██▓▒░░ دحيم ولد نبويه برناوي ░░▒▓██

إختصاصي تسويق · 09-09-2007, 08:45 AM

السلام عليكم ورحمة الله وبركاته >>

وبعد إنقطااااااااع هن محد يرد ؟

سسسيكم بالخير
محد ينكر إن الحب ماله أحكام أو ظروف يعني لاحبيت محد يقدر يشيّن بعينك من تحب
ولأجل ذلك طلع المثل لجل عين تكرم مدينة (ياحبي لبريدة ودوارالنهضه بعد والله إني ولهت عليه) .. مع عدم الإنكار إن الحب بعض الأحيان ينحى جاده مهب لم المخيم .. لكن ظروف الحب تجبر الواحد (صورة واحد يدور بالفورد آخر الليل بالدائري يمشي 80 يفكر بوحده .. ياكثرهم)
ومع إني من دعاة الحب الوطني (صورة سعوديه تدعي وتقول : يالله كثر لنا من هالنمونه) لكن لا أمانع بالحب الأجنبي فالحب لا يعرف جنسيه ولا وطنيه .. مع إن كم من حرمه سعوديه تلعن اليوم اللي جاء يخطبها أبو عيالها
(والله حرنابكم يالسعوديات إن أخذنا أجنبيات زعلتوا وإن قلنا لكم ماعندكم دلع ورومانسيه إلا أول سنه برضوه زعلتوا)
يوم عرفت إنه يزرق مصر يتمشى مع ربعه آخر العطله وهو آخذن مصريه براطمها تقل بصطة وسايد بحراج إبن قاسم( إخس السمرمد يطلعون من السعوديه يعرفون بعض وإلا طبوا مطار القاهره عينك ما تشوف إلا غبارهم كل واحد لشقة حرمته)

نشأ بطل قصتنا على ضفاف دمياط وبربس بمياهه (لين غدت هدومه تلثق >> أبحلق شعر رجلي سكسوكه إن عرفتوا هالكلمه) وتعلم النفاق الإجتماعي من عيال خاله
كونه من أم مصريه (نبويه) وأبو سعودي (ابو دحيم) بعد نقاش حاد على إسم هالولد
لأن الأم تقول : دنا أنا حملت فيه إزاي ما أسميهوش .. إسم الله عليك يافتحي يبني !
والأبو يقول : يابنت الحلال تعوذي من ابليس .. أنتي خابره ربعنا نقاده (تحيه لكُتاب الأعمده بالجرايد) وأنا أبو دحيم وآخذن مصريه .. وشلون لو صرت أبو فتحي ؟ عز الله اللي أبصير فصفص بهالمجالس .. (بكم الكيلو؟ >> خبل كازينه ربعه لبقالة المحطه على طريق القصيم عاد يحسبه رز يبي ياخذ بالكيلو)
بعد البخشيش وكمن كيلو طحينيه شعر لخوال الولد .. وأبشركم رضوا يسميه الأبو وسماه دحيم
دحيم هذا مصري مقعد حمرن عطر (صورة لطالب مصري بإبتدائية قاعد بأول ماصه ويفطر نقانق وتفاحه) .. لا قبصته مع إيده اللي تقل طرف لحاف شتاء تصير حمراء مكان قبصتك .. (الظاهر مأثرتن عليه جينات نبويه أكثر من جينات أبوه)
هو صحيح إن الله باليه بركبن سود (علامة جودة سعودية) ويعز الكبسه الظهريه .. أبد الظهر لا دخلت شقتهم تلقى نبويه تلف لف من هالفلافل لمين يغدي لسانه خضررر تسنه سروال سنه لواحد لاعب بثيل (صورة أم واقفه على الغساله تلعن اليوم اللي عرف به ولده الكوره وهي تشوف سراويله السنه عليهن زلقات ثيل .. شكل الولد يلعب دفاع ومتأثر بـ تكر)
والأبو ودحيم ولده ما غير دبغ في هالرز وقحن من اللبن .. همن عاد يبدون يتاغرون تقل السلام الملكي حق موريتانيا (عاد مصري ويتاغر عقب لبن)

قرر أبو دحيم إنه يزور أهله وأخوانه بالسعوديه وحجز على أول رحله بالعبارة هو ودحيم بس (صورة شناط صعايدى طافحات بخليج السويس من أثار غرق عبارة السلام)
(لأن نبويه لو تجي معه أو والله من واحد ووحده ودهم يغولونه بشرشف الصلاة)
عاد أبو دحيم طق الشماغ والعقال يوم دخل أرض السعوديه (لأنه خابرن النقاده يبي يقولون غيرته مصر حتى لبسنا ما يعرفه له) >> واحدن زملن لربعه إذا رجع يبي يقولون تأثر بالغرب
ودحيم طاقن البنطلون مقاس ثلاثمية ولسان حال البنطلون لا بارك الله في الساعه اللي صرت فيها قماش بمصنع بنطلونات
وصل أبو دحيم مع إبنه الوحيد (إبنه حشا هذا عيال حاره متجمعين يطرطعون عند باب مسجدهم والناس يصلون تراويح)
سلم أبو دحيم على أخوانه : سسسسيكم بالخير وشلونكم .. سلم ونا أبوك هذا عمك فلان
دحيم : (يبي يقلد أبوه) أزززززززيكم بالخير إزيكم .. عاملين إيه (معوده اللباقه أبوه وهو بالعباره)
عمانه : هلا بدحيم وشلونك وشلون دراسك؟
دحيم : واللهي الحمدو لله أنا ميا الميه وكل يوم بروح المدرسه انا وزمايلي
حدى عمانه : بأي صف أنت الحين ؟
دحيم : دنا تخرقت من الكفاءه والحين بدرس سانوية.
أبو دحيم (وده يسولف عن مشاكل خوال عياله الصعايدا) : دحيم وأنا أبوك رح إلعب مع عيال عمك تلقاهم بالحوش.
دحيم : حاطر يابا .. والله ويتحلحل ويقوم (يحلف حدى عمانه إنه سامع تفتق خيوط البنطلون تقل واحد يشق ورقه من دفتر سلك)
طلع دحيم للحوش ومالقى احد وقعد على درج الحوش .. عيال عمه دخلوا مع باب الشارع توهم جايين من ملحق جيرانهم (ملاحق هالحواري الله من البلاوي أموت وأعرف وراهم مالهم حس وهم يقولون نلعب سوني .. تعيش وصلة الفيديو)
وصلوا لم دحيم وهو قاعد على الدرجه وتجمعوا حوله (صورة المطاف برمضان)
حدا عيال عمه : من أنت ؟ وش مدخلك بيتنا ؟ وراه ما ترد ؟
واحد ثاني : أخبر أبوي يقول يبي يجي ولد عمك من مصر .. بس أنا متأكد ما قال عيال عمك من مصر ..
دحيم : دنا دَحِيم أبويا قوا إنتو مين ؟
ولد عمه : ونعم .. أنا خالد وهذا سليّم وذاك الدفش
خالد (قائد الشله) : وين تدرس أنت ؟
دحيم : دنا بدرس في سانوية الشعراوي في صف سانيه سانوي.
سليّم (خبل) : سانوية .. تدرسون سوني يعني ؟
الدفش : لا لا سانوية يعني السواني حقات بعارين الشعراوي (إيقاله لاحقن على السواني)
خالد : لا لا يا عيال سانوية الظاهر إنه ثانوي .. كود درس معي مصري بسادس يقول للعيال وشي المسلوسه
سليّم : على طاري المسلوسه عندكم سوني بمصر؟
دحيم : إيوه دحنا عندنا كلي حاقه ده مصر أوم الدنيا إزاي ما يصير فيها سوني
دنا عندي في الغرفه بتاعتي فيديو سوني دايمن بشوف أفلام عادل إمام وبوسي
بس واللهي يا قماعه دنا زهئان دايمن بقلس لوحدي .. إيه رأيكم لو نزلتوا معايا مصر ؟
خالد : لا لا صعبه هذي .. حنا ثلاثه وأنت واحد .. ورا أنت ما تجي لمنا ؟
دحيم : واللهي يا قماعه القلسه عندكو حلوه (يقولون إنه فخى وتربع زين يوم قال هالكلمه) وكمان عندكو مطاعم كويسه أوي بس دنتو عارفين ماماتي ما بترضيش أقلس وئت طويل أنا وبابا هنا (إيقاله ولهتن عليك أنت وهالكرشه اللي تقل قلابي شايلن رد رمل).
سليّم (تقل إستغرب ) : يعني أمك تحبك ؟
دحيم : أيوه دنا ماما بتحبني أوي ودايمن بتقلس عند السرير بتاعي لحد ما أنام (تو ماتزين السواليف الزوجيه لا ناموا العيال) (ياحظ اللي ما عندهم عيال دايم السواليف خاثره ) (صورة لمبه صفراء مقصوره على آخر شيء وكاس عصير بردقان منشبن به حلقة بردقانه)
سليّم (تقل نغر) : حتى أنا بعد أمي تحبن دايم تقولي عساك الطبيله ونا أمك (ما يجتمعن بس النغر يسوي أكثر)
الدفش : وأنا بعد أمي تقول لي لا تاكل كثير ونا أمك ترا يقضي عنا قققصدي ترا تمرض همن يجيك شيء (أخطأ من شدة التسذب)
خالد (فرك الموضوع ماوده يحتسي عن أمه ) : وش رايك بس تقول لأبوك أبقعد عند عيال عمي أو إذا جاء العيد اللي يجي تقول لأبوك أبروح للسعوديه وحنا نبي نستقبلك بالميناء لا تخاف وأبشر بالمطاعم بس جب معك قروش (خابرن إن أبوه يبي يدحى مخباته جنيهات)
دحيم : والله فكرتكو مش بطاله (خر يوم جابوا طاري المطاعم)

جاء عيد الضحيه الجاي ودق أبو دحيم على أخوه أبو خالد وقاله إن دحيم يبي يجي باتسر خل العيال يستقبلونه بالميناء .. أبو خالد (وهو ماله خلقه) إيه الله يحيه
قال أبو خالد لخالد ترا ولد عمك دحيم يبي يجي باتسر رح عاد جبه ووكله أنت أنت اللي عازمه وعقب هالنوبه لاعمرك تعزم على حلالنا أحد (وجه شايب شاينتن نفسه عقب إرتفاع أبو كاس عاد كلش ولا الكبسه)
دق خالد على عيال عمه سليّم والدفش وقالهم باتسر تولموا نبي نروح نستقبل دحيم بالميناء
راحوا جابوه من الميناء وخلوه ينام بملحق بيت خالد حتى أبوه ما يشوفه
وخذ طلعات ومره كوزي ومره الرومانسيه
عاد دحيم حتى ما يفشلهم بالبنطلون شارين له ثوب نوم وسروال سنه به زري
(إخس القنابزه يبي يخلونه مثل اللي بمكه السروال أطول من الثوب)
عاد بلشوا بلونه خلوه ينسدح تحت الشمس لمدة ساعه كل يوم
لما قلب لونه لون سعودي (ومع وجود علامة الجودة صار سعودي صدز)
حتى تعود على سروال السنه وبدأ كل يوم يمر الخياط يشد الربتسه لأنه إرتخت (بعذره والله)
قعد عندهم حول السنه تقريبا فقرر يشري سياره وبعد التفكير وعصر المخ
تقل جازت له المرسدس القديمه (صورة مدرس خصوصي طاير بالمرسدس يبي يلحق على الوقت لا يقول أبو الولد تأخرت)
شرا مرسدس بيضاء بفضي كانت مع مدرس ثانوية مصري يوم بغا يسافر شراه منه طالب بـ 2000 وباعه على دحيم بـ 5000 (وجه يقول حسبي الله على الإستغلال وصل لكلش حتى على حساب الأجانب)
وبدأ يدور مع عيال عمه بذا المرسدس وركب جنوط يلمعن وإستيكرات ونور زنون حتى صار يدور بشارع العليا وياقف كثير عند إشارة الفيصلية أغدي وحدتن يصير مدعي عليها تعجب في ذا البرميل (صورة برميل أخضر بأبيض من حقات بترومين)دور على شغل وأخيرا حصل شغله حلوه مناسبه بسوبر ماركت وهي محاسب يحسب قيمة مشترياتك ويقول عطنا تسذا >> شرح الوضيفة
المهم بالرغم من إن فيه عرق سعودي كونه طالع من ظهر أبوه السعودي إلا إن كسل الشاب السعودي بالوضايف الـ بارت تايم لم يصاب بها دحيم (وجه شاب سعودي عقب ما إشتغل له ثلاث شهور بدأ يعلب بذيله على معزبه يعني بدال ما يقول أبترك الشغل مليت)
صار دحيم ينط من 4 العصر للسوبر ماركت وما يطلع إلا 10 مقابل 1500 ريال >> صورة مع التحية لوزير العمل والمطالبة بقمع مثل هالتجار الجشعاء اللي يقطعون ظهر الموظف بالشغل وتاليته 1500 لكن حرص وإجتهاد دحيم وحبه للعمل ما خلاه يفكر في قل الراتب اللي أصبح يروح بنزين للمرسدس وترصيص ربتسة سروال السنه وبطاقات شحن يكلم أهله (لو ما يجي من مضار بطاقات الشحن إلا إنه صارت نقطة ضعف الفتيات الضايعات)
مع حرص دحيم وتطوير مستواه بالعمل أصبح كبير المحاسبين في هالسوبر ماركت وأصبح هو الكل فالكل حتى إن راعي السوبر ماركت صار ما عاد يجي للمحل يشيك خلى دحيم هو اللي يعطيه الحسابات بالتلفون (وجه راعي سوبرماركت معنفص إستأمن حدا الموضفين لمين لعب في حسبة المحل)
حتى إنه طق البدله السويت مدري السيوت حداهن (اللي تجيك بنطلون أسود وكوت أسود وبلوزره بيضاء وكرافته تصير مثلن مخططه أسود بأبيض) >> مهب يقصد دكاترة الجامعات أبد
(وجه شايب يمدح في هالأجانب وحبهم للعمل وهو قصده رخصهم وإنه يرضيهم ألف ريال)

ولازال دحيم ينعم بإدارة هالسوبر ماركت وأبشركم شرا كراسيدا جي إل وأصبح مطمع أصحاب السوبر ماركات
بحبه للعمل وإجتهاده ولكن هيهات فالسوبر ماركت اللي يشتغل به جمبهم محل مثلوثه حتى إنه بدأ يلبق الكراسيدا عند مطعم المثلوثه حتى لا قضى من الدوام وظرب في المثلوثه تصير السياره قريبه

ما يستفاد من الموضوع1/ كلمة الجدران (الحب عذاب والقلب ذاب) صارت واقع ملموس عند زواج الأجنبية
2/أنا من دعاة الحب الوطني على ألا يكون مدعاة لإفقار الزوج وجعل الحب والغرام نقطة ضعف الزوج السعودي
3/أشجع الشيبان بعد التقاعد على الزواج من أجنبية مع عدم ترك السعوديه هي وعيالها ولكن لكي تصفي مزاجه ويجي لحرمته الأولى وهو مرتاح (وجه شايب تقاعد منا وحط حرته في ذا العجوز وعيالها مناك وين الغدا وراوه خانس ورا القهوه تقل ماء وراكم البارح صيفتوا عند خالتكم)
4/لماذا إرتبط النفاق الإجتماعي بالمصريين مع إن نفاقهم زين على عكس نفاق ربعنا اللي ما ينبلع (وجه موضف كل يوم يصبح على المدير بعلبة ضميد على وقت الضميد يبي الترسيم).
5/لحد يتوهق يروح في سفينه منا وإلا منا ترا الحين مكثر من حوادث السفن >> عجوز إلى هالحين تفكر بعبارة السلام

والسلام عليكم ورحمة الله وبركاته
اللي ما أعجبه الموضوع مهب ضروري ولا إجباري ولا غصب ولا حتماً ولا إلزامي ولا لا مفر منه إنه يرد

ابوعاصم · 09-09-2007, 09:26 AM

هههههههههههههههههههههههههههههه
ههههههههههههههههههههه
ههههههههههههه

الله يعطيك العافيه

أخـــوي

إختصاصي تسويق

اسلوبك رائع

بإنتظار المزيد من كتابتك

قباصة من القباصات · 09-09-2007, 10:22 AM

ههههههههههههههههههههههههههههههههههههههههه
هعهعهعهعهعهعهعهعهعهعهعهعهعهعهعهعهعهعهعهعه
هههههههههههههههههههههههههههههههههه
هعهعهععههعهعههعهعهعهعهعهعهعهعهع
هههههههههههههههههههههههه
هعهعهعهعهعهعهعههعهعهع
هههههههههههههههه
هعهعهعهعهعهعهع
هههههههههه
هعهعهع
هههه
هع
ذذ

أضحـك الله سنك:D

أسلوب رائع >>>>>>> دحيم هذا مصري مقعد حمرن عطر (صورة لطالب مصري بإبتدائية قاعد بأول ماصه ويفطر نقانق وتفاحه) .. لا قبصته مع إيده اللي تقل طرف لحاف شتاء تصير حمراء مكان قبصتك .. (الظاهر مأثرتن عليه جينات نبويه أكثر من جينات أبوه)
هو صحيح إن الله باليه بركبن سود (علامة جودة سعودية) <<<<<<<

شكـــــرا لك ..

إختصاصي تسويق · 09-09-2007, 03:52 PM

اقتباس

المشاركة الأساسية كتبها ابوعاصم


	هههههههههههههههههههههههههههههه ههههههههههههههههههههه ههههههههههههه الله يعطيك العافيه أخـــوي إختصاصي تسويق اسلوبك رائع بإنتظار المزيد من كتابتك

تشكرااااات اخوي ابوعاصم

على مرورك العذب

تقبل تحياتي

إختصاصي تسويق · 09-09-2007, 03:54 PM

وناااااااااااسة فيه احد مستانس من الموضوع

اجل ابدبل اكبدكم بس لاتستعجلون

خخخخخ

تشكرين قباصه من القباصات >>>>> إسمك يوحي بالشراسة الله يستر

تقبلي تحياتي

smsleem · 09-09-2007, 04:29 PM

هههههه..
أسلوب رائع..

وموضوع في الصميم..

إختصاصي تسويق · 09-09-2007, 10:38 PM

تشكر أخوي ابومحمد ع المرور

تقبل تحياتي

حنين الاندلس · 09-09-2007, 11:26 PM

قصه رهيبه

بس لوانت مكبر الخط ومقسم الموضوع

مشكووور

مفتاح 14 · 10-09-2007, 12:03 AM

الصراحه انك مسنتر لاومارج الله ياخذك بس ، شكلك توك واصل من مصر

إختصاصي تسويق · 10-09-2007, 04:26 PM

اقتباس

المشاركة الأساسية كتبها حنين الاندلس


	قصه رهيبه بس لوانت مكبر الخط ومقسم الموضوع مشكووور

تشكر اخوي حنين الاندلس على المرور

تقبل تحياتي

إختصاصي تسويق · 10-09-2007, 04:27 PM

اقتباس

المشاركة الأساسية كتبها مفتاح 14


	الصراحه انك مسنتر لاومارج الله ياخذك بس ، شكلك توك واصل من مصر

كل على هواه

قباصة من القباصات · 10-09-2007, 05:51 PM

شكيتك رايح لمصر ها ؟؟ <<<<<<< ابعلم اهللك :D

^

^

^
هذا اخوي موبنا :D

معليش دخلت الموضوع مرة ثانية عشان بقري اخوي الموضوع الي يفطس من الضحك هههههههههههههههه:D

مفتاح 14 · 11-09-2007, 07:33 AM

[QUOTE=إختصاصي تسويق;730561]كل على هواه[/Q

اترك الهوى لا اهل الهوى

أراسيل سلمان · 11-09-2007, 08:00 AM

بصراحة اني قريت مقتطفات من الموضوع <<ماقرته كله ..
وواضح انه حلو
تسلم الله يجزاك خير

بس عندي ملاحظه هالكبير <<تأشر بيد على مقدار اُنمله :D

اقتباس


	دحيم هذا مصري مقعد حمرن عطر (صورة لطالب مصري بإبتدائية قاعد بأول ماصه ويفطر نقانق وتفاحه) .. لا قبصته مع إيده اللي تقل طرف لحاف شتاء تصير حمراء مكان قبصتك .. (الظاهر مأثرتن عليه جينات نبويه أكثر من جينات أبوه)

أثقل دم شعب شافته عيني هم الشعب المصري بهم السمن الطاغي وكثير منهم بهم بياض ..
أعرف شخص راح لمصر وبالمطار يقول شفت عاملات النظافه كلهن بهن سمن عجيب
يقول توقعت انه جمعية تنحيف معينتهن يخففن
وبعد ان طلع من المطار للقاهره وجي يشوف كل مصر نفس النمونه..
بعده زال العجب
إستغفر الله انا ماانتقص منهم والله بس أحب أخبركم بالواقع تكونون على بيّنه

09-09-2007, 08:45 AM	#1
إختصاصي تسويق عـضـو تاريخ التسجيل: Jul 2007 المشاركات: 69	██▓▒░░ دحيم ولد نبويه برناوي ░░▒▓██ السلام عليكم ورحمة الله وبركاته >> وبعد إنقطااااااااع هن محد يرد ؟ سسسيكم بالخير محد ينكر إن الحب ماله أحكام أو ظروف يعني لاحبيت محد يقدر يشيّن بعينك من تحب ولأجل ذلك طلع المثل لجل عين تكرم مدينة (ياحبي لبريدة ودوارالنهضه بعد والله إني ولهت عليه) .. مع عدم الإنكار إن الحب بعض الأحيان ينحى جاده مهب لم المخيم .. لكن ظروف الحب تجبر الواحد (صورة واحد يدور بالفورد آخر الليل بالدائري يمشي 80 يفكر بوحده .. ياكثرهم) ومع إني من دعاة الحب الوطني (صورة سعوديه تدعي وتقول : يالله كثر لنا من هالنمونه) لكن لا أمانع بالحب الأجنبي فالحب لا يعرف جنسيه ولا وطنيه .. مع إن كم من حرمه سعوديه تلعن اليوم اللي جاء يخطبها أبو عيالها (والله حرنابكم يالسعوديات إن أخذنا أجنبيات زعلتوا وإن قلنا لكم ماعندكم دلع ورومانسيه إلا أول سنه برضوه زعلتوا) يوم عرفت إنه يزرق مصر يتمشى مع ربعه آخر العطله وهو آخذن مصريه براطمها تقل بصطة وسايد بحراج إبن قاسم( إخس السمرمد يطلعون من السعوديه يعرفون بعض وإلا طبوا مطار القاهره عينك ما تشوف إلا غبارهم كل واحد لشقة حرمته) نشأ بطل قصتنا على ضفاف دمياط وبربس بمياهه (لين غدت هدومه تلثق >> أبحلق شعر رجلي سكسوكه إن عرفتوا هالكلمه) وتعلم النفاق الإجتماعي من عيال خاله كونه من أم مصريه (نبويه) وأبو سعودي (ابو دحيم) بعد نقاش حاد على إسم هالولد لأن الأم تقول : دنا أنا حملت فيه إزاي ما أسميهوش .. إسم الله عليك يافتحي يبني ! والأبو يقول : يابنت الحلال تعوذي من ابليس .. أنتي خابره ربعنا نقاده (تحيه لكُتاب الأعمده بالجرايد) وأنا أبو دحيم وآخذن مصريه .. وشلون لو صرت أبو فتحي ؟ عز الله اللي أبصير فصفص بهالمجالس .. (بكم الكيلو؟ >> خبل كازينه ربعه لبقالة المحطه على طريق القصيم عاد يحسبه رز يبي ياخذ بالكيلو) بعد البخشيش وكمن كيلو طحينيه شعر لخوال الولد .. وأبشركم رضوا يسميه الأبو وسماه دحيم دحيم هذا مصري مقعد حمرن عطر (صورة لطالب مصري بإبتدائية قاعد بأول ماصه ويفطر نقانق وتفاحه) .. لا قبصته مع إيده اللي تقل طرف لحاف شتاء تصير حمراء مكان قبصتك .. (الظاهر مأثرتن عليه جينات نبويه أكثر من جينات أبوه) هو صحيح إن الله باليه بركبن سود (علامة جودة سعودية) ويعز الكبسه الظهريه .. أبد الظهر لا دخلت شقتهم تلقى نبويه تلف لف من هالفلافل لمين يغدي لسانه خضررر تسنه سروال سنه لواحد لاعب بثيل (صورة أم واقفه على الغساله تلعن اليوم اللي عرف به ولده الكوره وهي تشوف سراويله السنه عليهن زلقات ثيل .. شكل الولد يلعب دفاع ومتأثر بـ تكر) والأبو ودحيم ولده ما غير دبغ في هالرز وقحن من اللبن .. همن عاد يبدون يتاغرون تقل السلام الملكي حق موريتانيا (عاد مصري ويتاغر عقب لبن) قرر أبو دحيم إنه يزور أهله وأخوانه بالسعوديه وحجز على أول رحله بالعبارة هو ودحيم بس (صورة شناط صعايدى طافحات بخليج السويس من أثار غرق عبارة السلام) (لأن نبويه لو تجي معه أو والله من واحد ووحده ودهم يغولونه بشرشف الصلاة) عاد أبو دحيم طق الشماغ والعقال يوم دخل أرض السعوديه (لأنه خابرن النقاده يبي يقولون غيرته مصر حتى لبسنا ما يعرفه له) >> واحدن زملن لربعه إذا رجع يبي يقولون تأثر بالغرب ودحيم طاقن البنطلون مقاس ثلاثمية ولسان حال البنطلون لا بارك الله في الساعه اللي صرت فيها قماش بمصنع بنطلونات وصل أبو دحيم مع إبنه الوحيد (إبنه حشا هذا عيال حاره متجمعين يطرطعون عند باب مسجدهم والناس يصلون تراويح) سلم أبو دحيم على أخوانه : سسسسيكم بالخير وشلونكم .. سلم ونا أبوك هذا عمك فلان دحيم : (يبي يقلد أبوه) أزززززززيكم بالخير إزيكم .. عاملين إيه (معوده اللباقه أبوه وهو بالعباره) عمانه : هلا بدحيم وشلونك وشلون دراسك؟ دحيم : واللهي الحمدو لله أنا ميا الميه وكل يوم بروح المدرسه انا وزمايلي حدى عمانه : بأي صف أنت الحين ؟ دحيم : دنا تخرقت من الكفاءه والحين بدرس سانوية. أبو دحيم (وده يسولف عن مشاكل خوال عياله الصعايدا) : دحيم وأنا أبوك رح إلعب مع عيال عمك تلقاهم بالحوش. دحيم : حاطر يابا .. والله ويتحلحل ويقوم (يحلف حدى عمانه إنه سامع تفتق خيوط البنطلون تقل واحد يشق ورقه من دفتر سلك) طلع دحيم للحوش ومالقى احد وقعد على درج الحوش .. عيال عمه دخلوا مع باب الشارع توهم جايين من ملحق جيرانهم (ملاحق هالحواري الله من البلاوي أموت وأعرف وراهم مالهم حس وهم يقولون نلعب سوني .. تعيش وصلة الفيديو) وصلوا لم دحيم وهو قاعد على الدرجه وتجمعوا حوله (صورة المطاف برمضان) حدا عيال عمه : من أنت ؟ وش مدخلك بيتنا ؟ وراه ما ترد ؟ واحد ثاني : أخبر أبوي يقول يبي يجي ولد عمك من مصر .. بس أنا متأكد ما قال عيال عمك من مصر .. دحيم : دنا دَحِيم أبويا قوا إنتو مين ؟ ولد عمه : ونعم .. أنا خالد وهذا سليّم وذاك الدفش خالد (قائد الشله) : وين تدرس أنت ؟ دحيم : دنا بدرس في سانوية الشعراوي في صف سانيه سانوي. سليّم (خبل) : سانوية .. تدرسون سوني يعني ؟ الدفش : لا لا سانوية يعني السواني حقات بعارين الشعراوي (إيقاله لاحقن على السواني) خالد : لا لا يا عيال سانوية الظاهر إنه ثانوي .. كود درس معي مصري بسادس يقول للعيال وشي المسلوسه سليّم : على طاري المسلوسه عندكم سوني بمصر؟ دحيم : إيوه دحنا عندنا كلي حاقه ده مصر أوم الدنيا إزاي ما يصير فيها سوني دنا عندي في الغرفه بتاعتي فيديو سوني دايمن بشوف أفلام عادل إمام وبوسي بس واللهي يا قماعه دنا زهئان دايمن بقلس لوحدي .. إيه رأيكم لو نزلتوا معايا مصر ؟ خالد : لا لا صعبه هذي .. حنا ثلاثه وأنت واحد .. ورا أنت ما تجي لمنا ؟ دحيم : واللهي يا قماعه القلسه عندكو حلوه (يقولون إنه فخى وتربع زين يوم قال هالكلمه) وكمان عندكو مطاعم كويسه أوي بس دنتو عارفين ماماتي ما بترضيش أقلس وئت طويل أنا وبابا هنا (إيقاله ولهتن عليك أنت وهالكرشه اللي تقل قلابي شايلن رد رمل). سليّم (تقل إستغرب ) : يعني أمك تحبك ؟ دحيم : أيوه دنا ماما بتحبني أوي ودايمن بتقلس عند السرير بتاعي لحد ما أنام (تو ماتزين السواليف الزوجيه لا ناموا العيال) (ياحظ اللي ما عندهم عيال دايم السواليف خاثره ) (صورة لمبه صفراء مقصوره على آخر شيء وكاس عصير بردقان منشبن به حلقة بردقانه) سليّم (تقل نغر) : حتى أنا بعد أمي تحبن دايم تقولي عساك الطبيله ونا أمك (ما يجتمعن بس النغر يسوي أكثر) الدفش : وأنا بعد أمي تقول لي لا تاكل كثير ونا أمك ترا يقضي عنا قققصدي ترا تمرض همن يجيك شيء (أخطأ من شدة التسذب) خالد (فرك الموضوع ماوده يحتسي عن أمه ) : وش رايك بس تقول لأبوك أبقعد عند عيال عمي أو إذا جاء العيد اللي يجي تقول لأبوك أبروح للسعوديه وحنا نبي نستقبلك بالميناء لا تخاف وأبشر بالمطاعم بس جب معك قروش (خابرن إن أبوه يبي يدحى مخباته جنيهات) دحيم : والله فكرتكو مش بطاله (خر يوم جابوا طاري المطاعم) جاء عيد الضحيه الجاي ودق أبو دحيم على أخوه أبو خالد وقاله إن دحيم يبي يجي باتسر خل العيال يستقبلونه بالميناء .. أبو خالد (وهو ماله خلقه) إيه الله يحيه قال أبو خالد لخالد ترا ولد عمك دحيم يبي يجي باتسر رح عاد جبه ووكله أنت أنت اللي عازمه وعقب هالنوبه لاعمرك تعزم على حلالنا أحد (وجه شايب شاينتن نفسه عقب إرتفاع أبو كاس عاد كلش ولا الكبسه) دق خالد على عيال عمه سليّم والدفش وقالهم باتسر تولموا نبي نروح نستقبل دحيم بالميناء راحوا جابوه من الميناء وخلوه ينام بملحق بيت خالد حتى أبوه ما يشوفه وخذ طلعات ومره كوزي ومره الرومانسيه عاد دحيم حتى ما يفشلهم بالبنطلون شارين له ثوب نوم وسروال سنه به زري (إخس القنابزه يبي يخلونه مثل اللي بمكه السروال أطول من الثوب) عاد بلشوا بلونه خلوه ينسدح تحت الشمس لمدة ساعه كل يوم لما قلب لونه لون سعودي (ومع وجود علامة الجودة صار سعودي صدز) حتى تعود على سروال السنه وبدأ كل يوم يمر الخياط يشد الربتسه لأنه إرتخت (بعذره والله) قعد عندهم حول السنه تقريبا فقرر يشري سياره وبعد التفكير وعصر المخ تقل جازت له المرسدس القديمه (صورة مدرس خصوصي طاير بالمرسدس يبي يلحق على الوقت لا يقول أبو الولد تأخرت) شرا مرسدس بيضاء بفضي كانت مع مدرس ثانوية مصري يوم بغا يسافر شراه منه طالب بـ 2000 وباعه على دحيم بـ 5000 (وجه يقول حسبي الله على الإستغلال وصل لكلش حتى على حساب الأجانب) وبدأ يدور مع عيال عمه بذا المرسدس وركب جنوط يلمعن وإستيكرات ونور زنون حتى صار يدور بشارع العليا وياقف كثير عند إشارة الفيصلية أغدي وحدتن يصير مدعي عليها تعجب في ذا البرميل (صورة برميل أخضر بأبيض من حقات بترومين)دور على شغل وأخيرا حصل شغله حلوه مناسبه بسوبر ماركت وهي محاسب يحسب قيمة مشترياتك ويقول عطنا تسذا >> شرح الوضيفة المهم بالرغم من إن فيه عرق سعودي كونه طالع من ظهر أبوه السعودي إلا إن كسل الشاب السعودي بالوضايف الـ بارت تايم لم يصاب بها دحيم (وجه شاب سعودي عقب ما إشتغل له ثلاث شهور بدأ يعلب بذيله على معزبه يعني بدال ما يقول أبترك الشغل مليت) صار دحيم ينط من 4 العصر للسوبر ماركت وما يطلع إلا 10 مقابل 1500 ريال >> صورة مع التحية لوزير العمل والمطالبة بقمع مثل هالتجار الجشعاء اللي يقطعون ظهر الموظف بالشغل وتاليته 1500 لكن حرص وإجتهاد دحيم وحبه للعمل ما خلاه يفكر في قل الراتب اللي أصبح يروح بنزين للمرسدس وترصيص ربتسة سروال السنه وبطاقات شحن يكلم أهله (لو ما يجي من مضار بطاقات الشحن إلا إنه صارت نقطة ضعف الفتيات الضايعات) مع حرص دحيم وتطوير مستواه بالعمل أصبح كبير المحاسبين في هالسوبر ماركت وأصبح هو الكل فالكل حتى إن راعي السوبر ماركت صار ما عاد يجي للمحل يشيك خلى دحيم هو اللي يعطيه الحسابات بالتلفون (وجه راعي سوبرماركت معنفص إستأمن حدا الموضفين لمين لعب في حسبة المحل) حتى إنه طق البدله السويت مدري السيوت حداهن (اللي تجيك بنطلون أسود وكوت أسود وبلوزره بيضاء وكرافته تصير مثلن مخططه أسود بأبيض) >> مهب يقصد دكاترة الجامعات أبد (وجه شايب يمدح في هالأجانب وحبهم للعمل وهو قصده رخصهم وإنه يرضيهم ألف ريال) ولازال دحيم ينعم بإدارة هالسوبر ماركت وأبشركم شرا كراسيدا جي إل وأصبح مطمع أصحاب السوبر ماركات بحبه للعمل وإجتهاده ولكن هيهات فالسوبر ماركت اللي يشتغل به جمبهم محل مثلوثه حتى إنه بدأ يلبق الكراسيدا عند مطعم المثلوثه حتى لا قضى من الدوام وظرب في المثلوثه تصير السياره قريبه ما يستفاد من الموضوع1/ كلمة الجدران (الحب عذاب والقلب ذاب) صارت واقع ملموس عند زواج الأجنبية 2/أنا من دعاة الحب الوطني على ألا يكون مدعاة لإفقار الزوج وجعل الحب والغرام نقطة ضعف الزوج السعودي 3/أشجع الشيبان بعد التقاعد على الزواج من أجنبية مع عدم ترك السعوديه هي وعيالها ولكن لكي تصفي مزاجه ويجي لحرمته الأولى وهو مرتاح (وجه شايب تقاعد منا وحط حرته في ذا العجوز وعيالها مناك وين الغدا وراوه خانس ورا القهوه تقل ماء وراكم البارح صيفتوا عند خالتكم) 4/لماذا إرتبط النفاق الإجتماعي بالمصريين مع إن نفاقهم زين على عكس نفاق ربعنا اللي ما ينبلع (وجه موضف كل يوم يصبح على المدير بعلبة ضميد على وقت الضميد يبي الترسيم). 5/لحد يتوهق يروح في سفينه منا وإلا منا ترا الحين مكثر من حوادث السفن >> عجوز إلى هالحين تفكر بعبارة السلام والسلام عليكم ورحمة الله وبركاته اللي ما أعجبه الموضوع مهب ضروري ولا إجباري ولا غصب ولا حتماً ولا إلزامي ولا لا مفر منه إنه يرد

09-09-2007, 09:26 AM	#2
ابوعاصم عـضـو تاريخ التسجيل: May 2005 البلد: المدينة المنورة المشاركات: 214	هههههههههههههههههههههههههههههه ههههههههههههههههههههه ههههههههههههه الله يعطيك العافيه أخـــوي إختصاصي تسويق اسلوبك رائع بإنتظار المزيد من كتابتك __________________ عن أبي هريرة قال قال رسول الله صلى الله عليه وسلم [من سئل عن علم فكتمه ألجمه الله بلجام من ناريوم القيامة] [flash=http://asmalasm.jeeran.com/asm.swf]WIDTH=400 HEIGHT=266[/flash]

09-09-2007, 10:22 AM	#3
قباصة من القباصات عـضـو تاريخ التسجيل: Aug 2007 البلد: في البيت المجاور لبيت جيراننا المشاركات: 1,410	ههههههههههههههههههههههههههههههههههههههههه هعهعهعهعهعهعهعهعهعهعهعهعهعهعهعهعهعهعهعهعه هههههههههههههههههههههههههههههههههه هعهعهععههعهعههعهعهعهعهعهعهعهعهع هههههههههههههههههههههههه هعهعهعهعهعهعهعههعهعهع هههههههههههههههه هعهعهعهعهعهعهع هههههههههه هعهعهع هههه هع ذذ أضحـك الله سنك:D أسلوب رائع >>>>>>> دحيم هذا مصري مقعد حمرن عطر (صورة لطالب مصري بإبتدائية قاعد بأول ماصه ويفطر نقانق وتفاحه) .. لا قبصته مع إيده اللي تقل طرف لحاف شتاء تصير حمراء مكان قبصتك .. (الظاهر مأثرتن عليه جينات نبويه أكثر من جينات أبوه) هو صحيح إن الله باليه بركبن سود (علامة جودة سعودية) <<<<<<< شكـــــرا لك .. __________________ [ ولدتك أمك ياابن آدم باكيا 00 والنااس حولك يضحكون سرورا فاعمل لنفسك ان تكون اذا بكوا 00 في يومِِ موتك ضاحكاً مسرورا ]

09-09-2007, 11:26 PM	#8
حنين الاندلس عـضـو تاريخ التسجيل: Jun 2007 البلد: تاج القصيم المشاركات: 829	قصه رهيبه بس لوانت مكبر الخط ومقسم الموضوع مشكووور __________________

10-09-2007, 05:51 PM	#12
قباصة من القباصات عـضـو تاريخ التسجيل: Aug 2007 البلد: في البيت المجاور لبيت جيراننا المشاركات: 1,410	شكيتك رايح لمصر ها ؟؟ <<<<<<< ابعلم اهللك :D ^ ^ ^ هذا اخوي موبنا :D معليش دخلت الموضوع مرة ثانية عشان بقري اخوي الموضوع الي يفطس من الضحك هههههههههههههههه:D __________________ [ ولدتك أمك ياابن آدم باكيا 00 والنااس حولك يضحكون سرورا فاعمل لنفسك ان تكون اذا بكوا 00 في يومِِ موتك ضاحكاً مسرورا ]

09-09-2007, 03:54 PM	#5
إختصاصي تسويق عـضـو تاريخ التسجيل: Jul 2007 المشاركات: 69	وناااااااااااسة فيه احد مستانس من الموضوع اجل ابدبل اكبدكم بس لاتستعجلون خخخخخ تشكرين قباصه من القباصات >>>>> إسمك يوحي بالشراسة الله يستر تقبلي تحياتي

09-09-2007, 04:29 PM	#6
smsleem عـضـو تاريخ التسجيل: Jul 2007 البلد: تحت ظِلال النخيل..وفوق التربة الخصبة..أشم الهواء العليل..وآكل تمرة رطبة.. المشاركات: 336	هههههه.. أسلوب رائع.. وموضوع في الصميم..

09-09-2007, 10:38 PM	#7
إختصاصي تسويق عـضـو تاريخ التسجيل: Jul 2007 المشاركات: 69	تشكر أخوي ابومحمد ع المرور تقبل تحياتي

10-09-2007, 12:03 AM	#9
مفتاح 14 عـضـو تاريخ التسجيل: Aug 2007 المشاركات: 435	الصراحه انك مسنتر لاومارج الله ياخذك بس ، شكلك توك واصل من مصر

11-09-2007, 07:33 AM	#13
مفتاح 14 عـضـو تاريخ التسجيل: Aug 2007 المشاركات: 435	[QUOTE=إختصاصي تسويق;730561]كل على هواه[/Q اترك الهوى لا اهل الهوى

أدوات الموضوع
عرض نسخة قابلة للطّباعة ارسال هذه الصفحة لصديق
طريقة العرض
النمط المتتابع التحول إلى النمط المتشعب التحول إلى النمط الأحادي