[حمامة بريدة]

السلام عليكم و رحمة الله و بركااااااااااته
اهئ ... اهئ ... اهئ

أكيد بتقولون وينس كل هالمدة اللي فاتت ...
مدري وش أقولكم بس حمقتن على الإدارة !!!


وش حيت شهد العسل يحطونه مشرفة و أنا لا مع أني مشااااوفه أني أصير مشرفة !!
و آخرته يحطون شهد العسل وش حضرته من زينه عشان يحطونه مشرفه




<<<<<<<<
ناوية تنطرد من المنتدى خخخخخ
مبرووووووكـ شهد العسل الإشراف و الله إنك تستاهلينوه
و الاسم المناسب في المكان المناسب .... و صار عندنا الحين مشرفتين يا سلاااااااام ..


بس يوم قسمكم الله تجتمعون بالقصيم ليه ما قلتن لي أجيب قهوتي و اجيكم خاصة ذاك اليوم كنت فاضيه و ما غير أقلب كتاب أمل الجهيمي و تتقاطر سعابيلي خخخ :D



عاد تراه للحين ما بديت بموضوعي بس اللي قبل هذا تخبرون لي شهر ما كتبت و قلمي كسلان كود يتمغط شوي لمين يحتمي
<<<< يقاله جمسنا .... يعنني عندنا جمس


*/*/*/*/*/*/*/*/*/*/*/*/*/*/*/*

قمة وناسة الحريم إذا اجتمعن و إذا كان بوسط جلستهن خيشة كراث و زمزمية زنجبيل و خبز عادي ..
واااااااوه إذا اجتمعن ذولي تصير الجلسة تقل عصافير بشجره
طبعاً أهم شيء الغيبة ... الله يخلف فلان أعرس على زوجته الله لا يوفقه عساه للماحي و الله ياللي عنده مثل ام محمد انه مكفى لكن هالرجاجيل مهابيل
و غيره من هالهرج .....

بس هالحين الكلام حول الكراث ... دايم أكز أخوي يجيب كراث نوبة يطلع ماهنا زينة يتهفش تقل ماء و حار و سخيف.... و مرة يطلع تقل عسبان عريض و يابس و حالته حاله ...

عاد إذا طلع الكراث موب زين أكرم الله النعمه ما نخليه بس ماش ماتطلع الجلسة زينه تبدأ كل وحدة تحرحر بهالي بأثمه تقل مواجرين .....

عاد أن قلت لأمي و لا يهمك يا ماما بسأل البنات بالانترنت وشو أحسن محل يبيع كراث ببريدة و اعلمس ...
أمي طارت عيونه تقول وشلون الكمبيوتر به بنات ؟

قلت له ايه مليااااااان و كلهن قصمنجيات بعد :D ...

عاد أمي يا حبي له قالت أغدينا ندور لأخوك بنيه من هالكمبيوتر طاحت رجليني و أنا أدور له يالله ورين إياهن

ياحبي له امي عاد عجزت اشرح له و آخر شيء قلت له كلهن نايمات الحين إذا صحت وريتكياهن
:D


هاه وش احسسسسن محل يبيع كراث
و وش أحسن محل يبيع شوكلاته غير باتشي <<< و الله يا هو فرق بين الكراث و الشوكلاته إلا مابش شوكلاته بطعم الكراث ؟

لا تفشلونن عند أمي

[بنت الشماسية]

وعليكم السلام ورحمة الله وبركاته
..
هلا بحمامتنا <<<<< تراي عقلت عن قوقـــ.....
..
المهم يابعدي والله ودي اني افيدك بس المشكله اني ماعرف شيء ببريده حدّي الرياض

تبين محلات بالرياض آمري عندنا "الحياله" "أولاد علي" "أبو عبدالله لبيع منتوجات القصيم"
..
أما الشوكلاته طبي وتنقي على كيفك ماقدر أعدهن من كثرهن ماشاء الله
..
وسلميلي على أمك وحبيلي راسه <<<أخاف تقول بشوفه !! قولي رايحة لخوالها :D
..

[شهد العسل]

ياهلا والله بالقوقسية <<< ماعقلت الهدرة

شفتي عاد يحطون الهدرة شهد مشرفه وأنا وأنتي لا ياعمري نرحم
المشكلة انه ..... <<< خليها مستورة اللحين تتسلط علينا :D

ومعك حق ماتدخلين المنتدى

<<<<< ماش الشجرة شجرة لو تبتلين تتكلمين
:D

الله يبارك فيك يالغلا
وعقبال مانبارك لك بالإشراف والعرس والمولوده


بالنسبة للكراث أسمعي أبوصف لك بس لاتضحكين علي
فيه كراث يمدحونه وإلا أنا ما أكل كراث ولا أشرب قهوه << ما أحد سألتس

بسم الله أبدأ
وأنتي جاية من الرياض رايحة لم الشمال
عند أخر إشارة تمسك يجيك لفتين يمين يوديك للخضيراء :D
ويسار يوديك للسالمية والوجيعان والحوسة هذي

أنتي لاتطولين شمال حيث الأحياء الراقية ..
لفي يسار حيث الأحياء اللي مدري وش تبي
المهم
وأنتي ماشية لاترقين الطلعة تجيك لفتين أدخلي يسار الظاهر فيه أثل بعد
وتلقين مزرعة تبيع كراث أسمة [ كراث الرواق ]

أمي تموت عليه إذا جينا نرجع للرياض لازم كرتون :D

يارب العالمين
إنك فهمتي ..

نعود للحريم وحشيشهن الكراث
ماشاء الله إذا أجتمعن على كراث لا إله إلا الله ينسن أنفسهن تبارك الله
ما أستانس إلا إذا صار الكراث حااااااار يا أنا أستانس
تشوفينه تبعد عشان ما تاكل همن تقعد دقيقتين و تبدأ تنيوط وتاخذ
وإلا تلقي السماط ظهره عشان ماتاكل
همن تلف يده وتاخذ ...

وتبدأ تردد [ أكلن وأكلته ] أووووووووه <<<<< تهف أثمه

ياحبيلهن

:D

إلا عندي فكرة
وش رايكم نسجل أمهاتنا معنا
عشان كل وحده تستفيد بما هو عند الأخرى من معلومات عن الكراث والأمور الزو ...
<< مشفر



:D

[أنوار المنتدى]

اقتباس وش حيت شهد العسل يحطونه مشرفة و أنا لا مع أني مشااااوفه أني أصير مشرفة !! و آخرته يحطون شهد العسل وش حضرته من زينه عشان يحطونه مشرفه

:D :D :D
أما أنتس مشاااااااااااااااوفة شيء (أثرتس طموحة يابعدي أنتي )

أرحمتس

بس والله معتس حق المشرفاااااااااات كلهن (من كثرهن) من الرياض والقسم هذا
خابرهـ أسمة (بنت بريدة) >>>>>>>>>تحب الخيــــــــر

,,,,,,,,,,,,,,,,,,,,,,,,,,,,

نرجع لمحور حديثنا>>>>>>>>وش عندهـ أنوار

قلتي أنتس تبين كراااااااااااااااااث
>>>>>>>>تصدقين كل ماشفتة تذكرت منتداي العزيز>>>>>وفيّة ماشاء الله عليّ
المهم أبروح أسأل أميمتي واجيــتس طااااااايرة لاتسكرين السماعة
عاااااااد يجيتس صوووووت القطاااااااااار طوط طوط طوط
>>>>>>>>>يارب وش دخلة>>>>>>>>هذي وأنا ماسعت ألا طاري كراث فاضت قريحتي يالسواليف الله يعفو عناّ
.
.
.
.
.
.

وبعد جهد جهيــد وجدت والدتي منزوية بأحد أركان البيت >>نجدعلتس ياللي بيتهم قصر
وسألتها فأجابت :بشارع العزيزية بجنب مفروشات القفاري بس نسيت أسمه
>>>>>>>>>>>وش الفايدة ماااااااادري

[ابوعيسى]

أخي الفاضل
..
تمنع مشاركة الرجال
..
في غير المواضيع الجاده

[ح ـايلـــيـة]

وعليكم السلام ورحمة الله وبركاته

هلا والله بحمامه قوقسيه بريده <<بين العقل والهداره..:D

يؤيؤ وين شهد العسل..
تشوف حمامه بريده وشهد العسل يحشن به <<حسيت روحي دبشه بقووووووه:D

ايييييييييييييييييييية يالكررراااااااااااااااااااااث<<عشق لا ينتهي..:D

اموووووت عليه..
ادوخ لا شفته ...<
صدز انه حشيش الحريم..
لا شفتوا الحريم متحرجمات..
وانواع القرق..
والازعاج..
والزحممممممممممممه..
والبزارين فوق امهاتهم..
اعرفوا انهن ياكلن كرااااااث..
تصدقون ان احيانا يصير ماعندنا شيء ...
وجالسين باالبيت لحيلتنا ..
انا واميمتي..
وانواع ضيقة الصدر..
نجيب كريريث..
وناكله وانواع سعة الصدر<<لان السواليف تجي اذا جاء الكراث وراه مادري..:D

المهم..
تسألين عن ازين كراث ببريده..
صدز اني ساكنة بالرياض ..
مع هالهدرات اللي فوقي:D <<شكله انتي الي بتنطردين:D
لكن سألت اميمتي العزيزه الله يخليه لي..
وتقول كراث المسيطير ازين شيء..

اقتباس عاد أمي يا حبي له قالت أغدينا ندور لأخوك بنيه من هالكمبيوتر طاحت رجليني و أنا أدور له يالله ورين إياهن ياحبي له امي عاد عجزت اشرح له و آخر شيء قلت له كلهن نايمات الحين إذا صحت وريتكياهن

ههههههههههههههههه يا حبيل اميميتس..
يا حليله سلميلي عليه..
ولا سألت عني قولي له..
حايليه رايح تقنص بحايل اسبوع وتجي
.........................

اقتباس وإلا أنا ما أكل كراث ولا أشرب قهوه << ما أحد سألتس

هو!!
شلون انتي عايشه ؟؟
لا قهوه ولا كراث<<<اهم شيين عندي:D
الصراحه لا ضاق صدري يا اتقهوى ولا اكرّث<<آكل كراث:D

يالله سلملم

تحياتي..

حايليه وكرم طائيه