[فخر القصيم]

اقتباس المشاركة الأساسية كتبها مشاهدة فقط [align=center] بس الله يخليكم اللي عنده تجربه يقولها لاني احترق بداخلي ما ادري متى يطلع مني شي واشكر الجميع[/align]

هذا طلبك وصل

اقتباس المشاركة الأساسية كتبها أرين ياعمري أنت والله حاااااااااااسه بموقفك وفي يوم من الأيام كنت أعيش بنفس موقفك لكن الفرق أنت شفتي رسالة وأنا شفت العقد لكن كتمت الموضوع حتى أختي اللي أقوله كل شي كتمت الخبر عنه ولا كأن شي صاير صحيح إني كنت أتألم لكن كل شيء لعيون أمي وراحته يهون وحتى الآن ما فيه أحد يدري مع إن خبر الزواج انتشر خوذيها نصيحة من مجرب لا تبلغين أمك مهما صار و لا تصارحين أبوك أبد لأن الرجل يكره اللي يطلع على خصوصياته ولأنه ممكن يكون مو متزوج فتحرجين نفسك قدامه ولأنه ممكن يكون متزوج فيقسم بينكم فخليكم كذا أحلا وصدقيني سكوتك أفضل لأنه لو حصل لأمك شي وأنت السبب بكونك تبلغينه أو تصارحين أبوك فيوصل الخبر لأمك راح تندمييييين هذا رأيي والله يكون بعونكم

[مدحت شوقي بريده]

اختي الكريمة ..
لاعليكي لاعليكي .. لن تراعي ولن تراعي .. ياهالمطفوقة ..
إن هيا الا جعجة بدون طحن ..


لو الوالد معرس ومايبي احد يعرف .. ويستقبل من الزوجة الثانية رسائل ..
ماجدع الجوااااااااال بين ايديك ..
اللي يعرس بالخفاء .. يكون حريص بالحيل .. ومستحيل يخليه ترسل او تدق عليه ..
يبي يقوله لاتدقين علي ولاترسلين .. لإن الجوال بتلة بيد بنتي منيرة الملقوفة ..



يعني لو لقيتي الرسالة مكتوبن به ..
حديد اسمنت افياش رمل ابيض ..
كان تدحدرين لأختس وتقولين له ابوي يبني لنا فله ..
اركدي اركدي .. بورك لأمتي في بكورها .. <<((== يارب ان ماله دخل ..

بعدين تخيلي يصير ابوتس ماأعرس .. وش موقفتس هاك الساعة ..
وانتي جامعتن امتس وخواتس .. وتصايحن عنده ..

اكيد يبي يقول من اللي قايلكم .. همن يقولون منيرة .. علشان يقوم يدبجتس ويطحلتس تطحيل ..



انا اقول ابوك ماأعرس .. وعندي يقين ..

ترى اللي يعرس ثانية .. يبين عليه ..


تلقينه بالأخير يهتم بنفسه .. يحدد الشنب ويظبط السكسوكة ..
مايطلع الا كااااااااااشخ .. ويتعطر .. ويبلس كنادر بيض ..

غير منولاللي تقعد زوجته الأولى تلاااااحقة بالليفة ..
تكفى ادخل اسبح ترى لك سادس يوم ماسبحت ..
وهالثوب من يوم عرس فطيمة تراك ماغيرته ..
دوك من ورى جالسن على تمرة .. ومخباتك كله حبر ..

والنعال زبيريات متسحلات ..


لاتستعجلين ولاتصيرين مطفوقة .. اصبري وصابري يالمطيورة ..


سي يو ..