[عذووووب]

السلام عليكم حياااااااااااااالله بنات بريدة

أنا كنت في أحد المنتديات وشفت هذي هالقصيدة عن الشباب اللي يغازلون البنات

ولأقينهن هك وكذب وخذا وخل من الحب والعشق الووووووهمي

المهم عاااااد احس شبت نااااااار بجوفي منهم هالشباب اللي الواحد ينسى انه بكرا يبلى بأهله

الزبــــــــــــــدة وماااافيها إني عالطول رديت على هالقصيدة بهالبيتين

فأنا أبي نقدكم ورأيكم

وماني لاشاعره ولا شيء بس مثل مايقول مسكااااااااات فقط

هذي القصيدة للشباب

تركنا الحـب غصـب وطـوع للعيـن الشقاويـه

يابنت أنتي على بالك أبأخذ مـن بنـات الشـات؟

أجل مجنـون أنـا يابنـت أشيـل العقـل بيديّـه؟

ترى أكبر شيء يربطني مِعك جوال أبو شاشـات

وهاتـف ينقـل أشواقـي علـى نبـرات سلكيـه

وترى كل العلوم اللـي عطيتـك بالهـوى كذبـات

وحتـى دمعتـي يـوم الفـراق الصعـب كذبيـه

هـذاك اليـوم ماهلـت عيونـي لجلـك الدمعـات

لأن الدمـع ماينثـر بقـصـه حــب وهمـيـه

أنا أضحك مِعك واضحك منك ..عليك أكثّر الضحكات

كأنـي بالهـوى جنـي.. يعـبـي راس جنـيـه

وأنا ماني بخكري يلبـس القمصـان.. والشرتـات

ويفـرح قلبـه المسكيـن إذا حــب الدوينّـيـه

أنا مـن لابـةٍ أروت ضمايـا سيوفهـا الغـزوات

خلايا جسمـنـا عـاشـت عـلـى دم القبيلـيـه

ودهنتي شعرك الأسود بألـوانٍ مـن الصبغـات

وعيـت تقبـل الصبغـه ملامـحـك الخليجـيـه

وحشرتي ردفك المسكيـن بالبنطـال ..والجنـزات

خلاقـيـنٍ تصنّعـهـا مـزاجـات اليـهـوديـه

عشاني ميـتٍ فـي ثغـرك الأحمـر أبـو لمعـات

تحسبينـي أبرضـخ لـك لأن إشفـاك ورديـه ؟

ورب الكون مأرضى فيك لو إنك شيخـة الحلـوات

وإذا صمـل علـيّ العلـم أكـب ارض السعوديـه

يابنت الناس عزك فـي سـوادٍ يستـر العـورات

وعزي في شماغ أحمر.. وثوب أبيـض.. وطاقيـه

سعودييـن نفخـر فـي عبـايـات السعـوديـات

نغـض الطـرف إجـلالً إذا شفـنـا السعـوديـه

وخليجييـن نفخـر فـي عبـايـات الخليجـيـات

نغـض الطـرف إجـلالً إذا شفـنـا الخليجـيـه

عاااااد هذا ردي أنا حضرت سموي


وليش ماترفع طرفك لرب البريات

وتطلب المغفرة بخدعك على البنيات

ماتدري انك زدت من رصيد السيئات؟

ومافكرت بتوبك وإلاانت شباب توها المنيات

لاتغرك الدنيا وتغرها بخدعك على هالمسلمات

بكرا وش يفيد لامنه كنت بعداد الاموات

وش جوابك يوم الحشر عند رافع السموات

فارجع لربك واطلب التوبةعن زلتك والهفوات..