هدفي في الحياة إني أكون مثل كابتن بسام .... لا تفووووووتكم تغشى من الضحك ...

الطيــــر · 18-01-2003, 02:55 PM

بسم الله الرحمن الرحيم

كيف الحال ؟

وش علوووووووومكم يا شعب الألغاز والطرائف
من زمان عنكم و انا ادري انكم اشتقتو لي بس منتم عارفين وشلون تعبرون عن مشاعركم
هالموضوع عباره عن وساعة صدر يعني صحيح ان فيه مصاله بس وش اسوي لازم الواحد يكون فيه هبوط بمستواه الفني ( مسوي متواضع )

استلمو الموضوع و ان شاء الله يعجبكم

كنت ولد صغير ( احلف بكل ما اوتيت من قوه ) و كان هدفي بهالحياه اني اصير مثل كبتن بسام .. يا حبي له ذا الادمي لا طلع في التلفزيون خصوصاً لا رفع كمه و يطلع كتوفه هاللي كنها خدود غورلا والله اني اقوم و احاول اني اقلد ضربة الصقر حقته اللي كسرت الجدار ( والله من هالنصبات الكوره تخترق الشبك و عقبها تصقع الجدار و تكسره و تسوي فيه حفره , بس وش نقول كراتين )

عقبها كبرت و وصلت الثانوي و حلمي اني اصير مثل بسام بس عيال اللذينا ما كانو يحطوني معهم بمنتخب المدرسه و يقولون لي رح العب كيرم اصرف لك

تعرفت على واحد داشر اسمه صلبوخ اشهب غبر يبي له حمام سونا .. لو تشوفه تقول ان هذا هو سبب العج اللي في الرياض كله و عليه اذاني تقول كنها ثلاث هنود متقاطين على قوطي تونه و عليه جلد تقول تمساح قاعد يتشمس ( ما يعايب الا المعيوب ) صلبوخ ذا لو تقول له وش حكم الصيام بيقول لك مكروه يعني الولد رايح بعين ام جد خال عم الدعوى و فاهم الدنيا غلط و الرومنسيه عنده عباره عن بكت دخان احمر ( يا اخوان والله التدخين حرام و انا من هذا المنبر ادعوكم انكم تدخنون دخان ميريت تراه خفيف ) >>> ابوك يالنصيحه

في يوم من الايام و كان يوم خميس رحت عند ملحق بيت صلبوخ و كان فيه اخوياه اثنين ابو عابد و طاحوس اشكالهم و هم جنب بعض تقول قطوتين يتغزلون ببعض جلست معهم و خشينا جو بالسوالف و طلع صلبوخ اربع زقاير .. قال طاحوس : يا لبا قلبك يا صلبوخ اثر عندك من هالزين و لا تعلمنا عطني بس خل اعدل مزاجي ... و انا قاعد افكر باللي يقوله قلت وش هاللي يعدل المزاج .. و شوي الا اطاحوس شفط شفطه وحده و قام يناظر بعيوني و يقول : والله اكبر يا عيونٍ ناظرني كم مره فاز الهلال على النصر لو غراش الببسي صارت كمبويتر .. عطاني صلبوخ زقاره و قال جرب ما راح تخسر .. قلت لا والله ما ودي ياخوي .. قال ابو عابد : يا رجال جرب منتب ندمان و تراني متاكد ان ما لك هدف بهالحياه يلا جرب بس .. قلت : الا هدفي اني اصير مثل بسام .. قال صلبوخ : الفقه بس اجل بسام نعنبو ابليسك الناس يبون يصيرون دكاتره و مهندسين و انت هدفك تصير مثل بسام اقول تعوذ من ابليس و خذ الزقاره بس .. قلت : قدام و الريوس مفصول ..

و شفطت شفطه وحده و الا اشوف قدامي عشرين سوداني تلحقهم الدوريه و هم يفكرون بطريقه تخليهم ينحاشون من الدوريه بس الدوريه حاجرتهم حجرة قطاو .. قلت : يا صلبوخ ودك نفتح مشروع تجاري .. قال صلبوخ : والله ما عندي اشتراك انترنت .. قال طاحوس : ياخوي لو انك شاري لك ماوس كمبيوتر كان على الاقل قدرت تولع لمبة بيتكم الخربانه .. قلت : ما يحتاج اصلاً كل هالعنوه المفروض انكم تروحون البر اصرف لكم من هالسيراميك اللي عايشين فيه .. قال ابو عابد : والله ما خرب هالدنيا الا احدعش سبتمبر ( والله يجي منهم هالدشير ) .. قمنا نسولف و نحشش و نبربس و لحقنا الدفاع المدني

عقب ما صحينا طلعت من الملحق .. عقب هالوناسه انصحكم بالحشيش والله انه حلو (وجه احمر و يقطر دم و شري) ..

تذكرت ان امي قالت لي جب خبز و رحت المخبز شريت خبز من نفس المخبز اللي رحت له ( احس انها جمله غير مفيده )

دخلت البيت
امي : وجع وش ذا شاري خبز صامولي يلا رح بدله و جب لنا خبز تميس
انا : طيب يمه شريت لس خبز صامولي تبيني اروح في ذا الليل عشان ابدله
امي : والله ما علي منك تروح الحين و تبدله !! ..
انا : والله ما ابدله
امي : الا بتبدله غصبٍ من ورى خشمك الصغير ( قولي قسم )
انا : منيب مبدله يعني منيب مبدله
امي : يلا انقلع و جب خبز و الا اطلع من البيت و لا ترجع ( دايم تسويها فيني و تخليني اجلس في الشارع بعز القايله الين ما صارو يسموني حمار القايله )

عصيت امي <-- احلى يا قوي يا عاق الوالدين انت

طلعت من البيت و انا مطرطع و قافله معي و الضغط مرتفع عندي ( كني في خشمك منتفخ ) و قمت امشي و امشي و كل من مر قام يناظر باستغراااااب كن اللي قدامهم صحن فضائي مهوب آدمي ياخي هذولا الناس ليه كذا دايم يناظرون في الرايح و الجاي .. طيب تخيل ان اللي ناظرته مزكم يمكن يعاديك بالزكام ياخوي ( يسمع بلغة العيون ) و عقبها مشيت بطريق و انا اتوه في دوامة الزمن و لا ادري الي اين اذهب و هل انا امشي بالطريق الصحيح ام انا امشي بالطريق الخاطيء و هل انا محق في الذي فعلته مع امي ؟ ( اصمت و الا ضربتك ضرباً مبرحاً و جعلت عينك مفقوعه و تصير كنك المسيح الدجال )

فجأه لقيت نفسي بالخط المهجور ( خط مظلم و كل الناس يجون فيه و يذاكرون ------> انواع اللكاعه ) طق المطر و امتلت ثيابي ماي و انا ابي اروح لاقرب ملجا عشان احمي نفسي من ذا المطر اللي ما له داعي ( اول مره اشوف مطر وصخ ) لقيت قدامي بيت كبير قلت خل اروح اشوف يمكن فيه واحد نشمي يدخلني و يخليني اقلط عنده بدال ما انا جالس بهالبرد و المطر .. دقيت الجرس و كان البيت ظلالالالالالام يعني اكيد فيه حرامي يخوف ( تفكير بزر توه داخل التمهيدي ) و قمت احاول احمي نفسي من البرد و بنفس الوقت كنت ادق الجرس ( حركه حلزونيه ) <---- حفيد بروسلي .. و انا اشوف لمبه تولع و لمبه تسكر من دريشه بالدور اللي فوق قلت شكله راعي البيت سكر اللمبه و نزل يفتح لي الباب انا متاكد ان الدنيا فيها نشامى و سنايديه يعني الدنيا فيها خير ( باستثناء شركة الاتصالات هي و برجها هاللي كنه مجسم لبرج بيزا المايل شوي و يطيح )

انفتح الباب و سمعت واحد يقول اقلط و سميت بالله و دخلت البيت و الف راسي ادور راعي البيت و لا لقيت و لا واحد الظاهر انه رقى فوق <--- يلعب على عمره من زود الروعه و فجأه و بسرعه هائله تقدر بــ سم بالكيلو <-- امحق رياضيات .. تسكر الباب من حاله و انا العرق يصب من جبهتي كنها فرع لنهر النيل و انا اقول يا اهل البيييييت و لا احد رد و انا اللي اقول يا اهل البيت ترى انا ما جيت هنا الا عقب ما تهاوشت مع امي و طردتني من البيت يعني ظروفي صعبه و انا اخوك رد علي صوت و قال : طيب رح اشتغل سباك و الا خذ لك ددسن و بيع جح على طريق الجبيل و قلت : والله ودي بس ما عندي فلوس .. " لحظة صمت " و صرخت : يا اهل البيت والله انكم طيبين و كريمين و راعين فله و وناسه و انا ابيكم تضيفوني يعني ما لها داعي تجحدوني و تخلوني منثبر عند الباب كني واحد يبي سلف و لا احد رد علي .. قلت : ياخوي انت يا اللي كنت تتكلم قبل شوي اطلع لي و الا الظاهر انك منتب رجال <---- بايعها بريالين حزمة بقل

شفت باب انفتح و رحت عنده بخطوات متثاقله كني وحده حامل بتوم .. دخلت الا اشوف صحن مندي و فوقه تيس و قمت ادق فيه بالخمس الين ما شبعت كرشتي ( ياخوي اي كرشه و اللي يرحم والديك الا قل كنك رقم 11 ) .. رحت و غسلت يدي و سمعت صوت يقول : اخص اثرك منتب سهل تاكل اكل مهوب صاحي يا المعصقل .. قلت : لا تصكني بعين الله يلعن شكلك ( احس اني طيحت الميانه ) .. قال : اها بس مسوي تمون انت و وجهك هاللي كنه زحمة الهنود بالبطحا ( اما لو اعرف راعي الصوت قسم ابجيبه بالاقلاع ) >>> عطوه رتبه خاصه هالمستورد .. قلت : طيب ياخوي عقب هالعشا والله ودي امشي ابي اروح بيتنا .. قال : مافيه امل تطلع الا اذا قابلت شيخ الجن بالغرفه اللي جنبنا .. قلت : طيب وش يبي شيخ الجن ؟ .. قال : يبي يلعب معك اونو .. قلت : طيب اجل بروح .. قال : تستهبل انت اقول انقلع عند شيخ الجن و شف وش شروطه عشان تطلع ..

رحت عند غرفة شيخ الجن و يقابلني هناك جني مهوب صاحي اذانيه كبااار ( علامة الجمال ) و له خمس عيون الظاهر فيه كم واحد قاط معه بوجهه و قام عطاني ورقه و عبيت فيها المعلومات

الاسم : ولد الجن الاطخم ( حموله طيبه )
السن : اثرم بس مركب ضرس ذهب
الطول : 9 انش
العلامه الفارقه : حبة خال باصبع رجله الكبير

دخلت عند شيخ الجن و انا قلبي تقول عشرين خال مستنزل من الروعه و يوم شفته الا اشوف برج ايفل مهوب جني والله عليه جسم تقول سبعين صعيدي و يقول لي : انت ولد الجن الاطخم و اثرم بس مركب ضرس ذهب و طوله تسعه انش و عندك حبة خال باصبع رجلك الكبير .. صح ؟ .. قلت : تزعم انك ذكي الحين تراني مسجل هالملعومات عند السكورتي يعني لا تسوي لي فيها ذكي لا ادوس ببطنك .. قال : ما اسمع .. قلت : لا ابد عظم الله اجرك ( من الروعه ) .. قال : شف يا الطيب انت منتب طالع من عندنا هنا الا لا جاوبت على ثلاث اسعله .. قلت : السوال لغير الله مذله .. قال : اجل خلاص خلك عندنا و لافيه طلعه .. قلت : لالا خلاص عطني ابجاوب عليها .. و عطاني الورقه

س1 : ما هو الشيء الذي استدل به نيوتن على وجود الجاذبيه ؟

احس انه يستهبل بس الشكوى لله قمت و كتبت الجواب ( التفاحه )

س2 : مسلسل كرتوني شهير فيه اثنين دايم يلحقون بعض وش هو ؟

ودي اقول له انت وش تبي بالله ؟ , الحين هذا سوال و الا بنقالي قاعد يبيع جح ؟ .. بس وش اسوي قمت و كتبت الجواب ( توم و جيري أو القطو و الفار )

س3 : مغنيه ريحة صنانها تفوح و وجهها شين و عليها مصاله مهيب في احد و هي اللي اسست المصاله و بدايتها كانت صبابة قهوه بعروس , من هي ؟

بدون ترددت كتبت ( أحلام )

عقبها سلمت ورقة الاجابه لشيخ الجن و خذت العلامه الكامله و تخرجت من المدرسه على حساب ناقص بس الرياضيات مخربه علي ( وين رحت يا المسفح ؟ ) ..

طلعني شيخ الجن من البيت و تبت و صرت مذن مسجد الحاره

الفايده :-
اصدقاء السوء هم الملاعين في كل آونه .. فلقد ترون في القصه ما امدى تاثيرهم على حياتي فعندما تعرفت عليهم سقطت في الحشيش و من ثم عصيت امي و لم اشتري لها خبز تميس و اصبحت عاق و من ثم عاقبني الله فأسقطني في بيت كله روعه في ورعه
و من هذا المنطلق احرص على اختيار الصديق الجيد و الا سوف تذهب في خرائطها

مع السلالالالالالالالالامه

منطول بشئ من التصرف

الخاطف · 18-01-2003, 03:35 PM

حلو يالطير

أجل الرجال قوي ماهمه يوم يعق والدته

الله يصلحه

بس تنسيم

سلالالام ...

شيخ بريدة · 18-01-2003, 03:48 PM

زاد ياربي اشتبّـت تسبدي(حتسي عجيـّـز).

اقول اثرك ناطلن الموضوع ياالنطــّال(شكلك من خب النطيلية<< متأثرن بعمُّه)

اجل الموضوع زين بس انت الله يصلحك خليتن اشتبّ واشتبّ قلت الرجّال داجّ اجل واثر الموضوع منقول.

تسلم الله مير يسلمك ويزوّجك(يازين هالدعا بس:D ).

الطيــــر · 18-01-2003, 06:02 PM

مشكورين على التفاعل الكيميائي ...

شيخ بريدة النطل له مدلولاته العلمية ... بمعنى أن كل شئ منطول مكفول >>>>> أنواع التأليف ...

والنطل له حسه الفوتوغرافي بمعنى أنه عندما ينطل منك موضوع فإنه يتعين على الشخص الناطل أن يكون أنسم منك بمقدار 25 % ...

وهذا الكلام ليس عبثا بل له أبحاثه في جامعة هامبورج ...

والسلام

18-01-2003, 02:55 PM	#1
الطيــــر تاريخ التسجيل: Jun 2002 البلد: الريـــاض المشاركات: 3,864	هدفي في الحياة إني أكون مثل كابتن بسام .... لا تفووووووتكم تغشى من الضحك ... بسم الله الرحمن الرحيم كيف الحال ؟ وش علوووووووومكم يا شعب الألغاز والطرائف من زمان عنكم و انا ادري انكم اشتقتو لي بس منتم عارفين وشلون تعبرون عن مشاعركم هالموضوع عباره عن وساعة صدر يعني صحيح ان فيه مصاله بس وش اسوي لازم الواحد يكون فيه هبوط بمستواه الفني ( مسوي متواضع ) استلمو الموضوع و ان شاء الله يعجبكم كنت ولد صغير ( احلف بكل ما اوتيت من قوه ) و كان هدفي بهالحياه اني اصير مثل كبتن بسام .. يا حبي له ذا الادمي لا طلع في التلفزيون خصوصاً لا رفع كمه و يطلع كتوفه هاللي كنها خدود غورلا والله اني اقوم و احاول اني اقلد ضربة الصقر حقته اللي كسرت الجدار ( والله من هالنصبات الكوره تخترق الشبك و عقبها تصقع الجدار و تكسره و تسوي فيه حفره , بس وش نقول كراتين ) عقبها كبرت و وصلت الثانوي و حلمي اني اصير مثل بسام بس عيال اللذينا ما كانو يحطوني معهم بمنتخب المدرسه و يقولون لي رح العب كيرم اصرف لك تعرفت على واحد داشر اسمه صلبوخ اشهب غبر يبي له حمام سونا .. لو تشوفه تقول ان هذا هو سبب العج اللي في الرياض كله و عليه اذاني تقول كنها ثلاث هنود متقاطين على قوطي تونه و عليه جلد تقول تمساح قاعد يتشمس ( ما يعايب الا المعيوب ) صلبوخ ذا لو تقول له وش حكم الصيام بيقول لك مكروه يعني الولد رايح بعين ام جد خال عم الدعوى و فاهم الدنيا غلط و الرومنسيه عنده عباره عن بكت دخان احمر ( يا اخوان والله التدخين حرام و انا من هذا المنبر ادعوكم انكم تدخنون دخان ميريت تراه خفيف ) >>> ابوك يالنصيحه في يوم من الايام و كان يوم خميس رحت عند ملحق بيت صلبوخ و كان فيه اخوياه اثنين ابو عابد و طاحوس اشكالهم و هم جنب بعض تقول قطوتين يتغزلون ببعض جلست معهم و خشينا جو بالسوالف و طلع صلبوخ اربع زقاير .. قال طاحوس : يا لبا قلبك يا صلبوخ اثر عندك من هالزين و لا تعلمنا عطني بس خل اعدل مزاجي ... و انا قاعد افكر باللي يقوله قلت وش هاللي يعدل المزاج .. و شوي الا اطاحوس شفط شفطه وحده و قام يناظر بعيوني و يقول : والله اكبر يا عيونٍ ناظرني كم مره فاز الهلال على النصر لو غراش الببسي صارت كمبويتر .. عطاني صلبوخ زقاره و قال جرب ما راح تخسر .. قلت لا والله ما ودي ياخوي .. قال ابو عابد : يا رجال جرب منتب ندمان و تراني متاكد ان ما لك هدف بهالحياه يلا جرب بس .. قلت : الا هدفي اني اصير مثل بسام .. قال صلبوخ : الفقه بس اجل بسام نعنبو ابليسك الناس يبون يصيرون دكاتره و مهندسين و انت هدفك تصير مثل بسام اقول تعوذ من ابليس و خذ الزقاره بس .. قلت : قدام و الريوس مفصول .. و شفطت شفطه وحده و الا اشوف قدامي عشرين سوداني تلحقهم الدوريه و هم يفكرون بطريقه تخليهم ينحاشون من الدوريه بس الدوريه حاجرتهم حجرة قطاو .. قلت : يا صلبوخ ودك نفتح مشروع تجاري .. قال صلبوخ : والله ما عندي اشتراك انترنت .. قال طاحوس : ياخوي لو انك شاري لك ماوس كمبيوتر كان على الاقل قدرت تولع لمبة بيتكم الخربانه .. قلت : ما يحتاج اصلاً كل هالعنوه المفروض انكم تروحون البر اصرف لكم من هالسيراميك اللي عايشين فيه .. قال ابو عابد : والله ما خرب هالدنيا الا احدعش سبتمبر ( والله يجي منهم هالدشير ) .. قمنا نسولف و نحشش و نبربس و لحقنا الدفاع المدني عقب ما صحينا طلعت من الملحق .. عقب هالوناسه انصحكم بالحشيش والله انه حلو (وجه احمر و يقطر دم و شري) .. تذكرت ان امي قالت لي جب خبز و رحت المخبز شريت خبز من نفس المخبز اللي رحت له ( احس انها جمله غير مفيده ) دخلت البيت امي : وجع وش ذا شاري خبز صامولي يلا رح بدله و جب لنا خبز تميس انا : طيب يمه شريت لس خبز صامولي تبيني اروح في ذا الليل عشان ابدله امي : والله ما علي منك تروح الحين و تبدله !! .. انا : والله ما ابدله امي : الا بتبدله غصبٍ من ورى خشمك الصغير ( قولي قسم ) انا : منيب مبدله يعني منيب مبدله امي : يلا انقلع و جب خبز و الا اطلع من البيت و لا ترجع ( دايم تسويها فيني و تخليني اجلس في الشارع بعز القايله الين ما صارو يسموني حمار القايله ) عصيت امي <-- احلى يا قوي يا عاق الوالدين انت طلعت من البيت و انا مطرطع و قافله معي و الضغط مرتفع عندي ( كني في خشمك منتفخ ) و قمت امشي و امشي و كل من مر قام يناظر باستغراااااب كن اللي قدامهم صحن فضائي مهوب آدمي ياخي هذولا الناس ليه كذا دايم يناظرون في الرايح و الجاي .. طيب تخيل ان اللي ناظرته مزكم يمكن يعاديك بالزكام ياخوي ( يسمع بلغة العيون ) و عقبها مشيت بطريق و انا اتوه في دوامة الزمن و لا ادري الي اين اذهب و هل انا امشي بالطريق الصحيح ام انا امشي بالطريق الخاطيء و هل انا محق في الذي فعلته مع امي ؟ ( اصمت و الا ضربتك ضرباً مبرحاً و جعلت عينك مفقوعه و تصير كنك المسيح الدجال ) فجأه لقيت نفسي بالخط المهجور ( خط مظلم و كل الناس يجون فيه و يذاكرون ------> انواع اللكاعه ) طق المطر و امتلت ثيابي ماي و انا ابي اروح لاقرب ملجا عشان احمي نفسي من ذا المطر اللي ما له داعي ( اول مره اشوف مطر وصخ ) لقيت قدامي بيت كبير قلت خل اروح اشوف يمكن فيه واحد نشمي يدخلني و يخليني اقلط عنده بدال ما انا جالس بهالبرد و المطر .. دقيت الجرس و كان البيت ظلالالالالالام يعني اكيد فيه حرامي يخوف ( تفكير بزر توه داخل التمهيدي ) و قمت احاول احمي نفسي من البرد و بنفس الوقت كنت ادق الجرس ( حركه حلزونيه ) <---- حفيد بروسلي .. و انا اشوف لمبه تولع و لمبه تسكر من دريشه بالدور اللي فوق قلت شكله راعي البيت سكر اللمبه و نزل يفتح لي الباب انا متاكد ان الدنيا فيها نشامى و سنايديه يعني الدنيا فيها خير ( باستثناء شركة الاتصالات هي و برجها هاللي كنه مجسم لبرج بيزا المايل شوي و يطيح ) انفتح الباب و سمعت واحد يقول اقلط و سميت بالله و دخلت البيت و الف راسي ادور راعي البيت و لا لقيت و لا واحد الظاهر انه رقى فوق <--- يلعب على عمره من زود الروعه و فجأه و بسرعه هائله تقدر بــ سم بالكيلو <-- امحق رياضيات .. تسكر الباب من حاله و انا العرق يصب من جبهتي كنها فرع لنهر النيل و انا اقول يا اهل البيييييت و لا احد رد و انا اللي اقول يا اهل البيت ترى انا ما جيت هنا الا عقب ما تهاوشت مع امي و طردتني من البيت يعني ظروفي صعبه و انا اخوك رد علي صوت و قال : طيب رح اشتغل سباك و الا خذ لك ددسن و بيع جح على طريق الجبيل و قلت : والله ودي بس ما عندي فلوس .. " لحظة صمت " و صرخت : يا اهل البيت والله انكم طيبين و كريمين و راعين فله و وناسه و انا ابيكم تضيفوني يعني ما لها داعي تجحدوني و تخلوني منثبر عند الباب كني واحد يبي سلف و لا احد رد علي .. قلت : ياخوي انت يا اللي كنت تتكلم قبل شوي اطلع لي و الا الظاهر انك منتب رجال <---- بايعها بريالين حزمة بقل شفت باب انفتح و رحت عنده بخطوات متثاقله كني وحده حامل بتوم .. دخلت الا اشوف صحن مندي و فوقه تيس و قمت ادق فيه بالخمس الين ما شبعت كرشتي ( ياخوي اي كرشه و اللي يرحم والديك الا قل كنك رقم 11 ) .. رحت و غسلت يدي و سمعت صوت يقول : اخص اثرك منتب سهل تاكل اكل مهوب صاحي يا المعصقل .. قلت : لا تصكني بعين الله يلعن شكلك ( احس اني طيحت الميانه ) .. قال : اها بس مسوي تمون انت و وجهك هاللي كنه زحمة الهنود بالبطحا ( اما لو اعرف راعي الصوت قسم ابجيبه بالاقلاع ) >>> عطوه رتبه خاصه هالمستورد .. قلت : طيب ياخوي عقب هالعشا والله ودي امشي ابي اروح بيتنا .. قال : مافيه امل تطلع الا اذا قابلت شيخ الجن بالغرفه اللي جنبنا .. قلت : طيب وش يبي شيخ الجن ؟ .. قال : يبي يلعب معك اونو .. قلت : طيب اجل بروح .. قال : تستهبل انت اقول انقلع عند شيخ الجن و شف وش شروطه عشان تطلع .. رحت عند غرفة شيخ الجن و يقابلني هناك جني مهوب صاحي اذانيه كبااار ( علامة الجمال ) و له خمس عيون الظاهر فيه كم واحد قاط معه بوجهه و قام عطاني ورقه و عبيت فيها المعلومات الاسم : ولد الجن الاطخم ( حموله طيبه ) السن : اثرم بس مركب ضرس ذهب الطول : 9 انش العلامه الفارقه : حبة خال باصبع رجله الكبير دخلت عند شيخ الجن و انا قلبي تقول عشرين خال مستنزل من الروعه و يوم شفته الا اشوف برج ايفل مهوب جني والله عليه جسم تقول سبعين صعيدي و يقول لي : انت ولد الجن الاطخم و اثرم بس مركب ضرس ذهب و طوله تسعه انش و عندك حبة خال باصبع رجلك الكبير .. صح ؟ .. قلت : تزعم انك ذكي الحين تراني مسجل هالملعومات عند السكورتي يعني لا تسوي لي فيها ذكي لا ادوس ببطنك .. قال : ما اسمع .. قلت : لا ابد عظم الله اجرك ( من الروعه ) .. قال : شف يا الطيب انت منتب طالع من عندنا هنا الا لا جاوبت على ثلاث اسعله .. قلت : السوال لغير الله مذله .. قال : اجل خلاص خلك عندنا و لافيه طلعه .. قلت : لالا خلاص عطني ابجاوب عليها .. و عطاني الورقه س1 : ما هو الشيء الذي استدل به نيوتن على وجود الجاذبيه ؟ احس انه يستهبل بس الشكوى لله قمت و كتبت الجواب ( التفاحه ) س2 : مسلسل كرتوني شهير فيه اثنين دايم يلحقون بعض وش هو ؟ ودي اقول له انت وش تبي بالله ؟ , الحين هذا سوال و الا بنقالي قاعد يبيع جح ؟ .. بس وش اسوي قمت و كتبت الجواب ( توم و جيري أو القطو و الفار ) س3 : مغنيه ريحة صنانها تفوح و وجهها شين و عليها مصاله مهيب في احد و هي اللي اسست المصاله و بدايتها كانت صبابة قهوه بعروس , من هي ؟ بدون ترددت كتبت ( أحلام ) عقبها سلمت ورقة الاجابه لشيخ الجن و خذت العلامه الكامله و تخرجت من المدرسه على حساب ناقص بس الرياضيات مخربه علي ( وين رحت يا المسفح ؟ ) .. طلعني شيخ الجن من البيت و تبت و صرت مذن مسجد الحاره الفايده :- اصدقاء السوء هم الملاعين في كل آونه .. فلقد ترون في القصه ما امدى تاثيرهم على حياتي فعندما تعرفت عليهم سقطت في الحشيش و من ثم عصيت امي و لم اشتري لها خبز تميس و اصبحت عاق و من ثم عاقبني الله فأسقطني في بيت كله روعه في ورعه و من هذا المنطلق احرص على اختيار الصديق الجيد و الا سوف تذهب في خرائطها مع السلالالالالالالالالامه منطول بشئ من التصرف __________________ أعاذل ذرني وانفرادي عن الورى * فلست أرى فيهم صديقاً مصافيا نداماي كتبٌ أستفيد علومها * أحباي تغني عن لقائي الأعاديا وقد جلت في شرق البلاد وغربها * أنقب عمن كان لله داعيا فلم أجد أر إلا طالباً لوجاهةٍ * وجمّاع أموال وشيخاً مرائيا قبضت يدي عنهم وآثرت عزلـــةً *** عن الناس واستغنيت بالله كافيا

18-01-2003, 03:35 PM	#2
الخاطف عـضـو تاريخ التسجيل: Mar 2002 المشاركات: 748	ههههههه .. حلو يالطير أجل الرجال قوي ماهمه يوم يعق والدته الله يصلحه بس تنسيم سلالالام ...

18-01-2003, 03:48 PM	#3
شيخ بريدة عـضـو تاريخ التسجيل: Dec 2001 البلد: مدغشقر المشاركات: 1,317	زاد ياربي اشتبّـت تسبدي(حتسي عجيـّـز). اقول اثرك ناطلن الموضوع ياالنطــّال(شكلك من خب النطيلية<< متأثرن بعمُّه) اجل الموضوع زين بس انت الله يصلحك خليتن اشتبّ واشتبّ قلت الرجّال داجّ اجل واثر الموضوع منقول. تسلم الله مير يسلمك ويزوّجك(يازين هالدعا بس:D ). __________________ ^&)§¤°^°§°^°¤§(&^ياحول يااللي ماله بريدة^&)§¤°^°§°^°¤§(&^

18-01-2003, 06:02 PM	#4
الطيــــر تاريخ التسجيل: Jun 2002 البلد: الريـــاض المشاركات: 3,864	مشكورين على التفاعل الكيميائي ... شيخ بريدة النطل له مدلولاته العلمية ... بمعنى أن كل شئ منطول مكفول >>>>> أنواع التأليف ... والنطل له حسه الفوتوغرافي بمعنى أنه عندما ينطل منك موضوع فإنه يتعين على الشخص الناطل أن يكون أنسم منك بمقدار 25 % ... وهذا الكلام ليس عبثا بل له أبحاثه في جامعة هامبورج ... والسلام __________________ أعاذل ذرني وانفرادي عن الورى * فلست أرى فيهم صديقاً مصافيا نداماي كتبٌ أستفيد علومها * أحباي تغني عن لقائي الأعاديا وقد جلت في شرق البلاد وغربها * أنقب عمن كان لله داعيا فلم أجد أر إلا طالباً لوجاهةٍ * وجمّاع أموال وشيخاً مرائيا قبضت يدي عنهم وآثرت عزلـــةً *** عن الناس واستغنيت بالله كافيا