[اكسبرس س]

الامثال التي يرددها الشيبان (دعوة لحصرها)امل المشاركة من الجميع

بكل صراحه كنت منسدح بالفراش وجتني هالفكره قلت خلنا نسدح (نطرح)الموضوع على الشباب

دائما مانسمع امثله من الشيبان بين مفردات كلامهم
لكن عيال الجيل المتطور يستبدلون الامثال بكلمات انجليزية ترادف العربية

بسم الله نبدء

لاتقول حب لين توكي
الباب الي يجيك منه ريح سده واستريح
اذاكان خويك عسل لاتلحسه كله
اضربه بالموت يرضا بالسخونه


وهذا مثل مصري
الي على راسه بطحى يحسس عليها

وهذا مثل سوري
الي يخاف من الضفادع مايغوص بالساقي


وفيه واحد بس عجزت اكمله الي فيه الي يخاف من الحيه ....الحبل

يله ياشباب ذكرونا خلونا نراجع المعلومات

يله من يبداء ويكفينا مثل واحد

[إكسير]

بمناسبة توه قاضي رمضان , , والربع مايقصرون بالنوم ,, وبعض المرات الصلاة شوي تتأخر . .


دايم ماتردد أمي " حفظها الله ووفقها " مثل قديم معروف بقصته . . وهو :

{ الفقعسي صام ولا صلى . . ليت الفقعسي صلى ولا صام }

واضحه السالفه من المثل .

[أميرة---الورد]

ما يجيك من الجوف عدو
الطعمة ما تجي إلا من صديق
يا بقةً بالدعيسة
الشق أكبر من الرقعة
الشبكة تعير المنخل
وش خانة الكويت ( هذا المثل قيل عندما كان أحد الشباب تهرب من أهله إلى دولة الكويت بسبب تقويمة لصلاة الفجر وهناك كانو الأخوة يوقضون الجماعة لصلاة الفجر فقال هذا المثل )

[بـريده ستـي]

هذا وهو بلح وشلون لصلح
تعبر بام شوشة الى ان تجيك المنقوشة

[حجر]

ومن يكن الغراب له دليلا
يمر به على جيف الكلاب
:D

[حجر]

الله يغيِّمْ بَه يفتِّحْ جِنِينِي

[الطيني]

اعرف امه قبل ماتضمه(تقال للخاطب)

[اخو دريحم]

رحمك رحمك إن ما حبك رحمك
الاقرب عقرب
مثلين متناقضين تقال للخاطب والمتزوج من الاقارب
اللي بطنه ريح ما يستريح
صكت باب أهل البصر

[جــواد الــفـــجــر]

ما حك جلدك مثل ضفرك

[راشد الصليحان]

ما اجمعه اخضير اكله الطير


هذا المثل من تأليفي انا ..!!

,,,,,

تمسك بام شوشوة لين تجيك المنقوشة


مثل بريداوي مشهور

,,,,,,,,,,,,

المرأة والبزر والأمير يحسبون الرجل على كل شيء قدير

جدتي الله يرحمها دايم تقوله ..!!

[المدحدر]

طقة براس غيري مثل شطب بالجدار

الي نفعه لغير اهله يقال له انت مثل النخلة العوجا ..

الباب الي يجي منه ريح سده واستريح

الضب مليان بطنه دبا

...

[المسفهل]

كــذلــكـ يـُـقــال لمــن لا فــائــدة فيــه مــن ولــد وغيــره :


[[ شخبــن طفـــح .. لا بيــدي ولا بــالقـــدح ]]



أمـّــا المثــل [ النكتـــة ] فهــو قــول تلــكـ الــزوجـــة عــن زوجهـــا :

[[ مـــن حـســـدُه وقــرّده .. مـــات وليلتــــي عنـــدُه ]]


:D :D :D

[waleed631]

إيولم العصابه قبل الفلقه
يقال للي دايم مسيعجل (حار)
مد لحافك (شرشفك) على قد رجليك.
؟؟؟؟؟؟؟؟؟؟؟؟؟؟؟؟؟
هذا بلى أبوك ياعقاب
؟؟؟؟؟؟؟؟؟؟؟؟؟؟؟

[قباصة من القباصات]

موضوع حلو ..


جااااك الموووت ياتارك الصلااة