&& [ القشة التي قصمت ظهر البعير ] رواية وتوليف [ مستكة إطلا ق يوسف]&&

مستكة · 31-05-2008, 11:35 PM

"إن الفن إبداع لقيم إنسانية
يخلق الفنان بمقتضاه عالما غريبا عن الواقع
دون أن يكترث في شيء بالحقيقة الموضوعية و بالوجود الخارجي "
<<== ماسكتن فلسفة

عاد ياجماعة إنتبهوا من هالفلفسة ذي
ترى هي اللي يقولون عنهـ إنه كتب الفكر مدري الكفر >>>
إيه الكفر هذا اللي أنا سمعته ,, بدون نقاش الله يرحم والديكم ,, مالاداعي يصك الموضوع

يجيك بعض الناس مايعرف ولا الأصول الثلاثة ويقعد يقرأ بكتب الفلسفة
,, ترى شينة تقرأ بالكتب
إي والله شينة
<<== يعرف ينصح

إي والله فرقعين يقعد لا صار باتسر إندورك ,,
ولااك ماحطن الخشة بحلاوة ,, ولابسن غترة ,, وكرفته
,, وماسكن صفحة الكاركتير بجريدة الوطن
<<== أدوخ على التوصيف

الصراحة إني مادري وش أقولكم بس ,,
ياخوان المنتدى ذا فتنة ,, مايهناك إلا لازم تدخله وتدور به
,, ولا بعد لا صرت توك مارن باجة
وماخذن ثلاث كيلو فصفص ضيافة ,,

على طاري الفصفص ,,
عندي نكتة //

يقولون به نملة تبي تقول فصفص قالت: فــثــفـث وراه ؟؟؟

متقلعات سنونه
الدكتورة قلعت سنونه علشانه ماحلت الواجب إهنء ‘هنء
<<== نكت بزارين

وبعدين الفصفص مايطلع إطعمه إكه إلا إذا شربت معه ديو
,, والله ياهو هبال العلي ,,

ومن هذا المنطلق
<<== موب عاقل صرت صالح جزرة

ودي إن أبومهند يدق على شركة الجميح
ويخليهم يلزخون لنا مكينة ببسي بقسم السواليف الكشكولية..
زي اللي عند مستوصف الفيحاء ,,

أبومهند الله يجزاك خير ترى نبي المكينة القديمة
,, مانبي الجديدة مثل اللي بمستشفى التخصصي
<<== والله ياهومصدق روحه

لأن المكينة اللي بالمستشفى التخصصي تبي كتلوج ,,
ولاحنا فاضين لا بغينا نشري إنادي المشرف السعودي
لأنه هو اللي يعرف للتقنية
ويعرف يفرمت الجوال
<<== تحس إن عقدته فرمتت الجوال

أنا أدري يبي يجي بريماكس ويصك موضوعي بالصقاط ويردف بالمركا,,
,, ويقول إذا عندك إقتراح رح للقسم حق الإقتراحات

ودي ياجماعة ألزخ الإقتراح ذا بس فشيلة
مابه مواضيع بقسم الإقتراحات والشكاوى ولا ودي أصير بجيح وأكتب إلحالي
إلا سان جاء معي دريم ونكتب الموضوع جميع ميخالف,,
شــوفوا
http://www.buraydahcity.net/vb/forumdisplay.php?f=25

شفتوا ياجماعة مابه مواضيع ,,
طيب أبومهند صك القسم وشوله خساير ,,
<<== موب عليمي

أو صح لازم يصير به القسم حق الاقتراحات ذا
علشان مثل شركة الحسون اللي بالسوق
هم عندهم صندوق إقتراحات وشكل أبومهند شاف الصندوق
وجازله وقال نبي نحط بالمنتدى مثلهه
وش حيثهم,,

بس أخاف لافتحنا الصندوق نبي نشوف الإقتراحات ,,
يطلع لنا قشور فصفص ,,
زي اسرة العطاء اللي بمركز النخيل
وكل هالأمور ذي والبلاوي ترى ماتجي إلا من صبيان المنتدى وأشيــاء أخر
. . .<<== مارن موضوع أبوالعباس

إنتهت المقدمــة ونخش بالموضوع ,,

<<== راعي طويلة الحبيب

<<== الحبيب ولا الفيحاء

اسمعوا ياجماعة اللي يؤيد
<<== متعوبن عليه يؤيد

نحط مكينة ببسي بالقسم ,,

يغز اصبعه الدبي ويرسل رسـالة SMS على الرقم 902

رسالة فارغة لا تقعد تكتب أهني أبو راشد على المولود الجديد
<<== تحسبه شريط المجد

ويالله عليكم مكينة الببس وعليّ الفول والسماط
<<<=== ذكريات فطور المتوسطة

وبمان الله عيــال ,,

تم إخراج هذا العمل وكتابة تنسيقه ,, وزبرقت الحروف ,, والمتابعة الصوتية والهندسة الضوئية ,, من طاقم العمل , وهــم /

التقديم والإعداد

أ.د عشــوان فتحي

التصوير المكساج

د.جروان جحلطي

تحميل القش فوق تنده الموتر وتلقيط القراطيس

أ. جهوري خــان .

الإخـــراج

مـــستكة إطلاق يوسف .

abo suliman · 01-06-2008, 12:11 AM

حبيبي مستكة زغلول ...

لو حطينا هالمكينة وملينا أبوهـ ببس وميرندات وحمضيات وسفن أبات ...

تبي تبلش بوحيد الخلان وطقته ..
الظهر الساعة ثلاث كل واحدن ناطل سيم المعلاق حق سراويل أبوهـ

وجاين ينخجر الثلاجة يبي ببس ..

لذلك قررت أني أحط سئيدهـ حارس للثلاجة ..
لكن شرطت على شرط واحد .. وقلت خل أعرضه على الشباب
تسانهم طاعو .. مي خالف ..
تقول ( أسمئي أبويا ثلاجت البسي هقنا واللهي مانهطها لهالها بالشارع , ممكن يجي التكروني مهمود ويشيل الببسي ويروهـ للهرم يبيعه مع الهنا حقت خالتي أم مهمود . وأبغا يابويا تكول الله يرهم والديكي أني أجلس أئند الثلاجة واهرسها .. وكل يوم أشرب 30 ببسي بس )

قولو له .. ماتبين توت

خوي السرور · 01-06-2008, 12:27 AM

وبعد نبي مكينة حليب .. للي يحافظون على صحتهم مثلي

~ [ جناح ] ~ · 01-06-2008, 12:53 AM

جاري الموافقة على التصويت للإقتراح الجميل .................................................. ........%ثلاث أشهر وحنا مصدقين إن شاء الله ,,,

الخفاش · 01-06-2008, 01:09 AM

أقول ما تبي يفتحون فرع الصواني بذيا

ولا يحطون كوفي شوب تعرف ما أشرب الا موكا بارد الساعه 3 الظهر من كل يوم
<< مهب يدعي أبد

عاد تصدق يوم دخلت قسم الأقتراحات ما لقيت به الا أنا همر على طول أهج
ماله داعي أقعد أخطف هالحين تعرف بعض الناس يتحين الفرص علي

اقتباس


	تبي تبلش بوحيد الخلان وطقته ..

هههههههههههههه
هههههههه

يجيب لكـ أربع قواطي ويشرطنهن همن بقء بقء بقء << صوت طرقعه البباسي جميع

اقتباس


	وبعد نبي مكينة حليب .. للي يحافظون على صحتهم مثلي

جب لكـ بقره طال عمركـ وأبد مكـ ديدهـ لمين تقول بس

طالب طب · 01-06-2008, 01:22 AM

هههههههههههههههه ..

الله ياخذ بليسكـ يا مستكة ..

جان ملع بالمصران الأعور وشريان الأورطى وكل الشلة ذولاكـ من الضحتس ..

>> هذا التخصص وش تبين أزين لكـ ..

اقتباس


	يقولون به نملة تبي تقول فصفص قالت: فــثــفـث وراه ؟؟؟ متقلعات سنونه الدكتورة قلعت سنونه علشانه ماحلت الواجب إهنء ‘هنء

الحين اللي تحتهن خط ذولي , هذا صياح ولا ضحكـ

بمان الله

الـدعساوي · 01-06-2008, 03:01 AM

مستكة ماعندك شغل

طيب وراه ماتنام

ولاتروح بالفلاحة

احسن لك من وجع الراس

والهرج اللي اوجعت روسنا به وش خلاك تقراوه تسانه يوجع راسك

وعلى طاري الديو

مستكة تخيل يمنعون الديو وش تبي تصير حياتك من دونه

ولا ماهمك ايه هين

طيب مستكة ودي افهم وش انت كاتب

على انك يعني هرج الخبوب بس جاري الترجمة

لاني عجزت امسك سالفة ..... غبي وش خليت
مستكة ....

اقتباس

تم إخراج هذا العمل وكتابة تنسيقه ,, وزبرقت الحروف ,, والمتابعة الصوتية والهندسة الضوئية ,, من طاقم العمل , وهــم /

التقديم والإعداد

أ.د عشــوان فتحي

التصوير المكساج

د.جروان جحلطي

تحميل القش فوق تنده الموتر وتلقيط القراطيس

أ. جهوري خــان .

الإخـــراج

مـــستكة إطلاق يوسف .

تعرف ذولا ولا منين ناسخهم

الله يعز نسخ ولصق صح ولا لا

لكنك عساك تعرف عربي تكتب هالانقلش

مستكة على العموم انت مبدع .... غصب عليك مبدع اجل ابشاورك

بس اقول وراك ماتغير مكاان اقامك تحط بدال الدعيسة

مصر ولا القاهرة لان قرقك كثير ....... وش عنده مايقرق واجد علم نفسك

والدعيسة ماتوقع تطلع مثل ذولا

اصلن ماطلع الا شرواي

والله مايبي شي هالمصري يمدح نفسه

مع السلامة ...... السلامة ولا الدخيل

وحيد الخلان · 01-06-2008, 03:19 PM

نبيه بس اهم شي تبيع شاني ولا برندا فراولة

لأني الصراحة اني صايرن أعز هالمشروبين من تالي .. خصوصاً لامنه صارت الدعوى رمضاء ..
شكراً يامستكة بن اقتراح أفندي ..

$مــمـــيــــز$ · 01-06-2008, 03:43 PM

ولا تنسى حليب بالبسكوت حق المراعي ،،

لأني طافـ(ن) بوه هاليومين

دريم · 01-06-2008, 05:50 PM

هلا و الله بـ مستكه أبو الونات

مشاء الله أجل جاء موضوعكـ و طلعن الرواتب
وين الغيـبات ياخلفهم ,, بي ولهن عليك لو وزع على بريدة ستي لكفاهم

تراي أرست رقم الحساب

نرجع لموضوعك
الصراحه إنوووه هاجتن بووووووهـ الى ماقـآل بس

يعني تـبـيهم يـحطون مكينه اللي تحط به ريااااااال الله لا يخسر
ورااااااااهـ حنا فلووووس زي خوي السرور !!
المفروض يحطون لنا ببسي مكينه زي اللي بالمطاعم
لأني دايم أشوف أبو فـلبن اللي بهرفي يعبي منه ,, و دي أعبي مثله ,, شكله أنواع الونااااااسه

الصراحه إنه اختراع جدير بأن الواحد يجربه

ويامستكه لنا يوم نبي نروح لم غرفة المشرفين ,, هم يبي يصكون الباب بوجيهنا لشافوا خشك

بس نبي نروح لهم اذا قيلوا الظهريه ,, يصيرون نيمين و لابه أحد
وتبي تشوف العز و البوفيهات و الشواهي و القهاوي و الدلال . . .

وجـآي أنت و خشكـ بإقتراح مكينه . . . هزلت

اقتباس


	إلا سان جاء معي دريم ونكتب الموضوع جميع ميخالف,,

و الله مـستعدين ,, بس تراي ما أعرف أقترح و لاعندي شي لأنه ذي يبي له تفكير

أما عن الشكاوي ,,
عاد ياحسره وش تبي تكتب الشكاوي ,, تقول يا بو مهند العضو فلان غلط علي

وراهـ مدرسة إبتدائي تروح للمرشد و تقول فلان ضربن يا أستاد
أي واحد ما جازلك علمن نروح نفقع وجهه بلا شكاوي بلا هك

_العائد الأول_ · 01-06-2008, 11:51 PM

اقتباس


	عاد ياجماعة إنتبهوا من هالفلفسة ذي ترى هي اللي يقولون عنهـ إنه كتب الفكر مدري الكفر >>> إيه الكفر هذا اللي أنا سمعته ,, بدون نقاش الله يرحم والديكم ,, مالاداعي يصك الموضوع يجيك بعض الناس مايعرف ولا الأصول الثلاثة ويقعد يقرأ بكتب الفلسفة ,, ترى شينة تقرأ بالكتب إي والله شينة <<== يعرف ينصح

الله يخس أبو عيالك
والله انك منتهي ..
أنا ماادري وراه أحبك..
ماقلتلك من قبل انك باخص بالمنتدى وانت توك مسجل!!لاتصير بس...فراغ

تراي والله اني شاك!!

تدري ليش صكو الموضوع ؟!

عشان العضو ذاك خاف ان العضو ((الأول

)) يمردغه له بكلام يكسر راسه
فجاء سماحة اللي يقدر يصقط الموضوع بالصقاط وسكره تدري ليش؟؟
عشانه خويه..
عاد همر يجي العضو((الأول

)) ويرد على رده الاخير برد كسر راسه فمادري إلا والموضوع
محذوف بدال مايصير مثل الموضوع الأول يسكر..
يارجال لامنه صارت الإداره لعب وكل من بغى يسكر موضوع ويفتحه ودك تكبر عليه أربعا!!

وتشوف بعضهم ماقدر يواجه الحجة بالحجة ..يعني اللي يرى رايك ماقدر يصمد للنقاش

وبعدين لحضة قلت بعض الناس يجيك ماقرأ إلا الأصول الثلاثة بعني بعض الناس مهب كلهم((فهمت وش أنا أبي))يعني ترى البعض الثانين قاري بالعقيدة اكثر مماقرا المشايخ أنفسهم فهمت يابعدهم وترى مهب لازم يقوله للناس..
تحياتي..
محبك:
العائد الأول.

مستكة · 02-06-2008, 03:06 AM

^^^^^^^

خلفهم أنت يابو عايد إستلم الرسالة الخاصة المفعمه بالرفس . .
<<== الله يستر

,,

31-05-2008, 11:35 PM	#1
مستكة عـضـو تاريخ التسجيل: Apr 2008 المشاركات: 257	&& [ القشة التي قصمت ظهر البعير ] رواية وتوليف [ مستكة إطلا ق يوسف]&& "إن الفن إبداع لقيم إنسانية يخلق الفنان بمقتضاه عالما غريبا عن الواقع دون أن يكترث في شيء بالحقيقة الموضوعية و بالوجود الخارجي " <<== ماسكتن فلسفة عاد ياجماعة إنتبهوا من هالفلفسة ذي ترى هي اللي يقولون عنهـ إنه كتب الفكر مدري الكفر >>> إيه الكفر هذا اللي أنا سمعته ,, بدون نقاش الله يرحم والديكم ,, مالاداعي يصك الموضوع يجيك بعض الناس مايعرف ولا الأصول الثلاثة ويقعد يقرأ بكتب الفلسفة ,, ترى شينة تقرأ بالكتب إي والله شينة <<== يعرف ينصح إي والله فرقعين يقعد لا صار باتسر إندورك ,, ولااك ماحطن الخشة بحلاوة ,, ولابسن غترة ,, وكرفته ,, وماسكن صفحة الكاركتير بجريدة الوطن <<== أدوخ على التوصيف الصراحة إني مادري وش أقولكم بس ,, ياخوان المنتدى ذا فتنة ,, مايهناك إلا لازم تدخله وتدور به ,, ولا بعد لا صرت توك مارن باجة وماخذن ثلاث كيلو فصفص ضيافة ,, على طاري الفصفص ,, عندي نكتة // يقولون به نملة تبي تقول فصفص قالت: فــثــفـث وراه ؟؟؟ متقلعات سنونه الدكتورة قلعت سنونه علشانه ماحلت الواجب إهنء ‘هنء <<== نكت بزارين وبعدين الفصفص مايطلع إطعمه إكه إلا إذا شربت معه ديو ,, والله ياهو هبال العلي ,, ومن هذا المنطلق <<== موب عاقل صرت صالح جزرة ودي إن أبومهند يدق على شركة الجميح ويخليهم يلزخون لنا مكينة ببسي بقسم السواليف الكشكولية.. زي اللي عند مستوصف الفيحاء ,, أبومهند الله يجزاك خير ترى نبي المكينة القديمة ,, مانبي الجديدة مثل اللي بمستشفى التخصصي <<== والله ياهومصدق روحه لأن المكينة اللي بالمستشفى التخصصي تبي كتلوج ,, ولاحنا فاضين لا بغينا نشري إنادي المشرف السعودي لأنه هو اللي يعرف للتقنية ويعرف يفرمت الجوال <<== تحس إن عقدته فرمتت الجوال أنا أدري يبي يجي بريماكس ويصك موضوعي بالصقاط ويردف بالمركا,, ,, ويقول إذا عندك إقتراح رح للقسم حق الإقتراحات ودي ياجماعة ألزخ الإقتراح ذا بس فشيلة مابه مواضيع بقسم الإقتراحات والشكاوى ولا ودي أصير بجيح وأكتب إلحالي إلا سان جاء معي دريم ونكتب الموضوع جميع ميخالف,, شــوفوا http://www.buraydahcity.net/vb/forumdisplay.php?f=25 شفتوا ياجماعة مابه مواضيع ,, طيب أبومهند صك القسم وشوله خساير ,, <<== موب عليمي أو صح لازم يصير به القسم حق الاقتراحات ذا علشان مثل شركة الحسون اللي بالسوق هم عندهم صندوق إقتراحات وشكل أبومهند شاف الصندوق وجازله وقال نبي نحط بالمنتدى مثلهه وش حيثهم,, بس أخاف لافتحنا الصندوق نبي نشوف الإقتراحات ,, يطلع لنا قشور فصفص ,, زي اسرة العطاء اللي بمركز النخيل وكل هالأمور ذي والبلاوي ترى ماتجي إلا من صبيان المنتدى وأشيــاء أخر . . .<<== مارن موضوع أبوالعباس إنتهت المقدمــة ونخش بالموضوع ,, <<== راعي طويلة الحبيب <<== الحبيب ولا الفيحاء اسمعوا ياجماعة اللي يؤيد <<== متعوبن عليه يؤيد نحط مكينة ببسي بالقسم ,, يغز اصبعه الدبي ويرسل رسـالة SMS على الرقم 902 رسالة فارغة لا تقعد تكتب أهني أبو راشد على المولود الجديد <<== تحسبه شريط المجد ويالله عليكم مكينة الببس وعليّ الفول والسماط <<<=== ذكريات فطور المتوسطة وبمان الله عيــال ,, تم إخراج هذا العمل وكتابة تنسيقه ,, وزبرقت الحروف ,, والمتابعة الصوتية والهندسة الضوئية ,, من طاقم العمل , وهــم / التقديم والإعداد أ.د عشــوان فتحي التصوير المكساج د.جروان جحلطي تحميل القش فوق تنده الموتر وتلقيط القراطيس أ. جهوري خــان . الإخـــراج مـــستكة إطلاق يوسف . __________________ ياحبيلكم كلـكـم آخر من قام بالتعديل خوي السرور; بتاريخ 01-06-2008 الساعة 12:15 AM. السبب: المكينة تبونه تشتغل على 110 ولا 220 ؟

01-06-2008, 12:11 AM	#2
abo suliman لحظات مودع ..! تاريخ التسجيل: Aug 2006 البلد: بريدهـ- المشاركات: 4,127	حبيبي مستكة زغلول ... لو حطينا هالمكينة وملينا أبوهـ ببس وميرندات وحمضيات وسفن أبات ... تبي تبلش بوحيد الخلان وطقته .. الظهر الساعة ثلاث كل واحدن ناطل سيم المعلاق حق سراويل أبوهـ وجاين ينخجر الثلاجة يبي ببس .. لذلك قررت أني أحط سئيدهـ حارس للثلاجة .. لكن شرطت على شرط واحد .. وقلت خل أعرضه على الشباب تسانهم طاعو .. مي خالف .. تقول ( أسمئي أبويا ثلاجت البسي هقنا واللهي مانهطها لهالها بالشارع , ممكن يجي التكروني مهمود ويشيل الببسي ويروهـ للهرم يبيعه مع الهنا حقت خالتي أم مهمود . وأبغا يابويا تكول الله يرهم والديكي أني أجلس أئند الثلاجة واهرسها .. وكل يوم أشرب 30 ببسي بس ) قولو له .. ماتبين توت __________________ , , ,

01-06-2008, 12:27 AM	#3
خوي السرور عـضـو تاريخ التسجيل: Jan 2005 البلد: بريدة ـ الاسكان 4 شرق مسجد كعب الإحبار <<< ييزي ؟ المشاركات: 8,848	وبعد نبي مكينة حليب .. للي يحافظون على صحتهم مثلي __________________ في بريدة ستي .. كانت لنا أيام : http://www.buraydahcity.net/vb/showthread.php?t=262111 ( قلب حب 1 )

01-06-2008, 03:19 PM	#8
وحيد الخلان عـضـو تاريخ التسجيل: Apr 2006 البلد: بريدة المشاركات: 4,378	نبيه بس اهم شي تبيع شاني ولا برندا فراولة لأني الصراحة اني صايرن أعز هالمشروبين من تالي .. خصوصاً لامنه صارت الدعوى رمضاء .. شكراً يامستكة بن اقتراح أفندي .. __________________ تحدك ظنونك على ضيق حلمك.. و تسري بي أحلامي على وسع .. ظنك ! (h)

01-06-2008, 03:43 PM	#9
$مــمـــيــــز$ عـضـو تاريخ التسجيل: Feb 2008 البلد: in the disign .. المشاركات: 485	ولا تنسى حليب بالبسكوت حق المراعي ،، لأني طافـ(ن) بوه هاليومين __________________ . . . . انقــر بالماوس هنـا " [flash=http://www.buraydahcity.org/aba06/Untitled-1.swf]width=425 height=319[/flash] .." "..

01-06-2008, 12:53 AM	#4
~ [ جناح ] ~ عـضـو تاريخ التسجيل: Apr 2008 البلد: وددت لو حويت العالم بقلبي ..! المشاركات: 2,548	جاري الموافقة على التصويت للإقتراح الجميل .................................................. ........%ثلاث أشهر وحنا مصدقين إن شاء الله ,,,

02-06-2008, 03:06 AM	#12
مستكة عـضـو تاريخ التسجيل: Apr 2008 المشاركات: 257	^^^^^^^ خلفهم أنت يابو عايد إستلم الرسالة الخاصة المفعمه بالرفس . . <<== الله يستر ,, __________________ ياحبيلكم كلـكـم آخر من قام بالتعديل خوي السرور; بتاريخ 02-06-2008 الساعة 03:11 AM. السبب: راعي مرافس انت