 |
|
|
|
|
07-12-2007, 02:20 AM
|
#1 |
|
عـضـو
تاريخ التسجيل: Nov 2007
البلد: في بريدة
المشاركات: 891
|
قصة طلعة شباب فاضيه
السلام عليكم ورحمة الله وبركاته
اليو جايب لكم قصه من خيالي!! انشاء الله تعجبكم... قصة شباب.... وهم كالتالي: محمد كثير التأخر على الشباب عمر ولد ملقوف فهد ولد دب وكثير العناد عبدالله ولد محبوب جدا وهادئ عبدالعزيز ولد كثير الصمت والهدووء بدر ولد عصل قوووة لا حد انه مايفرقون بينه وبين المنقاش لاكنه محبوب عاصم ولد ثقيل دم -------------------------------------- ((طلعة شباب لإستراحه )) يالله مع القصه: محمد:السلام عليكم ياشباب ردوا جميع وعليكم السلام بدر:وراك جاي متأخر رد محمد:والله كنت مشغول قوة ولا حصلي اجي مبكر فهد: اخرت علينا العشاء تراك بدر:انت دب ماتفكر الا بالعشاء فهد:شايف نفسك عصل يعني خلاص اقوول ترا اذا قضينا من العشاء تعال ابيك ابنقش اسناني عبدالله:خلاص ياشباب وده يغير الموضوع على شان مايصر شيء ثاني ماشفتو الزعاج الي امس في الحارة عاصم:الاوالله سمعته وعجزت انام منه عمر:خلووه يستأنس متى يستانس اذا صار عمره 90هاه عبدالله:لا ماقلت شيء بس الناس وده تنام وتاخذ راحته بدر:والله انك صادق محمد:والله اني بغيت ابلغ الشرطه بس قلت ماله داعي يمنكن اول مرة يسوق ومستانس عمر:لا ليتك معلم الشرطة علشان يعرف يزعجنا عاصم:انت ياعمر تو تقول خله يستانس والحين تقول ليتك معلم فهد:مير هذا ملقووف ولا يعرف الا اللقافه بدر هو عليه العشاءالليله:يالله ياشباب اقلطوا تفضلوا فهد من يوم سمع الصوت بدا يشمر كمومه جوعان على المائدة عبدالله دايم ياكل شوي ويقوم يتركى على المركى عمر:الحين انت مسوي محافظ على جسمك ماتاكل الا شوي وتقوم ((يقصد عبدالله)) عبدالله:ماله دخل صراحه محافظ على جسمي فهد:انت تقل جراده كل بشويش ((يقصد عاصم)) عاصم:قل ماشاءالله كح كح كح عاصم مادرا الا جايته يد من عند ظهره فهد:ماشاء الله لاتخاف مو جايك شيء انشاء الله عبدالله:اقوول وين محمد بدر:والله مادري دايم يتأخر علينا بكل شيء عبدالله قام وراح ينادي محمد وصره قاعد عند الشاشة يقلب القنوات عبدالله:محمد وراك ماجيت تتعشاء محمد:تعشيتوا والله مادريت احسبكم قاعدين تلعبو كورة عبدالله:قم يالله بسرعه الحق عليهم محمد:زين هذاي قايم عبدالله وياخذ الريموت من محمد ويقلب القنوات ويطيح بذيك القناة آر تي ويشوف المباراة على العموم هو كان ناسي ان اليوم فيه مبارة مباراة الهلال × الاتحاد على العموم ترا كلهم هلاليين معدا عمراتحادي عبدالله:يقووم من القهر وينادي ارفقاه يالله اليوم المباراة تراه باديه بدر:ينقز ويرووح لم الشاشة المعلق ياسلام هجمه خطيره لأبو سعيد ياسر هل تاتي ام يتصدأ لها الدفاع يالله علييك يابو سعيد الله الله الله هدف خطير في هذه اللحظة قام عبدالله من الفرح يناقز وعمر معه منديل يمسح دموعه بخفيه لحظة الاعادة انطفاء الكهرب ضاق صدر الشباب معدا عمر قام يناقز من الفرح علشان مايضحكون عليييييه عبدالعزيز صاحب الصمت اول مرة يتكلم عبدالعزيز:عمر فرحت يالاتحادي ترا مباراة لا تخفي دمووعك عمر:اقوول اسكت ولا تتكلم قبل مايجيك القوووطي عبدالعزيز:سم لحضة صمت من الجميع بدا الكهرب يشتغل ولا كن الشباب ماشغلوا الشاشة بدوا بالسواليييف بدر:انت ياعبدالله وش بتصير انشاءالله عبدالله:مهندس بمشياء الله عمر:مهندس حدك تنظف بيتكم عبدالله:كل يناظر الناس بعين طبعه عمر:وش قصدك عبدالله:قصدي واضح بدر:وانت يامحمد محمد:طبيب انشاء الله بدر:وانت ياعاصم عاصم:مهندس بدر:وانت يافهد فهد:معلم بدر:مالقيت الا معلم فهد:ايه والله جايزتلي الوظيفه بدر:وانت ياعزووز عبدالعزيز:والله انا محتار بين دكتور ولا مهندس عمر:اقوول ترا الهندسة والدكتور تبي كلام مو صمت عبدالعزيز:محد طلب رايك ياملقوف الزمان عاصم:مسوي نفسه فيلسوف ملقوووف الزمان عبدالعزيز:ودك اقولك ملقوووف الزمان والله مو ملقوف ثقيل دم الزمان ومن السواليف الخرابيط محمد وعبدالعزيز: على اذنكم ياشباب نبي نمشي الشباب بصوت واحد اذنكم معكم عبدالله ينظر الا الساعة واذا هي تشير الا الواحدة والنصف ليلا عبدالله:يالله ياشباب ابمشي ومن يبي يجي معي بدر:انا والله ابيك تودين لم الجامع الكبير موقف سيارتي عنده عبدالله:سم ابشر من عيووني بدر:تسلم والله عبدالله و بدر على اذنكم ياشباب الشباب:اذنكم معكم عمر وفهد وعاصم فهد ماتبون نمر البقالة نشيري فصفص وسفن ونهجول عاصم:سامع بالهجوله غلط انت نهجول الحين الحزة عمر:يعني يالله وراه مانرووح للبقاله عاصم:اجل يالله مشينا فهد:ماصدق خبر يوم سمع الكلام يالله مشينا وراحوا لم البقالة وبدوا بالدوران والهجوله على مقال فهد --------------------------------------- وانتهت الحكايه بسلام تحياتي لكم ياشباب يالله عطوني رايكم فيها تراه من ((خيالي الواسع)). |
|
|
|
17-12-2007, 01:22 PM
|
#2 |
|
عـضـو
تاريخ التسجيل: Nov 2007
البلد: في بريدة
المشاركات: 891
|
ياأعضاء ردودكم تنير الموضووع
|
|
|
|
|
22-12-2007, 05:36 AM
|
#4 |
|
عـضـو
تاريخ التسجيل: Nov 2007
البلد: في بريدة
المشاركات: 891
|
مشكور اخوي
قناص القلوب على مرورك وارجو ان يكون قد حاز على رضاك >>ولا عمرك تطحبي ياشاطر<< |
|
|
|
 |
| الإشارات المرجعية |
| أدوات الموضوع | |
| طريقة العرض | |
|
|
النمط المتتابع
