[w.7]

الأستخارة في كل شيء أهم شي علاقتك بربك

[سوآلف حرف]

من يقوول
انه مايجتمع ديين وجمااااااال
بالعكس انا اشووف كثير ماشاء الله جامعاات بين الديين والجماال والاخلاق الله لا يضرهن

[اكستراextra]

خذها نصيحة مني ( النظرية التي أومن بها )

1- إذا قالت أمك ان البنت مزيونة يعني( سمينة) .........حلو

2- إذا قالت اختك ان البنت مزيونة فالبنت أشين من أختك!!

3- إذا قالت وحدة ما تعرفها ان البنت مزيونة فهي متوسطةالجمال


وفي النهاية الجمال نسبي
وبالتوفيق

[البارم]

أنا أقول لا تبعد شف الأقارب الي حولك ولي يعجبونك أخطب بنتهم أحسن لك وأغلا لك .......

[. الأمــــل .]

السلام عليكم ورحمة الله اظفر بذات الدين

تربت يداك . قالها الرسول صلى الله عليه وسلم

وانا من رايي تكون حلوه وبيضاء وطويله

وان ماحصل جمال مملوحه يعني خفيف دمها وبيضاء وطويله .

الا على طاري الطويله واحد قال لاهله :ابي طويله وبيضاء وتشتغل

قالت امه : والله هالاوصاف ماتلقى الا كان نخطب لك ثلاجه

ههههههههههههههه الله يوفقك ياخوي مقدما

[عبد الله الحربي]

الله يعينك ويجعلك تعرس على اربع بلليلة وحدة

مشاركة : خالد فهد العويند 888

[نسيـــم الريـــــف]

كان الله بعونك

[قرنفل]

شف يامنصور ............نصيحة من اخيك

1/ لا تتوقع أن امك تريدأن تخطب لك ماهب ودب ....
فاجعل صوتها بمئة صوت وانا اخوك

2/ لا يهمك الشكل بس ؟

بل اضف له (من هم اهل البنت؟؟ )

ترى المسألة حياة وعلاقات فلا تفتح بابا على نفسك من حيث لاتدري

وقد يخرج منهم من لاخلاق له يكدر عليك كل غالي.

3/ تذكر ان الدعاء لايرد فادع الله الا يكلك الا عليه.

[المتعكرم]

الله يعينك

[نـــNAــونا]

الله يوفقك للبنت اللي تسعدك وترتاح معاها

والأكيد إن الحين يبون جمال وأخلاق وخفة دم مع بعض ماأقول لك مو موجوده لكن يمكن صعبه شوي فأنت حط في بالك شيء تقدمه على شيء آخر

والمفروض إنك تكون من فتره مفكر بأمر الزواج مو كذا فجأه تقول أبي أتزوج وأمك وأخواتك بعد مفروض إذا شافوا بنت مملوحه وبها الأخلاق يخبرونك حتى لو ماأنت ناوي الزواج

أحسن من فجأه تقول لهم أبي أتزوج ولا يدرون وين يروحون

تدرون إن أخي يدرس الآن بالسنه الثالثه بالكليه وإنا مختارين له عروس وكلمناه عنها وقال أول ما توظف والبنت موجوده إنها بإذن الله تصير من نصيبه

وأنا حضرت زواج وشفت بنات كثير للأسف جميلات لكن الدين ماهنا إلتزام اللبس عاري الله يكفينا

وأولا وأخيرا إستخير والله يكتب لك اللي فيه الخير

[منصور الكره]

هلا ومرحبا بالغالي الليزر


حلو إنك مريت بالتجربه علشان تحس باللي انا حاسن به , ورأيك مملوح يهبل مثلك لكن أنا عندي مشكله وأعترف به أني دايم أحب أأكد الأكيد يعني رأي واحد أحس نفسي صعبه أخذه ما ادري ليش تسذا شعور غصبن علي متعنقطن بي . وألف شكر على لفيتكم علينا وابداء رأيكم السديد


تركي

خلاص أبسوي لك إضافه


هلا جنتي بسجدتي

تيم والا سفن أب خخخخخخ ياخف دمي

إلا من هو تيم الحسن ؟ لايصير اللي بنور أو مهند أو حاجتن زي تسذاتا تراي خبوبي بس متطور يعني ماهنا شي يفوتن .

والمسأله يوخيتي ماهيب تشرط ببنتن تهبل لا أنا أبي أهلي يرسون على بنت وحده بس والباتزي علي أنا اللي أبعرس وابشوفه

وبالنسبه لرأيي بالتوقيع ماشاء الله سيقانهم تقل صفة أصابع جالكسي اللي يجن ثنين بجنب بعض بريال والله يحفظهم من العين شعورهم شقر هذا من زود الحلا

ملاحظه أحس أن أحد أهلتس يشتغل بكلية الزراعه
(اسئل عن النبته قبل تاخذ البذره)
(وزنابه=وقنا فيه)
مع السلامة

[منصور الكره]

الأخ w 7

الحقيقة إن ردك شدن من بين أغلب الردود , أحس فيه معنى التوكل على الله في جميع أمورنا
بوركت

الأخت حلوه بطلتي :

وينهن به ذولي , عجزنا وحنا ندور , لكن لا تنسونا من دعواتكم ويارب انه تكون تقدر بس .

الأخ إكسترا

ههههههههههههه

الله يقطع أبليسك أعجبتن نظريتك الثاانيه حسيت أن الغيره عند الحريم واصلة لهالحد .

مداخلتك تدل على ذكائك .

البارم

لحظه شوي خلني


وبعد خلني أكمل



تدري وراه لأني كنت حاطن عيني على قريبة لي وجسينا النبض ولا عندهم مانع أبدا لكن رفض واحد من أقاربي عزيز علي وتكنسل الموضوع كله وأصبت بخيبة أمل وجتن ردة فعل سنه كامله سكرت موضوع الزواج وبعدين سويت كذا لين طاح اللي بالراس وهذي عدت الكره مرتن ثانية .

[منصور الكره]

الأخت الأمل

صدق رسول الله صلى الله عليه وسلم
وبالنسبه لأختيار المواصفات الناس تختلف أذواقهم والظاهر أنه تبي تصفى على ثلاجة من شمال المملكه ,عجزنا وحنا ندور .


عبدالله الحربي :

عطن خدك أجغفه , يا حبي لك بعد أول مرتن يدعي لي أحد مثل هالدعوه أحس إنه من قلب , وبعدين لا ما أبيهن بليله وحده أبي كل وحدتن بليله علشان مايغارن على بعض ويحسبن بالدقيقه خلها باليوم أحسن
وسلم لي على أبو عويند وقل له معك منصور الكره 999

نسيم الريف

إسمك يهبل . وإياك أخي .

الأخ قرنفل (تذكر العلك بالقرنفل والله ياهوغبار)

كلامك جميل جدا , ولا غبار عليه لكن الخوف إن بعض العوايل جفر على قولة اللشيبان يعني الابو والام والاخوان تمام والبنت ما تدري من طالعتن عليه

تشكر حبيبي

المتعكرم

وإياك ياخلفهم , قل أمين عسى اللي أصابن مايصيبك .


الأخت نونا

صدقتي يوخيتي لكن أنا قلت بأحد الردود إني مفتسر بالعرس من مبطي لكن ماكتبه الله ويمكن أنه خيره , وأهلي مشكلتهم ثلووووووووووووج يعني الواحد أكود تاقف على راسه علشان يمشي صح .

ومثل ماقلتي أنا لقيت بنات لكن المشكله أن أغلبهن عاريات ما أدري أهلي رايحن لناس علشان أيقالهم خاطبين لولدهم من طبقه والا صدفه ما أدري ترى بعض الحريم تنسيم يعتقدن أنهن كل ما أنسلخن منن الحياء والعفة والحشمه صارن برستيج ومتطورات .

شكرا أخيه

[البوسليمان]

اعانك الله ووفقك

ولكن إذا كنت تريد رأيي سأعطيك اياه ولكن ارجو ان لايسبب لك المشاكل

اولا يااخي توكل على الله واسئل الله الزوجه الصالحه وإذا كنت تريد رأي الحريم فإن ذوق المرأه يختلف عن الرجل180درجه

اعانك الله