[السهيل اليماني]

اعتقد والله اعلم انها كافيه الثلاث دقائق

فيكفيه منها ولو لمحه او طرفه عين لان الشاب اذا كان يريد ان يرا فتاه للضروره كالخطبه او تذكر ملامحها لاهميه مافان لمحه منها تكفي لان العقل بعد النظر يختزن المعلومات الاهم ثم الاهم فلو خرج شخص الى السوق وقابل عده بائعين من الطبيعي ان ينسى اشكالهم مجرد الخروج عنهم حتى لو بقي مع احدهم ساعه كامله ولكن عقله لم يختزنهم لانهم ليسو ذات اهميه قصوى لكن التي يريد يخطبها اظن ان عقله من مجرد ثانيه بحيث تكتمل الصوره في العقل يقوم بتخزينها ثم التفكر فيها على مهل [ وجه نظر ]

[طلال العبدالله]

السلام عليكم ورحمة الله وبركاته

أخواني الاعزاء , انا مقدم على زاوج ان شاء الله , والحمدلله العائلة اللي تقدمت لهم هم من سابقوا بطلب الرؤية الشرعية
لكن لدي سؤال , هل العرف عندنا يسمح لي بالكلام , مااقصد اني اطق حنك معها , لكن فقط سؤال مثلا وش اخبارك يافلانة.
اخاف اسويها يقوم علي ابوها ,, ارجو المساعدة , هل العرف يسمح في ذلك.

[ذوقي توب]

ايـــــــــه عادي

[توست]

اقتباس المشاركة الأساسية كتبها بنت بريدة والله العضيم انه تكفي بالعكس سبحان الله الثلاث دقايق يطرح به الله بركه تصير تقل سنه بس تدري ليش يمكن لأنه ابوي الغالي الله يخليه كان ماسك جريده رافعه ويقرأ يعني اخونا في الله اخذ رااااحته بالتمقل وانا ,, والحمدلله انا شفته بعد يعني احس تكفي والله يوفقك ايه نسيت اقول بعد الصورة انا تدرون شلون شفته لان بالشوفه ماتناضرينه الا لحظات بس وهو الباقي عشان كذا لاراحو اهلكم يحطون اغراضكم بالبيت قولي لحدى خواتك الي بيروحن دوري لي صورته وخوذيه وشوفيه وبس انا سويته الحمدلله ومب من هالخطه من اختي جابت الصوره تقول منهو ذاا هههه << حلوه صح بس اخاف تصير مب صورته همن تدعون علي تأكدو قبل

والله العضيم انه تكفي ؟؟ قد تكفي ولكن ليس للكل لأن بوقتها يكون الخاطب في قمة الربكه..

بالعكس سبحان الله الثلاث دقايق يطرح به الله بركه تصير تقل سنه
بس تدري ليش يمكن لأنه ابوي الغالي الله يخليه كان ماسك جريده رافعه ويقرأ
يعني اخونا في الله اخذ رااااحته بالتمقل وانا ,,
ماتجي الحين ثلاث دقايق تكفي وبعدين تقولين ابوي ماسك جريده واخونا في الله يأخذ راحته
بالتمقل يعني اتوقع ان ابو الشباب تمقل اكثر من العشر دقايق ,
وبعدين سلمي لي على ابوك فاهم .بس غيره مايسوي كذا ..

فكينا من الصور من زينهم بعضهم بلا صور شوفوا مثله وخلاص ..

بنت بريده اشكر تعليقك وحضورك شرف الموضوع.

[توست]

اقتباس المشاركة الأساسية كتبها كربة النخلة السلام عليكم: حيا الله توست وياطعمك مع الجبن واللبنة ( أبمتحنك ماحد قالك تسمي نفسك توست)و( خويك جوعان). المهم ما علينا نرجع للموضوع وأنا أقول ناظر مخطوبك زين وقزه قز وتمقله تمقل وأرجوا للذين يريدون الزواج أن يفسحوا المجال كذلك للمخطوبة بأن تراه لا يصير نذل بس هو اللي يناظر يعني سولف مع أخوه شوي وصد عنه شوي علشان تتسنى لها الفرصة وتشوفك. ومشكووووررر أخوي توست على مواضيعك الأكثر من رائعة متألق دائماً مزيداً من التقدم. مع تحيات: كربة النخلة. والسلام خير ختام.

كلي لك ياكرب رب مايدري وشلون يدعلك انت واسمك هههههه
والله نبي نقز وعلى اي خاطب انه يقز ويتمقل على كيفه .وكذلك البنت نفس الشعور
...
كربة النخله تسلم واشكر حضورك الرائع ياغـــــــالي..

كربه شكلك جوعان نسيت اعطيك يالله خذ هذي سد الجوع

[توست]

اقتباس المشاركة الأساسية كتبها وايليهـ مخمليهـ والله انا اشوف ان المواصفات العامة الشكلية ياخذها من امه اواخته ويكون سائل عن طبايع البنت واخلاقه .. ((اهم شي الطبايع)) والنظرة الشرعية اشوفها للقبول ولو مااكتفى ممكن يطلب يشوفه من جديد

بالطبع اختي سيكون لديه جميع المواصفات العامه ولكن لن ولن تكفي
لأن كل شخص لديه نظره تختلف عن الأخر .
اما ان النظره للقبول فلا فهي الأهم من كل شي بعد الاخلاق والدين طبعا.
اما اذا ما اكتفى فنعم عليه الطلب مره اخرى ..

المخمليه اشكر حضورك ..

[توست]

اقتباس المشاركة الأساسية كتبها نبض قلبي اشكرك اخوي توست على هالموضوع من جد مهم بالنسبه للنظره والله ماجربت بس اتوقع ان الثلاث دقائق إلى خمس كافيه والرجال والله نبيهين تكفيهم وزياده يمديكم تقزون كل شي ماشاء الله عليكم بس ياليت تتركون لنا فرصه نشوف يعني سولفوا شوي مع المحرم عشان نقدر نشوف حتى حنا لنا حق والله يعيننا اذا جاء وقته

ولأهم هو حضوركم .
والله قله من تجد تلك الثواني تكفيهم لأن الخاطب معرض لربكه وغيرها
والله شوفي من ناحية انه يمديهم يقزون يمكن بس بتلك الدقائق ما اعتقد .
والله انتن يمكن تركيزكن للنظره احلى من الخاطب لأن بعضهن يقزن وهو داخل
اوجالس وهو مايدري ,بعدين الرجل هو الاهم انه يشوف يابنت الحلال البنت اهم
شي تأخذ رجال ومقبول الشكل ....
اما نسولف بعضهم مايعرف يسولف بها المواقف .يعني كان بوووه قز قزوا قبل يدخل ..


نبض ..اشكر تواجدك وشرفتي الموضوع.

[توست]

اقتباس المشاركة الأساسية كتبها السهيل اليماني اعتقد والله اعلم انها كافيه الثلاث دقائق فيكفيه منها ولو لمحه او طرفه عين لان الشاب اذا كان يريد ان يرا فتاه للضروره كالخطبه او تذكر ملامحها لاهميه مافان لمحه منها تكفي لان العقل بعد النظر يختزن المعلومات الاهم ثم الاهم فلو خرج شخص الى السوق وقابل عده بائعين من الطبيعي ان ينسى اشكالهم مجرد الخروج عنهم حتى لو بقي مع احدهم ساعه كامله ولكن عقله لم يختزنهم لانهم ليسو ذات اهميه قصوى لكن التي يريد يخطبها اظن ان عقله من مجرد ثانيه بحيث تكتمل الصوره في العقل يقوم بتخزينها ثم التفكر فيها على مهل [ وجه نظر ]

والله وجهة نظر نحترمها بس احس انها لاتكفي لأني كما قلت يكون الخاطب
في موقع مرتبك وخايف وغيره .فلا يستطيع ان يميز ميه بالميه .
ولاتنسى المكياج يـــــــــــوهــــــــــق تــــــــــــوهــــــــــــــيق .

[توست]

اقتباس المشاركة الأساسية كتبها طلال العبدالله السلام عليكم ورحمة الله وبركاته أخواني الاعزاء , انا مقدم على زاوج ان شاء الله , والحمدلله العائلة اللي تقدمت لهم هم من سابقوا بطلب الرؤية الشرعية لكن لدي سؤال , هل العرف عندنا يسمح لي بالكلام , مااقصد اني اطق حنك معها , لكن فقط سؤال مثلا وش اخبارك يافلانة. اخاف اسويها يقوم علي ابوها ,, ارجو المساعدة , هل العرف يسمح في ذلك.

والله ياخلفهــــــم طقت الحنك ماراح تسويها وذلك لأن مجتمعنا يرفضها طبعا.
ولكن من ناحية الشرع لأعلم هل يجوز ان تسولف معها اولا لا.
بس انت شف اهم شي (( قز ولا تستحي وناظرها من فوق لتحت واذا منزله راسه خلك جزوم
وقله ارفعي راسك خلك ذيب )) ولي جاب العيد بالولد ههههههههه والله اني صادق عاد ..

طلال نسيت اقول (((( الله يوفقك ويسعدك ويرزقك ويجمع بينكم بخير انشاء الله وترزق بالزوجه الصالحه انشاء الله )))) واذا بغيت شي ترانا نعين ونعاون ياغالي ...تمنياتي لك بزواج موفق .

[توست]

اقتباس المشاركة الأساسية كتبها ذوقي توب ايـــــــــه عادي

واللي توهق الولد شكله يبي يلحقه ابو البنت ههههههههههههههه
ذوقي توب ترا انتي السبب اذا انجلد ههههههههه...

[ابراهيم 999]

المفروض يصر علاقه حب قبل الزواج

[توست]

اقتباس المشاركة الأساسية كتبها ابراهيم 999 المفروض يصر علاقه حب قبل الزواج

ابراهيـــــــــــم ماذا اصابك وين حنا فيه بسوريا على غفله ههههه
اخي البرهي اتمنى ان ماتكتبه ستسأل عنه فلا يغرك كتابة رد لغرض دنيوي
سواء كنت صادق او تريد منها الضحك .. اتعلم ان ماتطلب به وهو علاقــة
حب قبل الزواج هو (الحرام) بعينه .عموما الله يهديك يارب ..ويعصم شبابنا
عما تطالب به .لكن الله يتوب عليك من هالكلمه .
براهيم يابعدي لاتزعل مني بس وربي ضاق صدري من ردك مع اني احس
انك تقصد بها الضحك .

[نبض قلبي]

اقتباس المشاركة الأساسية كتبها توست ولأهم هو حضوركم . والله قله من تجد تلك الثواني تكفيهم لأن الخاطب معرض لربكه وغيرها والله شوفي من ناحية انه يمديهم يقزون يمكن بس بتلك الدقائق ما اعتقد . والله انتن يمكن تركيزكن للنظره احلى من الخاطب لأن بعضهن يقزن وهو داخل اوجالس وهو مايدري ,بعدين الرجل هو الاهم انه يشوف يابنت الحلال البنت اهم شي تأخذ رجال ومقبول الشكل .... اما نسولف بعضهم مايعرف يسولف بها المواقف .يعني كان بوووه قز قزوا قبل يدخل .. نبض ..اشكر تواجدك وشرفتي الموضوع.

الخمس دقائق كافيه وزياده بعد لأن الخاطب بيكون عنده معلومات سابقه ومفصله من أهله
وموكل بنت يحصل له الفرصه إنها تشوف لان بعض البنات طريقة بناء البيت ماتسمح له تشوف يعني مافيه مكان تشوف منه..
ولا تتعلثون بالمكياج لأن الشاب ماراح يطلع ابخص من الحريم بمدى تأثيره على وجه البنت..
طيب خلاص نعطيكم ساعه كامله تتمقلون على كيف كيفكم بس بحاله وحده وهو إن
أهل الشاب مايجون يشوفوننا من قبل
على العموم لكل منا وجهة نظر
والاختلاف في الرأي لايفسد للود قضيه
شكرا لك مره اخرى

[توست]

اقتباس المشاركة الأساسية كتبها نبض قلبي الخمس دقائق كافيه وزياده بعد لأن الخاطب بيكون عنده معلومات سابقه ومفصله من أهله وموكل بنت يحصل له الفرصه إنها تشوف لان بعض البنات طريقة بناء البيت ماتسمح له تشوف يعني مافيه مكان تشوف منه.. ولا تتعلثون بالمكياج لأن الشاب ماراح يطلع ابخص من الحريم بمدى تأثيره على وجه البنت.. طيب خلاص نعطيكم ساعه كامله تتمقلون على كيف كيفكم بس بحاله وحده وهو إن أهل الشاب مايجون يشوفوننا من قبل على العموم لكل منا وجهة نظر والاختلاف في الرأي لايفسد للود قضيه شكرا لك مره اخرى

والله ساعه حلوه تكفي ههههههه طمااع ..
اكيد ماراح يفسد اختلافنا القضيه ,,,
اشكرك على المتابعه..