 |
|
|
|
|
22-07-2007, 12:30 PM
|
#1 |
|
عـضـو
تاريخ التسجيل: May 2007
البلد: في بيتنا؟؟؟؟؟؟؟
المشاركات: 90
|
نصيحه لمن يريد العمره و فكر يروح بحمله؟؟؟؟؟؟
اخواني واخواتي الي يبغى يدعي على عدوه يقوله جعلك تعتمر مع حمله الرساله الي قدام النقل الجماعي واضمن له البهذله ؟؟؟؟
ذهبنا يوم الاثنين 2/7/1428هـ للعمره مع هذه الحمله الحقيقه في الروحه الحمد لله سلمنا من الشقا صدق ان الباص شارينه على وقت الملك عبدالعزيز (قويه هاه بس قديم)بس تحملنا لكن يوم جت الرجعه الباص فيه عوائل وشباب لكن كل المحطات الي في طريق الرجعه (مع الطايف الرجعه) وقفنا عندها الباص يتعطل لي الديزل يهرب باااااص فيه اكثر من 50راكب مايسواله صيانه لا والسواق يقول انه يبغاله مساعدات وعمود توازن ولا صلحوه وبالرابع تجيك ذيك النفاضه من الباص الي تخليك تحول المهم اذا وقفنا تعال شف لازم ينزل كل العوائل الي وراء عشان يفك المرتبه ويقعد ينثر ولا نزلو العوائل وجلسوا على الطريق خذ من هالعالم الي يبي يفزعون ياقفون تبون مساعده (بعدين ياقف يدودل ايديه معنا تقل ناقصين)ولا الطامه الكبرى يوم وقف السواق يصلحه باحدى المحطات والا راعي الباجيرو شرطه اثنين واحد مدني واحد لابس عسكري يوم شافوا العوائل ويجيك طاير قلنا هذا الي يبي ينقذنا يوم جا ويقعد يزعق وينفخ على الشباب الي واقفين على الشارع وعلى السواق الا يبينا نركب ونحرك والباص مازان ويقعد يولف السواق وركبنا ومشينا ومن 2الظهر حتى 3.30 الفجر وحنا نمشي (تقل رايحين مع العقيلات ) يوم وصلنا وايلانا تقل مربوطين ومضروبين لين تفككه عظامنا لكن رحله الله يعوده علينا اعوام عديده (بس مو مع الحمله هذي) ويرزقنا واياكم العمل الصالح وجزاكم الله عنا كل خير........................... |
|
|
22-07-2007, 12:35 PM
|
#2 |
|
عـضـو
تاريخ التسجيل: Jul 2007
المشاركات: 4
|
جزاك الله خير
|
|
|
|
22-07-2007, 12:49 PM
|
#3 |
|
عـضـو
تاريخ التسجيل: Jan 2004
البلد: بيت العز
المشاركات: 153
|
أخي الكريم algasimi
الصراحه اسلوبك لسرد القصه فيها من الفكاهه لانها بالعاميه وبريداويه جلست اكرر قرائتها لانها توسع الصدر هههههه عساك تعود العمره اياماً عديده وأزمنة مديده بحملة غير الرساله .. الله يتقبل منك صالح الاعمال
__________________
في الشتاء تغيب الزهور وتظهر زهرة واحد |
|
|
|
22-07-2007, 02:49 PM
|
#4 |
|
Guest
تاريخ التسجيل: Sep 2001
البلد: فـي عـيونـي \^_^\
المشاركات: 417
|
أولا حمد لله على السلامة ... والله إنكـ صادز ... يا إخواني (( قدر الله علينا ورحنا بعد مع حملة الرسالة )) وتعذبنا تعذب معهم ... فاللي عنده فكس عصارات بنادول شي يخفف الألم لا يبخل علينا ترانا بأمس الحاجة.  .. أخوكم المدعي عليه يروح مع حملة الرسالة : الأسطورة... |
|
|
|
22-07-2007, 03:01 PM
|
#5 |
|
عـضـو
تاريخ التسجيل: Nov 2005
المشاركات: 1,231
|
هههههههههههههههه اضحك الله سنك وضرسك أخي الكريم algasimi ..
بحلها لك بعبارة قالها جدي الأكبر لجدي الأصغر يقول بلغ حفيدك الراصد اللي يكتب بمنتدى بريدة ستي إن الرخيص مخيس... أجل بعقلك تبي واحد يشيلك رايح جاي ساكن بمكة المكرمة ب150 ريال ...وين احنا فيه ..  اللحين عسانا نتحمل الباصات داخل المناسك بالحج نتحملهم بالعمرة ..... ((( الراصد ))) آخر من قام بالتعديل الـراصـد; بتاريخ 22-07-2007 الساعة 03:04 PM. |
|
|
|
22-07-2007, 04:02 PM
|
#6 |
|
Guest
تاريخ التسجيل: Jul 2007
البلد: تورا بورا
المشاركات: 59
|
جزاك الله خير
مشكوررررر تحيات |
|
|
|
22-07-2007, 05:07 PM
|
#7 |
|
عـضـو
تاريخ التسجيل: May 2007
المشاركات: 278
|
انا تصدق اني اكتشفت شي بالحملة ..
انهم خلوا الاعطال باخر الرحلة عشان بالرجعة ماتقدرون تدعون عليهم خخخخخخخ بالنسبة لتعليقي ع الموضوع .................والله يبن الحلال .. انا كل الحملات مااقتنعت فيهم .... شف لك حدا سيارات اخوياك واستأجره منه ورح انت واهلك وتصير الرحله على كيف كيفك ... ارخص واحسن وتقبل الله عمرتك
__________________
مافي توااقيع . . لاتطبوون علينا |
|
|
|
22-07-2007, 05:41 PM
|
#8 |
|
عـضـو
تاريخ التسجيل: Sep 2001
البلد: نيويورك
المشاركات: 593
|
أنا .. اشوف الحملات هذي زينه للمعسرين .. تفك أزمة كثيرة للناس
لذلك ربما يكون هناك نوع من الأهمال من أدارة الحملة في عمل الصيانة الازمة وبسبب الضغط لذلك اللي يبغى يروح يتحمل .. خصوصاً أن المبلغ بسيط .. انا سمعت أن مثل هذه الحملات يقوم عليها ناس يحبون الخير .. جزاهم الله خير لذلك تحصل المبلغ 150 ريال مع السكن في مكة المكرمة أنا ما جربت لكن الناس ما يعجبهم العجب ولا الصيام في رجب
__________________
سبحان الله وبحمده سبحان الله العظيم
 |
|
|
|
22-07-2007, 06:28 PM
|
#9 |
|
عـضـو
تاريخ التسجيل: May 2007
البلد: في بيتنا؟؟؟؟؟؟؟
المشاركات: 90
|
اشكرك اخوي لكن احمد ربك على العافيه والنعمه انا وانت عندنا خير انا صدق اخطيت لانه رخيص ومخيس على قولك لكن الي مايستطيع وش ذنبه يابعد قلبي !!!!!!
واشكرك على ردك الجميل وياعساك بخير دوم ياعساك |
|
|
|
22-07-2007, 06:38 PM
|
#10 |
|
عـضـو
تاريخ التسجيل: May 2007
البلد: في بيتنا؟؟؟؟؟؟؟
المشاركات: 90
|
اشكركم اخواني( عاشق بريده/زهره الشتاء/ الاسطوره/ الراى والراى الاخر/ولد البصيريه/المسافر/الراصد)على ردودكم الجميله وجعلكم بخير ونعمه والله لايحيجكم ويرزقكم ربي رزق ما احتزيتوه قولوا اميين ويعطيكم العافيه....
مشكورييييين |
|
|
|
22-07-2007, 10:17 PM
|
#11 | |||||||||||||||||||||||
|
عـضـو
تاريخ التسجيل: Nov 2005
المشاركات: 1,231
|
الحمد لله على كل حال أخي الكريم ...أنا كلامي السابق للانسان اللي بيسافر وعنده حرية الاختيار في السفر مع القدرة... أما اللي مايستطيع بارك الله فيك يمسك أرضه ويبلع العافية( العمرة تكفي واحدة بالعمر كله ) أجل يروح معهم على وصفك ويتعرض للإهمال ويكلف نفسه وبا لأخير يجي يتشكى علينا منهم..  تقبل تحياتي وتقديري ... ((( الراصد ))) |
|||||||||||||||||||||||
|
|
|
23-07-2007, 12:18 AM
|
#12 |
|
عـضـو
تاريخ التسجيل: May 2007
المشاركات: 126
|
الصراحة الموضوع ممتاز رغم ما فيه من فكاهه ونشكرك أخي القصيمي ولكن من أمن العقوبة أساء الأدب وإلا أين دور الرقابة ووزارة الشؤون الاسلامية ووزارة الحج على التجاوزات الموجودة في الحملات
|
|
|
|
23-07-2007, 02:29 AM
|
#13 |
|
عـضـو
تاريخ التسجيل: Jun 2006
البلد: بجوار حمود الخضر
المشاركات: 302
|
هلا بك ...
الصراحه جيت بوقتك ...
انا ابروح لمكه .. رايح العام مع حمله والله ماادري وش اسمه بي اذكر انه لللاحم ... وانا ابروح هاليومين تكفى وشي ازين حمله بعد ما جربت هذي .. انتظرك يالغالي ...
__________________
التوقيع مخالف . |
|
|
|
23-07-2007, 04:13 AM
|
#14 |
|
عـضـو
تاريخ التسجيل: Jul 2007
المشاركات: 58
|
الرخيص امخيس
|
|
|
 |
| الإشارات المرجعية |
| أدوات الموضوع | |
| طريقة العرض | |
|
|
النمط المتتابع
