[أبورائـــــــــد]

ياحبيبي تسد شفت حواااار على باب دورة مياه تكرمون ..
أول شئ واحد كاتبن عن العراق والشيشان واحوال الأمة ..
همن جاي واحد بعده وكتب تحته تفنيد لآراء الرجل الطيب بتاع العراق ..
همن جاء ثالث ورد عليهم كلهم ( كان وسطي بالمناسبة )
وردود وحماس ولعلعة واقتباس ، الاقتباس يقول : أنت يالي تقول " تسذا وتسذا وتسذا " }
هاااع

تنسيم ياشيخ ..
تمنيت هاك النوبه ان معي قلم أحمر ..
أبحط خط تحت ، همن ابكتب تحته [ الموضوع مغلق لأسباب أمنية وسياسية ]
المسؤول عن تنظيف الحمامات : عبالرزاق ظافر ..

[داهية العرب]

اقتباس المسؤول عن تنظيف الحمامات : عبالرزاق ظافر

اشوا انه ما معك عشان ما تكتب اسم الله بدورة المياه

[اخو دريحم]

في دورات مياة مسجد الحميدي شرق سوق الخضار

شاب يكتب ويسب الجاليه المصريه

والمصري يسب السعوديين وطالت المسئلة

الى جميع دورات المياة من هذه السوالف

ثم عليك ان تتنقل لمتابع مواضيعهم

[اخو دريحم]

شف النذاله وين وصلت

[أبو جـــهـــاد]

موضوع طااااازج

حول شخاميط الجدران بسواليف كشكوليه {{{ سواليف كشكوليه غيييير }}}

سير ولا تحرص

http://www.buraydahcity.net/vb/showthread.php?t=124288

.

[أبو جـــهـــاد]

.

دعاااااااايااااات

.

[المستشار]

اقتباس المشاركة الأساسية كتبها داهية العرب ريان يلعب والناس تتعب

أي و الله صدقت يا ألبي ..
ريان يتعب و الناس تلعب

[المستشار]

اقتباس المشاركة الأساسية كتبها ღ♥ღجــــوديღ♥ღ ....(الكــــــتابة علــى الجــدران مظهـــر غيــر حضـــاري) .... ... هكــذا تعلمـــنا وسنـُـعلمُ من يأتي بـــعدنا .... .... هــذه صور تحكي هــذه الظــاهرة ....

كلام جميل ، الكتابة على الجدران مظهر غير حضاري . .
لكن نحتاج وقت لجعله واقع عملي بدلا ً من كونه عبارة رنانة فارغة جوفاء ..

[المستشار]

اقتباس المشاركة الأساسية كتبها الصباخ طارق يلعب والناس تتعب. تخيّل أشوف هالعبارة هذي مكتوبة على أحد الجدارن! طبعاً المقصود أنت . شف ياحبيبي ظاهرة الكتابة على الجدارن ظاهرة غير حضارية ، أنا بصراحة أقترح على الأمانة إنهم يحطون جدران خاصة للكتابة عليها. مثل ما صار بجدة، كانت الأمانة هناك تعاني من مجموعة بس ترسم على الجدران، وترسم بشكل احترافي جداً، مسكوهم وقالوا لهم نبي نحط لكم جدران وارسموا لنا عليهن ، ونبي نعطيكم قروش بعد . وانتهت المشكلة مع هالمجموعة بهالحل. برأيك ماهو الحل المناسب للتعامل مع مثل هذه الحالات؟

و الله الحلول كثيرة جدا ً لكن من أبرز الحلول هو الي تفضلت به يا أبو ريم ..
فكرة الجدار المخصص للشخاميط ساهم في حل المشكلة ، و هذه الفكرة رأيتها مطبقة في مدينة يبنع الصناعية و بالتحديد بالقرب من الشاطئ كانت فكرة حلوة جدا ً ..

[المستشار]

اقتباس المشاركة الأساسية كتبها مدحت شوقي بريده هلا بالبي ابو محمد .. انا قبل كم يوم ماسكن طريق الطايف .. ووقفت بإستراحة بظلم ابآخذ لي غفوة ساعتين .. من عناء المسير .. وش رآيك عاااد بعناء المسير .. ماتصلح اسم فلم لمحمد اليحيي .. مالكم بالطويلة يالبي .. انا انبطحت على السرير ايقالي ابنام .. وأمسك الجدار قطوعة .. الهيلا عز القبايل .. رح وراك يالروقي .. احبك كثر ماتنبض عروقي .. ياجمهور النيفيا يابزارين الزعيق .. انت يالحالمي ياحمار جحا .. وأنا اقراء بنهم .. الا واسمع الباب يطق .. يالله سديق خلاص اثنين ساعة ..

ههههههههههههههه
نومة هانئة ..
أءءء أقصد قراءة ماتعة ..

[المستشار]

اقتباس المشاركة الأساسية كتبها المنخرش الحين موضوعك عن كلامه بريدة لن تموت ياوزارة النقل؟ لماذا كتب هذه العبارة ياترى؟

ما أدري

[المستشار]

اقتباس المشاركة الأساسية كتبها الدعساوي608 فعلا ظاهرة غير حضارية ومثل ماقال ابوريم ايضا يبدوا انه في قطر او احد الدول الخليجية وضع جدار خاص للكتابة وقيل انه تحولت الكتابة على الجدران تحول جذريا بديل مناسب لكن يبدو عليه بعض الصعوبات واحسن شي قريته بالكتابة على الجدار هو ومامن كاتب الا سيفنى.............. ويبقو الدهر ماكتبت يداه فلاتكتب بكفك غير شيء............يسرك بالقيامة ان تراه يأمرون الناس بالمعروف وينسون انفسهم حتى الجدران صارت وسيلة للامر بالمعروف.... يمكن على حسن الظن

فعلا ً ..
أنا مرة لقيت مكتوب في أحد دوراة المياه ..
( الكتابة على الجدران مظهر غير حضاري الرجاء عدم الكتابة على الجدران ) ..
شللللللللق .. عاد

[الحادي 82]

أبو رائد قصك تونس من الوناسة

أذكر شفت صورة جدار قديم راعيه جدد بويته عاد واحد كاتب على الجدار :" مبروك البوية الجديدة " عاد وش رايك بذا .

بالنسبة لفكرة حائط الذكريات أتوقع أن يساهم في تخفيف وتحجيم هذه الظاهره وممكن تستغل استغلال جيد مثل أفضل توقيع أفضل عبارة أفضل مثل أفضل خط وهلم جرى