[أنا شاطر]

السلام عليكم

آبهرج عن بعض أهل بريده ومهوب كلهم



ياكثر اللي يحلل لنفسه ويحرم على غيره !!


يعني يجيك واحد عليه أنواع المعاصي ويجي ينصحك عن المعاصي ونسى نفسه !!


آقرب مثال/

واحد من آخوياي شاف بكت دخان بمخباتي وجلس ينصحن يمكن ساعه أو ساعه وربع

وآنا فشلت منه وصرفت له وعود بترك الدخان


مرت الآيام وعزمت بحوش

دخلت ولقيت اللي ينصحن يشيش

قلت له ياولد قريح تنصح ذاك اليوم وتحدث وتفلسف علي وآنت تشيش !!!

قال يأخي الله بلان !!





فأتمنى من اللي يبي ينصح يشوف نفسه قبل توجيه أي نصيحه


سي يو ،،،

[بسمة تحدي]

لا حول ولا قوة الا بالله عاد ذي ماتوصل وبعدين مب كل اهالي بريدة القليل ..!

[أنا شاطر]

ماتوصل !!!


ياكثر الآشكال هذي


منوره بردك ،،

[منار الحق]

لو كان الامر بيدي لاعطيت اسود الفضيله حفظهم الله الصلاحيات الكامله لسجن وعقاب جميع المدخنين ليعلموا هؤلاء العصاه ان لاهواده معهم.

[بروق في العتمة]

أخي وياحبيبي..

من يدخن وينصح المدخنين خير من أن يدخن ويعين على التدخين..

ولا تنسى أليس هناك منهو معصوم من بني البشر إلا رسول الهدى صلى الله عليه وسلم

(القابض على دينه كالقابض على الجمر)

[أنا شاطر]

اقتباس المشاركة الأساسية كتبها منار الحق لو كان الامر بيدي لاعطيت اسود الفضيله حفظهم الله الصلاحيات الكامله لسجن وعقاب جميع المدخنين ليعلموا هؤلاء العصاه ان لاهواده معهم.

وش تبي أنت بالضبط ؟؟

شكلك مضيع !!

أقر الموضوع زين همن تعال رد

شكلك من اللي آهرج عنهم !ّ!

اقتباس المشاركة الأساسية كتبها بروق في العتمة أخي وياحبيبي.. من يدخن وينصح المدخنين خير من أن يدخن ويعين على التدخين.. ولا تنسى أليس هناك منهو معصوم من بني البشر إلا رسول الهدى صلى الله عليه وسلم (القابض على دينه كالقابض على الجمر)

أخي الكريم أنا جبت التدخين كمثال هناك أمور أعظم وآشد

يعني واحد يرابي وينصح ويحذر من الربى

هل يعقل ؟؟؟؟؟؟؟؟؟

[سام 666]

ارجو عدم الجمع ب اهل بر يدة هناك في بريدة اكثر من اربعمائة الف نسمه

[افراق]

والله شوف ياكثر الاجناس اللي مثل كذا

واللي يرد عليك ويقول قليل مره اللي مثل كذا هذا ماشاف شي

بصراحه واذا تزعل الصراحه لا تقرا ردي

المهم مو صدز انت تدخن او تسذب بس جايبه مثال ههههههههههه

لا انا يحصل لي مثل كذا يعني مدري حلال عليهم حرام عليناا بس تراه مهب دخان يعني امور ثانيه

وبالنسبه لخويك تراه الشيشه ازين من الدخان خذ شوري <-- لا تجيب العيد هههههههههههههههههه

لا امزح معك لاكن الله يهدي الجميع

يمكن لي باك

سلام

[Qassimy online]

إعتراضك اخي العزيز
على أنه لماذا ينصحني بترك فعل المحرم
وهو يفعله ؟
أو بمعنى آخر لايظمن نفسه أنه في يوم من الأيام قد يفعل هذاالمحرم
وان الله لن يبتليه مثل ما ابتلى صديقك (راعي الشيشة)!
اذا كنت سوف تطرح تساؤلك بنفس الطريقة
اذن فعلى الذي ينصح الناس بترك المعاصي والذنوب
أن يظمن نفسه بأن لايعصي الله ابدا ويفعل كل ما يأمر به
وهذا بالتأكيد غير منطقي
لأنه يبحث عن (ملك) ينزل من السماء ليقوم بهذا الدور .
أحمد ربك أن صديقك (ولد قريح) كان ينصحك فقط
ولم يكن يملك صلاحيات سجنك او معاقبتك
كما اراد صديقنا ( منار الحق )!!

تمنياتي لك بالصحة وترك التدخين

[قصيمي من بريدة]

اقول عز الله انك اسم على مسمى

[الـدعساوي]

انا شاطر


وراك تقول العنوان اهالي بريدة

وراك ماقلت الناس اوشفت شي اعم

لانه هذا الشي منتشر بكل مكان

او لكل بارز اعداء


لكن ابقولك مب لازم اللي ينصحك يكون ماعليه اخطا ولا شي

بالعكس اذا كانت كذا تكون النصيحة مقتصرة على الملتزمين

وهذا خطا

الواجب ان الجميع يكونو متناصحين بينهم

جزاك الله خير


يقول الرسول صلى الله عليه وسلم(كل أمتي معافى إلا المجاهرين، وإن من الإجهار أن يعمل العبد بالليل عملا، ثم يصبح قد ستره ربه، فيقول: يا فلان! قد عملت البارحة كذا وكذا، وقد بات يستره ربه، ويصبح يكشف ستر الله عنه )متفق عليه

[معتدل]

المشكلة فينا أننا مانقتنع إن عندنا أخطاء ونجي نقول ليش ماتقول عند المسلمين كلهم
ياناس عدلوا أخطائنا اللي هي منتشرة عندنا ببريدة
الحسد ــ اللمز ــ الحكي بفلان وعلان ــ اللعانة ـــ الباطن غير الظاهر عند البعض ــ ........

[صافي النية]

أسأل الله لك ولصديقك الهداية والعون بترك التدخين,,
في الحقيقة هذا الأمر الذي حصل لك لا يكون في بريدة فقط ,أنت رأيته هنا فقلت أن أهالي بريدة أو قلت القليل منهم يفعلون ذلك ,فليس مبرر لك بما أنك رأيت هذا الفعل بأن تقول أنه في بريدة فقط ,
وأيضاً عنوانك للموضوع غير مناسب لمضمون موضوعك, فيه قلت الكل وفي موضوعك قلت البعض..كيف يجتمع ذلك..؟؟!!
وجهة نظري حول الموضوع,,
شكراً لك عزيزي انا شاطر,,


دمت بخير..

[أبو رُبـــــى]

يقول الشيخ : سليمان العلوان فك الله أسره .. النصيحة واجبة على كل مسلم فشارب الخمر يجب أن ينصح عن الخمر ويحذر منه ...فالنصيحة ليست مقتصرة على أحد لا ملتزم ولا غير ذلك ..