بريدة






عـودة للخلف بريدة ستي » بريدة ستي » أخـــبـــار بــريــــدة » .:| من موقع الحدث • حادث في طريق الهلاك شارع الثمانين حي مشعل • صور • |:.

أخـــبـــار بــريــــدة كل ما يهم مدينة بريدة

موضوع مغلق
 
أدوات الموضوع طريقة العرض
قديم(ـة) 04-07-2007, 02:21 AM   #1
أبورائـــــــــد
عـضـو
 
صورة أبورائـــــــــد الرمزية
 
تاريخ التسجيل: Dec 2004
المشاركات: 5,253
.:| من موقع الحدث • حادث في طريق الهلاك شارع الثمانين حي مشعل • صور • |:.



.
.
.

أهلا بكم أحبتي



في مساء يوم الثلاثاء 18 / 6 وبعد خروجي من نادي ( آفـــاق التقني ) كالعادة مريت على الوابلي وأخذت لي بايسن وخبيزة - ان تساني جوعان - خبركم بالنادي ماحنب نذوق شئ يؤيؤيؤ :D
طلعت من الوابلي فرع حي مشعل و شغلت الديزل عطية الله ومسكت هالطريق المشؤوم ، طريق الموت ، طريق الهلاك ، وفي بعض الأحيان طريق الشهداء ..

من بعيد أشوف سفاتي وناس مختبة قدام حلويات العليان ..


وش هنا ووش السالفة ! ومنهو ! وليه !! ووراه !! لا عجب بريداوي !!
سرعان ما أتى الجواب ، لا غريب في ذلك ، فأنت في شارع الثماني ، توقع أي شئ ( من واقع تجربة )

وبما ان الحادث عند مفرق بيتنا قلت على الدرب .. شفت من بعيد .. كامري ناطتن الرصيف
لاحول ولا قوة إلا بالله ، صاحب الكامري رجل كبير في السن ، قد لاح البياض في لحيته .. أتوقع عمره 65 - 70 على اقل الأحوال

تذكرت ان معي الكاميرة ، كاميرة من نوع SONY تابعة للأستــاذ يحيى التويجري مدير المركز الإعلامي في نادي آفاق .. كانت معي بحكم اني اعلامي في المركز وتسلمت زمام التصوير
صفطت على اليمين عند النغيمشي للخضار ، ونزلت معي الكاميرة أم عدسة ذي الي يشوفن يقول وخر عنه !!

المهم وأنا انزل أشوف فيه ضابط وعسكري ، وفيه واحد يصور ومعه ناس !! كنت اظن ان الي يصور تابع للمرور ، فصار واحد من المواطنين يبي يرفع شكوى والتي أحسبها الشكوى رقم اثنان وعشرون ومئة بعد الخمسين ألف

المهم ، يوم نزلت جيت لمهم بدت العالم تناظرن ، قال واحد جاء الصحفي هلا هلا ، ويجتمعون حولي واحد متحمس يقول ( ايه تكفى اجلد بهم ) قلت : يا اخوان مانب صحفي ولا شئ ..
== تراي ما خفت

أقول أجل وشو ؟ قلت : تبع أحد المنتديات بالنت ، نبي نجلد بهم ان شاء الله ..

وشايب ورى الناس بعيد يقول : وش يقول ؟؟ تبع البنك ؟؟

قاله واحد : لالا !! بالنت بالنت ؟؟

قال المتحمس : ايه أولاه ، شف شف مابوه اشارة ولا شئ ولا فليشرات هذي حالة !!! ==> أنا ظنيت روحي مدير البلدية ..

قلت : سم سم يصير خير

.
.

أخذت هالصور وأنا اشوف الشايب قاعدن على كرسي مجيوبن له من أحد المحلات القريبة ، قلت : دعوته دعوة مظلوم ! ربي تعينه وتيسر أمره

الحادث وقع في الساعة 40 : 11 ليلا
.
.






















حسبنا الله ونعم الوكيـــــــــل


.
.
.
من موقع الحدث
أبورائـــــد
الواحدة وخمس دقائق بعد منصف الليل

__________________





آخر من قام بالتعديل أبورائـــــــــد; بتاريخ 04-07-2007 الساعة 02:42 AM. السبب: أبلشنا التويجري ..!
أبورائـــــــــد غير متصل  


قديم(ـة) 04-07-2007, 02:34 AM   #2
وحيد الخلان
عـضـو
 
صورة وحيد الخلان الرمزية
 
تاريخ التسجيل: Apr 2006
البلد: بريدة
المشاركات: 4,378
أولاً : الحديد بداله حديد يا رجال .
ثانياً : وين يابو رائد وشلون جمعتهن ماشاء الله عليك بايسن وخبزة .
ثالثاً : ياخوي هالشارع ماهوب معقول أبد كل يوم مصيبة يا اثنين متصابخين ولا سيارة جايتن على وجهه من فوق والخطة حفريات .



رابعاً :وشي قصة الأرصفة الجديدة مثل اللي قمزهـ الشايب .
خامساً : شكراً على التغطية ومواكبة الحدث .
__________________
تحدك ظنونك على ضيق حلمك..
و تسري بي أحلامي على وسع .. ظنك ! (h)
وحيد الخلان غير متصل  
قديم(ـة) 04-07-2007, 02:39 AM   #3
بدر الشايع
عـضـو
 
تاريخ التسجيل: Sep 2001
البلد: بريدة
المشاركات: 1,286
مشكور أبو رائد على التغطية ...

الله يعوض صاحب الموتر خيراً ....

تصحيحا لوقت الحادث أنا كنت عند أهلي ونادون البزارين قالوا حادث عند الباب .... قلت بس راح الموتر ... يوم طلعت وأثره ياحوووووووولي راعي الموتر ...

الساعه 9.40 دقيقة .....

أجل ماشاء الله توهم يجون المرور .... خوش

عموماً.... يجب وضع مطبات قبل المرتفع أو على الأقل حالياً لمبات أو تحذيرات

عوضك الله خيراً ياضاحب الموتر والحمد لله على السلامة
__________________
تسعدني زيارتكم لموقعي الشخصي
www.badr.cc
بدر الشايع غير متصل  
قديم(ـة) 04-07-2007, 02:39 AM   #4
موهوب تميم
عـضـو
 
تاريخ التسجيل: May 2007
البلد: حيّ النسيم السياحي .. }
المشاركات: 615
والله إنك كفو يالصحفي ..

إضربهم الشكوى رقم 1 :D

جزاك الله خير ..

لاحول ولا قوه إلا بالله .
__________________

.
.



.
.
موهوب تميم غير متصل  
قديم(ـة) 04-07-2007, 04:33 AM   #5
جيدا
عـضـو
 
صورة جيدا الرمزية
 
تاريخ التسجيل: Dec 2006
البلد: قارب الشجن .. !
المشاركات: 3,234
مشكور اخوي ..

والله كاثرات هالحوادث هالايام ..

ماقصرت حبيبنا ابو رائد ..
__________________


طلبتك كان لي في داخلك بعض الغلا أجفيني
ترى حرّ الجفاء اهون كثير من الوهم لو دآم = ( !
جيدا غير متصل  
قديم(ـة) 04-07-2007, 04:59 AM   #6
العاطفي
عـضـو
 
تاريخ التسجيل: Sep 2006
المشاركات: 138
لا حول ولاقوه إلا بالله

الله يستر ويخلف عليهم



شكرا
العاطفي غير متصل  
قديم(ـة) 04-07-2007, 05:45 AM   #7
ADEEL
عـضـو
 
صورة ADEEL الرمزية
 
تاريخ التسجيل: May 2007
المشاركات: 448
الله يستــــــــــــر ؟ ومشكور ابو رائد
ADEEL غير متصل  
قديم(ـة) 04-07-2007, 06:33 AM   #8
.: أبو مصعب :.
عـضو اللجنـة الإعلاميـة
 
صورة .: أبو مصعب :. الرمزية
 
تاريخ التسجيل: Apr 2006
البلد: بريدة .. كل شيء !
المشاركات: 1,573


إلى المرتفع هذا وش موجبه ؟؟؟؟؟
__________________
[poem="type=1 color=#000099 font="bold x-large 'traditional arabic', arial, helvetica, sans-serif""]منتدى بريدة ستي .. روضٍ فسيح = سرّح الهاجس بأرضه يستريح
الندى بالورد من فوقه يسيح = بالخزامى والشِّمَطْري ممتلي
[/poem]

د/ ماسنجر
.: أبو مصعب :. غير متصل  
قديم(ـة) 04-07-2007, 12:48 PM   #9
المسفهل
عـضـو
 
صورة المسفهل الرمزية
 
تاريخ التسجيل: May 2005
المشاركات: 6,050


مــرحبـــاً بــكـ مشــرفنــا العــزيــز


إن كـــان الحــادث وقــع فــي ذلــكـ المــرتفـــع الــذي يبــدو أنــه وضعــه أحــد أصحــاب المحــلات فــلا أقـــول إلا حسبنــا اللــه ونعـــم الــوكيـــل فقــد روّعــوا والــدي قبــل عــدّة أيـــام .


كـــان لــي مــوضــوع ســابـــق يتحــدّث عــن شــارع الثمــانيــن وعــن تلــكـ المــأســـاة علــى هــذا الــرابـــط


http://www.buraydahcity.net/vb/showthread.php?t=54991



أعــان اللــه صــاحــب الحــادث وعــوّضــه خيــراً ، وبــاركـ فيــكـ [ أبــو رائــــد ] لتغطيتــكـ الحــدث

المسفهل غير متصل  
قديم(ـة) 04-07-2007, 03:22 PM   #10
:: رويــال ::
عـضـو
 
تاريخ التسجيل: Feb 2007
المشاركات: 637
هل والله وغلا بمشرفنا الغالي

وش هالتغطيه الخطيره والله مانتب سهل يابو رائد

شكلهم يبي يحطونك مع اللجنة الإعلامية ببريدة ستي على هالتغطيه
اقتباس
قلت : تبع أحد المنتديات بالنت ، نبي نجلد بهم ان شاء الله ..

وشايب ورى الناس بعيد يقول : وش يقول ؟؟ تبع البنك ؟؟

قاله واحد : لالا !! بالنت بالنت ؟؟

أما هالشايب فالحاله تنسييييييييييييييم والله ياأنا مت من الضحك

تحياتي لمشرفنا الغالي

همس المحبه
__________________
أجمل مافي الألم أن حروفه مصنوعة من الأمل


الآن
جميع الأجزاء

:: صور من رحلتي الى صلالة ::
:: رويــال :: غير متصل  
قديم(ـة) 04-07-2007, 04:27 PM   #11
عضو آخر
عـضـو
 
صورة عضو آخر الرمزية
 
تاريخ التسجيل: Jan 2004
البلد: في بلد بلا سكان .. !
المشاركات: 326
الرصيف هذا جاي غلط .. انتظرنا التصميم الذي وعدتنا به الأمانة .. ولكن هذه النتيجة ..!!
__________________
.
عضو آخر غير متصل  
قديم(ـة) 05-07-2007, 03:28 AM   #12
.:انــجــريــنــد:.
عـضـو
 
صورة .:انــجــريــنــد:. الرمزية
 
تاريخ التسجيل: Jun 2007
البلد: "بآريـس آلقصـيم"
المشاركات: 1,677
لا حـــــــــيـــــــــاة لــــــــمــــــــــــــــــن تــــــــــــــــنــــــــــــــــــــــادي





عتريس2007
.:انــجــريــنــد:. غير متصل  
قديم(ـة) 05-07-2007, 08:55 AM   #13
$$رفيع الشأن&&
عـضـو
 
صورة $$رفيع الشأن&& الرمزية
 
تاريخ التسجيل: Jul 2007
البلد: بالبيت
المشاركات: 125
لاحول ولاقوة إلا بالله......
صدق اخوي عتريس 2007>> لاحياة لمن تنـــــــــــــــــــــــــــادي
مشكور ابو رائد
$$رفيع الشأن&& غير متصل  
قديم(ـة) 05-07-2007, 02:36 PM   #14
abo suliman
لحظات مودع ..!
 
صورة abo suliman الرمزية
 
تاريخ التسجيل: Aug 2006
البلد: بريدهـ-
المشاركات: 4,127



أبو رايد
__________________
,
,
,
abo suliman غير متصل  
موضوع مغلق

الإشارات المرجعية

أدوات الموضوع
طريقة العرض

قوانين المشاركة
لا يمكنك إضافة مواضيع
لا يمكنك إضافة ردود
لا يمكنك إضافة مرفقات
لا يمكنك تعديل مشاركاتك

رمز [IMG] متاح
رموز HTML مغلق

انتقل إلى


الساعة الآن +4: 01:28 AM.


Powered by vBulletin® Version 3.8.6
Copyright ©2000 - 2017, Jelsoft Enterprises Ltd

المنشور في بريدة ستي يعبر عن رأي كاتبها فقط
(RSS)-(RSS 2.0)-(XML)-(sitemap)-(HTML)