[برعي]

ياهلا والله بالشباب
بأول الموضوع ابذكر لكم منهم حنا وماهي مواصفاتنا التي تحلينا بها ..
حنا 5 انفار من الشباب ...
أنا ... وخويي وخويي الثاني وخويي الثالث وخويي الرابع ..
أنا كنت .. متوسط الجسم .. لابالنحيف ولا بالسمين .. لاكن الكرشة تتدودل
وخويي .. مثلي بعد ..
وخويي الثاني .. سمين للغاية :D
وخويي الثالث .. نحيف للجداً ..
وخويي الرابع .. يميل إلى السمنة .. والنحفة .

جزمنا مرة من المرات أن نذهب إلى مكة المكرمة لكي نقضي عمرة هناك . وإذا انهيناها نروح إلى جدة ولا الطايف ..

مشينا من بريدة تقريباً الساعة .. 8 الصبح .. وموترنا هايلوكس 2005 ديزل .
خوينا السمين .. مجهز أم الفطور .. تسبدة وحركات وفلافل .. وجبن وكل خير ..

إنطلقنا من بريدة على بركة الله . متجهين للمدينة نحرم من هناك وعلى طول لمكة .. وبعد مامشينا 40 كيلوا .. وتسمع ذالك الصوت طوووووووط ...
ياولد وش هالصوت وعلى طول أسفط على جنب .. وناظر الكفرات .
مامبهن شي .. وأناظر لخوينا الدب .. واثره يبي الحمام ... وابلشتااااااااه
تعرفون عاد طريق المدينة . قليل ماتلقاأ محطات على الطريق إلا تسان بمخارج .. عاد دور .. تجيك لوحة ... تشوف به .. ( تبعد محطة .. على بعد 200 كيلوا من الطريف ) وين يأبو الشباب .. قلت لخويي الدب .. مالنا إلا نذريك بالموتر .. وإبد على بركة الله ..
ماش ماجازت له الفكرة لأنه على أمرين أحلاهم مر .. يا يصبر .. لاكن أنواع المغص ..
ولا ينزله بالطريق .. قالو الشباب .. يأبو فلان .. نزله بس بذا .. ولا تروح بنا بالسيارة ..
رصينا عليه .. ووافق .. والله لايوريك ....
ويروح تحت رمثه .. وماقعدنا خمس دقايق .. إلا . صوت قادم .. وبعنف ..
وخوينا الدب .. يركض .. وحالته حاله ... عقرب عقرب ... عقرب عقرب ..
وصراحة لطخ علينا ثيابه .. وشكله قطم :D .. عقب ماشاف العقرب ..
صراحة .. أنا ماش .. تنفست بعمق .. قلت هاذي أول الروحة الله يستر من تاليها ..
ويبدأ يفك القش ويطلع .. شنطته . تصدقون شنطته .. ويبدأ في تغيير ملابسه .
مشينا .. وبدينا بالطريق أنواع التشغيل بهالأشرطة .. مرة .. عايض القرني .. ومرة شريط مرحوم .. ومرة حي على الجهاد .. انواع المسكات صراحة ..
ووصلنا الميقات .. بعد صلاة الظهر بنصف ساعة ..
قلت الظهرية حر .. وصعبه نمشي .. خل يبرد الوقت ونتوكل ...
دخلنا مسجد الميقات .. صلينا الظهر .. وتسدحنا يمين صلاة العصر ...
خوينا السمين .. نسي يجيب حرامه ... عاد رقعه .. من يبي يلقأ مقاسه .. يالله يالله رواق .. الشباب أحرمو وتعطرو إلا الدب .. صنان × صنان يارجل أسبح تراه سنه ..
أبداً مافيه أمل يسبح ... صلينا العصر .. وشدينا إلى مكة ...

( تشاهدون في الحلقة القادمة .... مسحب البيك وحبوب الهالول ,,, اللحجية والكعك بالحليب )

أنتهى الجزء الأول ... وأنتظرونا في الجزء الثاني