[نــــــدر]

السلام عليكم ..حي الله جماعة الربع..

أكيد شدكم العنوان .. وأعتقد ان كثيرين يستصعبون العملية مادري ليش ! أنا أشوف انها سهلة .. تعالوا نشوف ...



بسم الله نبدا الدرس

1- قم بفتح مساحة عمل جديده من File> new واختر المساحة على راحك ولكن لاحظ الأمر التالي :

2- قم بفتح الصور التي تريد دمجها مع بعض.. مثلا أنا ابركب وجه هالنمر ..


مع جسم هالقرد !!



طيب..نضغط على file> open ونفتح الصور الي نباها مثل ما قلت لكم



3- باستخدام السهم نسحب صورة القرد لمساحه العمل الجديده اللي مسوينها.. ونعدل قياساتها بحيث تتناسب مع حجم المساحه وتغطيها كامله..

- الحين بنرجع لصورة النمر.. وبنختار اداة التحديد الدائرية



وبنحدد فقط الوجه.الي نبي ننقله ونركبه على جسم القرد..



-5 باستخدام اداة السهم مره اخرى نسحب التحديد اللي سويناه (اي الوجه) لمساحه العمل ونضعه فووووووق جسم القرد..


6- قم بتعديل قياسات الوجة وانحناءاته والاتجاهات عن طريق الفريي ترانسفورم edit > free transform (((( او )))) بالضغط على ctr+F



-7 باستخدام الممحاة قم بمسح الاجزاء الغير مرغوب فيها .. وبمسح الباقي بمسااحه (غير محددة الاطراف) يعني متلاشية علىالطرف...

8- بعد ما مسحنا الاجزاء الغير مرغوب فيها نروح عند اللايرز.. بتلاحظون ترتيبه في الأعلى .. لكن نحن بنسحب اللاير الخاصة بالصووره لتحت.بحيث تكون تحت صورة القرد بالضبط...



9- بتلاحظ ان صورة القرد طااغية على صورة الوجه!! بسيطة..



باستخدام المساحه مره ثانيه نقوم بمسح الاجزاء اللي نبا نستبدلها بالوجه اللي عندنا..... بس مانكثر من المسح عشان مايضيع وجه القرد..




- 10ماشي باقي علينا غير ان نقوم ببعض الترتيبات.. اي تعديل القياسات للوجه لحيث يتناسب مع المساحه اللي اخفيناها من وجه القرد..

-11 بعد ما تخلصوووون من التعديلااات ... اتبعوا الاوامر التالية :

layer> flatten image

أو اضغط Ctrl + E
عشان تضغطون الطبقات مع بعضها وبتلاحظون ان الصوره ظبطت اكثر..



النتيجة النهائية تكون مثل كذا ..





وش رايكم فيها صار ( قرد مهجن) هههههههه:i128



المهم هذي هي الطرييقه والباقي يرجع لابدااعااتكم...

خلونا نشوف تطبيقاتكم وانا اتوقع ان التطبيقات بتكون رهيبه...

ان شاء الله اني اكون وفقت في شرح هذا الدرس بطريقة مبسطه للجميع..

تحيااتي لكم

[ولاتهنوا]

وعليكم السلام ورحمة الله وبركاته
الله يحييك يالغالي ..
لاكن عزيزي ... الصور لم تظهر

[أبورائـــــــــد]

الصــور لا تظهر

أعد بارك الله فيك
ننتظر الدرس

..:: أبورائـــــد ::..

[الإعصار]

الصور لم تظهر

[الإعصار]

ألقط هذا الموقع لتحميل الصور
http://www.9q9q.net/

[المستشار]

الحمد لله أن الصور لم تظهر ..
لأنني من خلال فهمي لشيء من شرحك ..
أن هذا العمل يدخل في تغيير خلق الله ..

و ألف شكر للجميع

[لارين]

ولا حتى انا ماطلعن الصور