[نجد نت]

الأخــــــــــــــــوة الأعــــــــــزاء





السلام عليكم ورحمة الله وبركاته وبعد/


وأنا أكتب موضوعي تكاد أصابعي تطيش في ( كيبورد ) جهــــــازي من ( مغثة )

طغت علي بسبب

بنك الوعـــود الكاذبة .. بنك الـــقرن المظـــلم .. بنك الذاتـــية.. البنك المصلحجــي ..

بنك الهم والغـــــــم.. البنك الذي لولاكثرة صرافاته (عفواالنظام معطل )ماتعاملت معه..

بنك الاستغلال.. بنك ( راجعنا بعد 10أيـــام ).. بنك ( لازم تروح معاملتك للرياض )..

لاأريد أن أطيل عليكم وإلا هو يستحق أقبح الأوصاف فهو من سبب لنفســـــه ؟؟؟ّّّ!!!

ليست قصة بالمعنى العرفي وإنما هي حادثة بل

( جرجــــــرة لأنــــــــــي ...

قـــــــــــــــــررت تــــــــرك بنكهم بإنهـــــــــاء الأقساط عن طريق السداد المبكر)

رفعت سماعة الهاتف واتصلت بالهاتف المصــــــــرفي .. رد الموظف وقال:السلام عليكم

تفضل أقدر أخدمك .. ( طبعا أمامه اسمي , وإني أحد الذين يلعب عليهم ويستفاد منه

عن طريق الأقساط بل السواط ..) قلت : أنا عندي قرض وأريد سداده سدادا مبكـــرا

(طبعا قرضي مدته 10 سنوات وأخذت مبلغ حوالي 190ألف والغليبة حوالي 89ألف )

ماقصر الرجل :سمح لي لأنه موجود في العقد ومتفق عليه بين الطرفين ( مالهم فضل)

لكن طلبت منه ( ورقة مخالصة ) حتى أروح لمرجعي يحول راتبي على بنك أريده

غير الراجحي ( سوى الموظف الطلب وقال أسبوع وتاصل بالبريد حقك ) شكرته .

وجاء اليوم المحدد رحت أفتح الصندوق ( مالقيت شيء ) رحت الظهر(مالقيت شيء)

قلت خل الروحه باكر.. أصبحنا وصبحت موظف البريد وقلت لي بريد من بنك الراجحي

قال ماجاء شــــــــيء. ( طبعا الصندوق خالي)..

راح أيام ودقيت على البنك قالوا : مرسلين الورقة قلت :سم ومشكورين ( لأني أخاف ي

يعطلونني لأني أبتركهم وأروح لبنك ثاني ..).

صبرت ورحت للبريد أيضا ( مافيه شيء ) الصراحة استحيت من ( الدرج كل مافتحته

لقيته عاري يقول اصبر لما انستر)..

رحت من بكرا وأنا ( طالعن لي قرون ) أيضاااااا ( عفوا لايوجد بريد )..

انزعجت وأظنه من حقي ... دقيت على الهاتف المجاني حق الراجحي رد الموظف

يحسبن هونت قلت : لي معاملة طلبتها منكم ولم تصل قال ايش هي .. علمته بالقصة

ثم قال ببرودة : عطني معلوماتك وصندوق بريدك حتى اسوي لك طلب وأرسله للإدارة

ثم يرسلونه لبريدك ببريدة .

الصراحة تعجبت وكأنه ( صاطرن ) وقلت له : طيب وين طلبي الأول اللي قبل

حوالي 12 يوم قال ما أدري قلت : يارجل وش وصلت معاملتي الأولى شف لي طلبي

الأول وين راح قال : لاأعلم أنا سويت لك طلب جديد واصبر 10 أيام ..

طبعا ( شكل بنك الراجحي مايدرون إن هناك شبكة وحده )...

وجلست أتكلم- بحق على معاملة بنكهم -مع الموظف ( وهو ساكت لأنه يدري إن البنك

غلطان وهم كذلك بشهادة حمع غفيرومنهم من أعرف أيضا لاتنسون أن المكالمة مسجلة

مايستطيع يسكر الخط إلا بعدي وإلا يروح فيها المسكين ..)

وأنا الآن انتظر تروح هالعشرة أيام والله يستر ماأتفاجأ بعدم تلبة الطلب..

والله أنذال والله عمل قذر والله ما تهنيت بالعطلة ..

طيب ليش بعد هالمدة يسون كذا ويعقدون الأمور هل لأني نويت إخلاء طرفي منهم

لمــــــــــــــاذا لايسمحون للفرع الذي فتحت حسابي عنده يخلص أموري وننتهي

أتوقع حتى يمل الشخص ويرجع إليهم أو ...إلخ( أنتم أبخص )




أخوكم /عميل للراجحي مستاذي.

[ميمون]

ما شفت شي ..
باقي عليك .. الراجحي معروف وش يسوي باللي تسول له نفسه إنه يحول راتبه إلى بنك ثاني

الله يعينك

[نجد نت]

شكـرا أخي ( ميمون ) على المشاركة .

الله يعين على المدة الباقية.

[نجد نت]

ويـــــــــــــــــن ردودكــــــــــــــــم وآراؤكم.

[ajmn]

أنا ما أخذ مني التحويل . . 5 أيام تقريبا . .


ممكن لو تروح لهم بدال الاتصال أفضل . .

[ahoak2002]

الله المستعان يا اخي انا افضل منك ظروف اقصد قلت لهم ابغى الفكه منكم وعطوني اخلاء طرف قال موضوعك سهل وقلت له على فكره عندي بطاقة فيزا قال لي اه على كذا تتنظر قلت طبيعي حتى يتأكد من مديونية على او لا ولكن قلت له انا لم استخدم البطاقة من فترة يأخي واه من الروتين قال لازم اربعين يوم تمضى او تودع قيمة رصيد البطاقة قلت لكم ما تريدون وبدها خذ اتصالات واحد يقول موضوعك انتهى راجع البنك والاخر يقول من رد عليك غير صادق المهم ليه التخلف والرجعية في البنوك وين الحاسب الالي والتطورات الله المستعان وعلى العموم كل بنوك فيها حقها واكثر ولكن انا اطالب جميع البنوك بانهم يعدلون من تعاملهم مع العملاء ولو ان هناك عملاء اتعب من البنوك نفسهم على فكره قبل فتره رحنا نحول للشغالة مبلغ وكان الوقت في الظهر في قسم الحولات في الخبيب الراجحي طبعا وتصدقون ما فيه تكيف البنك معقولة بنك مثل الراجحي ما فيه تكيف والعملاء متضايقين مره يا ناس

[نجد نت]

وين تبين أروح للرياض.؟؟؟!!!!

[الحزين]

نجدنت


يا حلالي انت ........ الله يكون بعونك

اقترح عليك تتصل يوم بعد يوم على الهاتف المجاني (( يعني بالعربي تكون زرار ))

نعم صدقت الراجحي احسن مافيه مكائن الصرف (( المتعطلة دئما ))


انا من زمان مرتاح مع بنك البلاد كل شيء عنده مجانا اما الراجحي !!!!!!!!!!!!!!

[نجد نت]

شكـــــــــرا أخوي الحزين .

[.:انــجــريــنــد:.]

ويييييييييييييييييييييييييين نبي

عتريس2007

[الخوصة]

اقتباس المشاركة الأساسية كتبها ميمون ما شفت شي .. باقي عليك .. الراجحي معروف وش يسوي باللي تسول له نفسه إنه يحول راتبه إلى بنك ثاني الله يعينك

000000000000

[نجد نت]

عتريس2007 والخـوصة شكرا لكما على المرور.

[مسافر بلا عنوان]

صدقوا الأخوان ماشفت شيء والله يعينك

وعلى فكره الجميع بدء يكره بنك الراحجي في الوقت الحالي

وان شاء الله أنا راح أنقل حسابي من عندهم بس شايل هم الاتصالات والمشاوير ( وغثاهم )

[نجد نت]

الله يعينك .