[النمس انا]

جيت مرة اشغل سيارتي وعيت تشتغل حاولت عدة مرات
لكن دون فائدة مع العلم انها full والبطارية ممتازة وكل شي تمام
زعلت على السيارة وسـ............... وشـ............ وبعدين
جلست بالسيارة افتش بعض الاوراق ..... بس كذا
تفاجأت يا حبايب وش تتوقعون لقيت ؟!
لا تروحون بعيد
لقيت الاستمارة مطوفة
يعني تبي تجديد
عرفت السبب الذي جعلها ما تشتغل اثرها تبي تجديد قلت ياولد رح للمرور جدد
رحت للمرور معي جميع الاوراق المطلوبة اعطيتهم اياها
قالو لي رح سدد بالالة ...... قلنا و نسدد بالالة
خرجت من باب المرور ورايت صرافة بنك الرياض
قال لي واحد ؟
اسدد لك يارجل قلت نعم والله خدمة عشر نجوم
قبل اعطية الاوراق سألتة كم تأخذ ؟....... وهذا مطلوب من الجميع قبل يعمل لك احد شي قل كم تبي
قال كم المبلغ المطلوب تسددة ؟ قلت 375 قال خلاص اسدد لك ويصير المبلغ 400
قلت لة سلام عليكم وقلت في نفسي ياخذ 25 ريال على اي شي ؟
لو قال عشرة او 15 هذة معقولة اما 25 ما يصير
اما صحيح بعض الناس فيهم طمع وجشع يحسبون الغنى بكثرة المال ما درو ان الغنى بالقناعة والبركة
اللهم اقنعنا بما رزقتنا
وابشركم انها تيسرت ولله الحمد
رحت لصرافة الراجحي التي عند سامرة وسددت على كيفي ولا وجع راس ولا حط ايدك في جيبك
صدقوني هذا ليس قطع رزق ولكن ليش اترك بعض الناس تستغفلني ؟
لو كان احدكم مكاني ماذا سيفعل ؟
اعطوني رايكم هل انا على خطأ او صواب ؟

[قرقو]

صح عليك

[هاجر222]

يقول المثل مايخدم بخيل طيب هذا معقب المارض يأخذعليك خمسين للاستماره ومائه ريال للفحص عادي ياخي

[قرقو]

^

شكلك انت اللي عند المرور خخخ

[الشاعر]

كل عمليه بالصراقه ياخذ عشر ريال *** وعليك الحساب
طيب اللي عليه قسايم ياخذ كل مائة ريال عشر ريال

[عـزتي في سمـو ذاتي]

صح عليك

[* أبوحسان *]

برااااااااااافو عليك

[السديم]

لكن الكلام ليش تجديد الاستمارة يكون سالفه طويله ومتعبه
للشباب فمابالك بكبار السن واصحاب العاهات

[حورالقلوب]

المسألة باختصاااااااااااااااااااااااااااااااااااااار :

احنا عجااااازين نبي كل شي عندنا وكل شي تمام وكل شي بسرعة

والا وشو المانع اني اسدد وافحص و ....

تعودنا على الراحة

ادري بيطلع لي واحد ويقووول اذا ما نفع الريال اليوم متى ينفع؟؟؟؟؟؟؟؟؟؟؟؟؟؟

[فوق الغمام]

اقتباس المشاركة الأساسية كتبها حورالقلوب المسألة باختصاااااااااااااااااااااااااااااااااااااار : احنا عجااااازين نبي كل شي عندنا وكل شي تمام وكل شي بسرعة والا وشو المانع اني اسدد وافحص و .... تعودنا على الراحة ادري بيطلع لي واحد ويقووول اذا ما نفع الريال اليوم متى ينفع؟؟؟؟؟؟؟؟؟؟؟؟؟؟

المشكله مابه صرافة الراجحي عند المرور

[سليمان محمد العرفج]

كفو والله كذا الرجال ولا يابلاش


ليت الناس تتعلم مثلك

[النمس انا]

صحيح انا معك ما يخدم بخيل
لكن ليس هذا المبلغ على هذة الخدمة وهذا الجشع
ونسيت اكمل لكم قصتي ......
يوم جددت الاستمارة ما امداي احط المفتاح الا اشتغلت سبحان الله
شفتو فائدة تجديد الاستمارة

[ابو رينز]

الي انا الاحظ شخصياً
انهم طول الوقت يدردبون بايسن ويقبعون زقاير
يعني المكسب مصروف عند البقالة الي على يسار الصرافة
ههه ههه ههه
لا ويبتل يصوت لك لين توصل السيارة يالحبيب يالاخو تبي تسدد يالطيب
يالشيخ
بالحيل تبي الشيخة

[narran]

طيب وشلون رحت للمرور من وداك ولا رحت بتاكسي يعني 25 ريال للتاكسي و25 لو انت دافع للرجال ااكيد راحت عليك 50 اشون لك خدمت روحك ورحت لللي عند ساميرا