[abo suliman]

والله يا أنا طحت بالساحة المفتوحة عرض ..

ماتبادل يالمسفهل .. رح أمسك سواليف كشكولية وانا أمسك ذا ..

خلفاتهم أنتم ..


,.

صراحة مواضيع تتحشرج بصدري من أول العطلة .. لكن مالقيت الوقت الكافي . لإثراء تلك الهواجس ونثرها على هذه الورقات الخضر ..

فهاكم هاجسي .. أعجب من أ ُعجب .. وماوقفت على اللي ماجاز لوهـ

طيب ياحبيبين ..

,


كم مرة سمعتوا اللي بين القوسين هذا ( الصيفية هدية .. بالبرامج غنية )

من قوة أن أذني حفظته .. صح يقولون لاصكيت جخورت أذانك بأصابعك .. تسمع أنهار الجنة ..

أنا لاصكيتهن .. أسمع ( الصيفية هدية .. بالبرامج غنية )

..

قسم بالله . شعار مهبول . وأنفسلوجي مهوب معقول .

لكن .. الواقع يشهد .. أو لا ... هذا هو محور الحديث ..


,

كم مرة تجي للبيت .. من ضغط عمل .

أو ظغط دراسة ( للي آخذين صيفي هاهاهاها يدرسون بالعطلة ياحولي )

أو من ظغط الشمس الذهبية ..

المهم أنه مظغوط .. قوووووهـ مهما كانت الأسباب والظغط واحد ُ ُ

.

يجيك ويتكي بالبيت .. سوائاً المجد بالصالة أو بأحد الغرف .. ماعلينا. .

يبدأ يفتح ( بااااااااقة ) قنوات المجد .

أهه هاذي الأولى .. أبو دخيني متكي لك ببرنامج ( جلسة ) وجايبن لك ( السديري ) حق الدعوة والأوقاف .. والله يطوطون وماتدري وش يقولون ..

تقول غدي المجد الإخبارية به شي .. وتنغزهـ ..
( أسعار العملات ) ههههههههههههه وين أولاهـ يحسبون كل الخلق موظفين بأرامكو >>> ماله دخل أرامكو بس مشي الحال

همن تنقز للوثائقية .. وأثر به .. ملفات هتلر ..
حفظناهن حفظ .. ( أيها الجيل الواعد . ياشبيبة هتلر العظيم ) خرط فاضي هو وشنبه اللي تقل جلاكسي من الحجم الصغير

ثمن تروح ( الطبيعية ) .. وتلقاً برنامج عالم المحيطات .. الله الله .. والله ياهو برنامج قوي ..
دم . دم ..

ثمن تذهب إلى الأطفال ( ) .. وتلقا ماهي نور وعفروت . بفزورة حلوة وقميلة

همن تقول غدي ( بسمة ) به شين زين .. همن تشاهد . نطوطي أرنوبي وهو يلحق بسوسي هروهري .

ثمن تروح .. للزبدة وأزين قناة ..

ووووووووووك بس .. والله ماتسوا فرحت الخلق ( بالصيفية )

وش قال قال .. بالبرامج غنية .. وين أولاه ..

عايدين لي برنامج ( شعبيات ) ههههههههههههه قبل سنتين أو ثلاث ..

ألو . ألو . من معي .. ( ياحيا الله أهل الإمارات كلهم .. ونعم بهم كلهم .. ) ( أهلنا أهلنا أهل الإمارات ) . ( وش خليت وش خليت )

أختاري رقم . يابنت مرزوق . .. وتقل يورونه الرقم .. وتحت الواحد .


إإإإإإإإإيه ..

ولا يعيدون لك . ( أوراق أدبية ) .. حاطين كرسيين بإستراحة ( الرومانسية )

وقايلين للبنقالي .. رح من ورا الجدار وشغل لي الماء .. وخله تقل شلال .

وأستمتع .. مع هذه الأوراق الأدبية ... ولا وشغل عدل مدل ..

يحطون عصير منقا . ولا عصير كيوي لو يشربه الضيف . مايردهـ غير مستشفى الطب البديل .

,

صراحة ونعود لـ ( ( الصيفية هدية .. بالبرامج غنية )) ..

المجد على عيني وراسي .. لكن يحطون هالشعار وما أدري إيش .. وأخرته برامج معيودهـ . ومسابقات .. أنا ودي أدري وشلوه تعاد مسابقة له ثلاث سنين ..

لكن لله المشتكى ..


( من خابرن لي .. شوتايم مستعمل )

[:: رويــال ::]

اقتباس ( من خابرن لي .. شوتايم مستعمل )

خابرن لك دريم بوكس

[مستكة]

ألأســتاز الخلفهم الجني العبد ,,

أعلمك إنك نخجرت وحبرشت ونتشت جرحا يابسً وغائرا ً ,,
خلهم يعيدون
و خلهم يحطون أشين برامج بالسعودية ,,

بس لايحطون مـلفـات هتلر
والله يا إنه يجين مغص
وإكتئـاب وقشعريرة

خاصتن لا شفت هتلر وافقن قدام الجيش ويلج ,,

أنت شفت شنبه شكل الحلاق اللي محددن شنبه يشتغل سباك موب حلاق

وبعدين نسيت برنامج وتلك الأيـام

[BLINK]فاصل[/BLINK]=====================================


في مثل هذا اليوم ..
من الخامس عشر يناير إقتحم الأنجليز بلاد ....

وسقطت في مثل هذا اليوم من حيرزان آباد ,,

السفينة السوفتيه التي كانت تقل على متنها عدد من براميل النفط الخام .....................

إمبوووووووو
<<==== هذا صوت المدفع

وترى كل جماهير المجد منسدحين قدام الشاشة لعيون الشريط موب للبرامج

والله يالشريط يبليه موضوع كامل
لكي نتحدث عن تلك المشكلة العويصة

<<== وش رايك بعويصة

عاد تصدق راودتني نفسي

إني أحوف خلطه تطول الشعر وتمنع من التساقط

بس قلت مايجوز أخاف أستاثم بهالبنات اللي منب قايل رقلات

<<=== إقاله ماقال

أي خلطه تجي بالشريط قامت وزينته .....

بمان الله ياخلفهم ..

[أم رائد ورامي]

الصيفية هي في الاصل قناة للاعادات والبرنامج الى ماترغبة تلقي الكثير ينتظرونه

واللي تمله تلقي فيه احد ماشافة

يعني اضافة جيدة على القناة

.........

[أبو الوليد الخالدي]

المجد رائعَةٌ لكِن تَحتَاجُ إلى تَجدِيدٍ كَـامِلٍ شَامِلٍ.

وأرَى أنّهُم أضَاعوا جُهدهُم بكَثرةِ القَنَواتِ ذَاتِ المغزَى المتشابِه ( الأطفال ، بسمة , فكّر والعب , مَجّودِ التّفاعُليَّة ) , ( الوثائقيّة , الطّبيعيّة ).

اقتباس ( وش خليت وش خليت )

[أبو جـــهـــاد]

.
.

اقتباس أهه هاذي الأولى .. أبو دخيني متكي لك ببرنامج ( جلسة ) وجايبن لك ( السديري ) حق الدعوة والأوقاف .. والله يطوطون وماتدري وش يقولون .. تقول غدي المجد الإخبارية به شي .. وتنغزهـ .. ( أسعار العملات ) ههههههههههههه وين أولاهـ يحسبون كل الخلق موظفين بأرامكو >>>

نفس الشعور
.
.

[إلى متى ؟]

اقتباس ( من خابرن لي .. شوتايم مستعمل )

كل هالموضوع علشان هالجملة ..

و إلا طول عمرك مقابل هالمجد بس ما أدري وش غيرك ..

إلا يا أبو جني ما ودك تخطي مرة ثانية بالماسنجر و تظن إني أبو رائد ..

تحياتي .,.,

[abo suliman]

اقتباس المشاركة الأساسية كتبها :: رويــال :: خابرن لك دريم بوكس

أبو بوقس واي كف ..

خلاص كلمت عرب سات ويقولون أنهم بالطريق إلى البيت .

يالله بعد إذنك أبفتح لهم ..

[abo suliman]

اقتباس المشاركة الأساسية كتبها مستكة ألأســتاز الخلفهم الجني العبد ,, أعلمك إنك نخجرت وحبرشت ونتشت جرحا يابسً وغائرا ً ,, خلهم يعيدون و خلهم يحطون أشين برامج بالسعودية ,, بس لايحطون مـلفـات هتلر والله يا إنه يجين مغص وإكتئـاب وقشعريرة خاصتن لا شفت هتلر وافقن قدام الجيش ويلج ,, أنت شفت شنبه شكل الحلاق اللي محددن شنبه يشتغل سباك موب حلاق وبعدين نسيت برنامج وتلك الأيـام [blink]فاصل[/blink]===================================== في مثل هذا اليوم .. من الخامس عشر يناير إقتحم الأنجليز بلاد .... وسقطت في مثل هذا اليوم من حيرزان آباد ,, السفينة السوفتيه التي كانت تقل على متنها عدد من براميل النفط الخام ..................... إمبوووووووو <<==== هذا صوت المدفع وترى كل جماهير المجد منسدحين قدام الشاشة لعيون الشريط موب للبرامج والله يالشريط يبليه موضوع كامل لكي نتحدث عن تلك المشكلة العويصة <<== وش رايك بعويصة عاد تصدق راودتني نفسي إني أحوف خلطه تطول الشعر وتمنع من التساقط بس قلت مايجوز أخاف أستاثم بهالبنات اللي منب قايل رقلات <<=== إقاله ماقال أي خلطه تجي بالشريط قامت وزينته ..... بمان الله ياخلفهم ..

هههههههههههههههههههههههههه

هلا بحبيب القلب , مستكة

الله يضحتس لثك السودا ,, قايلن لك أترك التتن . بس ماش ..

أما الشريط ههههههههههه أولا لو بريدة ستي يحط شريط

تسن تشوف أبو مهند .. طاقن لكل مشرف لكزز ..

هالبنات مخفات الله يخلف عليهن .. مهوب كلهن .. ووأكد على النص الأخير ..


مستكه .. وجودك له نكهته >>>> يقاله المهيدب

[abo suliman]

اقتباس المشاركة الأساسية كتبها ام خيال الصيفية هي في الاصل قناة للاعادات والبرنامج الى ماترغبة تلقي الكثير ينتظرونه واللي تمله تلقي فيه احد ماشافة يعني اضافة جيدة على القناة .........

حياتس الله أختي ..
وصدقتي بكل حرف قلتيه .. والمجد علي عيني وراسي ..

لكن بعض البرامج . الكل يتفق على ( بياختها ) بمصطح الصباخي .

برنامج مسابقات .. لو يعاد من غد . القليل يتابعه ..

فما بالك . بعد ثلاث سنوات ..

وهناك برامج .. وش أقول بس والله لو يحطونه براديو دال تسان أصرف ..



وحياتس الله

[abo suliman]

اقتباس المشاركة الأساسية كتبها ابو الوليد الخالدي المجد رائعَةٌ لكِن تَحتَاجُ إلى تَجدِيدٍ كَـامِلٍ شَامِلٍ. وأرَى أنّهُم أضَاعوا جُهدهُم بكَثرةِ القَنَواتِ ذَاتِ المغزَى المتشابِه ( الأطفال ، بسمة , فكّر والعب , مَجّودِ التّفاعُليَّة ) , ( الوثائقيّة , الطّبيعيّة ).

يالله يالله ...

سبحان من سخر القلم لك ..وجعله حصاناً طراوديا .. تقوده كما يقود الخباز عجينته ..

مية على مية ... جبت اللي مادون مقالي وما وراه .

هاذي النقطة اللي أبصله ...

لو يجمعون كل برامجهم الزينة ويحطونه بقناة وحدهـ .. أوف على أوف .

أحسن شي ..

شكريات حبيبي ..

[abo suliman]

اقتباس المشاركة الأساسية كتبها أبو جـــهـــاد . . نفس الشعور . .

حياك الله أنت وشعورك .

شرفتنا

[abo suliman]

اقتباس المشاركة الأساسية كتبها إلى متى ؟ كل هالموضوع علشان هالجملة .. و إلا طول عمرك مقابل هالمجد بس ما أدري وش غيرك .. إلا يا أبو جني ما ودك تخطي مرة ثانية بالماسنجر و تظن إني أبو رائد .. تحياتي .,.,

هههههههههههههههههههههههه

حياك الله يالنشبة . حياك

يارجال وش نزين لافضيت مالك إلا المجد ..

والله يعين وييسر ..


ماينسى أبن الأيه .

[سامي بريدة]

إييه ...... بس ولو .
يالعبد الجني