[haaad]

يجب ألا نحكم على المستشفى

حتى نجد قصة مشابهة

[فهد2001]

السلام عليكم ورحمة الله وبركاته

مستشــــــــــــــــــفى بــــــــــــــــــــــــــــــــــــــــريـــــــ ـــــــــــــــــــــدة المــــــــــــــــــــــــــــــــــــــركـــــــ ــــــــــــزي


ع الرغم من مرور عدة عقود على هذا المستشفى الا أنه يبقى أفضل مستشفى ببريدة ولاأنسى قبل كل شيء أن أسأل الله العلي القدير أن يشفي مرضانا ومرضى المسلمين وأن يلبس الجميع لباس الصحه والعافيه

فماذكرت أخي العزيز ليس دليل على سوء الكادر الطبي بهذا المستشفى ويجب عليك ان تشكر الاخ على انه انهى ماطلبت فيمكن ان يكون عند الموظف ظرف طارىء لايمكن حضوره بنفس الساعه التي حضرت انت ومع ذلك طلب من الهندي وهو عامل وضع تحت ادارة المستشفى وقام بالتوقيع والتختيم لك حتى متقعد تحتريه والا ترى سهله عند اي موظف يقول لك تعال بعد اسبوع ولكن من أمانة تلك الشخص أنه أنهى اجراءاتك وهو لم يحضر حتى ميعطلك


فالواجب عليك أخي العزيز تشكر الموظف وتشكر جميع العاملين بالمستشفى المركزي لأنهم يعملون بأمانة العمل
فالأداريين والممرضين والممرضات والأطباء مجتهدين ويحرصون على مرضاهم ومراجعيهم حرص لن تجده بأغلب المستشفيات

وأتمنى أخي العزيز أنك فقط توجه أسأله لمن حولك للمراجعين للمستشفى المركزي والمستشفيات الأخرى ببريدة بدون تحديد ستجد الكثير من مراجعي المستشفيات الآخرى يدلون بملاحظاتهم ومراجعي المستشفى المركزي سيكتفون بالدعاء لجميع موظفي المستشفى المركزي ببريده

وذلك يدل على المتابعه المستمره من إدارة المستشفى

إدارة مستشفى بريدة المركزي وجمع العاملين

نقدر لكم مجهوداتكم

اخي العزيز >>>>>>>>>>>>>>>>>>>>> تقبل مروري

[أبودخيل]

زين صفت على أوراق وتكميل معاملة ..

الله يعينك ..

[فـارس]

مو بس ببريدة

في اكثر الدوائر الحكومية

من امن العقوبة اساء الادب

[الحاجب]

احياناً ابوالهنود يخدمك ويلبي طلبك لوكان الموظف السعودي موجود مادري وش السالفه ....؟

[دهام بريدة]

الشكوى لله !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!

[بـــ sunـــــريدة]

مو هندي ترا كل العماله اللي بالمستشفى بنقاليه


وبالنسبه لرد فهد 2001 أنا ما أدري وش يتكلم عنه اللي يشوفه يقول يتكلم عن مستشفى دله أو الحبيب بالرياض يا عمي طير ولا تقعد تتكلم عن مستشفى بريدة وتمدحه لأني أول مرهـ اشوف مستشفى الفيران يأكلن أكل المريض قبل يحط أيدهـ عليه تخيل مستشفى تحط صمغ فأر وتقعد ربع ساعه وتصيد مائة فأرهـ غير الكادر الطبي التعبان وغير الواسطه فيه وغير سوء النظافه والأخطاء الطبيه وجميع العاملين دآخل المستشفى يشهدون بالشي هذآ وعلى فكرة اللي يروح لمستشفى بريدة المركزي يأخذ حذرهـ ولا يروح الإ هو يعرف أحد علشان يعلمه مين الطبيب الكويس واللي عندهـ خبرهـ طبعا بعد ما مات ناس على يدهـ صار عندهـ خبرهـ واللي مو مصدق يسأل عن الموظف الحربي موظف الصيدليه اللي دخلت فيه جرثومه من المستشفى لأن فيه عدوى ولا فيه تعقيم كويس وأضربوهـ أبرهـ وعقبها دخل غيبوبه وتوفى الله يرحمه كان من أحسن الموظفين الحربي وتراهـ صيدلي وكلن يعرف سالفته ...

وما دآم فيه مديرهـ الحالي واللي يحمل شهادهـ ثانويه مع معهد أدارهـ سنتين والمشكله مخلينه أستشاري ما أدري وشلون صار استشاري وهو ما يحمل الإ معهد أدارهـ وفيه دكاترهـ سعوديين مؤهلين ولا عطوهم وجه لأنه من المفروض اللي يكون مدير على مستشفى سواء مستشفى بريدة أو غيرهـ يكون دكتور علشان يتابع حالات المرضى ويعرف ليش الناس تموت بمستشفى بريدة المركزي الخايس.

وفعلا اذا كان رب البيت بالدف ضارب فشيمة أهل البيت الرقص وشهادة الزور وكلن يمدح ربعه

[بـــ sunـــــريدة]

وعلى فكرة ترا مدير المستشفى ما يحط على أدارة الأقسام الإ الناس الدلوخ اللي ما يعرفون وين الله حاطهم وشغلتهم يغطون على مدير المستشفى وأخطائه يعني اي خطاء على طول يلزقونه بأضعف وآحد علشان يفتكون من المسائله .

ولآ تزعلون الحق حق واللي يبغى يتأكد يسأل عن الفوضى اللي فيه ويسأل الموظفين هم أقرب الناس للمشاكل اللي تصير بالمستشفى بس بشرط أسألو الناس الفاهمه لا تسألون الدلوخ زي فهد 2001 اللي جاي يدافع عن مستشفى تقل من مستشفيات بنقلآديش من سوء الأدارهـ اللي فيه بس أدعو ربكم أن مدير المستشفى يتغير أذا خلصوا المباني الجديدهـ ويحطون دكتور سعودي ومن ديرتنا علشان يأدي الأمانه على أكمل وجه ولا يموتون المرآجعين فيه واذا صار فيه أخطاء طبيه على طول يتم فصل المتسببين مو زي المدير الحالي اذا صار فيه أخطاء طبيه من الدكاترهـ يغطي عليهم علشان ما يفضحونه باللي يصير دآخل المستشفى .

والله على ما أقول شهيد .


لكم الله يا أهل بريدة والله يصلح حالنا ويبعد عنا الحراميه واللي ينهبون من ميزانية الدولة عن طريق الشركات المتعاقدهـ

[بـــ sunـــــريدة]

يرفع للقمة مع مواضيع باقي المستشفيات الزباله

[حميد الحميد]

الصراحه غبي ؟؟ انكان فحصت بالبكيريه احسن