعودة الوظايف شيء كويس لكن مو بالشكل هذا ( حكمه برجسيه :D ) عقب ماخلص حمد من الثانويه وجلس ثلاث سنين عاطل وبدون شغل، دور وظيفه بكل مكان ماحصّل، ما ترك دائره حكوميه ما مر عليهم .. مافيه شركه أو مؤسسة الا سألهم لكن مالقى أحد يوظفه . مره من المرات كان هو وابوه معزومين في احد المناسبات العائليه، وكان من ظمن الحضور واحد مطخطخ وراعي تجاره . دار الحديث حول السعودة وقلة الوظائف، وان الاجنبي مسيطر على الوظائف والاعمال اللي تدر ذهب . كان هالمطخطخ واللي اسمه ابوثامر يذم الأجانب ويدعو للسعودة وتوظيف الشباب وفتح المجال لهم . وتكلم عن تجربته في توظيف الشباب عنده في مؤسسته وفي بعض محلاته التجاريه، استغل ابوحمد هالفرصه ونط بحلقه تقل مقروص وقال : طريقتك هذي منتازه بالحيل وياليت كل التجار يسوون مثلك [ يبي يدخل عرض ويحتك ] المطخطخ / المفروض كل التجار يسوون مثلي ويوظفون أبناء البلد . أبوحمد / الله يجزاك خير ، مالك الا الأجر والدعاء بالتوفيق وفتح ابواب الرزق . المطخطخ / وهذا اللي نبيه ، الله يوفق هالشباب ويلقون وظايف يساهمون من خلالها في بناء البلد ونماءه . أبوحمد / ولدي حمد عاطل عن العمل وبدون وظيفه .. ياليتك توظفه عندك [ بدأ شغل الشحاذه :D ] المطخطخ / ماعندي مانع . وين حمد ولدك ؟ آشر عليه وقال : شفه هذا .. قم سلم على عمك وأنا أبوك [ أبوووووك يالمصلحه :D ] المطخطخ / وش عندك من شهادة ؟ ( يوجه كلامه لحمد ) حمد / الثانويه . المطخطخ / جيد .. عطني أرقام تلفوناتكم وأنا ابتصل عليكم إن شاء الله . أبوحمد / الله يجزاك خير وماتقصر . اخذ ابوثامر رقم تلفون حمد على اساس انه يتصل عليه ويوظفه عنده . مر شهر ، شهرين ، ثلاثه والرجال مطنشهم شك حمد بان الرجال صرفهم ومحطهم بركبه كبر قريح . في أحد الأيام وبينما كان حمد هو وابوه على سفرة الطعام يتغدون، سأل ابوحمد ولده : ما أتصل ابوثامر ياوليدي؟ رد حمد من غير نفس وهو يبلع اللقمه : لا ما اتصل ، الظاهر انه نصاب وماعنده سالفه . طيّر عيونه ابوه وقال : لا تقول هالكلام .. الرجال سنافي وراعي فزعه ولا قصر .. هذا بدل ما تشكره وتثني عليه علشانه يبي يوظفك !! رد حمد وهي قافله معه : الحين لنا ثلاثة اشهر ولا جانا منه اتصال ولا سمعنا أي خبر عنه !! لو كان صادق بكلامه كان على طول وظفن في مؤسسته .. شكله بياع كلام . ابوحمد / إن شاء الله يبي يتصل بس انت لاتستعجل . قال حمد / هو وين مؤسسته فيه يايبه؟ اركد وأنا ابوك ولا تصير عجل .. أصبر لين هو يتصل علينا .. ماودنا نثقل على الرجال . حمد بينه وبين نفسه [ شكله نصاب وخراط مشمش وراعي هرج واجد .. لكن أنا اللي أبدور مؤسسته وأروح له ] سأل حمد بطريقته الخاصه عن المؤسسه لين عرفها ، ثم زرق لابوثامر علشان يذكره بموضوعه . دخل عليه في مكتبه ودار بينهم الحوار التالي : السلام عليكم . وعليكم السلام .. ( رد ابوثامر السلام بدون مايرفع راسه ) طال عمرك .. أنا حمد ولد أبوحمد . أبوثامر / الله يحييك .. أي خدمه؟ حمد / [ أفاااا .. نسينا ماكلينا ] طال عمرك أنا اللي وعدتني خير وأنك توظفني عندك بالمؤسسه . رد ابوثامر ببرود : ايييييه .. الله يحييك .. وشلون أبوك؟ حمد بينه وبين نفسه كالعاده / [ توك تذكرن ؟!! ..يجيب الله مطر ] الوالد بخير الله يسلمك . وش صار على موضوعنا الله يجزاك خير؟ ابوثامر / أنت وش معك شهاده؟ حمد / [ والله اللي ماجاب خبري !! ] الثانويه طال عمرك . ابوثامر / جيد .. موافق تشتغل في كبينة تلفون ؟ حمد بعد ان انصدم بالرد ونوعية العمل / [ هذي أخرتها يابن اللذينا؟!! .. تماطل بي كم شهر وفي النهايه كبينة تلفون؟؟!!! ] ماعندي مانع ، المهم اني اشتغل واستفيد من وقت فراغي ولا اجلس عاطل . قال ابوثامر : أجل رح للأخ بدر في المكتب الثاني وهو بيوضح لك كل شيء، وأنا أبكلمه . حمد / ماقصرت < = = = قالها من غير نفس وهو مولع طلع حمد وراح لبدر في المكتب الثاني واللي بدوره أخذ صوره من بطاقة احواله وعطاه نموذج التعيين علشان يعبيه ، ثم وصف له المحل اللي يدوام فيه . وقاله تداوم من بكرا ، لان الكبينه اللي تبي تدوام فيها مافيها الا واحد ولا يغطي العمل . ماصبر حمد لبكرا ، وأنطلق للمحل يشوفه على الطبيعه ( والله لو هو مساح بلديه يبي يشوف قطعة ارض ) وصل للمحل وشافه من برا ، ولان حمد راعي شرافه وينضغط بسرعه قرر انه يدخله علشان يشوف ابوزمل اللي بيتناوب هو وياه بالدوام . دخل للمحل بكل ثقه وغرور واللي يشوفه يقول هذا راعي الكبينه ( تعرفون يبي يداوم بكرا ولازم يزعط ) راح لوحده من الكباين واتصل على البيت وقفل الخط وطلع . جاء للموظف وقاله : كم حسابك ( وين ياعمي .. داخل مطعم بخاري؟!! :D ) قال الموظف : أنت ماكلمت والجهاز عندي ماحسب أي مبلغ . رد حمد وهو منبهر : صحييييح .. تصدق كنت متوقع ان رفعة السماعه ودق الرقم تحسب بفلوس [ أمحق ... لا ويبي يمسك المحل من بكرا .. عز الله اللي خسر راعي الكبينه ] قال الموظف : لا ماتحسب . [ طبعا كل هالحوار السابق كان مقصد حمد أنه يحتك بالموظف ويشوف وشو من لحيه ] قال حمد بكل ثقه وغرور وعقب ماعفط خشته كم عفطه : عموما يالغالي .. أنا زميلك اللي ابتناوب معك في المحل من بكرا ، توي جاي من ابوثامر . رد الموظف : الله يحييك اهلا وسهلا . حمد : متى تفتح بكرا ؟ الموظف : الساعه ثمان . زين مع السلامه <= = = هذي اخر عباره قاله حمد قبل يطلع . من بكرا جاء حمد وجلس مع الموظف واتفقوا على أن زميله يداوم من ثمان صباحاً الى 6 مساءً ، وحمد يدوام من 6 مساءً الى 3 صباحاً . أستمر حمد بالكبينه كم شهر براتب وقدره 1000ريال !!! أغلب راتبه كان يروح بتغطية النقص في الايراد ومطابقته مع الكمبيوتر ، هذا غير الهواش مع الزباين ومشاكل العماله اللي تفرك بدون ماتحاسب . حمد الان يفكر بتحسين وضعه والبحث عن : - - - - - - - - - - - - - - - - - - - مـحــل خــضــار :D :D :D :D :D :D __________________ انتبه .. سيتغير التوقيع بين كل فتره واخرى .. كن معنا :)

15-03-2002, 07:12 PM	#2
أبو مسحة عـضـو تاريخ التسجيل: Dec 2001 المشاركات: 272	.................. ههههههههههههههههههههه قصة خلوووووووووووووووة ثكير لا كن متى باقي القصة أو ما له باقي أما حمد تنسيم وبوه الشايب البارد ههههههههههههه لاكن القصة له باقي ولا لا وكان له باقي كمله بقرب وقت تراه موووووووووووووووت هههههههههههههه أما حكمة ((برجسية ))هذي بالحاله ههههههههههه تسسسسسسسسلم أخوي برجس على القصة :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D __________________ abo_ms7h@hotmail.com لتعارف عبر الماسنجر آخر من قام بالتعديل أبو مسحة; بتاريخ 15-03-2002 الساعة 10:23 PM.

15-03-2002, 08:27 PM	#3
الروشن عـضـو تاريخ التسجيل: Jan 2002 البلد: بأرض الله المشاركات: 669	ممتعه جداً الصراحة / قصة ممتعه . وأسلوبك جذاب . وعباراتك حلوه . وكلامك أحلى . وكتاباتك جميله . تم شحطه . الصراحه بجد : نبغى باقي للقصة . ولاتتركنا . أخوك/ الروشن .

16-03-2002, 03:07 AM	#4
بدر الشايع عـضـو تاريخ التسجيل: Sep 2001 البلد: بريدة المشاركات: 1,286	الحمد لله على السلامه يا برجس وينك من زمان ماضحكنا , مواضيعك من حق روووعه وأعذرن تراي أرسلت نسخه للمواضيع المتميزة. __________________ تسعدني زيارتكم لموقعي الشخصي www.badr.cc

16-03-2002, 04:20 AM	#5
جدس البأس عـضـو تاريخ التسجيل: Mar 2002 البلد: المملكة العربية السعودية المشاركات: 903	سلام عليكم ورحمة الله وبركاته الغالي / برجس كم انت رائع تصوير واقعي واجتماعي ممتاز. ولكن لأسف.... تم قتل الموضوع بنقله للمنتدى المتميز والسلام عليكم ورحمة الله وبركاته __________________ إهداء من الغالي المبدع باسل عبد العزيز حفظه الله

16-03-2002, 04:28 AM	#6
جدس البأس عـضـو تاريخ التسجيل: Mar 2002 البلد: المملكة العربية السعودية المشاركات: 903	سلام عليكم ورحمة الله وبركاته الغالي / برجس حقيقةً ولاأروع ولكن للأسف الفاضل ذيبان قتل الروعة بدون قصد لأنه... نقل المشاركه لمنتدى المشاركات المتميزة وللجميع تحياتي والسلام عليكم ورحمة الله وبركاته __________________ إهداء من الغالي المبدع باسل عبد العزيز حفظه الله

16-03-2002, 04:37 AM	#7
جدس البأس عـضـو تاريخ التسجيل: Mar 2002 البلد: المملكة العربية السعودية المشاركات: 903	سلام عليكم ورحمة الله وبركاته الغالي / برجس حقيقةً ولاأروع ولكن للأسف الفاضل ذيبان قتل الروعة بدون قصد لأنه... نقل المشاركه لمنتدى المشاركات المتميزة وللجميع تحياتي والسلام عليكم ورحمة الله وبركاته __________________ إهداء من الغالي المبدع باسل عبد العزيز حفظه الله

16-03-2002, 08:40 PM	#8
الرهيب 2002 عـضـو تاريخ التسجيل: Feb 2002 البلد: القصيم المشاركات: 120	تسلم يالبرجس هلا البرجس الموضوع جيد وهذا حال الشباب الي ينخدعون بابو ثامرههههههه والسلام يعتمد الرهيب 2002 __________________ خلاص من حبكم يازين عزلنا ماعاد لي في هواكم شف اوراقه

17-03-2002, 07:37 PM	#9
برجس عـضـو تاريخ التسجيل: Oct 2001 المشاركات: 1,061	أبومسحه / ترى القصه ماله باقي ولا تكمله اجل جازت لك حكمه برجسيه؟ ههههههههه هذا وانا ماتحمست :D يعطيك العافيه الروشن / القصه ماله باقي الله يحفظك يعنى قضت على ان حمد وده يحسن وضعه ويدور محل خضار من اجل تأمين مستقبله لكي يتزوج ويفتح بيت ويجيب عييل ويربيهم علشان يساعدونه بمحل الخضار :D <=== قصة حياة حمد يعطيك العافيه ، ومشكور على رفع المعنويات ذيبان / الله مير يسلمك واشكرك على التشجيع واعتبر الموضوع وراعيه لك ياخلفهم <=== مهوب ينافق ابد :D __________________ انتبه .. سيتغير التوقيع بين كل فتره واخرى .. كن معنا :)

18-03-2002, 06:13 AM	#10
شـــــــــقاوي عـضـو تاريخ التسجيل: Mar 2002 البلد: ديرةالستر للي يبون الكرامه المشاركات: 316	القصه ممتعه الاخ / برجس القصه ممتعه حيث انها تعبر عن معانات الشباب الحاليه00 الاوهي العطاله 00 ( ولاكن خويك دور شغل ولقى المشكله الي مادور ولا وده \يعني عاله على الاهل/ وش رايك به) وصديقك ممكن نلقى له شغل بدل الكبينه فيه مطعم طالب سواق توصيل للطلبات 00 على فكره يعرف يسوق00 ههههههههههههههههههههه00 :D :D :D __________________ الحــــظ مقفي والليــــــالي مدابير*** ومن لــــــوعةالدنيا خذيت الكفايه http://www.arab3.com/images6/99541430.jpg

22-03-2002, 03:28 PM	#11
المستشار عـضـو تاريخ التسجيل: Sep 2001 البلد: حولك المشاركات: 7,887	رااائع جدا رااااائع بس مثل ما قلت لك لازم( .... ) وشكراًً __________________ . .

22-03-2002, 05:56 PM	#12
قرية التوت عـضـو تاريخ التسجيل: Nov 2001 البلد: بــــريدة وبس المشاركات: 107	تسلم والله وماقصرت الصرحه تنسيم القصه ومثل ماقالو الشباب نبي تكميل للقصه :D :D :D :D :D :D :D :D :D :D :D :D :D :D :D :D :D :D :D :D :D __________________ http://www.buraydahcity.net/vb/attachment.php?s=&postid=101969 للتواصل عبر الماسنجر aziz1011@hotmail.com زين لاتخلونن احتريكم

23-03-2002, 04:01 PM	#13
المعجب عـضـو تاريخ التسجيل: Feb 2002 المشاركات: 12	شكراً الصراحه حلوة وممتعه شكراً على هذا المجهود للتواصل عبر الماسنجر zxcv559@hotmail.com

03-04-2002, 11:25 PM	#14
المتبعة عـضـو تاريخ التسجيل: Apr 2002 البلد: ارض الله. المشاركات: 6	على نفسه جنى حمد.عفواً .... عفواً .عفوأ على نفسها جنت براقش . كلنا يحفظ : إذا كانت النفوس كباراً ............................. ايها الاخوة لعلكم توافقونني الرأي ،انّ من طلب العلا سهر الليالي، اقولها بكل صراحة ،وقناعة : انه لا مكان للبطالين في هذا الوجود خاصة ممن يحسبون على الإسلام، والصيفَ اضاع الكثيرون منّا اللبن. نام الكثير منّا نومةً اطالها ،فلمّااصبح نادى اين الوظيفة ؟؟ ايّ وقاحة تلك التي جرأته على ان يقول ما قال. امم الكفر والطغيان يجلد كبارها وصغارها في طلب علوم الدنيا والتي يحتاجها المسلمون في هذا الوقت اكثر مما مضى(حاسب،طب،...)، ونحن اكبر مشاكلنا حمد و... . حمد جنى على نفسه كبراقش. __________________ الحق واضح ابلج،والدين اتباع.

أدوات الموضوع
عرض نسخة قابلة للطّباعة ارسال هذه الصفحة لصديق
طريقة العرض
النمط المتتابع التحول إلى النمط المتشعب التحول إلى النمط الأحادي