[j l j-8-Jl]

شيء خلا راسي كبر برج بريدة ابي رايكم به ؟ !


مرة من المرات أدركتني صلاة المغرب و أنا رايح لمشوار و في الطريق وقفت عند مسجد ما على الطريق دخلت المسجد و أنا داخل أقيمت الصلاة استوينا و اعتدلنا على قول الإمام ثم كبر و شرع في قراءة الفاتحة , صوت المكرفون مرفوع للآخر و الصدى يادافع البلاء مع العلم أن الصف ما اكتمل بصراحة راسي بدا ينتفخ و ينتفخ إلى ما قالوا الجماعة آميين , خف وجع راسي لكن إمامنا شرع في القراءة و أحس إنه ها المرة يبي ينصح بالتفنن بالقراءة ؛ لأني تهايقت عليه وشفته وهو يقرب لم اللاقطة و بعد قربها زود لمه , بصراحة أحس إن صلاتي ممن لفت و رميت في وجه صاحبها و إن شاء الله إنها بذمة ذاك الإمام .
راحت صلاتي هواجيس في شخصية ذاك الإمام , ووشي أفكاره وهو يقرأ ( مية بالمية إنه وهو يقرأ في باله إن الجماعة مبسوطين و خاشعين من جمال صوته قصدي من فنه في ضبط وزنية الصدأ ) حتى إني كثرت الحركة على شان أعصب راسي اللي غدا كبر برج بريدة من الوجع وبعد بديت أطلع الجوال و أناظر روحي و أترحم على نفسي و الإمام ملعلع و المسجد يهز , يا الله إن الشكوى لك هذي الركعة الأولى يعني باقي ثانية .

بصراحة راسي إنفغى ذاك اليوم , وصلاتي راحت هواجيس .
وزارة الأوقاف تتفرج

يا قوم عاد وش رايكم بالمكرفون بالمسجد بدون حاجة ؟

وبعد وش رايكم بمثل ذا الإمام ؟

[الكونتيسه]

اقتباس المشاركة الأساسية كتبها j l j-8-Jl شيء خلا راسي كبر برج بريدة ابي رايكم به ؟ ! يا قوم عاد وش رايكم بالمكرفون بالمسجد بدون حاجة ؟ وبعد وش رايكم بمثل ذا الإمام ؟

اولا مشكور اخوي على المشاركه
وثانيا والله انا اشوف انه عين الصواب المكرفون يكون بالمسجد
واتمنى مسجد حينايصلي في المكرفون علشان نشعر بروحنية الصلاة
ومااقول الاالله يرحم الزمن اللي فات اللي كان يسمع فيه صوت الاذان والاقامه والصلاة وانت داخل بيتك
امافي الوقت الحاضر زين لوسمعناالاذان ماتقول الافي بلد غيراسلامي الصلاة الدس والخفيه
ومعلش للاطاله
وتقبل مروري

[صريح العباره]

والله ما ألومك المكرفون أحيانا يضيع الخشوع على المصلين

[اكستراextra]

أوافقك الرأي في بعض المساجد الصوت عالي والصدى يتردد

وبهذا لا تستطيع الخشوع ولا حتى الراحة أثناء الصلاة

[dallll3]

اقتباس المشاركة الأساسية كتبها خوية مستربن اولا مشكور اخوي على المشاركه وثانيا والله انا اشوف انه عين الصواب المكرفون يكون بالمسجد واتمنى مسجد حينايصلي في المكرفون علشان نشعر بروحنية الصلاة ومااقول الاالله يرحم الزمن اللي فات اللي كان يسمع فيه صوت الاذان والاقامه والصلاة وانت داخل بيتك امافي الوقت الحاضر زين لوسمعناالاذان ماتقول الافي بلد غيراسلامي الصلاة الدس والخفيه ومعلش للاطاله وتقبل مروري

و الله معك حق .. كان الي ينأخر عن الصلاة او يتكاسل عن المسجد يخجل لأن صوت الصلاة مالي الدنيا و هو قاعد عنها الان بالكاد نسمع صوت المؤذن و إقامة الصلاة .. لكن الخير دايم ان شاء الله في البلد للأبد .. على كل حال اعتقد الاخ كاتب المقال الاصلي .. ما في شيء يمنع انك تنصح الامام بتخفيف صوت الميكرفون او تعديله و ان شاء الله ائمتنا فيهم الخير و يستمعون للنصح

[بـــ sunـــــريدة]

الله يهدي بعض الأئمة بصرآحه زي ما قلت أنا بعض الأحيان أقول ليش
ما يسكر المايكروفون كله وخاصة المساجد الصغيره المزخرفه باللوك
الجديد ويفكنا ونأدي الصلاة بخشوع .

والله بعض الأحيان اذا صادفت موقف زي موقفك أذا طلعت من المسجد
أهوجس أقول بكرى شكلي بروح للخبوب أدور على مسجد فيه شايب
علشان الواحد يخشع ويتذكر شيبان أول بدون صداء وخرابيط مايكرفون عادي .

ونفتقد لصوت الآذان والأقامة بصرآحه دآخل الأحياء .

شكرا لموضوعك بالصميم .

[بدر بن عبدالله]

السلام عليكم:

مسجدنا نفس الحالة الميكرفون يفقع الأذن وتقول بنفسك متى يركع الإمام، وأحياناً أدخل المسجد وأروح للجهة
الثانية علشان السماعة من الجهة الثانية خربانة فإذا رحت للجهة الثانية إني أرتاح بالصلاة يكون صوت الإمام
خفيف وواضح.
الله يهدي المسلمين أجمعين، اللهم آمين.
والسلام خير ختام.